şarap temalı beyitler, sayfa 2

şarap temalı beyitler, sayfa 2 / 2.

• Mürebbâ hamrı müselles diye satar zâlim

  Şarâbın üstüne hürmet biraz da hîle katar

  Nedîm · Lale

• Beni tâ şöyle harâb eyle ki sâkî dilde

  Neşve-i mey sayam endûhunu bîm-i asesin

  Nedîm · Lale

• Cevher-i sahbâ ki eyler câm-ı mînâdan zuhûr

  Rûhdur gûyâ eder ceyb-i Mesîhâ’dan zuhûr

  Nevres-i Kadîm · Lale

• Mey-hâne-i nâz olmuş o çeşm-i siyeh-i mest

  Her kûşe-i pür-fitnesi bir hâbgeh-i mest

  Nef'î · Divan

• Bir şeker handeyle bezm-i şevka câm ettin beni

  Nîm sun peymâneyi sâkî tamâm ettin beni

  Nedîm · Lale

• Hem-vâre humla hôş başı câm ile leb-be-leb

  Ümmü’l-habâis olsa ne ola duhter-i ineb

  Nedîm · Lale

• Bâdî-i zevk u safâsın gerçi nâmın bâdedir

  Cür‘anı nûş eyleyenler gussadan âzâdedir

  Nef'î · Divan

• Ne bilsin meclis-i rindânı zâhid

  O bezme her kişi olmaz murahhas

  Şeyhülislâm Yahyâ · Divan

• Lafz-ı rûşen içre ma‘nâ-yı latîfi gösterip

  Câm-ı billûru safâ-bahşa kodum sâfî şarâb

  Nef'î · Divan

• Sadr-ı mey-hânede nâ-dân otura var mı cevâb

  Sorsak ey pîr-i mugân vechini güstâh-âne

  Şeyhülislâm Yahyâ · Divan

• Gül gül etti ârız-ı hûbânı Yahyâ tâb-ı mey

  Oldu şem‘-i meclis-ârâ her taraf pertev-resân

  Şeyhülislâm Yahyâ · Divan

• Hâh sunsun bâde sâkî hâh emdirsin lebin

  Bezm-i yek-rengîde telh u şûra etmem iltifât

  Nevres-i Kadîm · Lale

• Ben o Cemşîd-i tarab-hâne-i feyzim ki müdâm

  Hüsrevânî hum ile nûş ederim sahbâyı

  Nef'î · Divan

• Her seher tâ ki döne Cem gibi câm-ı hûrşîd

  Her gece tâ kim ola bezm-i çerâgân-ı felek

  Nef'î · Divan

• Koyalım sâgarı zâhid sana hem-reng olalım

  Bize keyfiyyet-i sahbâ gibi bir hâlet bul

  Bâkî · Divan

• Hani sâkiyâ ol cihân-ı safâ

  Bulunmaz mı bir câm-ı gîtî-nümâ

  Şeyhülislâm Yahyâ · Divan

• Sâkiyâ bâdeyi sen âşık-ı cûşendeye sun

  Ehl-i dil meclisine çün mey-i cûşîde gerek

  Nedîm · Lale

• İçse bir cür‘asını bürehmen-i sad-sâle

  Bir olur seng-i mezâr ile yanında esnâm

  Nef'î · Divan

• Bir elinde gül bir elde câm geldin sâkiyâ

  Kangısın alsam gülü yâhûd ki câmı ya seni

  Nedîm · Lale

• Öyle ser-mestim ki idrâk etmezem dünyâ nedir

  Ben kimem sâkî olan kimdir mey ü sahbâ nedir

  Fuzûlî · Divan

• Bir nîm- neş’e say bu cihânın bahârını

  Bir sâgar-ı keşîdeye tut lâle-zârını

  Nedîm · Lale

• Ol dil-rübâ ki bezme gele nîm mest ola

  Mânend-i cür‘a gayrilerin kadri pest ola

  Şeyhülislâm Yahyâ · Divan

• Bir nîm-neş’e say bu cihânın bahârını

  Bir sâgar-ı keşîdeye tut lâle-zârını

  Nedîm · Lale

• Hûblar zânû-be-zânû câm-ı zerrîn der-miyân

  Bir gül-i sad-bergdir gûyâ o bezm-i dil-sitân

  Şeyhülislâm Yahyâ · Divan

• Câm-ı mey katreleri sübha-i mercân olsun

  Geliniz zerk u riyâdan edelim istiğfâr

  Bâkî · Divan

• Etse Nef ‘î ne ola ger gönlüyle dâim bezm-i hâs

  Hem kadeh hem bâde hem bir şûh sâkîdir gönül

  Nef'î · Divan

• Mestân-ı harâbâta salâdır ne dururlar

  Zühhâda tagallüb edecek dem bu zemândır

  Nef'î · Divan

• İnkâr etme sûfî şarâbın menâfi‘in

  Üstâd-ı hikmet öyle buyurmuş kitâbda

  Bâkî · Divan

• Çaldım taşa ben şîşe-i nâmûs ile nengi

  Mutrib kerem et sen dahı çal ber-bat-ı çengi

  Sâmipaşazâde Sezâi · Tanzimat

• Tâze şâh üzre açılmış gülü seyrettin ise

  Bir de gel câmı hele dest-i kadeh-kârda gör

  Nedîm · Lale

• Şöyle olmuş câm-ı aşk-ı yârdan mest ü harâb

  Kendüsün dîvârdan dîvâra urmuş âfitâb

  Bâkî · Divan

• Ayağın sakınarak basma amân sultânım

  Dökülen mey kırılan şîşe-i rindân olsun

  Nedîm · Lale

• Cihânı câm-ı nazmım şi‘r-i Bâkî gibi devr eyler

  Bu bezmin şimdi biz de Câmî-i devrânıyız cânâ

  Bâkî · Divan

• Saçıldı cür‘a-i câm-ı mahabbet bâğ-ı Rıdvân’a

  Suyun kevser nebâtın ney-şeker hâkin abîr etdi

  Bâkî · Divan

• Zemân-ı işret fevt etmek olmaz fırsat eldeyken

  Hemîşe meclis âmâde hemîşe elde câm olmaz

  Şeyhülislâm Yahyâ · Divan

• Bâkî şafakda mihr-i münvver sanır gören

  Aks-i izâr-ı sâkîyi câm-ı şarâbda

  Bâkî · Divan

• Tûtiyâdan toprağın vakt ola tercîh edeler

  Rindler sâgar düzüp zühhâd tesbîh edeler

  Şeyhülislâm Yahyâ · Divan

• Şarâb-ı âteşînin keyfi rûyun şu‘lelendirmiş

  Bu hâletle çerâg-ı meclis-i mestân mısın kâfir

  Nedîm · Lale

• Mey âteş-i seyyâledir mînâ kadehle lâledir

  Ya gonce-i pür-jâledir açmış nesîm-i subh-dem

  Nef'î · Divan

• Esti nesîm-i nev-bahâr açıldı güller subh-dem

  Açsın bizim de gönlümüz sâkî meded sun câm-ı Cem

  Nef'î · Divan

• El safâ câmını aldıkça ele reşkile ben

  Hûn-ı dil nûş ederim bâde-i gül-gûna bedel

  Nef'î · Divan

• Sunmadan sâgarı sâkî düşerim ayağına

  Hasretim bâdeden efzûn iken ibrâmında

  Nedîm · Lale

• Câm-ı şarâbı içmez elinde tutar durur

  Işkın meyinden oldu meğer bî-mecâl gül

  Bâkî · Divan

• Bir şeker hande ile bezm-i şevka câm ettin beni

  Nîm sun peymâneyi sâkî tamâm ettin beni

  Nedîm · Lale

• Gösterdi yine sâkî-i meclis Yed-i beyzâ

  Zerrîn kadehi etti elinde gül-i hamrâ

  Şeyhülislâm Yahyâ · Divan

• Mübtelâ oldu gönül câm-ı şarâb-ı nâba

  Âh kim zevrak-ı dil düşdü yine girdâba

  Bâkî · Divan

• Mestân-ı harâbâta salâdır ne dururlar

  Zühhâda takallüb edecek dem bu zemândır

  Nef'î · Divan

• Sepîde dem ki olup dîde-i hâbdan bîdâr

  Hurûşa başladı nâ-gâh serde derd-i humâr

  Nedîm · Lale

• Câm-ı şarâbı gör bize sen şimdilik Nedîm

  Fersûdedir dimâğ gazelden kasîdeden

  Nedîm · Lale

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Hôş gelir tab‘a husûsâ Ramazân ayında

  Bâde-i nev ne kadar olsa da nâ-puhte vü ham

  Nedîm · Lale

• Gül mevsiminde tevbe-i meyden benim gibi

  Zannım budur ki sen de peşîmânsın ey gönül

  Nedîm · Lale

• Bezm-i şarâbdan geçemem doğrusu Nedîm

  İşret tabîatimce tarab meşrebimcedir

  Nedîm · Lale

• Geh hancer-i tegâfül ü geh nîze-i itâb

  Ol mest-i nâz mest-i mey-i nahvet olmasın

  Nedîm · Lale

• O kâfir-beççe bir peymâne sahbâ sundu kim alıp

  Derûn-ı lâleden âteş fürûzân olduğun gördük

  Nedîm · Lale

• Her gül mey-i al ile pür-peymânedir Yahyâ bu gün

  Gül devri kendin etmesin mey-hâre gönlüm neylesin

  Şeyhülislâm Yahyâ · Divan

• Çeşm-i bezm-i fitne kurmuş işve almış câm ele

  Bâde-i nâz ile etmiş gamzesin mest-i harâb

  Nef'î · Divan

• Bir câm bir de la‘l-i lebin sundu muğ-beçe

  Pîr-i mugân olası aceb meşrebimcedir

  Nedîm · Lale

• Her nev-resîde şâh-ı gül aldı eline câm-ı mül

  Lûtfet açıl sen dahi gül ey serv-kadd ü gonce-fem

  Nedîm · Lale

• Seng-i der-i mey-hâneye kor başını düşte

  Zânû-yı melek olsa eğer hâb-geh-i mest

  Nef'î · Divan

• Erişti vakt-i safâ sâkiyâ getir bezme

  Sakın sakın ki olur hâtın-ı kadeh meksûr

  Şeyhülislâm Yahyâ · Divan

• Gerçi olur câme ol mahbûb-ı zîbâ teşne-leb

  La‘line olmaz mı sâkî câm-ı sahbâ teşne-leb

  Şeyhülislâm Yahyâ · Divan

• Cevher-i sahbâ ki eyler câm-ı mînâdan zuhûr

  Rûhtur gûyâ eder ceyb-i Mesîhâ’dan zuhûr

  Nef'î · Divan

• Öyle ser-mestim ki idrâk etmezem dünyâ nedir

  Ben kimim sâkî olan kimdir mey-i sahbâ nedir

  Fuzûlî · Divan