Lale beyitleri, sayfa 4

Lale beyitleri, sayfa 4 / 7.

• Nâz ile piste-i nemekin sundu lebleri

  Câmı çekip elindeki bâdâmın almadan

  Nedîm · Lale

• Bir elinde gül bir elde câm geldin sâkiyâ

  Hangisin alsam gülü yâhûd ki câmı ya seni

  Nedîm · Lale

• Olsa ger bâd-ı semûm-ı sâhâtında per-tâb

  Ser-i bed-hâhına tâ haşr yağardı samsam

  Nedîm · Lale

• Değil çeşm-i kebûd ol ebruvânın zîr-i tâkında

  İki âvâre kumrudur ki gelmiş âşiyân tutmuş

  Nedîm · Lale

• Ol siyeh zülfü döküp ol sîne-i billûruna

  Itr-i şâhîler sürüp ol gerden-i kâfûruna

  Nedîm · Lale

• Tarh-ı hûbu ol kadar matbû‘-ı dil-cû oldu kim

  Her taraftan seyrine şevk u tarab eyler şitâb

  Nedîm · Lale

• Donanıp tâze arûsân gibi şehr ü bâzâr

  Oldu âlem yine pür-zîb çü rûy-ı hûbân

  Nedîm · Lale

• Eğerçi sûretâ kıldın itâb ammâ ki ma‘nâda

  Nevâzişlerle memnûn eyledin bu abd-i nâlânı

  Nedîm · Lale

• Ukde-i hâtırı biz halle şitâb ettikçe

  O büt-i ser-keşin ebrûları pür-çîn oldu

  Nedîm · Lale

• Pâs-bân verdi kudûmuyla cevâb eyle yine

  Ramazân geldi mi eyâ diyerek istifhâm

  Nedîm · Lale

• Şevk ile yine gevremiş îmânı rakîbin

  Çekmiş gibi kâfir o bütü şürb-i yehûde

  Nedîm · Lale

• Karârın aldı dilin bir garîb dağdağa kim

  İlâcı güç gamı müşkil tegâfül düşvâr

  Nedîm · Lale

• Yeter geçti bu gûne mâlîhulyâlarla evkâtım

  Amân bir gün mukaddem âh fasl-ı nev-bahâr olsa

  Nedîm · Lale

• Nihâl-i kaddinin üftâdesidir Sidre vü Tûbâ

  Esîr-i şiftesi rûhâniyân-ı arş-ı Rahmânî

  Nedîm · Lale

• Beni öldür beni kim şu‘lede pervâne-sıfat

  Nice bir titreyeyim kabza-i sâtûr üzre

  Nedîm · Lale

• Nazîrin yok cihânda hüsünle mihr-i münevversin

  Behâ olmaz sana cânâ aceb pâkîze gevhersin

  Nedîm · Lale

• Bir kân-ı niamdır ki onun gevheri ikbâl

  Bir bâğ-ı İrem’dir ki gülü izz ü a‘lâdır

  Nedîm · Lale

• Bir sen ü bir ben ü bir mutrib-i pâkize-edâ

  İznin olursa eğer bir de Nedîm-i şeydâ

  Nedîm · Lale

• Âhı yetişti bülbül-i zârın ki bâğ-bân

  Çûb-ı duhân edindi gülün şâhsârını

  Nedîm · Lale

• Olup bânîsi dâim mesned-i iclâle zînet-bahş

  Görünsün tab‘-ı pâkinde hezârân şevk bir demde

  Nedîm · Lale

• Gül-zemîn-i çemeni ebr-i bahâra suladıp

  Cûları mevce-i reşk ile bulandırdı sabâ

  Kâmî · Lale

• Nice âsâr-ı uzmâyı nice cây-ı dil-ârâyı

  Vüfûr-i himmet-i tab‘-ı bülendi eyledi ihyâ

  Nedîm · Lale

• Olsa eltâfınla ger nefs-i nebâtî şehd-kâm

  İktibâs eylerdi hanzal lezzet-i gül-şekkeri

  Nedîm · Lale

• Benim ol hâce-i bahşende ki harc etsem olur

  Encüm-i çarhı güher yerine mahzen mahzen

  Nedîm · Lale

• Cân-şikârım nice bend olmayam ol kâfire kim

  Gerdiş-i çeşm-i peri halka olur dâmeninde

  Nedîm · Lale

• Olsa pertev-sûz eğer mir’ât-ı tîğın şübhesiz

  Vech-i a‘dâda olur zâhir zevâlin sûreti

  Nevres-i Kadîm · Lale

• Mesned-i fetvâya zîver-bahş olup ikbâl ile

  Bâng-ı el-hamd etti gûş-ı çarha îrâs-ı tanîn

  Nedîm · Lale

• Döndüğü kaleb-i fersûdeye cism-i zârım

  Yine ey rûh-ı revân fikr-i visâlindedir

  Nedîm · Lale

• Câm-ı şarâbı gör bize sen şimdilik Nedîm

  Fersûdedir dimâğ gazelden kasîdeden

  Nedîm · Lale

• Nice reşk-i behişt oldu diyen âdem gel insâf et

  Nazar kıl selsebîl-i sâfa bak kasr-ı dil-ârâya

  Nedîm · Lale

• Gamzeler ikbâl ü şevka günde bin efsûn okur

  Nekbet-i endûha hattın Tebbet-i vârûn okur

  Nedîm · Lale

• Sen batt-ı sahbâ değil tâvûs-ı kudsîsin Nedîm

  Kim zuhûr-ı hâletin mecliste cevlânındadır

  Nedîm · Lale

• Şu‘le-i aşkı hevâ-yı dildir efzûn eyleyen

  Bâd-zen-i bâl semenderdir bu âteş-hâneye

  Nedîm · Lale

• Oldu mu yoksa meğer tanbûr-veş târın şikest

  Lüknetin mi var zebânında yâhûd bebgâ gibi

  Nedîm · Lale

• Henüz neş’esini görmeden humâr çeker

  Nedîm-i dil-şüde-i bî-karârı benden sor

  Nedîm · Lale

• İ‘timâd eyler idim tevbesine rindânın

  Ramazânın meh-i îd olmasa encâmında

  Nedîm · Lale

• Bir münâsibçe refîk ile girersen kayığa

  Şevk ile kullanırız gayrı bizimdir eyyâm

  Nedîm · Lale

• Hudâvendâ bana şimdi peyâmı geldi gerdûnun

  Demiş kim ey çerâg-ı dûdmân-ı nükte-pîrâyî

  Nedîm · Lale

• Sâkiyâ bâdeyi sen âşık-ı cûşendeye sun

  Ehl-i dil meclisine çün mey-i cûşîde gerek

  Nedîm · Lale

• Râst geldi peyk-i endîşem bu garrâ matla‘a

  Çarh-ı çârımdan öte, arş-ı muallâdan beri

  Nedîm · Lale

• Cilve-i hüsnünle her mûyum perî-hîz olmada

  Aşk ile ser-tâ-kadem âyîne-fâm ettin beni

  Nedîm · Lale

• Aceb kim nermdir sînen a zâlim neyleyim ammâ

  İçinde senge benzer bir dil-i nâ-mihr-bân vardır

  Nedîm · Lale

• Hırâmın dil-pesend ü cünbüşün dil-hâhdır cânâ

  Hayâlinle Nedîm’in kârı âh u vâhıdır cânâ

  Nedîm · Lale

• Başlayıp cûşişe tab‘ımda mezâyâ-yı sühan

  Mevc-hîz oldu yine lücce-i deryâ-yı Aden

  Nedîm · Lale

• Hırâmın dil-pesend ü cünbüşün dil-hâhdır cânâ

  Hayâlinle Nedîm’in kârı âh u vâhıdır cânâ

  Nedîm · Lale

• Hâl kâfir, zülf kâfir, çeşm kâfir el-amân

  Ser-be-ser iklîm-i hüsnün Kâfir-istân oldu hep

  Nedîm · Lale

• Ne hâlet var o şûhun nahl-i kadd-i cân-fezâsında

  Ki reftârın görüp yoldan döner ömr-i şitâbânım

  Nedîm · Lale

• Cihân-ı köhneyi lutf u keremle eyledi ta‘mîr

  Sipihri kıldı sa‘y u ihtimâmı pîr iken bernâ

  Nedîm · Lale

• Aceb hâlet verir insâna el-hakk mesned-i dîrîn

  Gelip yâda geçen ferhunde-demler eski âlemler

  Nedîm · Lale

• Tâk olup Kisrî-i ikbâline kavs-ı Rüstem

  Ola tecvîf-i felek düşmene çâh-ı Bîjen

  Nedîm · Lale

• Turfe reng-â-reng-i âheng eylemiş sahrâyı pür

  Kûh ses verdikçe şeydâ bülbülün efgânına

  Nedîm · Lale

• Vâiz-i çeşm-i gürisne pîç ü tâb-ı cû‘ ile

  Mevsim-i iftârda “Ve’t-tîni ve’z-zeytûn” okur

  Nedîm · Lale

• Tarîk-ı aşkta pâ-mâl-i sâlikân ol kim

  Bir iki nakş-ı kadem reh-güzâr olur giderek

  Nedîm · Lale

• Nerede buldu Ferîdûn bu celâl ü câhı

  Nerede gördü ya Kisrâ bu bülend eyvânı

  Nedîm · Lale

• Vermez şihâb sîne-i şeytân-ı murdâr

  Ol bîmi kim adûya dirahş-ı sinân verir

  Nedîm · Lale

• Pâ-mâl-i şitâ olmadan iklîm-i çemen-i gül

  Ver hükmünü ey serv-i revân köhne-bahârın

  Nedîm · Lale

• Pes ol yerlerde bir şey lutfederse aç urbâna

  Birine bir çanak kısrak südü vermek semâhattir

  Nedîm · Lale

• Hâk-sârân-ı gama mi‘mâr-ı cûd u himmetin

  Gurre-i Şevvâl’i cüft ü tâk-ı ümmîd eylesin

  Nedîm · Lale

• Bu ser-gerdânlığa âzâdelik elbette der-peydir

  Nedîmâ seyr kıl bu nükteyi seng-i felâhânda

  Nedîm · Lale

• Ne ma‘nâ gösterir dûşundaki ol âteşîn atlas

  Ki ya‘nî şu‘le-i cân-sûz-ı hüsn ü ân mısın kâfir

  Nedîm · Lale

• Hudâvendâ remed dedikleri zâlimdir ol düşmen

  Sığındım bir dahi görmekten onu Hak Teâlâya

  Nedîm · Lale

• Kâmî kalemin düştü hôş-âyende zemîne

  Mazmûn-ı pesendîdeye ruhsat var içinde

  Kâmî · Lale

• Kuşağın düğmesini çözmekte havfim yoktur ama kim

  Yürek titrer kemer-bendindeki hançer husûsunda

  Nedîm · Lale

• Nevâziş-i kereminle zemâne olmuştur

  Misâl-i hâtır-ı gül-şen güşâde vü hurrem

  Nedîm · Lale

• Bu dârâtı temâşâ kıldı çün kim bende-yi nâ-çîz

  Celâlet pertevinden hîrelendi çeşm-i hayrânı

  Nedîm · Lale

• Hôş gelir tab‘a husûsâ Ramazân ayında

  Bâde-i nev ne kadar olsa da nâ-puhte vü ham

  Nedîm · Lale

• Sen ol vezîr-i kerem-kârsın ki âlemde

  Kemâl-i cûd ile zât-ı kerîmin oldu alem

  Nedîm · Lale

• Bir kân-ı niamdır ki onun gevheri ikbâl

  Bir bâğ-ı İrem’dir ki gülü izz ü ulâdır

  Nedîm · Lale

• Cevher-i sahbâ ki eyler câm-ı mînâdan zuhûr

  Rûhtur gûyâ eder ceyb-i Mesîhâ’dan zuhûr

  Nevres-i Kadîm · Lale

• Cihanda sen gibi müşfik efendisi var iken

  Yazık değil mi kala böyle bî-kes ü bî-kâr

  Nedîm · Lale

• Zemân-ı va‘d-i tahassürde başkadır âlem

  O telh şerbet-i şîrîn-güvârı benden sor

  Nedîm · Lale

• Bihamdillâh satl-ı dil-keşinden nem kalır hâli

  O zülfün bend-i zencîrindeyim çeşmimde yaşım var

  Nedîm · Lale

• Bir hâb-ı perîşâna müjem olmadı mahrem

  Güncîde değil sîneye gîsû-yı muhabbet

  Nedîm · Lale

• Nâmı gibi olmuştur o hem sa‘d hem âbâd

  İstanbul’a ser-mâye-i fahr olsa revâdır

  Nedîm · Lale

• Giryeyi ol dem ki ehl-i aşka âyîn ettiler

  Dîde-i giryânımı ser-çeşme ta‘yîn ettiler

  Nevres-i Kadîm · Lale

• Olacak oldu hemân çâre ne şimden sonra

  Edelim hükm-i kazâ destine teslîm-i zimâm

  Nedîm · Lale

• Şimdi âkıl odur zemânede kim

  Ketm-i irfân edip deli görünür

  Nevres-i Kadîm · Lale

• Durup tertîb ile yerli yerinde ehl-i mansıb hep

  Tamâm oldukta dîvân-ı felek-unvânın erkânı

  Nedîm · Lale

• Feryâd girişme amân ey nigâh amân

  Zehr-i hıred belâ-yı tahammül müsün nesin

  Nedîm · Lale

• Bu imtidâd-ı cevre ki bahtın şitâbı var

  Mihnet-medâr olan feleğe intisâbı var

  Nedîm · Lale

• Hôşâ ey burc-ı izz ü devletin hûrşîd-i tâbânı

  Yine lûtfunla pür-nûr eyledin çeşm-i dil ü cânı

  Nedîm · Lale

• Budur hakk-ı kelâm ey Sadr-i zîşân kim kıyâs olmaz

  Senin eltâfına bezl-i atâ-yı Hâtem-i Tâyî

  Nedîm · Lale

• Kim vasfını ne ben diyeyim hôd ne sen işit

  Ammâ biraz vefâcığı nâkıs şûrâsı var

  Nedîm · Lale

• Hudâ gûyâ ki cism-i nâzikin bir resme halketmiş

  Katıp bûy-ı gülü reng-i şarâba erguvân üzre

  Nedîm · Lale

• Cefâsın gün-be-gün müzdâd eder o gamzesi cellâd

  Vefâdan eylemez mi yâd onun hîç kalbi yanmaz mı

  Nevres-i Kadîm · Lale

• Kıl metâ‘-ı nazmını ârâyiş-i sûk-ı kemâl

  Ey Nedîm-i pür-hüner zîb-i dükân lâzım sana

  Nedîm · Lale

• Gerden-i sâfı beyâz öyle ki kâfûr gibi

  Çeşm ü ebrûsu siyâh öyle ki semmûr gibi

  Nedîm · Lale

• Dem mi var kim zahm-ı gül derdinle hûnîn olmaya

  Hasret-i hâlinle dâg-ı lâle müşgîn olmaya

  Nedîm · Lale

• Oldu mu yoksa meğer tanbûr-veş târın şikest

  Lüknetin mi var zebânında yâhûd bebgâ gibi

  Nedîm · Lale

• Nakd-i ümmîd ile pürdür ceyb-i subh ey dil hemân

  Vâm-hâh-ı âhın elden koyma sen dâmânını

  Nedîm · Lale

• Bir çeşmi var ki bir nice yüzbin lisân bilir

  Bin hem-zebânı hem-demi bin âşinâsı var

  Nedîm · Lale

• Sen batt-ı sahbâ değil tâvûs-ı kudsîsin Nedîm

  Kim zuhûr-ı hâletin mecliste cevlânındadır

  Nedîm · Lale

• Satvetin şöyle zebûn eyledi ser-keşleri kim

  Kalmadı kimsede endîşe-i mekr-i düşmen

  Nedîm · Lale

• Gel ey esîr-i zülf-i perîşânın olduğum

  Bilmez misin rübûde-i çevgânın olduğum

  Nedîm · Lale

• Kûh u deryâ iki cânibden der-âgûş eylemiş

  Sanki deryâ dâyesi, küh-sâr ise lâle sünbül

  Nedîm · Lale

• Nükhet-i zülfünle geldikçe nesîm-i nev-bahâr

  Turra-i sünbül-sıfat âşüfte-hâl eyler beni

  Nedîm · Lale

• Serv-i dil-cûyumdan ayrı geşt-i gül-şen istemem

  Var yürü istersen ey eşk-i revân cûlarla sen

  Nedîm · Lale

• Sen gülersin gül gibi ben bülbül-i nâlânınam

  Mest-i medhûş-ı temâşâ-yı leb-i handânınam

  Nedîm · Lale

• Nedîm-i zârı bir kâfir esîr etmiş işitmiştim

  Sen ol cellâd-ı dîn ol düşmen-ı îmân mısın kâfir

  Nedîm · Lale

• Gâh la‘lîn gâh engüşt-i muhannâsın emip

  Dâne-i ünnâb ile nûş-ı şarâb etmez misin

  Nedîm · Lale

• İşitti çünki sözüm ol gül-i hadîka-i nâz

  Derûn-ı sîneden âh eyleyip çü bülbül-i zâr

  Nedîm · Lale

• Ma‘lûmdur benim sühanım mahlas istemez

  Fark eyler onu şehrimizin nükte-dânları

  Nedîm · Lale

• Eşkimde böyle şu‘le nedendir meğer ki sen

  Çün sûz u tâb-ı giryede pinhânsın ey gönül

  Nedîm · Lale

• Aceb tevfîka mazhar oldun ey sadr-ı kerem-güster

  Ki sana Hak müyesser kıldı böyle nâm-ı vâlâyı

  Nedîm · Lale

• Şifâ-yı sadr-ı devlet kuvvet-i bâzû-yı emniyet

  Esâs-ı ma‘delet-rükn rekîn-i devlet-i uzmâ

  Nedîm · Lale

• O şol âhû gözün kılmak için kıymaç üze kıymaç

  Salar dünbâle nahvet sürmesin ol pür-cefâ tartıp

  Nedîm · Lale

• Altında mı, üstünde midir cennet-i a‘lâ

  El-hakk bu ne hâlet, bu ne hôş âb ü hevâdır

  Nedîm · Lale

• Her şîvene bin âşık-ı sevdâ-zede meftûn

  Yâ Rab ne musîbet ne belâ şîvelerin var

  Nevres-i Kadîm · Lale

• Bu rütbe akl u rüşde mâlik olmak nice mümkündür

  Bir âdem Bû Alî yâhûd Aristo olsa da farazâ

  Nedîm · Lale

• Eğerçi vâsıta-i vahy idi sana Cibrîl

  Delâlet etmesen olmazdı pür-güşâ-yı vücûd

  Nevres-i Kadîm · Lale

• Çarhı kim himmeti-i vâlâsı temâşâya çıkar

  Tâ varır fark-ı Simâk üzre eder darb-ı hıyâm

  Nedîm · Lale

• Âhuvân-ı ma‘nî-i saydına hep cümleden

  Şimdi bir gîsû-kemend ebrû-kemân lâzım sana

  Nedîm · Lale

• Sürûd-gâh-ı dürûdundur âsümân ü zemîn

  Bir özge şeyle değil nağme-sâzı nây-ı vücûd

  Nevres-i Kadîm · Lale

• Teâküs etmese şevk-i tecellî inlemez diller

  Hurûşu hep cibâlin aks-i te’sîr-i sadâdandır

  Nevres-i Kadîm · Lale

• Vasf-ı la‘l-i dil-ber ise kasdın ey kilk-i beyân

  Tercemân olmaklığa şîrîn-zebân lâzım sana

  Nedîm · Lale

• Arşa dek çıkmakta mânend-i duâ-yı müstecâb

  Uğrayan âb-ı musaffâ râh-ı şadırvânına

  Nedîm · Lale

• Tür eder nisân-ı lütfün söyle kim dür pûş olur

  Çeşm-i âşık nem-çekân oldukça dâmân üstüne

  Nedîm · Lale

• Bir hâlete koy beni ki olsun

  Dûşumdaki sof dahi şarâbî

  Nedîm · Lale

• Giryeyi ol dem ki ehl-i aşka âyîn ettiler

  Dîde-i giryânımı ser-çeşme ta‘yîn ettiler

  Nevres-i Kadîm · Lale

• Aldın hadeng-i cevrini sînemde koymadın

  Ey kaşları kemân katı cevreyledin katı

  Nedîm · Lale