aşk temalı beyitler, sayfa 4

aşk temalı beyitler, sayfa 4 / 6.

• Gözlerim merdümünün aksi yeter rûyunda

  Çok gerekmez ruh-ı mahbûbda besdir iki hâl

  Şeyhülislâm Yahyâ · Divan

• Dehr vakf etmiş beni nev-res cevânlar ışkına

  Her yeten meh-veş esîr-i hatt u hâl eyler beni

  Fuzûlî · Divan

• Zinhâr eline âyîne vermen o kâfirin

  Endîşem âyîne kalemim sürmedân verir

  Nef'î · Divan

• Kızarsa gül gül olsa tâb-ı meyden rûy-ı hûn-âbın

  Ruh-ı cânânı hem gül hem gül-istân olduğun görsem

  Nef'î · Divan

• Bir hâb-ı perîşâna müjem olmadı mahrem

  Güncîde değil sîneye gîsû-yı muhabbet

  Nedîm · Lale

• Ben gedâ sen şâha yâr olmak yoğ ammâ neyleyem

  Ârzû ser-geşte-i fikr-i muhâl eyler beni

  Fuzûlî · Divan

• Giryeyi ol dem ki ehl-i aşka âyîn ettiler

  Dîde-i giryânımı ser-çeşme ta‘yîn ettiler

  Nevres-i Kadîm · Lale

• Erbâb-ı aşka sabr u tesellî tarîkı yok

  Varan harîm-i kûyuna nâ-şâd olup gider

  Bâkî · Divan

• Zemânında bulunmaz fitne-pinhân olmağa bir yer

  Meğer hûbân-ı fettânın şikenc-i zülf-i tarrârı

  Nef'î · Divan

• Telh-i şarâb-ı gussa-i devrânı def ‘ eder

  Şîrin lebin dehânıma alsam niteki kand

  Bâkî · Divan

• Şükrâne-i visâline cân verdiğim bu kim

  Çok derd çekmişem ki bu dermâna yetmişem

  Fuzûlî · Divan

• Hudâ gûyâ ki cism-i nâzikin bir resme halketmiş

  Katıp bûy-ı gülü reng-i şarâba erguvân üzre

  Nedîm · Lale

• Cefâsın gün-be-gün müzdâd eder o gamzesi cellâd

  Vefâdan eylemez mi yâd onun hîç kalbi yanmaz mı

  Nevres-i Kadîm · Lale

• Rûyunda la‘li üzre hatt-ı müşg-bâr-ı yâr

  Şîrînlik yazar şeref-i âftâbda

  Bâkî · Divan

• Dem mi var kim zahm-ı gül derdinle hûnîn olmaya

  Hasret-i hâlinle dâg-ı lâle müşgîn olmaya

  Nedîm · Lale

• Ben başlayım ol dil-ber-i tannâza niyâza

  Âşıklarına başlayıcak nâza güzeller

  Şeyhülislâm Yahyâ · Divan

• Tamâm lerziş ü ser-tâ-kadem temevvüc-i nâz

  Hıram nâzik ü pâ nâzik ü beden nâzik

  Sâmipaşazâde Sezâi · Tanzimat

• Gel ey esîr-i zülf-i perîşânın olduğum

  Bilmez misin rübûde-i çevgânın olduğum

  Nedîm · Lale

• Hevâ-yı aşk ile deryâ-yı eşkim cûşa geldikçe

  Kıbâb-ı nüh-felek anda görünür bir habâb âsâ

  Nef'î · Divan

• Nükhet-i zülfünle geldikçe nesîm-i nev-bahâr

  Turra-i sünbül-sıfat âşüfte-hâl eyler beni

  Nedîm · Lale

• Fikr-i zerd-i ârız ile gönlüm ârâm eylemez

  Âşık-ı dîvâneyim tutmaz beni bend ile bağ

  Nef'î · Divan

• Gamzen ne dem ki tîğ çekip hûn-feşân olur

  Uşşâk-ı dil-figâra ecel mihr-bân olur

  Nef'î · Divan

• Sen gülersin gül gibi ben bülbül-i nâlânınam

  Mest-i medhûş-ı temâşâ-yı leb-i handânınam

  Nedîm · Lale

• Can nisâr etmektir evvel şart bezm-i aşkına

  Mahrem olmaz bilmeyen âdâb-ı sohbet neydügün

  Bâkî · Divan

• Ol tezerv-i hôş-hırâmı pâk tutmuş avlamış

  Var mıdır Yahyâ gibi uşşâk içinde pâk-bâz

  Şeyhülislâm Yahyâ · Divan

• Nedîm-i zârı bir kâfir esîr etmiş işitmiştim

  Sen ol cellâd-ı dîn ol düşmen-ı îmân mısın kâfir

  Nedîm · Lale

• Âgâzı güzel eyledin ey bülbül-i şeydâ

  Hôş gelmedi ammâ dil-i pür-şevke karârın

  Şeyhülislâm Yahyâ · Divan

• İşitti çünki sözüm ol gül-i hadîka-i nâz

  Derûn-ı sîneden âh eyleyip çü bülbül-i zâr

  Nedîm · Lale

• Eşkimde böyle şu‘le nedendir meğer ki sen

  Çün sûz u tâb-ı giryede pinhânsın ey gönül

  Nedîm · Lale

• O şol âhû gözün kılmak için kıymaç üze kıymaç

  Salar dünbâle nahvet sürmesin ol pür-cefâ tartıp

  Nedîm · Lale

• Şi‘r ü inşâdan murâdı âşık-ı bî-çârenin

  Arz-ı ihlâs eylemektir yâre ve’d-duâ

  Bâkî · Divan

• Ağyâr nihân yâr nihân dil dahi nâ-bûd

  Ne resm nümâyân idi ne nâm ü nişâne

  Sâmipaşazâde Sezâi · Tanzimat

• Her şîvene bin âşık-ı sevdâ-zede meftûn

  Yâ Rab ne musîbet ne belâ şîvelerin var

  Nevres-i Kadîm · Lale

• Olsa şâne yaraşır yâline bâl-i Cibrîl

  Olsa pâ-bend-i mahal pâyine zülf-i Hüsrevâ

  Nef'î · Divan

• Lâle dâg-ı siyehin saklayamaz bir hafta

  Âşık elbette eder sûz-ı derûnun izhâr

  Şeyhülislâm Yahyâ · Divan

• Şikest-i gamzen iken sâkiyâ senin pûlâd

  Tahammül eyleye mi beyza-i habâb sana

  Nef'î · Divan

• Gerçi cânândan dil-i şeydâ için kâm isterim

  Sorsa cânân bilmezem kâm-ı dil-i şeydâ nedir

  Fuzûlî · Divan

• Âhuvân-ı ma‘nî-i saydına hep cümleden

  Şimdi bir gîsû-kemend ebrû-kemân lâzım sana

  Nedîm · Lale

• Okusun vasf-ı ruh-ı yâr ile Bâkî şi‘rin

  Bülbül-i gül-şeni mecliste gazel-hân edelim

  Bâkî · Divan

• Tür eder nisân-ı lütfün söyle kim dür pûş olur

  Çeşm-i âşık nem-çekân oldukça dâmân üstüne

  Nedîm · Lale

• Kim söyleşir ol çeşm-i füsûn-sâz ile zîrâ

  Her bir müje bir nâdire-perdâz-ı mahabbet

  Nef'î · Divan

• Giryeyi ol dem ki ehl-i aşka âyîn ettiler

  Dîde-i giryânımı ser-çeşme ta‘yîn ettiler

  Nevres-i Kadîm · Lale

• Aldın hadeng-i cevrini sînemde koymadın

  Ey kaşları kemân katı cevreyledin katı

  Nedîm · Lale

• Zülfün esîri Bâkî-i bî-çâre dostum

  Bir mübtelâ-yı bend-i kemend-i belâ imiş

  Bâkî · Divan

• Kim gördü böyle hindû-yı mest-i kemîn-küşâ

  Kim bir hadengi âfet-i cân-ı cihân olur

  Nef'î · Divan

• Gelse reftâra döner bir sanem-i ra‘nâya

  Başlasa cilveye tâvûs-ı cinândır gûyâ

  Nef'î · Divan

• Sanırlar halka halka dûd-ı âhım evc-i a‘lâda

  Bir ejderdir ki sakf-ı günbed-i gerdâna yazmışlar

  Nef'î · Divan

• Aceb ne bezmde şeb-zinde-dâr-ı sohbet idin

  Henüz nergis-i mestinde bûy-ı hâb kokar

  Nedîm · Lale

• Yâre varsın peyk-i nâlem âh u zârım söylesin

  Zahm-ı hûn-pâş-ı derûnum inkisârım söylesin

  Nâbî · Divan

• Yetmez mi sana bister ü bâlîn kucağım

  Serd oldu hevâ çıkma koyundan kuzucağım

  Nedîm · Lale

• Dehr içre gerçi sen de ser-âmedsin ey Güneş

  Olmayasın ol âfet-i devr-i zemân gibi

  Bâkî · Divan

• Dâg-ı gam-ı ruhunla bârân-ı eşk-i çeşmim

  Bitirdi tâze güller hâk-i tenimde yer yer

  Hayretî · Divan

• Söylen tabîbe yok yere arz-ı devâ eder

  Bîmâr-ı derd-i aşk kabûl eylemez ilâc

  Şeyhülislâm Yahyâ · Divan

• Yıkılsa câmi‘-i hüsnü yerindedir mihrâb

  Lebîb (Mehmet Lebîb)

  Sünbülzâde Vehbî · Divan

• Turra-i müşgînine olmazsa rûzî dest-res

  Şâne-veş minşâr-ı mihnet çâk çâk eyler beni

  Bâkî · Divan

• Yüzün görmek gibi bir devlet olmaz bana âlemde

  Yanımda yoksa dünyânın berâberdir çoğ u azı

  Nef'î · Divan

• Nükhet-i gîsû ile geldin bize âh ey nesîm

  Turra-i sünbül-sıfat âşüfte-kâm ettin beni

  Nedîm · Lale

• Hâtır-ı uşşâk için hattına vermezse amân

  Öldürür bu fitne-i âhir-zemânı bilmiş ol

  Nef'î · Divan

• Kûşe-i ebrûdan ayrılmaz dil-i hûn-geştemiz

  Lekke-i hûndur ki kalmış dâmen-i şemşîrde

  Nedîm · Lale

• Ârzû eylerdi bir mahbûb-ı müstesnâyı dil

  Bir münâsib dil-ber-i mümtâz buldum kendime

  Şeyhülislâm Yahyâ · Divan

• Ne gördüm ol büt-i nâzende nîm-mest olmuş

  Kolunda dâmen-i kerrâke elde bir gül-i al

  Nedîm · Lale

• Şem‘ olmaz isem bezmine bu sûz ile bârî

  Der-gâhına bir meş‘ale-i rûşenin olsam

  Nedîm · Lale

• Şîve-i güftârı hemşîren mi öğretti sana

  Her sözün şîrîn-zebânım cânıma cân oldu hep

  Nedîm · Lale

• Bâğda zülf-i ruhun andıkça bu kimdir diye

  Sünbül ü gül biri birinden suâl eyler beni

  Nedîm · Lale

• Sensin ol ser-mâye-i bâzâr-ı sûk-ı ehl-i aşk

  Düştü feyzinle kesâda cevher-i nâmûs u neng

  Nef'î · Divan

• Âh eylediğim serv-i hırâmânın içindir

  Kan ağladığım gonca-i handânın içindir

  Fuzûlî · Divan

• Sana tûmâr-ı dil ü cânı sunarsam ne ola kim

  Pâdişâh olana elbette sunarlar kâğaz

  Şeyhülislâm Yahyâ · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Derdimi bârî bu takrîb ile takrîr edeyin

  Tâ şifâ-hâne-i lutfundan ere dermânı

  Nef'î · Divan

• Gül-i ra‘nâ figân-ı bülbül-i şeydâyı gûş etmez

  Hezârân nâle vü feryâd eder Yahyâ müfîd olmaz

  Şeyhülislâm Yahyâ · Divan

• Rûh-ı pür-bîmde sa‘y et der-i yâre er er

  Kat‘-ı menzil ederek bahr bahir hem ber ber

  Nâbî · Divan

• Nef ‘î gibi mâil değiliz şîve-i nazma

  Meftûn-ı edâ-yı gazel-i sâde-i aşkız

  Nef'î · Divan

• Hattın nazar-ı âşıka elbette girândır

  Kıldan ağır ey şûh terâzû-yı mahabbet

  Nedîm · Lale

• Şâyed görüp terahhum ede hâk-sârını

  Ömrüm geçince bekleyeyim reh-güzârını

  Bâkî · Divan

• Yiğit mi oldun a cânım nedir bu kırmızı şâl

  Başında dün daha bağlıydı kırmızı çenber

  Nedîm · Lale

• Râhsın râhat-fezâ-yı hâtır-ı mest-ânesin

  Rûhsun nakd-i revân-ı âşık-ı dîvânesin

  Nef'î · Divan

• Sen yine bir nev-niyâz âşık mı peydâ eyledin?

  Kûyuna yer yer dökülmüş âb-ı rûlar var idi

  Nedîm · Lale

• Bâlâ-yı serde âteş-i âhum duhânını

  Şâh-ı mahabbet üstine bir sâyebân tutun

  Bâkî · Divan

• Sû’-i zan eylemem gayrîlere sultânım

  Derd-i aşkınla Nedîmâ hele rencûr gibi

  Nedîm · Lale

• Şimdi bî-gâliye bin gâile açmış halka

  Vay eğer gâliye-sâ eylese gîsûlarını

  Nevres-i Kadîm · Lale

• Fürûgu kûh-sâr-ı âheni âb eylemek mümkin

  Ol âteş kim hayâlinle dil-i şeydâya girmiştir

  Nedîm · Lale

• Her kişi nakd-i cânını âmâde eylesin

  Yârân-ı aşk sohbetimiz ârif-ânedir

  Şeyhülislâm Yahyâ · Divan

• Gamze değil bu şu‘bede-bâz-ı kirişmedir

  Sihri bitirdi şîve-i i‘câza başladı

  Nef'î · Divan

• Sen demişsin kim kimin derdiyle giryândır Nedîm

  Hey mürüvvetsiz senin derdinle giryân oldu hep

  Nedîm · Lale

• Bir nefes dîdâr için bin cân fedâ etsem ne ola

  Nice demlerdir esîr-i iştiyâkıdır gönül

  Nef'î · Divan

• Gördükçe bendeki bu şeker handeler nedir

  Bildin mi tûtî-i şeker-istânın olduğum

  Nedîm · Lale

• Ol şâhı âh u nâle yürütmez belâ budur

  Varır rakîb yanına ıdlâl eder yürür

  Şeyhülislâm Yahyâ · Divan

• Nâvek-i gamzelerin şöyle geçer tenden kim

  Nevk-i peykân-ı ciger-dûzu bulaşmaz kane

  Nef'î · Divan

• Bûy-ı gül taktîr olunmuş nâzın işlenmiş ucu

  Biri olmuş hûy birisi dest-mâl olmuş sana

  Nedîm · Lale

• Gözlerim cânâ remedden bağlarım sanma beni

  Sakınır iki gözünden âşık-ı şeydâ seni

  Şeyhülislâm Yahyâ · Divan

• Ruhunda hâl görüp tavk-ı âhım oldu bülend

  Gedâ-yı dil ne aceb yıldıza atarsa kemend

  Sâmipaşazâde Sezâi · Tanzimat

• Dâra dek pûyân u Hak-gûyân olur sonra varır

  Bir gece bir kimse kûy-ı aşka mihmân olmasın

  Avnî · Divan

• Ohşayıp gabgabın el sürdüğüm insâf mıdır

  Âşıkın dağına der-kâr ola nevk-i nâhun

  Nedîm · Lale

• Her kaçan gönlüme fikr-i ârız-ı dil-ber düşer

  Gûyiyâ mir’âta aks-i pertev-i hâver düşer

  Bâkî · Divan

• Aşkın oduna ey gül yanarsa cân-ı şeydâ

  Her bir avuç külünden bir bülbül ola peydâ

  Şeyhülislâm Yahyâ · Divan

• Zeyn etmeğiçin rişte gibi dürr ü güherle

  Pür-pîç ederim her müjemi tâb-ı nazarla

  Nef'î · Divan

• Biraz in’ânını çek böyle germ-tâz olma

  Semend-i cevre meded kılma bendeni pâ-mâl

  Nedîm · Lale

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Şerâr-ı nâr-ı âhımla sipihrin tâs-ı pûlâdı

  Döner her şeb belâ bezminde câm-ı zer-nişânımdır

  Bâkî · Divan

• Sen de kendin gibi bir şûha nigeh-bân oldun

  Gül iken böyle niçin bülbül-i nâlân oldun

  Nedîm · Lale

• Şehr-i cemâl o gamze vü ebrû vü hâl ile

  Hakka ne cây-ı dil-keş olur dil-rübâsı çok

  Şeyhülislâm Yahyâ · Divan

• Dehân-ı goncayı bâz et zebân-ı sûseni ter kıl

  Şikest-i tevbeye dahl edene hâzır-cevâbımsın

  Nedîm · Lale

• Yâridir ol kadd ü haddin kim müdâmâ bâğda

  Vâlih-i gül-gonce hayrân-ı nihâl eyler beni

  Nedîm · Lale

• Itr-ı şâhîler sürüp ol gerden-i kâfûruna

  Îddir çık nâz ile seyrâna kurbân olduğum

  Nedîm · Lale

• Ne havf edersin ey dil sırr-ı aşkın inkişâfından

  Benim ol gamze gibi mu‘temed bir râz-daşım var

  Nedîm · Lale

• Hakka bu kim berât-ı hümâyûn-ı hüsnüne

  Ebrû-yı dil-firîbi ne garrâ nişân çeker

  Bâkî · Divan

• Her kılı zencîr-i gam her târı bir mâr-ı elem

  Böyledir ol zülf-i pür-ham dikkat ettim mû-be-mû

  Şeyhülislâm Yahyâ · Divan

• Hüsn kim gâliye vü gâzeden imdâd ister

  İstemez dil onu bir hüsn-i Hudâ-dâd ister

  Şeyh Galib · Divan

• Ağyâre nigâh etmediğin nâz sanırdım

  Çok lûtf imiş ol âşıka ben az sanırdım

  Nef'î · Divan

• Bulmaz ol ruhsâr ile ol kadd-i zîbâ hâletin

  Bağlasan bir deste gül serv-i hırâmân üstüne

  Bâkî · Divan

• Yine sihr etti Necâtî nice söz nice gazel

  Leb-i dil-ber sıfatında bir içim sudur bu

  Necâtî · Divan

• O fitne kim onu Hârut uyardı Bâbil’de

  Siyâh gözlerinin hâb-ı âremîdesidir

  Nedîm · Lale

• O tıfl-ı nâzı gördüm rûyuna hûrşid eser etmiş

  Haber-dâr olmamıştım sonra bildim neylemiş nitmiş

  Nedîm · Lale

• Ben dahi gam mı çekerim nazar-ı a‘dâdan

  Bâzû-yı vaslda ta’vîzim olaydı hâmim

  Nâbî · Divan

• Tîr-i gamzen atma kim bağrım deler kanım döker

  Ikd-ı zülfün açma kim âşüfte-hâl eyler beni

  Fuzûlî · Divan

• Neş’e-i gül mevc urur leb-rîz olur reng-i safâ

  Düşse ger âyîneye ol rûy-ı âlin sûreti

  Nevres-i Kadîm · Lale

• Olsak ne ola Nef ‘î gibi rüsâ-yı dü-âlem

  Hem âşık u hem şâir ü hem bâde-perestiz

  Nef'î · Divan

• Hat-âver olsa da ebrûsudur perestiş-gâh

  Yıkılsa câmi‘ hüsnü yerindedir mihrâb

  Sünbülzâde Vehbî · Divan

• Görüp o hâleti akl u şuûrum oldu tebâh

  Düşüp ayağına ol demde eyledim rû-mâl

  Nedîm · Lale

• Aşk-ı derdin şiddetinden fârig olma ey gönül

  Tâ visâl-i Nevrûzundan açıla yevmü’l-bahâr

  Hayâlî · Divan