aşk temalı beyitler, sayfa 2

aşk temalı beyitler, sayfa 2 / 6.

• Nerm-ten dil-berlerin âzârı da şîrîn olur

  Lezzetin telh eylemez çîn-i cebîn pâlûdenin

  Nedîm · Lale

• Allah için ey âh dolaş zülfüne yârin

  Ol silsile-i aşkı dırâz etmeğe bâis

  Nef'î · Divan

• Olsam üftâde gubâr-âsâ yine pest olmazam

  Çünki ey serv-i bülend üftâde-i dâmânınam

  Nedîm · Lale

• Sen pister-i nâz içre yatıp gül gibi her-dem

  Cem derdile bâlîn edine hârı sebeb ne

  Cem Sultan · Divan

• Kimisi bülbül-i nâlân-ı gül-i ârız-ı yâr

  Kimi pervâne-i şem‘-i ruh-i cânân ancak

  Bâkî · Divan

• Andıkça bûy-ı hulkunu derdinle lâle-veş

  Olsun derûn-ı nâfe-i müşg-i Tâtâr târ

  Bâkî · Divan

• Ebrûlar üzre bir dahi sarkıp görünmedin

  Ey kâkül âşinâ-yı tekâsül müsün nesin

  Nedîm · Lale

• Şikenc-i turra-i müşgînine esîr oldu

  Belâya uğradı dil zülfüne belâ diyerek

  Şeyhülislâm Yahyâ · Divan

• Verziş-i âh ederek âh-ı mücessem oldum

  Çarha te’sîr ederim gönlüme te’sîr edemem

  Nef'î · Divan

• Şarâb-ı pendi gûş etmez ümîd-i akl u hûş etmez

  Esîr-i zülf-i müşgîninin olan dîvâne-i aşkın

  Şeyhülislâm Yahyâ · Divan

• Böyle âteşle gelip âb gibi geçmekten

  Kasdın âzâre mi tatyîb-i dil-i zâre midir

  Nedîm · Lale

• Gerdeninden sînesinden bûseler etmişti va‘ad

  Cümlesinden neyleyim kâfir peşîmân oldu hep

  Nedîm · Lale

• Sen dil-rîşini hûn-âb edegör

  Zâhid-i hâma gerek rîş-i hidâb-âlûde

  Nedîm · Lale

• Bul Nedîma’yı ararsan o kemân ebrûnun

  Evbrüvânında yâhûd zülf-i semen-sâyinde

  Nedîm · Lale

• Dûdlar çıktı yanıp reşk-i ruhun nârına bâğ

  Câ-be-câ sanma çemende görünenler sünbül

  Bâkî · Divan

• Bü’l-aceb hâleti var bilmedik ol şûhu Nedîm

  Vahşî şâhîn mi yâhûd kumrî-i âvârem midir

  Nedîm · Lale

• Sînede bir lâhza ârâm eyle gel cânım gibi

  Geçme ey rûh-ı revân ömr-i şitâbânım gibi

  Nedîm · Lale

• Bezmde dil-ber yakar sîne-i ağyâre dâg

  Bilmez onun her biri dâg-ı derûndur bana

  Şeyhülislâm Yahyâ · Divan

• Nevres’i etmez senin şîrîn kelâmın telh-kâm

  Sen hemân eyle tekellüm râzıyım düşnâma ben

  Nevres-i Kadîm · Lale

• Binâ-yı ışka tûfân-ı havâdis kâr-ger olmaz

  Esâsın gûyiyâ bennâ-yı kudret kârgîr etti

  Bâkî · Divan

• Kim çıkar başa ser-i zülf-i girih-gîrinle

  Yine ol silsile cevrin dil-i dîvâne çeker

  Bâkî · Divan

• Hamîde kadlerine rişte-i eşki takıp bunlar

  Atarlar tîr-i maksûdu nedendir yayı bilmezler

  Hayâlî · Divan

• Ser-fürû etmez idi pâyına yüz sürmek için

  Olsa isyâna aşkta kudret ü imkân felek

  Nef'î · Divan

• Dil gamzen ile turrana pek uydu ulaştı

  Hak saklaya kim olmaya magzûb-ı mahabbet

  Nef'î · Divan

• Leb-i şîrîni vasfında aceb rengîn gazel düştü

  Okun bu şi‘ri tûtî-i şeker-güftâra eğlensin

  Bâkî · Divan

• Tîrine Yahyâ nişân eylerse olma münharif

  Göz ucuyla yârdan yetmez mi bir kerre nigâh

  Şeyhülislâm Yahyâ · Divan

• Dil bir içim su istedi çeşme-i la‘l-i yârdan

  Âb-ı zülâl-i hançerin gösterip işte mâ’ dedi

  Bâkî · Divan

• Olmakta derûnunda hevâ âteş-i sûzân

  Nâyın diyebilmem ki ne hâlet var içinde

  Nedîm · Lale

• Serimde yine bir dâg-ı heves bağrımda başım var

  Cebîni mâha dest-i redd vurur bir ser-tırâşım var

  Nedîm · Lale

• Haddeden geçmiş nezâket yâl ü bâl olmuş sana

  Mey süzülmüş şîşeden ruhsâr-ı al olmuş sana

  Nedîm · Lale

• Dökülüp rûy-ı arak-nâkine şâd-âb oldu

  Tâze sünbül gibi ol kâkül pür-çîn ü şiken

  Nedîm · Lale

• Cân la‘lin eyler ârzû yâr içmek ister kanımı

  Yâ Rab ne vâdidir bu kim cân teşne cânân teşnedir

  Bâkî · Divan

• Bu ne ândır ki melâhetle nemek-dân-ı lebin

  Hindû-yı dâg-keş-i fülfül-i hâl etti beni

  Nevres-i Kadîm · Lale

• Sen ne câmın mestisin ayâ kimin hayrânısın

  Kendin aldırdın gönül ne oldun ne hâl olmuş sana

  Nedîm · Lale

• Bûy-ı gül taktîr olunmuş nâzın işlenmiş ucu

  Biri olmuş hoy birisi dest-mâl olmuş sana

  Nedîm · Lale

• Zahm-ı sînemden okun pârelerin hep alma

  Dursun Allah’ı seversen hele bir pâre meded

  Bâkî · Divan

• Her şîvene bin âşık-ı sevdâ-zede meftûn

  Yâ Rab ne musîbet ne belâ şîvelerin var

  Nevres-i Kadîm · Lale

• Hayâl ettikçe zülfün tâ sihr ol dâmen-i zülfe

  Sarıldı rîşe-i reyhân gibi hâb-ı perîşânım

  Nedîm · Lale

• Nedîmâ lutf-ı yârî-i musavverle olur bir gün

  Büt-i âmâle bir bergeşte müjgân baht-ı vârûnun

  Nedîm · Lale

• Çeh değil sîb-i zenâhdânında yer almış Nedim

  Zahm-ı engüşt-i nigâh-ı intihâbından senin

  Nedîm · Lale

• Sandım olmuş ceste bir fevvâre-i Âb-ı Hayât

  Böyle gösterdi bana ol kadd-i müstesnâ seni

  Nedîm · Lale

• Âşıklarının günâhı boynunda mıdır

  Nedîm · Lale

• Nedir bu gizli gizli âhlar çâk-i girîbânlar

  Aceb bir şûha sen de âşık-ı nâlân mısın kâfir

  Nedîm · Lale

• Bulsa câm-ı la‘li cân-bahş-i lebinden cür‘a hâk

  Hâk içinde mürde-i sad-sâle cisme cân gelir

  Bâkî · Divan

• Teessür gördüm ey Yahyâ gece şem‘-i şeb-ârâda

  Yanar var ise pervâne ki âh-ı cân-güdâz etmiş

  Şeyhülislâm Yahyâ · Divan

• Nedîm’in hak bu kim bu nazmı şevk-âmîz düşmüştür

  Sanırsın kim durup bir dil-ber ile rû-be-rû yazmış

  Nedîm · Lale

• Kûyün etrâfına uşşâk dizilmiş gûyâ

  Harem-i Kâ‘be’de her cânibe erkân saf saf

  Bâkî · Divan

• Şûhsun neyleyim ammâ ki yalan söylersin

  Her zemân böyle Nedîmâyı firîb eylersin

  Nedîm · Lale

• Pür-hayâl-i ruh-ı ma‘şûka iken dîde-i Kays

  Neye kim kılsa nazar sûret-i Leylî görünür

  Bâkî · Divan

• Müessirdir muhabbet ol kadar kim reşk eder bâde

  Lebin öptürse ger bir dil-ber-i mümtâz mest-âne

  Nef'î · Divan

• Gerdeninden sînesinden bûseler etmişti va‘d

  Cümlesinden neyleyim kâfir peşîmân oldu hep

  Nedîm · Lale

• Cânımı cânânımın dîdârına nezr eyledim

  Alma yâ Rab cânımı göstermeden cânânımı

  Nevres-i Kadîm · Lale

• Bir nigehle bildirir dünyâya lutf u kahrını

  Çeşmi sâhir gûyiyâ sihr-i mübîndir gamzesi

  Nef'î · Divan

• Ben bugün bir nev-bahâr-ı hüsn ü ân seyr eyledim

  Tarf-ı destârında sünbül gibi mûlar var idi

  Nedîm · Lale

• Gönül ma‘mûresin cevr ile vîrân etti ol zâlim

  Gelip insâfa bir gün yine âbâd ettiğin görsek

  Nef'î · Divan

• Siyeh perçemli bir mahbûb-ı müstesnâ bulur âşık

  Arar elbette bir rişte-i sevdâ bulur âşık

  Sünbülzâde Vehbî · Divan

• Zülf-i pür-çîninle hem-dûş oldu cânâ kad çekip

  Sünbül-i hâb-ı tegâfül câme-hâbından senin

  Nedîm · Lale

• Salınıp her tarafa nâzıla ettikçe hırâm

  Bir nigâh ile eder cân-ı cihânı yağmâ

  Nef'î · Divan

• Hemân merâmı tegâfüldür ol bütün yoksa

  Zebânı beste-i nâz ise çeşmi lâl midir

  Nedîm · Lale

• Emr et öleyim ger sana bâr ise hayâtım

  Mahşerde dahi hâhişin olmazsa dirilmem

  Nevres-i Kadîm · Lale

• Ârâm-geh-i mürg idi derler ser-i Mecnûn

  Meydân-ı mahabbette ne başlar yuvalandı

  Bâkî · Divan

• Âgâzı güzel eyledin ey bülbül-i şeydâ

  Hôş gelmedi ammâ dil-i pür-şevke karârın

  Şeyhülislâm Yahyâ · Divan

• Gözüm gibi değildir kanlı yaşlar dökmeden hâlî

  Olaldan dil-berâ zahm-ı dil-i şeydâ hevâ-dârın

  Şeyhülislâm Yahyâ · Divan

• La‘l-i yâr ağzında ammâ vâ-pesîn olmuş nefes

  Âşık-ı bîmârı gördüm cân verip cân almada

  Nedîm · Lale

• Baş eğmez oldu kûşe-i mihrâb-ı tâate

  Ebrûlarına secde kılan dil-rübâların

  Bâkî · Divan

• Her turrasında bin şiken-i dil-rübâsı var

  Her bir şikenc-i turrada bin mübtelâsı var

  Nedîm · Lale

• Mest-i nâzım kim büyüttü böyle bî-pervâ seni

  Kim yetiştirdi bu gûne servden bâlâ seni

  Nedîm · Lale

• Güzelsin bî-bedelsin şûhsun âlüftesin cânâ

  Söz olmaz öz hüsnüne gelmez nazîrin âleme hakka

  Nedîm · Lale

• Tutarsa gül gibi gûş-ı kabûlu nâle-i aşka

  Eşiğinde varıp bülbül gibi feryâdtan kaçma

  Şeyhülislâm Yahyâ · Divan

• Cân ile şâkird olup üstâd-ı ışka gül gibi

  Gel Bahâristân okuyalım sebak-daş ol bana

  Hayretî · Divan

• Nukûd-ı eşkimi yolunda dökmeden kaçmam

  Boğ ölsün ol kişi kim sana vermeye varın

  Şeyhülislâm Yahyâ · Divan

• Ol reviş ol yürüyüş ol nigeh-i düzdîde

  Dil-ber-i şûh gibi şîveleri hoş-rübâ

  Nef'î · Divan

• Mâdâm ola ol zülf-i siyeh-kâr müşevveş

  Eksik mi olur şâne ile dilde keşâkeş

  Şeyhülislâm Yahyâ · Divan

• Müessir oldu sitem-dîdegân-ı ehl-i dilin

  Dem-â-dem eylediği âh u nâle vü feryat

  Nef'î · Divan

• Yok bu şehr içre senin vasf ettiğin dil-ber Nedîm

  Bir perî-sûret görünmüş bir hayâl olmuş sana

  Nedîm · Lale

• Mecnûn gibi yâbâna giden bü’l-heves-i aşk

  Hall etmediği müşkili üstâda getirsin

  Şeyhülislâm Yahyâ · Divan

• O fitne kim onu Hârut uyardı Bâbil’de

  Siyâh gözlerinin hâb-ı âremîdesidir

  Nedîm · Lale

• Bir söz dedi cânân ki kerâmet var içinde

  Dün geceye dâir bir işâret var içinde

  Nedîm · Lale

• Uyurken seyr eden ol dil-rübâyı câme-hâb içre

  Sanır tasvîr-i Yûsuf ’tur yazılmıştır kitâb içre

  Nef'î · Divan

• Düşse zülfünden arak ruhsâr-ı cânân üstine

  Gûyiyâ şeb-nem düşer gül-berg-i handân üstine

  Bâkî · Divan

• Sen bu rüsvâlığı ey Nef'î komazsın elden

  Yârdan yine sana hışm u itâb olmayıcak

  Nef'î · Divan

• Çeşm-i mesti tîğ çekmiş gamzeden bir Kahraman

  Ebrû-yı müşgîni bir şemşîrden hâli kırâb

  Nef'î · Divan

• Cüvânım bir lûgat gördüm lisânü’l-ışk nâmında

  Belin adın murâd âgûşum adın ârzû yazmış

  Nedîm · Lale

• Yan âteşe pervâne-sıfat eyleme efgân

  Ey âşık-ı miskîn budur âdâb-ı muhabbet

  Şeyhülislâm Yahyâ · Divan

• Ve lîk hissolunur kim o naz-perverdin

  Derûnu içre bir endîşe vü bir âteş var

  Nedîm · Lale

• Ne gördüm âh amân el-amân bir âfet-i cân

  Gelip yanımda güneş gibi oldu lem‘a-nisâr

  Nedîm · Lale

• Şöyle gerd olmuş Firengistân birikmiş bir yere

  Sonra gelmiş kûşe-i ebrûda hâl olmuş sana

  Nedîm · Lale

• Goncasın söyle sabâya eylesin bârî sana

  Reng-i gülden câme, bûy-ı yâsemenden pîrehen

  Nedîm · Lale

• Baştan göze yaşıdır ey zâhid ehl-i ışkın

  Döndüren âsiyâb-ı dolâb-ı çarhı fır fır

  Hayretî · Divan

• Ne kâfirliklerin gördüm yine ol zülf-i siyeh-kârın

  O ebrûnun o zâlim gamzenin, ol çeşm-i mekkârın

  Nedîm · Lale

• Âşıklara çün derd ü belâ zev u safâdır

  Ya zevk u safâ derdine düşmek ne belâdır

  Bâkî · Divan

• Göstermedi yüzin bize ol gonca bir zemân

  Sonra açıldı vechini bildik ki âl imiş

  Şeyhülislâm Yahyâ · Divan

• Bu nâz ü bu nigâh-ı tegâfül ki sende var

  Hızr olsa âşıkın sebeb-i terk-i cân olur

  Nef'î · Divan

• Rûy-ı zîbâsında dil-dârın ki müşgîn mû biter

  Benzer ol gül-zâra etrâfında anber bû biter

  Şeyhülislâm Yahyâ · Divan

• Pür hevâdır ney gibi ışkınla tâb-ı pür-heves

  Derd-i dilden bâ-haber âlemde yok bir hem-nefes

  Bâkî · Divan

• Böyle bî-hâlet değildi gördüğüm sahrâ-yı ışk

  Anda mecnûn bîdler dîvâne cûlar var idi

  Nedîm · Lale

• Âh-ı âşık der idim tîrine ger nâvek-i âh

  Delse eflâki geçip küngüre-i keyvânı

  Nef'î · Divan

• Cilve ettikçe döner bir sanem-i ra‘nâya

  Ki hırâmında nümâyân ola sat gunc u delâl

  Nef'î · Divan

• Fedâ edeyim sana cân u teni

  Kerem kıl koma nîm-bismil beni

  Şeyhülislâm Yahyâ · Divan

• Câme-hâb ol âfeti aldukça tenhâ koynına

  Sanırım ebrin girer mâh-ı şeb-ârâ koynuna

  Bâkî · Divan

• Olsa bu cilve bu nâz eşkar-ı Behrâm’da ger

  Zühre gökten inip olurdu dil-ârâm ona

  Nef'î · Divan

• Belki Yûsuf da seni görse olurdu âşık

  Ol kadar hüsn ile mümtâz ü dil-ârâsın sen

  Nef'î · Divan

• Almış ele Rüstem gibi şemşîrini gamze

  Olmuş ona müjgânları saf saf sipeh-i mest

  Nef'î · Divan

• Ney gibi bir âşık-ı dem-sâz buldum kendime

  Sırr-ı aşkı söylerim hem-râz buldum kendime

  Şeyhülislâm Yahyâ · Divan

• Işkın gamıyla sırrını eşk-i revânımın

  Cûyâ-yı yâr u âşık-ı dîdâr olan bilir

  Bâkî · Divan

• Zülfün hayâli cây edeli çeşmin olmadı

  Gîsû-yı hâb şâne-i müjgâna âşinâ

  Nedîm · Lale

• O mest-i işveyi der-hâb edip bahâne ile

  Hele murâdına erdin gönül fesâne ile

  Nedîm · Lale

• Fuzûlî rind-i şeydâdır hemîşe halka rüsvâdır

  Sorun kim bu ne sevdâdır bu sevdâdan usanmaz mı

  Fuzûlî · Divan

• Ney gibi bir âşık-ı dem-sâz buldum kendime

  Sırr-ı aşkı söylerim hem-râz buldum kendime

  Şeyhülislâm Yahyâ · Divan

• Za‘f-ı tal‘ mânî-i tevfîk olur her nice kim

  İltifâtın ârzû-mend-i visâl eyler beni

  Fuzûlî · Divan

• Hem kadeh hem bâde hem bir şûh sâkîdir gönül

  Ehl-i aşkın hâsılı sâhib-mezâkıdır gönül

  Nef'î · Divan

• Oyuncak ettiler aşk-ı zemânın aşk-bâzânı

  Usûl-i devlet-i aşka mücedded bir nizâm ister

  Nevres-i Kadîm · Lale

• Sûz-ı dilden bî-haberdir sanmayın cânâneyi

  Şem‘i yakmaz mı ol âteş kim yakar pervâneyi

  Şeyhülislâm Yahyâ · Divan

• Âşıka ta‘n etmek olmaz mübtelâdır neylesin

  Âdeme mihr ü muhabbet bir belâdır neylesin

  Nef'î · Divan

• Hac yollarında meş‘ale-i kârbân gibi

  Erbâb-ı aşk içinde nümâyânsın ey gönül

  Nedîm · Lale

• Henüz neş’esini görmeden humâr çeker

  Nedîm-i dil-şüde-i bî-kararı benden sor

  Nedîm · Lale

• Rakîb-i dîvi âdem mi sanır ki ol perî bilsem

  Onun gibi leîme bunca ihsân eyleyip neyler

  Şeyhülislâm Yahyâ · Divan

• Âstân üzre yüzün bir iki def ‘a ferş edip

  Sonra ruhsat-yâb olur Cem girmeğe dîvânına

  Nedîm · Lale

• Ne âdemler helâk eyler görün ol çeşm-i cellâdı

  Anılsa yine ammâ nâ-tüvân bir hastadır adı

  Nef'î · Divan

• Aşk dâmeninin elden koma kim neyl-i kemâl

  Heves-i bî-kesel ü himmet-i üstâd ister

  Şeyhülislâm Yahyâ · Divan