aşk temalı beyitler, sayfa 6

aşk temalı beyitler, sayfa 6 / 6.

• Câme-i zîbâ ile tâvûs-ı zerrîn-bâldir

  Dil-rübâ kim eyler ol reftâr ile cevlân-ı îd

  Bâkî · Divan

• Böyle bî-hâlet değildi gördüğüm sahrâ-yı aşk

  Anda mecnûn bîdler, dîvâne cûlar var idi

  Nedîm · Lale

• Dil-i şikeste ile zülf-i yâr bir yere gelse

  Bir iki şifte-i rûzgâr bir yere gelse

  Nâbî · Divan

• Bir taraftan dahi ey seng-i dil, ey baht-ı siyâh

  Sen mi urdun bu gece şîşemi dîvâra aceb

  Nedîm · Lale

• Sen ne câmın mestîsin âyâ kimin hayrânısın

  Kendin aldırdın gönül ne oldun ne hâl olmuş sana

  Nedîm · Lale

• Ebrûlar üzre bir dahi sarkıp görünmedin

  Ey kâkül âşinâ-yı tekâsül müsün nesin

  Nedîm · Lale

• Kûy-ı belâda her biriniz bir mekân tutun

  Bâki

  Bâkî · Divan

• Hatâ ile rakîbe atma lutf et hâtırım gözle

  Hadeng-i cân-sitânın eylemez çünkim hatâ cânâ

  Şeyhülislâm Yahyâ · Divan

• Her nâ-mahalle ruhsat-ı nezzâre ya neden

  Bir gün demez misin ki mahallinde kan olur

  Nef'î · Divan

• Âkıbet gönlüm esîr ettin o gîsûlarla sen

  Hey ne câdûsın ki âteş bağladın mûlarla sen

  Nedîm · Lale

• Gör kadd-i yâri serv-i çemân söylerim ona

  Bak ol dehâna râz-ı nihân söylerim sana

  Nedîm · Lale

• Dönmez olunca râh-ı hatar-nâk-ı aşktan

  Yahyâ gibi şu kimseye ki bî-vehm ü bâk olur

  Şeyhülislâm Yahyâ · Divan

• Lâleyi haylî perîşân-hâl gördüm bâğda

  Eylemiş sevdâ-yı zülfün onu muhtellü’d-dimâğ

  Şeyhülislâm Yahyâ · Divan

• Dîdelerdir zâhir ü bâtın cemâlin seyrine

  Dilde zahm-ı nevk-i tîrin tende dâg-ı hûn-feşân

  Nef'î · Divan

• Telh-kâm etmez senin şîrîn kelâmın Nevres’i

  Sen hemân eyle tekellüm râzıyım düşnâma ben

  Nevres-i Kadîm · Lale

• Eyvâh o üç çifte kayık aldı karârım

  Şarkı okuyup geçti bir âfet var içinde

  Nedîm · Lale

• Bilsen beyim ederdi seni reşk bî-karâr

  Şimdi Nedîm’in öylece bir mâ-cerâsı var

  Nedîm · Lale

• Bir kerre gülle urmaz iken onu rûzigâr

  Mümkin mi zahm-ı hâr ola mu‘tâd-ı andelîb

  Şeyhülislâm Yahyâ · Divan

• Bahr-i aşk içre şinâver geçinenler ne bilir

  Düşmese câh-ı zenahdânına girdâb nedir

  Bâkî · Divan

• Her sözüm gül-şen-i ma‘nâya gönül bezminden

  Gül gibi renkli nergis gibi mest-âne gelir

  Nedîm · Lale

• Âşık ol ammâ alâikden berî et gönlünü

  Ne ham-ı gîsûya meftûn, ne esîr-i gabgab ol

  Nef'î · Divan

• Belâ budur ki alıştı belâlarınla gönül

  Gamın da gelse dile bâis-i meserret olur

  Nef'î · Divan

• Bilmezem yâkût-ı ahmer mi lebin ya kût-ı rûh

  Bir sor ey sarrâf-ı devrân kim ne cevher devridir

  Hayâlî · Divan

• Giryân o Leylî-veş ne ola sahrâya salsa Bâki’yi

  Mecnûn’un âb-ı çeşmine hâk-i beyâbân teşnedir

  Bâkî · Divan

• Sabâ ki dest ura ol zülfe müşg-i nâb kokar

  Açarsa ukde-i pîrâhenin gül-âb kokar

  Nedîm · Lale

• Dil zevrakını lücce-i gamdan hevâ-yı ışk

  Elbette bir kenâra atar rûzgârdır

  Bâkî · Divan

• Bir vech ile sarmazdı yine zülfüne cânâ

  Mikrâz-ı sitemle dil-i bî-çâre kesilmez

  Şeyhülislâm Yahyâ · Divan

• Deşt-i gamda her yana tenler getirdi seyl-i hûn

  Durmayıp tâtâr-i gamzen tîr-i bârân etmede

  Bâkî · Divan

• Gönder efendi sîneme tîr-i belâların

  Olsun siper belâlarına mübtelâların

  Bâkî · Divan

• Hışm ile çeker gamzesi peymâne-i nâzı

  Âşûb-ı cihân olsa ne ola her nigeh-i mest

  Nef'î · Divan

• Ârızı üzre ser-i zülfü düşer mikrâzdan

  Gûyiyâ dil-ber kitâb-ı hüsnünü i‘râblar

  Şeyhülislâm Yahyâ · Divan

• Böyle âteşle gelip âb gibi geçmekten

  Kasdın âzâre mi tatyîb-i dil-i zâre midir

  Nedîm · Lale

• Dökülüp rûy-ı arak-nâkine şâd-âb oldu

  Tâze sünbül gibi ol kâkül-i pür-çîn ü şiken

  Nedîm · Lale

• Bir kez zih-ı kemânın öpen tîr-i mürde-dil

  Tâ haşr vahşe râtibe-i kût-ı cân verir

  Nedîm · Lale

• İncinmez idim çıktığına hâne-i tenden

  Cân olsa eğer nâvek-i cânân ile hem-râh

  Şeyhülislâm Yahyâ · Divan

• Verdikçe pend perçemine bend olurdu dil

  Çeksin belâ-yı kaddini şimdi cezâsıdır

  Nevres-i Kadîm · Lale

• Hemân hitâb edip ey âfitâb-ı nâz dedim

  Ki ey fedâ o siyeh zülfe nâfe-i Tâtâr

  Nedîm · Lale

• Derdin nedir gönül sana bir hâlet olmasın

  Sad el-hazer ki sevdiğin ol âfet olmasın

  Nedîm · Lale

• Görmez cihânı gözlerimiz yârı görmese

  Mir’ât-ı hüsnü var ise âlem-nümâ imiş

  Bâkî · Divan

• Kâkül-i yâr iledir kârı dil-i şeydânın

  Rîsmânın kurar üstâd-ı resen-bâz bülend

  Şeyhülislâm Yahyâ · Divan

• Sen bî-haber hayâlin ile gûşelerde biz

  Tâ subh olunca her gece ayş ü dem eyleriz

  Nedîm · Lale

• Rindân-ı âlemiz ki bize yâr olan gönül

  Olur adû-yı sohbet-i bî-gânemiz bizim

  Nef'î · Divan

• Nezâketle dokun zülfüne ey bâd-ı sabâ yârin

  Sakın dilden olur zîrâ dil-i erbâb-ı gam nâzik

  Nef'î · Divan

• Gûyâ ki olur dîdelerim ma‘den-i yâkût

  Her gâh ki yâd-ı leb-i cânân ederim ben

  Nef'î · Divan

• O düzd-i gamze tuttu işte sad çâk etti dâmânım

  Amân ey çeşm-i gîrâ bârî sen koyver girîbânım

  Nedîm · Lale

• Nâ-tüvânım şöyle çeşmin hasretinden kim gehî

  Sâye-i müjgân-ı âhû pây-mâl eyler beni

  Nedîm · Lale

• Ey Nedîm, ey bülbül-i şeydâ niçin hâmûşsun

  Sende evel çok nevâlar güft ü gûlar var idi

  Nedîm · Lale

• Nûş-ı dârû-yı lebindir haste-i aşka devâ

  Şerbet-i vaslından olur âşık-ı bîmâra hazz

  Şeyhülislâm Yahyâ · Divan

• Gonce gülsün gül açılsın cûy feryâd eylesin

  Sen dur ey bülbül biraz gül-şende yârim söylesin

  Nâbî · Divan

• Şem‘ olmaz isem bezmine bu sûz ile bârî

  Der-gâhına bir meş‘ale-i rûşenin olsam

  Nedîm · Lale

• Bir lebi gonca yüzi gül-zâr dersen işte sen

  Hâr-ı gamda andelîb-i zâr dersen işte ben

  Bâkî · Divan

• Tutuştu gam oduna şâd gördüğün gönlüm

  Mukayyed oldu ol âzâd gördüğün gönlüm

  Fuzûlî · Divan

• Biz güft ü gûdayız nigeh-i çeşm-i yâr ile

  Aşk olsun ol muâmelenin âşinâsına

  Nef'î · Divan

• Lebleri üzre gubâr-ı hatt-ı nev-hîz değil

  Nâfe-i âhû-yı çeşminden dökülmüş müşg-i nâb

  Nef'î · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Tâ sabâh-ı haşre dek bin mübtelâyı mest eder

  Bezm-i aşkın neşve-i rıtl-i girânîdir sözüm

  Nef'î · Divan

• Dehân-ı goncayı bâz et zebân-ı sûseni ter kıl

  Şikest-i tövbeye dahl edene hâzır cevâbımsın

  Nedîm · Lale

• Dilimle uğradım kayda ben şu âlemde

  Ne bülbül uğradı ne tûtî-i şeker-güftâr

  Nedîm · Lale

• Ey gam yedi vassâf-ı lebin oldu çü Yahyâ

  Şimden gerü tûtî gibi sükker yiye cânâ

  Şeyhülislâm Yahyâ · Divan

• Söylen tabîbe yok yere arz-ı devâ eder

  Bîmâr-ı derd-i aşk kabûl eylemez ilâc

  Şeyhülislâm Yahyâ · Divan

• Seni meğer ki gül-efsûn-ı nâz terletmiş

  Ki sîb-i gabgabın ey gonce-leb gül-âb kokar

  Nedîm · Lale

• Tâb-ı ruhun oldukça füzûn şu‘le-i meyden

  Bir lem‘ası dünyâyı yakar berk-ı belâsın

  Muallim Nâci · Tanzimat

• Rişte-i mûy-i dil-bere dolaşan

  Beste-i bend-i zülf ü kâkül olur

  Bâkî · Divan

• Ol benefşî hat gelir evvelde la‘l-i dil-bere

  Kahve der-peydir bezmde âdetâ gül-şekere

  Nedîm · Lale

• Hilâl gibi terakkîde mâh-ı tâbân ol

  Fürûg-ı hüsnünü günden güne ziyâde görem

  Şeyhülislâm Yahyâ · Divan

• Nice tîr-endâzdır seyr eyle ol ebrû-kemân

  Tîr-i cevr ile deler sınmaz yine dil şîşesi

  Şeyhülislâm Yahyâ · Divan

• Hem kadeh hem bâde hem bir şûh sâkîdir gönül

  Ehl-i aşkın hâsılı sâhib-i mezâkıdır gönül

  Nef'î · Divan

• Korkarım Yahyâ ki pûlâd olsa da te’sîr eder

  Tîr-i âhın kim vara ol kalbi âhenden yana

  Şeyhülislâm Yahyâ · Divan

• Pür hevâdur ney gibi aşkınla tâb-ı pür-heves

  Derd-i dilden bâ-haber âlemde yok bir hem-nefes

  Bâkî · Divan

• Bâkî gedâ-yı mey-gede-i aşk olup yine

  Bezm-i gamından ol sanemin sâgar isterim

  Bâkî · Divan

• Ne kâfirliklerin gördüm yine ol zülf-i siyeh-kârın

  O ebrûnun o zâlim gamzenin, ol çeşm-i mekkârın

  Nedîm · Lale

• Dehenin tûtî-i şekker-şiken olsa ne aceb

  Leb-i şîrîn ü hat-ı sebz ona bâl ü perdir

  Bâkî · Divan

• Âbsın ma‘nîde ammâ âb-ı âteş-pâresin

  Lâlsin sûrette reng-i rûy ile ammâ nesin

  Nef'î · Divan

• Zülf-i siyâh-ı yârda var sad-hezâr çîn

  El çek dolaşmadan ona Yahyâ hatâsı çok

  Şeyhülislâm Yahyâ · Divan

• Hâmdır meyve-i vaslım sana olmaz dersin

  Olsun ey tâze nihâl-i çemen-i cân olsun

  Nedîm · Lale

• Mest-i nâzım kim büyüttü böyle bî-pervâ seni

  Kim yetiştirdi bu gûne servden bâlâ seni

  Nedîm · Lale

• Oyuncak ettiler aşk-ı zemânın aşk-bâzânı

  Usûl-i devlet-i aşka mücedded bir nizâm ister

  Nevres-i Kadîm · Lale

• Evvel senin elinden şekvâya ben giderdim

  Âlemde âşık-âne bir dâd-hâh olaydı

  Nevres-i Kadîm · Lale

• Hâl kâfir zülf kâfir çeşm kâfir el-amân

  Ser-be-ser iklîm-i hüsnün kâfiristân oldu hep

  Nedîm · Lale

• Hem öldürür üftâdesini hem eder ihyâ

  Mahsûstur ol âfete i‘câz-ı mahabbet

  Nef'î · Divan

• Sevdâ-yı ser-i zülfünü elden komam ey mâh

  Ser-rişte-i aşk eldedir el-minnetü li’llâh

  Şeyhülislâm Yahyâ · Divan

• Korkarım hem âftâb-ı kîmyâ-ger duymasın

  Yoksa bin şevk ile olur ol dahi bir müşterî

  Nef'î · Divan