Lale beyitleri, sayfa 2

Lale beyitleri, sayfa 2 / 7.

• Dem gelir bir mütenekkirde olur âlet-i rızk

  Uzuvv-ı maktû‘u gibi sâil-i âfet-zedenin

  Nevres-i Kadîm · Lale

• Ol hôş-hırâm-ı işve aceb hangi sûdadır

  Seyl-i sirişk-i dîdem onu cüst ü cûdadır

  Nedîm · Lale

• Tâ cebhen üzre nakş ederim vasfın âkıbet

  Ey âftâb işte ıyân söylerim sana

  Nedîm · Lale

• Hakka ki hamd-i vâcib o Feyyâz-ı mutlak’ın

  Kim ni‘meti ibâdına bî-imtinân verir

  Nedîm · Lale

• Ne gedâyız biz efendim ki sen oldun üstâd

  Tîşe-i ışk ile kân delmede sad Ferhâd’e

  Nedîm · Lale

• Bezm-i meyde nakle el sunmaz hemân ancak Nedîm

  Dil-berin ünnâb-ı la‘lin, çeşm-i bâdâmın bilir

  Nedîm · Lale

• Ederdi çünki sözüm ol gül-i hadîka-i nâz

  Derûn-ı sîneden âh eyleyip çü bülbül-i zâr

  Nedîm · Lale

• Kahreylediler bâd-ı bürûd ile cihânı

  Bakmaz mı bu câh ehli aceb Âd u Semûd’a

  Nedîm · Lale

• Hasma hüccetler nümâyân eyleyem kim her biri

  Hatf-ı ebsâr eylesin berk-ı felek-peymâ gibi

  Nedîm · Lale

• Felekte kaldı mı nâmın yazılmadık bir tâk

  Zemînde kaldı mı methin okunmadık bir yer

  Nedîm · Lale

• Hemân hitâb edip ey âf-tâb-ı nâz dedim

  Ki ey fedâ o siyeh zülfe nâfe-i Tâtâr

  Nedîm · Lale

• Kaçan geldim der-i ikbâle ol dem dest-i ihsânın

  Kef-i nâ-kâmıma sundu rüûs-ı sîm- sîmâyı

  Nedîm · Lale

• Tezerv-i şûhsun bin nâz ile reftâra âgâz et

  Gül olsun nakş-ı gül-şen olsun şâh-râhın gel

  Nedîm · Lale

• Sâye-i bezmin celâl-i câhın âsâyiş-gehi

  Râyet-i azmin hümâ-yı devletin bâl ü peri

  Nedîm · Lale

• Mutî-i emrin olup çâr-kûşe heft iklîm

  Ola müsahhar-ı kilkim bu kubbe-i devvâr

  Nedîm · Lale

• Rûy-ı pâk-i enverin gördükçe rûh-ı Enverî

  Medh-i Sencer’den utanmaz mı bakıp dîvânına

  Nedîm · Lale

• Geçip gitmekte ömrüm derd ü mihnet gibi şeylerle

  Müşerref olmadı kasr-ı emel ferhunde-peylerle

  Nedîm · Lale

• Kâlâ-yı maârif satılır sûklarında

  Bâzâr-ı hüner ma‘den-i ilm ü ulemâdır

  Nedîm · Lale

• Hâne-i âyînede Leylâ’yı çoktur seyreden

  Sen gönül Mecnûn’u seyret hâne-i zencîrde

  Nedîm · Lale

• Âgâzesi gerçi kim nihâvend

  Ammâ ki karârı Isfahân’dır

  Nedîm · Lale

• Başında hurd edeyim şöyle kim asâsını şeyh

  Elinde mutrib-i bezmin çihâr-pâre göre

  Nedîm · Lale

• Böyle ser-mest-i harâb etme Nedîm-i zârını

  Nîm sun peymâneyi sâkî tamâm ettin beni

  Nedîm · Lale

• Ol benefşî hat gelir evvelde la‘l-i dil-bere

  Kahve der-peydir bezimde âdetâ gül-şekkere

  Nedîm · Lale

• Biraz bu tarz ile güft ü şinidten sonra

  Biraz da sohbet-i eş‘âra gösterip ikbâl

  Nedîm · Lale

• Nerm-ten dil-berlerin âzârı da şîrîn olur

  Lezzetin telh eylemez çîn-i cebîn pâlûdenin

  Nedîm · Lale

• Olsam üftâde gubâr-âsâ yine pest olmazam

  Çünki ey serv-i bülend üftâde-i dâmânınam

  Nedîm · Lale

• Olsa ger bâd-ı semûmu sâhâtından pür-tâb

  Ser-i bed-hâhına tâ haşr yağardı samsâm

  Nedîm · Lale

• Sözü az söyle ağır söyle Nedîmâ ki sühan

  Zer gibi sayılı gevher gibi sencîde gerek

  Nedîm · Lale

• Ebrûlar üzre bir dahi sarkıp görünmedin

  Ey kâkül âşinâ-yı tekâsül müsün nesin

  Nedîm · Lale

• Vücûdun olmasa ger vâcibü’l-vücûdta delîl

  Vücûd-ı vâcibi bilmez ûlü’n-nühâ-yı vücûd

  Nevres-i Kadîm · Lale

• Olup perçem-i rahşı sünbül-feşân

  Alem-dârlık etti serv-i revân

  Nedîm · Lale

• Fehm olunmazdı neşât-ı âlemin eksikliği

  Görmesen renc-i humârı işret-i dûşînede

  Nedîm · Lale

• Mâ’-i tesnîm içelim çeşme-i nev-peydâdan

  Görelim Âb-ı Hayât aktığın ejderhadan

  Nedîm · Lale

• Al deste eğer lâle bulunmazsa piyâle

  Ver hükmünü ey serv-i revân köhne bahârın

  Nedîm · Lale

• Böyle âteşle gelip âb gibi geçmekten

  Kasdın âzâre mi tatyîb-i dil-i zâre midir

  Nedîm · Lale

• Kıl metâ‘-ı nazmını ârâyiş-i sûk-ı kemâl

  Ey Nedîm-i pür-hüner zîb-i dükân lâzım sana

  Nedîm · Lale

• Gerdeninden sînesinden bûseler etmişti va‘ad

  Cümlesinden neyleyim kâfir peşîmân oldu hep

  Nedîm · Lale

• Ehl-i keyfin birisi der ki behey sultânım

  Aydın ay belli hesâb olmadı Şa‘bân tamâm

  Nedîm · Lale

• Sen dil-rîşini hûn-âb edegör

  Zâhid-i hâma gerek rîş-i hidâb-âlûde

  Nedîm · Lale

• Nâvek-i perrânın olsa ne ola sırr-ı kerem-şitâb

  Nâme birdir rây-ı Hind’in sîne-i uryânına

  Nedîm · Lale

• Bul Nedîma’yı ararsan o kemân ebrûnun

  Evbrüvânında yâhûd zülf-i semen-sâyinde

  Nedîm · Lale

• Bü’l-aceb hâleti var bilmedik ol şûhu Nedîm

  Vahşî şâhîn mi yâhûd kumrî-i âvârem midir

  Nedîm · Lale

• Sînede bir lâhza ârâm eyle gel cânım gibi

  Geçme ey rûh-ı revân ömr-i şitâbânım gibi

  Nedîm · Lale

• Zâhid ölür gider gam-ı havz-ı behiştten

  Biz bir kadeh şarâb ile def ‘-i gam eyleriz

  Nedîm · Lale

• Nevres’i etmez senin şîrîn kelâmın telh-kâm

  Sen hemân eyle tekellüm râzıyım düşnâma ben

  Nevres-i Kadîm · Lale

• Ey kudsiyân amân bana imdâd vaktidir

  Bir hayret aldı nâtıkamın tâb u râhatın

  Nedîm · Lale

• Bu dârâtı temâşâ kıldı çün kim bende-i nâ-çîz

  Celâlet pertevinden hîrelendi çeşm-i hayrânı

  Nedîm · Lale

• Kûh u deryâ iki cânibden der-âgûş eylemiş

  Sanki deryâ dâyesi küh-sâr ise lalasıdır

  Nedîm · Lale

• Pâyına rîhtedir şermle sad Âb-ı Hayât

  Her ser-i mûyuna âvîhte bin Çîn ü Hoten

  Nedîm · Lale

• Biraz bu tarz ile güft ü şinîdten sonra

  Biraz da sohbet-i eş‘âra gösterip ikbâl

  Nedîm · Lale

• Zemân-ı devletinde ben hele bilmem sen insâf et

  Sipihr olmak sezâ mı ehl-i tab‘a imtinân üzre

  Nedîm · Lale

• Sîne-i tengde bend et hele evvel nefesin

  Sonra gör himmet-i vâlâsını feryâd-resin

  Nedîm · Lale

• Sen dil-rîşini hûn-âb edegör

  Zâhid-i hâma gerek rîş-i hidâb-âlûde

  Nedîm · Lale

• Olmakta derûnunda hevâ âteş-i sûzân

  Nâyın diyebilmem ki ne hâlet var içinde

  Nedîm · Lale

• Hôş geldin eyâ hıdîv-i ekrem

  Lûtfunla gönüller oldu hurrem

  Nedîm · Lale

• Serimde yine bir dâg-ı heves bağrımda başım var

  Cebîni mâha dest-i redd vurur bir ser-tırâşım var

  Nedîm · Lale

• Nîzesin tîr-i sebük-pervâze eyler pîş-rev

  Rezmde gelse o rahş-ı berk cevelân üstüne

  Nedîm · Lale

• Haddeden geçmiş nezâket yâl ü bâl olmuş sana

  Mey süzülmüş şîşeden ruhsâr-ı al olmuş sana

  Nedîm · Lale

• Dökülüp rûy-ı arak-nâkine şâd-âb oldu

  Tâze sünbül gibi ol kâkül pür-çîn ü şiken

  Nedîm · Lale

• Biz topuk çalmada siz zevk u safâda her şeb

  Kaldırıp kâ‘b-ı muhannâ gibi câm-ı bâde

  Nedîm · Lale

• Vaktinizde çerh âmennâ ki bî-îmân idi

  Ehl-i dil makrûn idi endûh-ı bî-pâyânına

  Nedîm · Lale

• Ben ise derd ile kaldım arada zâr u zebûn

  Ne sabr u tâkata fırsat ne hôd girîze mecâl

  Nedîm · Lale

• Tatlı sözlerle yazıp vasfını Sa‘d-âbâd’ın

  Eyle şîrîn yine gel zâika-i irfânı

  Nedîm · Lale

• Nef ‘î vâdî-i kasâ’idde sühan-perdâzdır

  Olamaz ammâ gazelde Bâkî vü Yahyâ gibi

  Nedîm · Lale

• Zuhûr eyler mi hîç hâsiyyet-i âteş semenderden

  Nahîfî (Süleyman ...

  Nedîm · Lale

• Olup perçem-i rahşı sünbül-feşân

  Alem-dârlık etti serv-i revân

  Nedîm · Lale

• Bu ne ândır ki melâhetle nemek-dân-ı lebin

  Hindû-yı dâg-keş-i fülfül-i hâl etti beni

  Nevres-i Kadîm · Lale

• Sen ne câmın mestisin ayâ kimin hayrânısın

  Kendin aldırdın gönül ne oldun ne hâl olmuş sana

  Nedîm · Lale

• Bûy-ı gül taktîr olunmuş nâzın işlenmiş ucu

  Biri olmuş hoy birisi dest-mâl olmuş sana

  Nedîm · Lale

• Her şîvene bin âşık-ı sevdâ-zede meftûn

  Yâ Rab ne musîbet ne belâ şîvelerin var

  Nevres-i Kadîm · Lale

• Her ne denlü şâd olursa hak bu kim şâyestedir

  Her ne gûne fahr ederse hak bu kim ol rütbe var

  Nedîm · Lale

• Donanıp tâze arûsân gibi şehr ü bâzâr

  Oldu âlem yine pür-zîb çü rûy-ı hûbân

  Nedîm · Lale

• Nice âsâr-ı uzmâyı nice cây-ı dil-ârâyı

  Vüfûr-i himmet-i tab‘-ı bülendi eyledi ihyâ

  Nedîm · Lale

• Hayâl ettikçe zülfün tâ sihr ol dâmen-i zülfe

  Sarıldı rîşe-i reyhân gibi hâb-ı perîşânım

  Nedîm · Lale

• Râsıdân fark edemezler irtifâ-yı kevkebin

  Kılsalar birkaç rasad bünyâd-ı Uluğ Mîrzâ gibi

  Nedîm · Lale

• Nedîmâ lutf-ı yârî-i musavverle olur bir gün

  Büt-i âmâle bir bergeşte müjgân baht-ı vârûnun

  Nedîm · Lale

• Olmakta derûnunda hevâ âteş-i sûzân

  Nâyın diyebilmem ki ne hâlet var içinde

  Nedîm · Lale

• Çeh değil sîb-i zenâhdânında yer almış Nedim

  Zahm-ı engüşt-i nigâh-ı intihâbından senin

  Nedîm · Lale

• Sandım olmuş ceste bir fevvâre-i Âb-ı Hayât

  Böyle gösterdi bana ol kadd-i müstesnâ seni

  Nedîm · Lale

• Âşıklarının günâhı boynunda mıdır

  Nedîm · Lale

• Nedir bu gizli gizli âhlar çâk-i girîbânlar

  Aceb bir şûha sen de âşık-ı nâlân mısın kâfir

  Nedîm · Lale

• Nedîm’in hak bu kim bu nazmı şevk-âmîz düşmüştür

  Sanırsın kim durup bir dil-ber ile rû-be-rû yazmış

  Nedîm · Lale

• Bî-gümân eyler temessül sûret-i ayba eğer

  Fursat-ı güftâr yâ Rab değmesin bed-gûlara

  Nedîm · Lale

• Dolup şevk ü tarabla ser-be-ser dünyâ gam u endûh

  Adem-âbâd mülkünden de sad-menzil baîd olsun

  Nedîm · Lale

• O günlerde koyup yüz yerlere der-gâh-i Bârî’de

  Der idik ki İlâhî hâlimiz gayet yaman oldu

  Nedîm · Lale

• Şûhsun neyleyim ammâ ki yalan söylersin

  Her zemân böyle Nedîmâyı firîb eylersin

  Nedîm · Lale

• Fasl-ı gül geldi mi âyâ diye perîşân olarak

  Bülbülü kûçede gördüm ki gül-istâne gelir

  Nedîm · Lale

• Hüsn-i matla‘da edip çeşme-i mihri rîzân

  Eyledi hükmünü icrâ yine tab‘-ı rûşen

  Nedîm · Lale

• Gerdeninden sînesinden bûseler etmişti va‘d

  Cümlesinden neyleyim kâfir peşîmân oldu hep

  Nedîm · Lale

• Cânımı cânânımın dîdârına nezr eyledim

  Alma yâ Rab cânımı göstermeden cânânımı

  Nevres-i Kadîm · Lale

• Ben bugün bir nev-bahâr-ı hüsn ü ân seyr eyledim

  Tarf-ı destârında sünbül gibi mûlar var idi

  Nedîm · Lale

• Düzdü fasl-ı sayf işret-hânesin bülbüllerin

  Dinlesin gül na‘ra-i mest-ânesin bülbüllerin

  Nedîm · Lale

• Yok seninçün ihtiyac âyîne-i İskender’e

  Gevher-i zâtında rûşen her misâlin sûreti

  Nevres-i Kadîm · Lale

• Zülf-i pür-çîninle hem-dûş oldu cânâ kad çekip

  Sünbül-i hâb-ı tegâfül câme-hâbından senin

  Nedîm · Lale

• Karîr-i rûşenî-i tal‘atinle çeşm-i şühûd

  Bülend mertebe-i kudretinle pây-ı vücûd

  Nevres-i Kadîm · Lale

• Âlemi kıldı tefahhus ol şeh-i âlî-tebâr

  Nedîm

  Nedîm · Lale

• Encüm değil felekte kazâ-yı bikr-i fikrime

  Her şeb hediyye bir tutuk-ı zer-nişân verir

  Nedîm · Lale

• Takıp kemend boynuna döndürdü Kâ‘be’den

  Çekti çevirdi zâhid-i zerrâkı zülf ü hat

  Nedîm · Lale

• Hemân merâmı tegâfüldür ol bütün yoksa

  Zebânı beste-i nâz ise çeşmi lâl midir

  Nedîm · Lale

• Emr et öleyim ger sana bâr ise hayâtım

  Mahşerde dahi hâhişin olmazsa dirilmem

  Nevres-i Kadîm · Lale

• Arz-ı Nişâbûr-veş iklîm-i İrân üstüne

  Nedîm · Lale

• La‘l-i yâr ağzında ammâ vâ-pesîn olmuş nefes

  Âşık-ı bîmârı gördüm cân verip cân almada

  Nedîm · Lale

• Kapudan-ı mükerrem sadr-ı efhâm kim semâhatte

  Kef-i cûdundan alır feyz-i cûşu lücce-i deryâ

  Nedîm · Lale

• Her turrasında bin şiken-i dil-rübâsı var

  Her bir şikenc-i turrada bin mübtelâsı var

  Nedîm · Lale

• Mest-i nâzım kim büyüttü böyle bî-pervâ seni

  Kim yetiştirdi bu gûne servden bâlâ seni

  Nedîm · Lale

• Güzelsin bî-bedelsin şûhsun âlüftesin cânâ

  Söz olmaz öz hüsnüne gelmez nazîrin âleme hakka

  Nedîm · Lale

• Bir tâb verdi kaşlarına seng-i vesme kim

  Ancak o tâbı teşneye seng-i fesân verir

  Nedîm · Lale

• Kıl metâ‘-ı nazmını ârâyiş-i sûk-ı kemâl

  Ey Nedîm-i pür-hüner zîb-i dükkân lâzım sana

  Nedîm · Lale

• Yok bu şehr içre senin vasf ettiğin dil-ber Nedîm

  Bir perî-sûret görünmüş bir hayâl olmuş sana

  Nedîm · Lale

• O fitne kim onu Hârut uyardı Bâbil’de

  Siyâh gözlerinin hâb-ı âremîdesidir

  Nedîm · Lale

• Gûş kıl ey rûh-ı Kisrâ ey revân-ı Cem işit

  Ben kapılmam ehl-i târîhin sühan- sencânına

  Nedîm · Lale

• Çeşm-i Zerka’-i Yemâme’yle mi bakmış bilmem

  Nazar-ı şâhide ahsentü zehî dikkat-i tâm

  Nedîm · Lale

• Ribât-ı köhne dünyâyı kıldı lutf-ile tecdîd

  Olup re’y-i rezîni kâr-sâz-ı millet-i beyzâ

  Nedîm · Lale

• Cihânı lûtf u mürüvvetle kâm-rân ettin

  Cihânda kâm alasın ber-sebîl-i istimrâr

  Nedîm · Lale

• Bir söz dedi cânân ki kerâmet var içinde

  Dün geceye dâir bir işâret var içinde

  Nedîm · Lale

• Kaçan geldim der-i ikbâle ol dem dest-i ihsânın

  Kef-i nâ-kâmıma sundu rüûs-ı sîm-sîmâyı

  Nedîm · Lale

• Şâh-ı âlem dâver-i âlî-güher

  Zî-bahş-i mesned-i tâc u kemer

  Nedîm · Lale

• Sen öyle bil ki cûşiş-i deryâ-yı ıztırâb

  Cân-ı hamûle lenger-i kûh-i girân verir

  Nedîm · Lale

• Cüvânım bir lûgat gördüm lisânü’l-ışk nâmında

  Belin adın murâd âgûşum adın ârzû yazmış

  Nedîm · Lale

• Bu baht-ı pâki debistân-ı fazl u dânişte

  Bu sûret ile ki takrîr eder ûlü’l-ebsâr

  Nedîm · Lale