Lale beyitleri, sayfa 7

Lale beyitleri, sayfa 7 / 7.

• Ebrûlar üzre bir dahi sarkıp görünmedin

  Ey kâkül âşinâ-yı tekâsül müsün nesin

  Nedîm · Lale

• Bi-hamdilillah yine kilk-i Nedîmâ’yı sühan-sâzın

  Gazel-perdâz-ı bezm-i sadr-ı zî-şân olduğun gördük

  Nedîm · Lale

• Hôş gelir tab‘a husûsâ Ramazân ayında

  Bâde-i nev ne kadar olsa da nâ-puhte vü ham

  Nedîm · Lale

• Gül mevsiminde tevbe-i meyden benim gibi

  Zannım budur ki sen de peşîmânsın ey gönül

  Nedîm · Lale

• Ey âlem-i misâlin seyyâh-ı hûş-yârı

  Hîç kasr sûretinde gördün mü nev-bahârı?

  Nedîm · Lale

• Âkıbet gönlüm esîr ettin o gîsûlarla sen

  Hey ne câdûsın ki âteş bağladın mûlarla sen

  Nedîm · Lale

• Gör kadd-i yâri serv-i çemân söylerim ona

  Bak ol dehâna râz-ı nihân söylerim sana

  Nedîm · Lale

• Bezm-i şarâbdan geçemem doğrusu Nedîm

  İşret tabîatimce tarab meşrebimcedir

  Nedîm · Lale

• Geh hancer-i tegâfül ü geh nîze-i itâb

  Ol mest-i nâz mest-i mey-i nahvet olmasın

  Nedîm · Lale

• O kâfir-beççe bir peymâne sahbâ sundu kim alıp

  Derûn-ı lâleden âteş fürûzân olduğun gördük

  Nedîm · Lale

• Seni sitâyişe teşvîk eder beni kalemim

  Güneş yanında olur zerre hôd-nümâ-yı vücûd

  Nevres-i Kadîm · Lale

• Arz-ı Nişâbûr-veş iklîm-i İrân üstüne

  Nedîm · Lale

• Telh-kâm etmez senin şîrîn kelâmın Nevres’i

  Sen hemân eyle tekellüm râzıyım düşnâma ben

  Nevres-i Kadîm · Lale

• Vaktidir nîk ü bede tahvîl eden her sûreti

  Vakt olur kim akbah-i şey’ ahsen-i mevcûd olur

  Nevres-i Kadîm · Lale

• Eyvâh o üç çifte kayık aldı karârım

  Şarkı okuyup geçti bir âfet var içinde

  Nedîm · Lale

• Bir taraftan dahi ey seng-i dil, ey baht-ı siyâh

  Sen mi urdun bu gece şîşemi dîvâra aceb

  Nedîm · Lale

• Bilsen beyim ederdi seni reşk bî-karâr

  Şimdi Nedîm’in öylece bir mâ-cerâsı var

  Nedîm · Lale

• Sen ol haremdeki mahmil-nişîn-i izzet idin

  Ne kârvân-ı adem vardı ne derây-ı vücûd

  Nevres-i Kadîm · Lale

• Her sözüm gül-şen-i ma‘nâya gönül bezminden

  Gül gibi renkli nergis gibi mest-âne gelir

  Nedîm · Lale

• Tab‘-ı gevher-bâra vermiş rağbetin feyz-i sühan

  Mihrdir kim pertevin salmış bedahşân üstüne

  Nedîm · Lale

• Pek umar teşrîfini îdin ikinci gün Nedîm

  Gündüzün olmazsa akşam olsa da mâni‘ değil

  Nedîm · Lale

• Uçsa bâz-ı satvetin âyîne-i endîşede

  Gösterir Cibrîl şeklin perr ü bâlin sûreti

  Nevres-i Kadîm · Lale

• Neyl-i matlab hâtır-ı âzâde-i der-kayd eder

  Bestedir kârı kemendin gerden-i nahçîrde

  Nedîm · Lale

• Sabâ ki dest ura ol zülfe müşg-i nâb kokar

  Açarsa ukde-i pîrâhenin gül-âb kokar

  Nedîm · Lale

• Tılsım-ı mülk ü milel hırz-ı cân-ı heft- iklîm

  Penâh-ı devlet ü ikbâl âsaf-ı ekrem

  Nedîm · Lale

• Hıdîvâ sen ki ettin böyle hidmet devlet ü dîne

  Duâ-yı devletin farz oldu el-hakk ins ü cânn üzre

  Nedîm · Lale

• Cihânı lutf ü mürüvvetle kâm-rân ettin

  Cihânda kâm alasın ber-sebîl-i istimrâr

  Nedîm · Lale

• Böyle âteşle gelip âb gibi geçmekten

  Kasdın âzâre mi tatyîb-i dil-i zâre midir

  Nedîm · Lale

• Dökülüp rûy-ı arak-nâkine şâd-âb oldu

  Tâze sünbül gibi ol kâkül-i pür-çîn ü şiken

  Nedîm · Lale

• Sen öyle bil ki cûşiş-i deryâ-yı ıztırâb

  Cân-ı hamûle lenger-i kûh-i girân verir

  Nedîm · Lale

• Bir kez zih-ı kemânın öpen tîr-i mürde-dil

  Tâ haşr vahşe râtibe-i kût-ı cân verir

  Nedîm · Lale

• Bir câm bir de la‘l-i lebin sundu muğ-beçe

  Pîr-i mugân olası aceb meşrebimcedir

  Nedîm · Lale

• Vaktâ ki erdi gûşuma bu müjde eyledim

  İmzâ efendimin keremin hem kerâmetin

  Nedîm · Lale

• Menârât-i refî‘-i mehbit-i envâr-ı Yezdânî

  Leb-i bâm-ı bülendi maşrık-ı mihr-i hidâyettir

  Nedîm · Lale

• Verdikçe pend perçemine bend olurdu dil

  Çeksin belâ-yı kaddini şimdi cezâsıdır

  Nevres-i Kadîm · Lale

• Habbezâ ey tâc ü tahtın mâye-i zîb ü feri

  Âlemin ârâyiş-i mülkün tırâz u zîveri

  Nedîm · Lale

• Kûh u deryâ iki cânibden der-âgûş eylemiş

  Sanki deryâ dâyesi küh-sâr ise lalasıdır

  Nedîm · Lale

• Hemân hitâb edip ey âfitâb-ı nâz dedim

  Ki ey fedâ o siyeh zülfe nâfe-i Tâtâr

  Nedîm · Lale

• Derdin nedir gönül sana bir hâlet olmasın

  Sad el-hazer ki sevdiğin ol âfet olmasın

  Nedîm · Lale

• Senden, bilirim, yok bana bir fâide ey gül

  Gül yağını eller sürünür çatlasa bülbül

  Nevres-i Kadîm · Lale

• Sen bî-haber hayâlin ile gûşelerde biz

  Tâ subh olunca her gece ayş ü dem eyleriz

  Nedîm · Lale

• Şöyledir kaht-ı tahammül sîne-i tengimde kim

  Yetmez olmuştur nefes bir âteşîn feryâda dek

  Nedîm · Lale

• Nedir aceb sebeb-i hayretin nedir derdin

  Kemâl-i lûtf ile kıl kemînene ihbâr

  Nedîm · Lale

• Her nev-resîde şâh-ı gül aldı eline câm-ı mül

  Lûtfet açıl sen dahi gül ey serv-kadd ü gonce-fem

  Nedîm · Lale

• Gezilse sâhasında her taraf rûy-ı sâfa zâhir

  Nigâh olunsa her bir gûşesinde bin fersah mevcûd

  Nedîm · Lale

• O düzd-i gamze tuttu işte sad çâk etti dâmânım

  Amân ey çeşm-i gîrâ bârî sen koyver girîbânım

  Nedîm · Lale

• Tılsım-ı mülk ü milel hırz-i cân-ı heft- iklîm

  Penâh-ı devlet ü ikbâl âsaf-ı ekrem

  Nedîm · Lale

• Fasl-ı gül geldi mi âyâ diye perîşân olarak

  Bülbülü kûçede gördüm ki gül-istâne gelir

  Nedîm · Lale

• Nâ-tüvânım şöyle çeşmin hasretinden kim gehî

  Sâye-i müjgân-ı âhû pây-mâl eyler beni

  Nedîm · Lale

• Ey Nedîm, ey bülbül-i şeydâ niçin hâmûşsun

  Sende evel çok nevâlar güft ü gûlar var idi

  Nedîm · Lale

• Eğer basît ü mürekkeb arzla cevher hem

  Lisân-ı vâhid olup etseler senâ-yı vücûd

  Nevres-i Kadîm · Lale

• Derûn-ı ehl-i şevkı rûşen eyler hazret-i pîrin

  Tecellî etmede zikr-i celîden sırr-ı pinhânı

  Nedîm · Lale

• Sitâyiş etmedi sen gibi bir Hudâvend’i

  Lisân-ı halk olalı dâstân-ı serây-ı vücûd

  Nevres-i Kadîm · Lale

• Şem‘ olmaz isem bezmine bu sûz ile bârî

  Der-gâhına bir meş‘ale-i rûşenin olsam

  Nedîm · Lale

• Geh varıp havz kenârında hırâmân olalım

  Geh gelip kasr-ı cinân seyrine hayrân olalım

  Nedîm · Lale

• Sonra alıp elime ney-şeker-i kilk-i teri

  Olayım vasf-ı cihân-dâver ile şîrîn-kâm

  Nedîm · Lale

• Tab‘ım oldukça cemâl-i nazma mir’ât-i safâ

  Görünür şâhinşeh-i ferhunde-fâlin sûreti

  Nevres-i Kadîm · Lale

• Dehân-ı goncayı bâz et zebân-ı sûseni ter kıl

  Şikest-i tövbeye dahl edene hâzır cevâbımsın

  Nedîm · Lale

• Mutî-i emrin olup çâr-kûşe heft iklîm

  Ola müsahhar-ı kilkim bu kubbe-i devvâr

  Nedîm · Lale

• Kad-i güftârına evvel biçilip câme-i reng

  Sonra fersûdesi bâzâr-ı bahârâne gelir

  Nedîm · Lale

• Dilimle uğradım kayda ben şu âlemde

  Ne bülbül uğradı ne tûtî-i şeker-güftâr

  Nedîm · Lale

• Muallâ pâye İbrâhîm Paşa kim odur şimdi

  Şehen-şâh-i cihân bana vezîr-i a‘zam ü dâmâd

  Nedîm · Lale

• Seni meğer ki gül-efsûn-ı nâz terletmiş

  Ki sîb-i gabgabın ey gonce-leb gül-âb kokar

  Nedîm · Lale

• Şöyle feyz-â-feyzdir cûş u hurûş-ı nev-bahâr

  Kim erişmiştir telâtûm âsmân eyvânına

  Nedîm · Lale

• Kılıp zât-ı şeref-pîrâların âfâttan mahfûz

  Ziyâd eyle safâsın onların sûriyle dünyânın

  Nedîm · Lale

• Ol benefşî hat gelir evvelde la‘l-i dil-bere

  Kahve der-peydir bezmde âdetâ gül-şekere

  Nedîm · Lale

• Hırz-ı cân-ı saltanat nîrû-yı bâzû-yı zafer

  Rükn-i savlet unsur-ı haşmet esâs-ı saff-derî

  Nedîm · Lale

• Sûk-ı isti‘dâda şehrâyin edip yârân-ı nazm

  Ettiler gül-rîzler âvize dükkân üstüne

  Nedîm · Lale

• Safha bir lâhzada Hârût-sitân oldu yine

  Turfa efsûn okudu bu kalem-i câdû-fen

  Nedîm · Lale

• Eğerçi vâsıta-i vahy idi sana Cibrîl

  Delâlet etmesen olmazdı pür-küşâ-yı vücûd

  Nevres-i Kadîm · Lale

• Şâh-ı âlem dâver-i âlî-güher

  Zî-bahş-i mesned-i tâc u kemer

  Nedîm · Lale

• Ne kâfirliklerin gördüm yine ol zülf-i siyeh-kârın

  O ebrûnun o zâlim gamzenin, ol çeşm-i mekkârın

  Nedîm · Lale

• Tâk olup Kisrî-i ikbâline kavs-ı Rüstem

  Ola tecvîf-i felek düşmene çâh-ı Bîjen

  Nedîm · Lale

• Hâmdır meyve-i vaslım sana olmaz dersin

  Olsun ey tâze nihâl-i çemen-i cân olsun

  Nedîm · Lale

• Cihân-ı köhneyi lutf u keremle eyledi ta‘mîr

  Sipihri kıldı sa‘y u ihtimâmı pîr iken bernâ

  Nedîm · Lale

• Mest-i nâzım kim büyüttü böyle bî-pervâ seni

  Kim yetiştirdi bu gûne servden bâlâ seni

  Nedîm · Lale

• Olur mu muztarib deryâ-dilân mevc-i havâdisle

  Zarar vermez rûh-ı deryâya seylî-i şinâverden

  Nedîm · Lale

• Oyuncak ettiler aşk-ı zemânın aşk-bâzânı

  Usûl-i devlet-i aşka mücedded bir nizâm ister

  Nevres-i Kadîm · Lale

• Gidermeli kederi, bakmalı safâya kişi

  Âlemi kıldı tefahhus ol şeh-i âlî-tebâr

  Nedîm · Lale

• Dizilmiş nihâlân-ı gül sû-be-sû

  Katâriyle gelmiş meğer reng ü bû

  Nedîm · Lale

• Evvel senin elinden şekvâya ben giderdim

  Âlemde âşık-âne bir dâd-hâh olaydı

  Nevres-i Kadîm · Lale

• Hâl kâfir zülf kâfir çeşm kâfir el-amân

  Ser-be-ser iklîm-i hüsnün kâfiristân oldu hep

  Nedîm · Lale

• Yeter ağlattı firâkın bu dil-i bîmârı

  Yeter ettirdi hayâlin bana âh u zârı

  Nedîm · Lale

• Mevc mevc olsa ne ola lücce gibi nûr-ı sürûr

  Bezme ikbâl ile ol mihr-i dirahşân geldi

  Nedîm · Lale