Şeyhülislâm Yahyâ beyitleri, sayfa 2

Şeyhülislâm Yahyâ beyitleri, sayfa 2 / 3.

• Cânı kullâb-ı ser-i zülfün çeker senden yana

  Gûşe-i çeşmin ne var olsa eğer benden yana

  Şeyhülislâm Yahyâ · Divan

• Uyurken öpmek olurdu seni ey gonce-leb ammâ

  Elim varmaz bir gül koparmağa bu gül-şenden

  Şeyhülislâm Yahyâ · Divan

• Ey zülf-i ham-ender-ham-ı kullâb-ı muhabbet

  Hep sana çekildi dil-i erbâb-ı muhabbet

  Şeyhülislâm Yahyâ · Divan

• Bülbül şetâreti gül-i handân güldürür

  Taklîd-i zâğ kebk-i hırâmânı güldürür

  Şeyhülislâm Yahyâ · Divan

• Varsam gam-ı hattınla çemen-zâra görünür

  Her tâze benefşe bana mânend-i kej-düm

  Şeyhülislâm Yahyâ · Divan

• Gece pervânelerle bezmi germâ-germ idi şem‘in

  Seher bakdım ne şem‘-i meclis-ârâ var ne pervâne

  Şeyhülislâm Yahyâ · Divan

• Sûzen-i dil-dûz-ı gamzen geçti câna gerçi kim

  Geçmedi cân riştesi ol sûzen-i dil-dûzdan

  Şeyhülislâm Yahyâ · Divan

• Sadr-ı mey-hânede nâ-dân otura var mı cevâb

  Sorsak ey pîr-i mugân vechini küstâh-âne

  Şeyhülislâm Yahyâ · Divan

• Aşk bârını götürmezken zemîn ü âsumân

  Avn-i Hak bir nâ-tüvâna onu âsân eyledi

  Şeyhülislâm Yahyâ · Divan

• Cemâlin mushafında sürh-i la‘lin vakf-ı âyettir

  Bu râzı vâkıf-ı esrâr-ı Kur’ân olmayan bilmez

  Şeyhülislâm Yahyâ · Divan

• Kâkül-i yâr iledir kârı dil-i şeydânın

  Rîsmânın kurar üstâd-ı resen-bâz bülend

  Şeyhülislâm Yahyâ · Divan

• Cem‘ edip bir nice hâşâk ile birkaç mürgü

  Hâsılı muntazır-ı makdem-i mihmân idi Kays

  Şeyhülislâm Yahyâ · Divan

• Ber-karâr olmadığım ayb etme kim deryâ gibi

  Geh hamûş u gâh pür-cûş olmayan bilmez beni

  Şeyhülislâm Yahyâ · Divan

• O neşve kim bana dürdî-i derd-i aşk verir

  Şarâb-ı sâfî mey-i hôş-güvârdan gelmez

  Şeyhülislâm Yahyâ · Divan

• Gözlerim merdümünün aksi yeter rûyunda

  Çok gerekmez ruh-ı mahbûbda besdir iki hâl

  Şeyhülislâm Yahyâ · Divan

• Gül defterini bâd karıştırdığı bu kim

  Vasf-ı ruhunda bir gazel-i bî-misâl arar

  Şeyhülislâm Yahyâ · Divan

• Bed-nihâd, ehl-i dili âzâra lâzım mı sebeb

  Bülbül-i şeydâya zahm urmakda var mı hâre haz

  Şeyhülislâm Yahyâ · Divan

• Zemistân faslını ol gonce mânend-i bahâr etti

  Gül-i nev-restesi mergûb olur fasl-ı zemistânın

  Şeyhülislâm Yahyâ · Divan

• Ben başlayım ol dil-ber-i tannâza niyâza

  Âşıklarına başlayıcak nâza güzeller

  Şeyhülislâm Yahyâ · Divan

• Bahâr erişse olur her şükûfe bir miftâh

  Kilîd-i işreti gül-şende kılmağa meftûh

  Şeyhülislâm Yahyâ · Divan

• Sanma tenhâ künc-i halvette dil-i bî-çâreyi

  Senden ayrı sîneden bir an gamın münfekk midir

  Şeyhülislâm Yahyâ · Divan

• Ol tezerv-i hôş-hırâmı pâk tutmuş avlamış

  Var mıdır Yahyâ gibi uşşâk içinde pâk-bâz

  Şeyhülislâm Yahyâ · Divan

• Âgâzı güzel eyledin ey bülbül-i şeydâ

  Hôş gelmedi ammâ dil-i pür-şevke karârın

  Şeyhülislâm Yahyâ · Divan

• Perîşân-ı hazân olmaz gül-i ra‘nâları solmaz

  Ne bağın nahlidir ayâ nihâl-i tâze-perverdin

  Şeyhülislâm Yahyâ · Divan

• Feleklerde meleklerde semâ‘ etmez mi kalmıştır

  Aceb âvâze saldı nây-ı Mevlânâ bu nüh tâka

  Şeyhülislâm Yahyâ · Divan

• Lâle dâg-ı siyehin saklayamaz bir hafta

  Âşık elbette eder sûz-ı derûnun izhâr

  Şeyhülislâm Yahyâ · Divan

• Ne âlemdir ne hazzdır bir müferrah cây-ı hurremdir

  Muvâfık bir iki yârân ile ayş u safâ etmek

  Şeyhülislâm Yahyâ · Divan

• Taayyünden halâs eyler bu bâğın hem-demi Yahyâ

  Habâb-ı sâgar-ı sahbâ gibi mahv-ı rüsûm eyler

  Şeyhülislâm Yahyâ · Divan

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Teşrîf etti nazmını ol şeh kabûl ile

  Yahyâ-yı müstmende inâyet ne boy görün

  Şeyhülislâm Yahyâ · Divan

• Söylen tabîbe yok yere arz-ı devâ eder

  Bîmâr-ı derd-i aşk kabûl eylemez ilâc

  Şeyhülislâm Yahyâ · Divan

• Ârzû eylerdi bir mahbûb-ı müstesnâyı dil

  Bir münâsib dil-ber-i mümtâz buldum kendime

  Şeyhülislâm Yahyâ · Divan

• Vasf-ı hatt-ı yâr Yahyâ şöyle te’sîr eylemiş

  Hâme reftâr eyledikçe geldi bûy-ı müşg-i nâb

  Şeyhülislâm Yahyâ · Divan

• Sana tûmâr-ı dil ü cânı sunarsam ne ola kim

  Pâdişâh olana elbette sunarlar kâğaz

  Şeyhülislâm Yahyâ · Divan

• Dil sâfdır kederden ammâ güler yüz ister

  Hûb olmayana neyler âyîne-i mücellâ

  Şeyhülislâm Yahyâ · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Bir lâciverdî kâsede her subh mihr altın ezer

  Vasf-ı cemâlin yazmağa cânâ gerektir hall-i zer

  Şeyhülislâm Yahyâ · Divan

• Gül-i ra‘nâ figân-ı bülbül-i şeydâyı gûş etmez

  Hezârân nâle vü feryâd eder Yahyâ müfîd olmaz

  Şeyhülislâm Yahyâ · Divan

• Herkese nutk-ı revân-bahş verilmez Yahyâ

  Himmet-i Hızr gerek kim buluna Âb-ı Hayât

  Şeyhülislâm Yahyâ · Divan

• Kaldı nukûd-ı eşk-i ruh-ı zerd geçmeden

  Gitti revâcı dirhem ü dînârı bozdular

  Şeyhülislâm Yahyâ · Divan

• Miyân-ı lücce-i gamda geçirdik eyyâmı

  Necât ümîdine düşsek kenâr yaklaşsa

  Şeyhülislâm Yahyâ · Divan

• Her kişi nakd-i cânını âmâde eylesin

  Yârân-ı aşk sohbetimiz ârif-ânedir

  Şeyhülislâm Yahyâ · Divan

• Silk-i belâgat üzre dürr ü güher dizersen

  Yahyâ nazîr olur mu nazm-ı cihân-sitâne

  Şeyhülislâm Yahyâ · Divan

• Cân râh-ı mahabbette bir bûy-ı safâ aldı

  Ol râyihadan buldum ben hâne-i hammârı

  Şeyhülislâm Yahyâ · Divan

• Ol şâhı âh u nâle yürütmez belâ budur

  Varır rakîb yanına ıdlâl eder yürür

  Şeyhülislâm Yahyâ · Divan

• Ne bilsin meclis-i rindânı zâhid

  O bezme her kişi olmaz murahhas

  Şeyhülislâm Yahyâ · Divan

• Gözlerim cânâ remedden bağlarım sanma beni

  Sakınır iki gözünden âşık-ı şeydâ seni

  Şeyhülislâm Yahyâ · Divan

• Sen hemân künc-i niyâzı bekle ey güncişk-i dil

  Şâh-bâzın çünkü evc-i nâzda pervâz eder

  Şeyhülislâm Yahyâ · Divan

• Sımâh-ı cânıma hâtiften erdi bu târîh

  Ola bu cisri karîn-i kabûl-i Rabb-i Vedûd

  Şeyhülislâm Yahyâ · Divan

• Aşkın oduna ey gül yanarsa cân-ı şeydâ

  Her bir avuç külünden bir bülbül ola peydâ

  Şeyhülislâm Yahyâ · Divan

• Hemân dünyâda bî-nâm ü nişân ol

  Budur dünyâda Yahyâ sana mahlas

  Şeyhülislâm Yahyâ · Divan

• Âr eder çiğnetmekten bâri muhallâ eyleriz

  Na‘l-i esbin eyleye tâ kim misâl-i rûy-mâl

  Şeyhülislâm Yahyâ · Divan

• Sabrını gâret edip aldılar eşk-i çeşmin

  Sende Yahyâ ne tecemmül ne tahammül kodular

  Şeyhülislâm Yahyâ · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Şehr-i cemâl o gamze vü ebrû vü hâl ile

  Hakka ne cây-ı dil-keş olur dil-rübâsı çok

  Şeyhülislâm Yahyâ · Divan

• Ümmîd-i hâb âşıka olmaz hayâl imiş

  Bî-çâre yâri düşte de görmek muhâl imiş

  Şeyhülislâm Yahyâ · Divan

• Yahyâ dolaşır cism-i nizârıyla cihânı

  Bir köhne hasîre dil-i dîvâne sarılmış

  Şeyhülislâm Yahyâ · Divan

• Sadr-ı mey-hânede nâ-dân otura var mı cevâb

  Sorsak ey pîr-i mugân vechini güstâh-âne

  Şeyhülislâm Yahyâ · Divan

• Gül gül etti ârız-ı hûbânı Yahyâ tâb-ı mey

  Oldu şem‘-i meclis-ârâ her taraf pertev-resân

  Şeyhülislâm Yahyâ · Divan

• Her kılı zencîr-i gam her târı bir mâr-ı elem

  Böyledir ol zülf-i pür-ham dikkat ettim mû-be-mû

  Şeyhülislâm Yahyâ · Divan

• Hani sâkiyâ ol cihân-ı safâ

  Bulunmaz mı bir câm-ı gîtî-nümâ

  Şeyhülislâm Yahyâ · Divan

• Bülbül şetâreti gül-i handânı güldürür

  Taklîd-i zâğ kebg-i hırâmânı güldürür

  Şeyhülislâm Yahyâ · Divan

• Kâr-ı dîn ısmarlanır dünyâyı bilmez gâfile

  Söze âgâz etse ammâ dîn ü dünyâdır gider

  Şeyhülislâm Yahyâ · Divan

• Geldi şitâda tahtına sultân-ı kâm-yâb

  Gûyâ takaddüm eyledi tahvîl-i âftâb

  Şeyhülislâm Yahyâ · Divan

• Sarı saman altında su yürütmede mâhir

  Hakka ki hazân faslı da kallâş-ı cihândır

  Şeyhülislâm Yahyâ · Divan

• Sen gülüp açılmada gül-şende verd-i ter gibi

  Ben gözüm yaşına gark olmakta nîlûfer gibi

  Şeyhülislâm Yahyâ · Divan

• Kan ağlamağa başladı zahm-ı dil-i Yahyâ

  Açılmadı çâk cânına kâr eylemeyince

  Şeyhülislâm Yahyâ · Divan

• Cihânda rind olur uğratmayıp âlâm-ı dünyâyı

  Muvâfık yâr ile bir kûşede def ‘-i gumûm eyler

  Şeyhülislâm Yahyâ · Divan

• Ol dil-rübâ ki bezme gele nîm mest ola

  Mânend-i cür‘a gayrilerin kadri pest ola

  Şeyhülislâm Yahyâ · Divan

• Yan âteşe pervâne-sıfat eyleme efgân

  Ey âşık-ı miskîn budur âdâb-ı muhabbet

  Şeyhülislâm Yahyâ · Divan

• Ebrû vü müjen tîğ-ı cefâ tîr-i kazâdır

  Ol kâkül-i pür-çîn ise emvâc-ı belâdır

  Şeyhülislâm Yahyâ · Divan

• Hûblar zânû-be-zânû câm-ı zerrîn der-miyân

  Bir gül-i sad-bergdir gûyâ o bezm-i dil-sitân

  Şeyhülislâm Yahyâ · Divan

• Zülf-i siyâh-ı yârda var sad hezâr çîn

  El çek dolaşmadan ona Yahyâ hatâsı çok

  Şeyhülislâm Yahyâ · Divan

• Sanma cefâlarla ben fârig olam aşktan

  Her biri bir şîve-i şevk-i füzûndur bana

  Şeyhülislâm Yahyâ · Divan

• Ko Kays kıssasını Kûh-ken hikâyetini

  Hadîs-i aşk u muhabbet değildir efsâne

  Şeyhülislâm Yahyâ · Divan

• Pervâne niçin şem‘-i şeb-ârâya dokundu

  Yok tâkati çün şu‘le-i şemşîr-zebâne

  Şeyhülislâm Yahyâ · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Bahr-i fenâda garka-i müstehlek olmuşuz

  Biz Nûh ile bün-i yem-i vahdette hem-demiz

  Şeyhülislâm Yahyâ · Divan

• Hep görenler dedi bu tarz-ı nev‘i ey Yahyâ

  Ma‘rifet nahli veriptir yine bâr-ı tâze

  Şeyhülislâm Yahyâ · Divan

• Gerçi merhemdir nigâh-ı lutfu yârin yarana

  Sanma ammâ zahm-ı tîğ-i gamze-i câdû biter

  Şeyhülislâm Yahyâ · Divan

• Bülbül şetâreti gül-i handânı güldürür

  Taklîd-i zâğ kebk-i hırâmânı güldürür

  Şeyhülislâm Yahyâ · Divan

• Yahyâ dil-i fakîri yakan eylesin hazer

  Âhı yili eserse eğer pür-şerâr eser

  Şeyhülislâm Yahyâ · Divan

• Sunar der-gâhına kim varsa bir câm-ı hayât-efzâ

  Aceb devletlüdür pîr-i mugân mebzûldür hayrı

  Şeyhülislâm Yahyâ · Divan

• Gül şikâf-ı gonceden etti nihânî bir nigâh

  Şevket ü câhın görüp kendin nümâyân eyledi

  Şeyhülislâm Yahyâ · Divan

• Behiştin kıt‘ası derdim velî reşk-i behişti olmuş

  Kudûm-ı pâdişâh ile bu nüzhet-gâh-ı bî-hemtâ

  Şeyhülislâm Yahyâ · Divan

• Leîme renciş-i hâtır verir kerem etmek

  Mukayyed olmasın erbâb-ı dille zahmet olur

  Şeyhülislâm Yahyâ · Divan

• Andelîb-i hôş-sadâ bir gül-şenî dervîştir

  Mushaf-ı gülden okur subh u mesâ evrâdını

  Şeyhülislâm Yahyâ · Divan

• Pây-bûs-ı yâre hâk olmakla mümkindir vusûl

  Pây-mâl olsun diyen Yahyâ’ya devlet-hâhıdır

  Şeyhülislâm Yahyâ · Divan

• İlâhî Hazret-i Sultân Murâd’a ömr-i sermed ver

  Musahhar ola ona tâ ebed dünyâ vü mâ-fihâ

  Şeyhülislâm Yahyâ · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Hıtâdan çîn-i târ-ı müşg-bârın sakınır gûyâ

  Hemîşe ser-be-zânûdur gönül ol zülf-i pür-hamda

  Şeyhülislâm Yahyâ · Divan

• Mecmûalarda şi‘rim arar ehl-i tab‘ olan

  Hâce gibi ki şehrde ıkd-ı leâl arar

  Şeyhülislâm Yahyâ · Divan

• Sahrâ-yı selâmet eğer olmazsa müyesser

  Kûh-sâr-ı gam u derd gibi dağlarım var

  Şeyhülislâm Yahyâ · Divan

• Aceb şâh-âne tasvîr eylemişler nakş-ı zîbânı

  Yanınca ben gedâyı haylî dervîş-âne yazmışlar

  Şeyhülislâm Yahyâ · Divan

• Bülbülün ser-mâye-i şevkın tüketti âkibet

  Rûzgâr-ı pür-cefânın cevr-i bî-endâzesi

  Şeyhülislâm Yahyâ · Divan

• Sakın pervâne bâl ü per açıp şem‘e yakîn olma

  Yanar dûşundaki ol şâl-ı kibrîtî emîn olma

  Şeyhülislâm Yahyâ · Divan

• Zemân-ı işret fevt etmek olmaz fırsat eldeyken

  Hemîşe meclis âmâde hemîşe elde câm olmaz

  Şeyhülislâm Yahyâ · Divan

• Semûm-ı herc-i yârin ehl-i aşka ettiğin etmez

  Hevâ olsa cehennem âteşi nâr-ı cahîm esse

  Şeyhülislâm Yahyâ · Divan

• Tûtiyâdan toprağın vakt ola tercîh edeler

  Rindler sâgar düzüp zühhâd tesbîh edeler

  Şeyhülislâm Yahyâ · Divan

• Hıtâdan çîn-i târ-ı müşg-bârın sakınır gûyâ

  Hemîşe ser-be-zânûdur gönül ol zülf-i pür-hamda

  Şeyhülislâm Yahyâ · Divan

• Olursa tîğ-ı firâkıyla şerha şerha tenim

  Nigâra derd-i derûnum olup-durur meşrûh

  Şeyhülislâm Yahyâ · Divan

• Tenhâ gidelim seyre demiş, emr o şâhın

  Yahyâ burada hâtır-ı yârâna bakılmaz

  Şeyhülislâm Yahyâ · Divan

• Gelir mihmân-ı gam câna şeb-i mihnet hücûm eyler

  Gönül zenbûr-veş inler ne bâl eyler ne mûm eyler

  Şeyhülislâm Yahyâ · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Gösterdi yine sâkî-i meclis Yed-i beyzâ

  Zerrîn kadehi etti elinde gül-i hamrâ

  Şeyhülislâm Yahyâ · Divan

• Bir gözü bîmârın ey Yahyâ teb-i hicrânıdır

  Pister-i gamda dil-i pür-ıztırâbı inleten

  Şeyhülislâm Yahyâ · Divan

• Sâye-i cehlinde nâ-dân dâimâ âsûde-hâl

  Cây-ı râhat bulamaz dânâ çeker renc ü ta‘ab

  Şeyhülislâm Yahyâ · Divan

• Bed-nihâd, ehl-i dili âzâra lâzım mı sebeb

  Bülbül-i şeydâya zahm urmakda var mı hâre haz

  Şeyhülislâm Yahyâ · Divan

• Vefâ tohmu ekillmez mi bu âlem kişt-zârında

  Safâlar kesb olunmaz mı ferahlar hâsıl olmaz mı

  Şeyhülislâm Yahyâ · Divan

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Ya erem kaddine Yahyâ yâhûd olam pây-mâl

  Ya terakkî ya tenezzül ikiden hâlî değil

  Şeyhülislâm Yahyâ · Divan

• Hırka vü tâc ile zâhid kerem et sıkleti ko

  Âdeme cübbe vü destâr kerâmet mi verir

  Şeyhülislâm Yahyâ · Divan

• Hatâ ile rakîbe atma lutf et hâtırım gözle

  Hadeng-i cân-sitânın eylemez çünkim hatâ cânâ

  Şeyhülislâm Yahyâ · Divan

• Dönmez olunca râh-ı hatar-nâk-ı aşktan

  Yahyâ gibi şu kimseye ki bî-vehm ü bâk olur

  Şeyhülislâm Yahyâ · Divan

• Lâleyi haylî perîşân-hâl gördüm bâğda

  Eylemiş sevdâ-yı zülfün onu muhtellü’d-dimâğ

  Şeyhülislâm Yahyâ · Divan

• Erişilmez sanırdı bâğ-bân serve bi-hamdü’llâh

  Letâfet gülsitânında yetişti nahl-i mevzûnum

  Şeyhülislâm Yahyâ · Divan

• Bir kerre gülle urmaz iken onu rûzigâr

  Mümkin mi zahm-ı hâr ola mu‘tâd-ı andelîb

  Şeyhülislâm Yahyâ · Divan

• Her gül mey-i al ile pür-peymânedir Yahyâ bu gün

  Gül devri kendin etmesin mey-hâre gönlüm neylesin

  Şeyhülislâm Yahyâ · Divan

• Vehm-i galat iştibâh-ı ma‘nâ

  Tâ kim ola kişver-i sühanda

  Şeyhülislâm Yahyâ · Divan

• Bir vech ile sarmazdı yine zülfüne cânâ

  Mikrâz-ı sitemle dil-i bî-çâre kesilmez

  Şeyhülislâm Yahyâ · Divan