Nedîm beyitleri, sayfa 4

Nedîm beyitleri, sayfa 4 / 7.

• Câm-ı şarâbı gör bize sen şimdilik Nedîm

  Fersûdedir dimâğ gazelden kasîdeden

  Nedîm · Lale

• Nice reşk-i behişt oldu diyen âdem gel insâf et

  Nazar kıl selsebîl-i sâfa bak kasr-ı dil-ârâya

  Nedîm · Lale

• Gamzeler ikbâl ü şevka günde bin efsûn okur

  Nekbet-i endûha hattın Tebbet-i vârûn okur

  Nedîm · Lale

• Sen batt-ı sahbâ değil tâvûs-ı kudsîsin Nedîm

  Kim zuhûr-ı hâletin mecliste cevlânındadır

  Nedîm · Lale

• Şu‘le-i aşkı hevâ-yı dildir efzûn eyleyen

  Bâd-zen-i bâl semenderdir bu âteş-hâneye

  Nedîm · Lale

• Oldu mu yoksa meğer tanbûr-veş târın şikest

  Lüknetin mi var zebânında yâhûd bebgâ gibi

  Nedîm · Lale

• Henüz neş’esini görmeden humâr çeker

  Nedîm-i dil-şüde-i bî-karârı benden sor

  Nedîm · Lale

• İ‘timâd eyler idim tevbesine rindânın

  Ramazânın meh-i îd olmasa encâmında

  Nedîm · Lale

• Bir münâsibçe refîk ile girersen kayığa

  Şevk ile kullanırız gayrı bizimdir eyyâm

  Nedîm · Lale

• Hudâvendâ bana şimdi peyâmı geldi gerdûnun

  Demiş kim ey çerâg-ı dûdmân-ı nükte-pîrâyî

  Nedîm · Lale

• Sâkiyâ bâdeyi sen âşık-ı cûşendeye sun

  Ehl-i dil meclisine çün mey-i cûşîde gerek

  Nedîm · Lale

• Râst geldi peyk-i endîşem bu garrâ matla‘a

  Çarh-ı çârımdan öte, arş-ı muallâdan beri

  Nedîm · Lale

• Cilve-i hüsnünle her mûyum perî-hîz olmada

  Aşk ile ser-tâ-kadem âyîne-fâm ettin beni

  Nedîm · Lale

• Aceb kim nermdir sînen a zâlim neyleyim ammâ

  İçinde senge benzer bir dil-i nâ-mihr-bân vardır

  Nedîm · Lale

• Hırâmın dil-pesend ü cünbüşün dil-hâhdır cânâ

  Hayâlinle Nedîm’in kârı âh u vâhıdır cânâ

  Nedîm · Lale

• Başlayıp cûşişe tab‘ımda mezâyâ-yı sühan

  Mevc-hîz oldu yine lücce-i deryâ-yı Aden

  Nedîm · Lale

• Hırâmın dil-pesend ü cünbüşün dil-hâhdır cânâ

  Hayâlinle Nedîm’in kârı âh u vâhıdır cânâ

  Nedîm · Lale

• Hâl kâfir, zülf kâfir, çeşm kâfir el-amân

  Ser-be-ser iklîm-i hüsnün Kâfir-istân oldu hep

  Nedîm · Lale

• Ne hâlet var o şûhun nahl-i kadd-i cân-fezâsında

  Ki reftârın görüp yoldan döner ömr-i şitâbânım

  Nedîm · Lale

• Cihân-ı köhneyi lutf u keremle eyledi ta‘mîr

  Sipihri kıldı sa‘y u ihtimâmı pîr iken bernâ

  Nedîm · Lale

• Aceb hâlet verir insâna el-hakk mesned-i dîrîn

  Gelip yâda geçen ferhunde-demler eski âlemler

  Nedîm · Lale

• Tâk olup Kisrî-i ikbâline kavs-ı Rüstem

  Ola tecvîf-i felek düşmene çâh-ı Bîjen

  Nedîm · Lale

• Turfe reng-â-reng-i âheng eylemiş sahrâyı pür

  Kûh ses verdikçe şeydâ bülbülün efgânına

  Nedîm · Lale

• Vâiz-i çeşm-i gürisne pîç ü tâb-ı cû‘ ile

  Mevsim-i iftârda “Ve’t-tîni ve’z-zeytûn” okur

  Nedîm · Lale

• Tarîk-ı aşkta pâ-mâl-i sâlikân ol kim

  Bir iki nakş-ı kadem reh-güzâr olur giderek

  Nedîm · Lale

• Nerede buldu Ferîdûn bu celâl ü câhı

  Nerede gördü ya Kisrâ bu bülend eyvânı

  Nedîm · Lale

• Vermez şihâb sîne-i şeytân-ı murdâr

  Ol bîmi kim adûya dirahş-ı sinân verir

  Nedîm · Lale

• Pâ-mâl-i şitâ olmadan iklîm-i çemen-i gül

  Ver hükmünü ey serv-i revân köhne-bahârın

  Nedîm · Lale

• Pes ol yerlerde bir şey lutfederse aç urbâna

  Birine bir çanak kısrak südü vermek semâhattir

  Nedîm · Lale

• Hâk-sârân-ı gama mi‘mâr-ı cûd u himmetin

  Gurre-i Şevvâl’i cüft ü tâk-ı ümmîd eylesin

  Nedîm · Lale

• Bu ser-gerdânlığa âzâdelik elbette der-peydir

  Nedîmâ seyr kıl bu nükteyi seng-i felâhânda

  Nedîm · Lale

• Ne ma‘nâ gösterir dûşundaki ol âteşîn atlas

  Ki ya‘nî şu‘le-i cân-sûz-ı hüsn ü ân mısın kâfir

  Nedîm · Lale

• Hudâvendâ remed dedikleri zâlimdir ol düşmen

  Sığındım bir dahi görmekten onu Hak Teâlâya

  Nedîm · Lale

• Kuşağın düğmesini çözmekte havfim yoktur ama kim

  Yürek titrer kemer-bendindeki hançer husûsunda

  Nedîm · Lale

• Nevâziş-i kereminle zemâne olmuştur

  Misâl-i hâtır-ı gül-şen güşâde vü hurrem

  Nedîm · Lale

• Bu dârâtı temâşâ kıldı çün kim bende-yi nâ-çîz

  Celâlet pertevinden hîrelendi çeşm-i hayrânı

  Nedîm · Lale

• Hôş gelir tab‘a husûsâ Ramazân ayında

  Bâde-i nev ne kadar olsa da nâ-puhte vü ham

  Nedîm · Lale

• Sen ol vezîr-i kerem-kârsın ki âlemde

  Kemâl-i cûd ile zât-ı kerîmin oldu alem

  Nedîm · Lale

• Bir kân-ı niamdır ki onun gevheri ikbâl

  Bir bâğ-ı İrem’dir ki gülü izz ü ulâdır

  Nedîm · Lale

• Cihanda sen gibi müşfik efendisi var iken

  Yazık değil mi kala böyle bî-kes ü bî-kâr

  Nedîm · Lale

• Zemân-ı va‘d-i tahassürde başkadır âlem

  O telh şerbet-i şîrîn-güvârı benden sor

  Nedîm · Lale

• Bihamdillâh satl-ı dil-keşinden nem kalır hâli

  O zülfün bend-i zencîrindeyim çeşmimde yaşım var

  Nedîm · Lale

• Bir hâb-ı perîşâna müjem olmadı mahrem

  Güncîde değil sîneye gîsû-yı muhabbet

  Nedîm · Lale

• Nâmı gibi olmuştur o hem sa‘d hem âbâd

  İstanbul’a ser-mâye-i fahr olsa revâdır

  Nedîm · Lale

• Olacak oldu hemân çâre ne şimden sonra

  Edelim hükm-i kazâ destine teslîm-i zimâm

  Nedîm · Lale

• Durup tertîb ile yerli yerinde ehl-i mansıb hep

  Tamâm oldukta dîvân-ı felek-unvânın erkânı

  Nedîm · Lale

• Feryâd girişme amân ey nigâh amân

  Zehr-i hıred belâ-yı tahammül müsün nesin

  Nedîm · Lale

• Bu imtidâd-ı cevre ki bahtın şitâbı var

  Mihnet-medâr olan feleğe intisâbı var

  Nedîm · Lale

• Hôşâ ey burc-ı izz ü devletin hûrşîd-i tâbânı

  Yine lûtfunla pür-nûr eyledin çeşm-i dil ü cânı

  Nedîm · Lale

• Budur hakk-ı kelâm ey Sadr-i zîşân kim kıyâs olmaz

  Senin eltâfına bezl-i atâ-yı Hâtem-i Tâyî

  Nedîm · Lale

• Kim vasfını ne ben diyeyim hôd ne sen işit

  Ammâ biraz vefâcığı nâkıs şûrâsı var

  Nedîm · Lale

• Hudâ gûyâ ki cism-i nâzikin bir resme halketmiş

  Katıp bûy-ı gülü reng-i şarâba erguvân üzre

  Nedîm · Lale

• Kıl metâ‘-ı nazmını ârâyiş-i sûk-ı kemâl

  Ey Nedîm-i pür-hüner zîb-i dükân lâzım sana

  Nedîm · Lale

• Gerden-i sâfı beyâz öyle ki kâfûr gibi

  Çeşm ü ebrûsu siyâh öyle ki semmûr gibi

  Nedîm · Lale

• Dem mi var kim zahm-ı gül derdinle hûnîn olmaya

  Hasret-i hâlinle dâg-ı lâle müşgîn olmaya

  Nedîm · Lale

• Oldu mu yoksa meğer tanbûr-veş târın şikest

  Lüknetin mi var zebânında yâhûd bebgâ gibi

  Nedîm · Lale

• Nakd-i ümmîd ile pürdür ceyb-i subh ey dil hemân

  Vâm-hâh-ı âhın elden koyma sen dâmânını

  Nedîm · Lale

• Bir çeşmi var ki bir nice yüzbin lisân bilir

  Bin hem-zebânı hem-demi bin âşinâsı var

  Nedîm · Lale

• Sen batt-ı sahbâ değil tâvûs-ı kudsîsin Nedîm

  Kim zuhûr-ı hâletin mecliste cevlânındadır

  Nedîm · Lale

• Satvetin şöyle zebûn eyledi ser-keşleri kim

  Kalmadı kimsede endîşe-i mekr-i düşmen

  Nedîm · Lale

• Gel ey esîr-i zülf-i perîşânın olduğum

  Bilmez misin rübûde-i çevgânın olduğum

  Nedîm · Lale

• Kûh u deryâ iki cânibden der-âgûş eylemiş

  Sanki deryâ dâyesi, küh-sâr ise lâle sünbül

  Nedîm · Lale

• Nükhet-i zülfünle geldikçe nesîm-i nev-bahâr

  Turra-i sünbül-sıfat âşüfte-hâl eyler beni

  Nedîm · Lale

• Serv-i dil-cûyumdan ayrı geşt-i gül-şen istemem

  Var yürü istersen ey eşk-i revân cûlarla sen

  Nedîm · Lale

• Sen gülersin gül gibi ben bülbül-i nâlânınam

  Mest-i medhûş-ı temâşâ-yı leb-i handânınam

  Nedîm · Lale

• Nedîm-i zârı bir kâfir esîr etmiş işitmiştim

  Sen ol cellâd-ı dîn ol düşmen-ı îmân mısın kâfir

  Nedîm · Lale

• Gâh la‘lîn gâh engüşt-i muhannâsın emip

  Dâne-i ünnâb ile nûş-ı şarâb etmez misin

  Nedîm · Lale

• İşitti çünki sözüm ol gül-i hadîka-i nâz

  Derûn-ı sîneden âh eyleyip çü bülbül-i zâr

  Nedîm · Lale

• Ma‘lûmdur benim sühanım mahlas istemez

  Fark eyler onu şehrimizin nükte-dânları

  Nedîm · Lale

• Eşkimde böyle şu‘le nedendir meğer ki sen

  Çün sûz u tâb-ı giryede pinhânsın ey gönül

  Nedîm · Lale

• Aceb tevfîka mazhar oldun ey sadr-ı kerem-güster

  Ki sana Hak müyesser kıldı böyle nâm-ı vâlâyı

  Nedîm · Lale

• Şifâ-yı sadr-ı devlet kuvvet-i bâzû-yı emniyet

  Esâs-ı ma‘delet-rükn rekîn-i devlet-i uzmâ

  Nedîm · Lale

• O şol âhû gözün kılmak için kıymaç üze kıymaç

  Salar dünbâle nahvet sürmesin ol pür-cefâ tartıp

  Nedîm · Lale

• Altında mı, üstünde midir cennet-i a‘lâ

  El-hakk bu ne hâlet, bu ne hôş âb ü hevâdır

  Nedîm · Lale

• Bu rütbe akl u rüşde mâlik olmak nice mümkündür

  Bir âdem Bû Alî yâhûd Aristo olsa da farazâ

  Nedîm · Lale

• Çarhı kim himmeti-i vâlâsı temâşâya çıkar

  Tâ varır fark-ı Simâk üzre eder darb-ı hıyâm

  Nedîm · Lale

• Âhuvân-ı ma‘nî-i saydına hep cümleden

  Şimdi bir gîsû-kemend ebrû-kemân lâzım sana

  Nedîm · Lale

• Vasf-ı la‘l-i dil-ber ise kasdın ey kilk-i beyân

  Tercemân olmaklığa şîrîn-zebân lâzım sana

  Nedîm · Lale

• Arşa dek çıkmakta mânend-i duâ-yı müstecâb

  Uğrayan âb-ı musaffâ râh-ı şadırvânına

  Nedîm · Lale

• Tür eder nisân-ı lütfün söyle kim dür pûş olur

  Çeşm-i âşık nem-çekân oldukça dâmân üstüne

  Nedîm · Lale

• Bir hâlete koy beni ki olsun

  Dûşumdaki sof dahi şarâbî

  Nedîm · Lale

• Aldın hadeng-i cevrini sînemde koymadın

  Ey kaşları kemân katı cevreyledin katı

  Nedîm · Lale

• Bağteten sâbit olup gurre, firâşında imâm

  Hâb için yatmış iken etti terâvîhe kıyâm

  Nedîm · Lale

• Aceb ne bezmde şeb-zinde-dâr-ı sohbet idin

  Henüz nergis-i mestinde bûy-ı hâb kokar

  Nedîm · Lale

• Sen de bir vakt ola nûş-ı mey-i nâb eyleyesin

  Gülesin açılasın ref ‘-i hicâb eyleyesin

  Nedîm · Lale

• Sâye-i bezmin celâl-i câhın âsâyiş-geri

  Rayet-i azmin hümâ-yı devletin bâl ü peri

  Nedîm · Lale

• Olursa pey-rev o çâbük-süvâr-ı nazma Nedîm

  Semend-i tab‘ı aceb râh-vâr olur giderek

  Nedîm · Lale

• Yetmez mi sana bister ü bâlîn kucağım

  Serd oldu hevâ çıkma koyundan kuzucağım

  Nedîm · Lale

• Dûr-bîn-i fikr ile hakka ki çeşm-i fıtnatı

  Vâsıl oldu âlemin her nükte-i pinhânına

  Nedîm · Lale

• Serdî-i fasl-ı bahâr etmiş iken tab‘a eser

  Ataşı rûze ona kıldı mükâfât tamâm

  Nedîm · Lale

• Habbezâ ey tâc ü tahtın mâye-i zîb ü feri

  Âlemin ârâyiş-i mülkün tırâz u zîveri

  Nedîm · Lale

• Düşmeni hayretle hem-çün rûbeh tasvîr eder

  Şîr-veş geldikçe ol kûh-ı hırâmân üstüne

  Nedîm · Lale

• Kad-i güftârıma evvel biçilip câme-i reng

  Sonra fersûdesi bâzâr-ı bahârâne gelir

  Nedîm · Lale

• Vakt-i gül-geşt-i çemen seyr-i kenâr eyyâmıdır

  Lâle faslı îd hengâmı bahâr eyyâmıdır

  Nedîm · Lale

• Re’fetinde perveriş-yâb olsa bir gül-şen yeter

  Lâle-veş hâkinde feyz-i reng, tâb-ı dil-beri

  Nedîm · Lale

• Nükhet-i gîsû ile geldin bize âh ey nesîm

  Turra-i sünbül-sıfat âşüfte-kâm ettin beni

  Nedîm · Lale

• Mürebbâ hamrı müselles diye satar zâlim

  Şarâbın üstüne hürmet biraz da hîle katar

  Nedîm · Lale

• Budur ümîdimiz kim düşmenin bünyân sâmânı

  Bu günden sonra bî-şek rahne-yâb-ı inhizâm oldu

  Nedîm · Lale

• Beni tâ şöyle harâb eyle ki sâkî dilde

  Neşve-i mey sayam endûhunu bîm-i asesin

  Nedîm · Lale

• Kûşe-i ebrûdan ayrılmaz dil-i hûn-geştemiz

  Lekke-i hûndur ki kalmış dâmen-i şemşîrde

  Nedîm · Lale

• Tîrin zebân-şinâsı mahdûmu üstâdı

  Bircis’in akl u fikri hem-râz ü müsteşârı

  Nedîm · Lale

• Ne gördüm ol büt-i nâzende nîm-mest olmuş

  Kolunda dâmen-i kerrâke elde bir gül-i al

  Nedîm · Lale

• Şem‘ olmaz isem bezmine bu sûz ile bârî

  Der-gâhına bir meş‘ale-i rûşenin olsam

  Nedîm · Lale

• Şîve-i güftârı hemşîren mi öğretti sana

  Her sözün şîrîn-zebânım cânıma cân oldu hep

  Nedîm · Lale

• Bâğda zülf-i ruhun andıkça bu kimdir diye

  Sünbül ü gül biri birinden suâl eyler beni

  Nedîm · Lale

• Zâhidâ ma‘zûr tut cildinde sıklet var biraz

  Gılzetin fehm olunur hacm-i kitâbından senin

  Nedîm · Lale

• Vâiz-i çeşm-i gürisne pîç ü tâb-ı cû’ ile

  Mevsim-i iftârda “Ve’t-tîni ve’z-zeytûn” okur

  Nedîm · Lale

• Seyreder eşk-i gül-âbı hande-i gül goncada

  Âkıbet-bîn eyleyenler dîde-i irfânını

  Nedîm · Lale

• Bir şeker handeyle bezm-i şevka câm ettin beni

  Nîm sun peymâneyi sâkî tamâm ettin beni

  Nedîm · Lale

• Menhec-i ilmin nice hasm olmasın erbâbına

  Çerhı pâ-mâl etmedir kasd âsmânî mûzeden

  Nedîm · Lale

• Düşmen ne denlü saht ise de şâd ol ey Nedîm

  Seng üzre gösterir zer-i kâmil ayârını

  Nedîm · Lale

• Seyreder eşk-i gül-âbı hande-i gül goncada

  Âkıbet-bîn eyleyenler dîde-i irfânını

  Nedîm · Lale

• Hattın nazar-ı âşıka elbette girândır

  Kıldan ağır ey şûh terâzû-yı mahabbet

  Nedîm · Lale

• Yine bezm-i çemene lâle fürûzân geldi

  Müjdeler gül-şene kim vakt-i çerâgan geldi

  Nedîm · Lale

• Donar soğuktan efendi semender âteşte

  Bir iki gün dahi böyle eserse bu sarsar

  Nedîm · Lale

• Yiğit mi oldun a cânım nedir bu kırmızı şâl

  Başında dün daha bağlıydı kırmızı çenber

  Nedîm · Lale

• Hem-vâre humla hôş başı câm ile leb-be-leb

  Ümmü’l-habâis olsa ne ola duhter-i ineb

  Nedîm · Lale

• Âlemin hakanı sultân Ahmed-i âlî-himemem

  Kim sadâ-yı şevket ü şâniyle pürdür şeş-cihet

  Nedîm · Lale

• Sen yine bir nev-niyâz âşık mı peydâ eyledin?

  Kûyuna yer yer dökülmüş âb-ı rûlar var idi

  Nedîm · Lale

• Tutsun cihânı debdebe-i tabl-ı haşmetin

  Olsun felekte devlet-i câhın cihân cihân

  Nedîm · Lale