tabiat temalı beyitler, sayfa 2

tabiat temalı beyitler, sayfa 2 / 2.

• Altında mı, üstünde midir cennet-i a‘lâ

  El-hakk bu ne hâlet, bu ne hôş âb ü hevâdır

  Nedîm · Lale

• Seni seyr etmek için reh-güzer-i gül-şende

  İki cânibde durur serv-i hırâmân saf saf

  Bâkî · Divan

• Lâle-hadler kıldılar gül-geşt-i sahrâ semt semt

  Bâğ u râgı gezdiler edip temâşâ semt semt

  Bâkî · Divan

• Hengâm-ı şeb ki küngüre-i kasr-ı âsmân

  Zeyn olmuş idi şu‘lelenip şem‘-i ahterân

  Bâkî · Divan

• Serdî-i fasl-ı bahâr etmiş iken tab‘a eser

  Ataşı rûze ona kıldı mükâfât tamâm

  Nedîm · Lale

• Kad-i güftârıma evvel biçilip câme-i reng

  Sonra fersûdesi bâzâr-ı bahârâne gelir

  Nedîm · Lale

• Vakt-i gül-geşt-i çemen seyr-i kenâr eyyâmıdır

  Lâle faslı îd hengâmı bahâr eyyâmıdır

  Nedîm · Lale

• Re’fetinde perveriş-yâb olsa bir gül-şen yeter

  Lâle-veş hâkinde feyz-i reng, tâb-ı dil-beri

  Nedîm · Lale

• Sabâ gird-i gül-istâniyle varsa bâğ-ı Rıdvân’a

  Abîr-efşân olur pîrâhen-i hûr-ı cinân üzre

  Nef'î · Divan

• Söylemez nükhet-i gül-zâr-ı bahâr hilkatini

  Dâmenin bâd-ı sabâ eylese pür müşg ü abîr

  Nef'î · Divan

• Bâkî çemende haylî perîşân imiş varak

  Benzer ki bir şikâyeti var rûzgârdan

  Bâkî · Divan

• Yine bezm-i çemene lâle fürûzân geldi

  Müjdeler gül-şene kim vakt-i çerâgan geldi

  Nedîm · Lale

• Donar soğuktan efendi semender âteşte

  Bir iki gün dahi böyle eserse bu sarsar

  Nedîm · Lale

• Konup çeng edicek bülbül nihâl-i gül-bün-i sebzi

  Gümüş telden dizer ebr-i bahârî ona evtârı

  Nef'î · Divan

• Haylî kevâkib içre yanıp meş‘al-i kamer

  Sahn-ı semâda rûşen idi râh-ı keh-keşân

  Bâkî · Divan

• Nev-bahâr oldu yine hükm-i gül-istân yürüsün

  Zîver-i bezm olan ol câm-ı gül-efşân yürüsün

  Kâmî · Lale

• Tutuşsun ol çemen kim lâlesinde dâg-ı hasret yok

  Gülünde bûy-ı ülfet nergisinde çeşm-i ibret yok

  Nevres-i Kadîm · Lale

• Olurdu gonce-i gül gibi tâ kıyâmete dek

  Güşâde-çehre vü handân-leb ü şüküfte-derûn

  Nef'î · Divan

• Berk urur revzenlerinden âb-gîne câmlar

  Gösterir dünyâda cennet olduğun günden ayân

  Nef'î · Divan

• Devr-i gül geldi mi eyâ diye pürsân olarak

  Bülbülü kûçede gördüm ki gül-istâna gelir

  Nedîm · Lale

• Bülbül şetâreti gül-i handânı güldürür

  Taklîd-i zâğ kebg-i hırâmânı güldürür

  Şeyhülislâm Yahyâ · Divan

• Zülâlinden ibârettir nesîminden kinâyettir

  Safâ-yı çeşme-i Kevser hevâ-yi Cennetü’l-Me’vâ

  Bâkî · Divan

• Geldi şitâda tahtına sultân-ı kâm-yâb

  Gûyâ takaddüm eyledi tahvîl-i âftâb

  Şeyhülislâm Yahyâ · Divan

• Nesîm ola denlü nâzük tarheder âb üzre emvâcı

  Ki levh-i sîme üstâd edemez öyle kalem-kârî

  Nef'î · Divan

• Mevc urur bâd-ı seherden sebze-i ter mi aceb

  Ya besât-ı bezm-i ayş olmuş yeşil hârâ mıdır

  Bâkî · Divan

• Şûhtur tâ şöyle reftârın ki farketmez bakan

  Şöyle gitsen serv-i âzâdım akan sularla sen

  Nedîm · Lale

• Sahn-ı gül-zâra düşersen yeridir jâle-sıfat

  Nev-bahâr oldu gül açıldı güzellendi çemen

  Bâkî · Divan

• Zemîninde güsterde dîbâ-yı Hûr

  Fezâsında cârûb gîsû-yı hûr

  Nedîm · Lale

• Fasl-ı gül geldi mi ayâ diye perîşân olarak

  Bülbülü kûçede gördüm ki gül-istâne gelir

  Nedîm · Lale

• Hat sanmanız ruhundaki yazmış debîr-i sun‘

  Bir al kâğıd üstüne sünbül kasîdesin

  Nedîm · Lale

• Tıynet-i hâkindeki dil-cû-yı bûy-âşinâ

  Milket-i bâğ u bahârın hazret-i Îsâ’sıdır

  Nedîm · Lale

• Olamaz reh-güzeri hâkine hem-pâ anber

  Edemez turrasına kendüyi hem-ser sünbül

  Bâkî · Divan

• Gerd-i siyehte şu‘le-i şemşîr-i tâb-dâr

  Gûyâ sehâb-ı tîrede berk-ı cehân olur

  Nef'î · Divan

• Temâşâ bunda kim fasl-ı bahâr eyyâm-ı îd oldu

  Dahi künc-i riyâzâtta tutarlar ehl-i dil rûze

  Bâkî · Divan

• Olurdu reng-i tebessüm şüküfte-gül-bünden

  Henüz olmadan evvel resîde gonce-i ter

  Nedîm · Lale

• Bülbül şetâreti gül-i handânı güldürür

  Taklîd-i zâğ kebk-i hırâmânı güldürür

  Şeyhülislâm Yahyâ · Divan

• Leşker-i ebr çemen mülküne akın saldı

  Durma yağmâda yine nite ki bâğî Tatar

  Bâkî · Divan

• Sebz ü hurrem bir fezâ mı her kenâr-ı cûy-bâr

  Ya miyân-ı cûda aks-i günbed-i hazrâ mıdır

  Nef'î · Divan

• Gül şikâf-ı gonceden etti nihânî bir nigâh

  Şevket ü câhın görüp kendin nümâyân eyledi

  Şeyhülislâm Yahyâ · Divan

• Dehân-ı goncayı bâz et zebân-ı sûseni ter kıl

  Şikest-i tevbeye dahl edene hâzır-cevâbımsın

  Nedîm · Lale

• Cihâna zîb ü fer verdi yine meşşata-i kudret

  Arûs-ı nev gibi ârâyiş etti köhne dünyâyı

  Bâkî · Divan

• Erdi yine ürd-i behişt oldu hevâ anber-sirişt

  Âlem behişt-ender-behişt her gûşe bir bâğ-ı İrem

  Nef'î · Divan

• Tutuşsun ol çemen kim lâlesinde dâg-ı hasret yok

  Gülünde bûy-ı ülfet nergisinde çeşm-i ibret yok

  Nevres-i Kadîm · Lale

• Erişti pertev-i feyz-i bahâr âyîne-i çarha

  Acep mi şimdi olsa jeng-i ebr-i tîreden âri

  Nef'î · Divan

• Şöyle feyz-â-feyzdir cûş u hurûş-ı nev-bahâr

  Kim erişmiştir telâtûm âsmân eyvânına

  Nedîm · Lale

• Altında mı, üstünde midir Cennet-i A‘lâ

  El-hakk bu ne hâlet, bu ne hôş âb ü hevâdır

  Nedîm · Lale

• Yine Fir‘avn-ı şitâ ceyşine Mûsa-mânend

  Eyledi elde asâsını bir ejder sünbül

  Bâkî · Divan

• Pâ-bûsuna tekaddüm için yine bâd-ı subh

  Berg-i gül ile dest ü girîbân olup gelir

  Nedîm · Lale

• Dökülüp rûy-ı arak-nâkine şâd-âb oldu

  Tâze sünbül gibi ol kâkül pür-çîn ü şiken

  Nedîm · Lale

• Âb u gül müşg ü gül-âb ola çemen sahnında

  Bûy-ı halkıla güzâr etse nesîm-i eshâr

  Bâkî · Divan

• Kafa-dâr oldular şîr ü pelenk âhûya sahrâda

  Ederler şol kadar şimdi riâyet hakk-ı cîrânı

  Bâkî · Divan

• Gûyâ edip tabîat kûy-ı zemîni tastîh

  Tübbet aşağı düşmüş Çîn ü Hoten yukarı

  Nedîm · Lale

• Seyret beyâz feste o zülf-i muanberi

  Şeb-bûyu gör ki berg-i semenden kabâsı var

  Nedîm · Lale

• Bir gül-istândır hayâlim dil şüküfte bülbülü

  Ol gül-istânın latîf âb-ı revânıdır sözüm

  Nef'î · Divan

• Eşcâr-ı bâğ hırka-i tecrîde girdiler

  Bâd-ı hazân çemende el aldı çenârdan

  Bâkî · Divan

• Isınıp cümle kulûb âb-ı bürûdet gitti

  Cilve-rîz olsa acep mi dönerek arz u semâ

  Nedîm · Lale

• Âhı yetişti bülbül-i zârın ki bâğ-bân

  Çûb-ı duhân edindi gülün şâhsârını

  Nedîm · Lale

• Isınıp cümle kulûb âb-ı bürûdet gitti

  Cilve-rîz olsa acep mi dönerek arz u semâ‘

  Nedîm · Lale

• Gül-şen-i ma‘nîye feyz-i nefesim bâd-ı bahâr

  Çemenistân-ı hayâle kalemim ebr-i matîr

  Nef'î · Divan

• Ey âlem-i Misâ’lin seyyâh-ı hûş-yârı

  Hîç kasr sûretinde gördün mü nev-bahârı?

  Nedîm · Lale

• Döşedi yine çemen nat‘-ı zümürrüd-fâmın

  Sîm-i hâm olmuş iken ferş-i harîm-i gül-zâr

  Bâkî · Divan

• Subh-dem ey fâhte bî-hûde efgân eyleme

  Çün girersin her gece bir serv-i bâlâ koynuna

  Bâkî · Divan

• Lâle-haddler kıldılar gül-geşt-i sahrâ semt semt

  Bâğ ü râğı gezdiler edip temâşâ semt semt

  Bâkî · Divan

• Ey âlem-i misâlin seyyâh-ı hûş-yârı

  Hîç kasr sûretinde gördün mü nev-bahârı?

  Nedîm · Lale

• Erişilmez sanırdı bâğ-bân serve bi-hamdü’llâh

  Letâfet gülsitânında yetişti nahl-i mevzûnum

  Şeyhülislâm Yahyâ · Divan

• Ger tâb-ı Temmûz gazabı etse sirâyet

  Her katre-i bârânı hevâ bir şerer eyler

  Nef'î · Divan

• Gül-istânında şeb encümle sünbül-zâr-ı pür-şeb-nem

  Şeb-istânında hûrşid-i seher bir şem‘-i kâfûrî

  Nef'î · Divan

• Erişti yine Yahyâ feyz-i ebr-i lutf-ı Yezdânî

  Tarâvet var çemenlerde letâfet var hevâlarda

  Şeyhülislâm Yahyâ · Divan

• Kafadâr oldular şîr ü peleng âhûya sahrâda

  Ederler şol kadar şimdi riâyet hakk-ı cîrâna

  Bâkî · Divan

• Kûh u deryâ iki cânibden der-âgûş eylemiş

  Sanki deryâ dâyesi küh-sâr ise lalasıdır

  Nedîm · Lale

• Döşendi berf ser-â-pâ sahn-ı sahrâya

  Ağardı rûy-ı zemîn sanki tahte-i remmâl

  Bâkî · Divan

• Fasl-ı gül geldi mi âyâ diye perîşân olarak

  Bülbülü kûçede gördüm ki gül-istâne gelir

  Nedîm · Lale

• O denlü tâb-nâk etmiş o zerrîn şem‘a etrâfın

  Görünmez sâyesinde âfitâb subhun âsârı

  Nef'î · Divan

• Bûy-i nesîm ü reng-i gül ü revnak-ı bahâr

  Âsâr-ı fazl u rahmet-i Perverdigâr’dır

  Bâkî · Divan

• Başlasın bend ile raksa dil-i dîvâne dahi

  Nice bir bâd-ı sabâ silsile-cünbân olsun

  Nef'î · Divan

• Geh varıp havz kenârında hırâmân olalım

  Geh gelip kasr-ı cinân seyrine hayrân olalım

  Nedîm · Lale

• Dikti leşker-geh-i ezhâra sanevber tuğun

  Haymeler kurdu yine sahn-ı çemende eşcâr

  Bâkî · Divan

• Şöyle feyz-â-feyzdir cûş u hurûş-ı nev-bahâr

  Kim erişmiştir telâtûm âsmân eyvânına

  Nedîm · Lale

• Zîr-i zülfünde görenler hattını ebr-i bahâr

  Sâye salmış sandılar sahn-ı gül-istân üstüne

  Bâkî · Divan

• Gül devri eyyâmıdır, zevk u safâ hengâmıdır

  Âşıkların bayrâmıdır, bu mevsim-i ferhunde-dem

  Nef'î · Divan

• Düşse ger hâke nem-i ebr-i bahâr-ı lûtfu

  Kesb-i rûh eyler idi zîr-i zemînde ecsâm

  Nef'î · Divan

• Ger dokunsa nefes-i lûtf u dem-i ihsânın

  Gidere dûd-ı kebûdı vere âzer sünbül

  Bâkî · Divan

• Çıka deryâ ser-i kuhsâra hilâf-ı mu‘tâd

  Ser-fürû eyleye gavvâs gibi bahre cebel

  Nef'î · Divan

• Dizilmiş nihâlân-ı gül sû-be-sû

  Katâriyle gelmiş meğer reng ü bû

  Nedîm · Lale

• Evc-i hevâda yedi muallâk döner hamâm

  Bircîş eşiği hâkine olurdu çehre-sây

  Bâkî · Divan