övgü temalı beyitler, sayfa 2

övgü temalı beyitler, sayfa 2 / 5.

• Doldurdu gerçi cûd u sahâ gösterip felek

  Ceyb-i cibâl ü dâmen-i sahrâyı sîm ile

  Bâkî · Divan

• Melek rikâb-ı semendinde peyk-i perrende

  Felek serâ-çe-i kadrinde ferş-rûb-ı Harem

  Nef'î · Divan

• Hudâvendâ sen ol çâbük-süvâr-ı mülk ü devletsin

  Ki rahş-ı himmetin evvel kademde aldı meydânı

  Bâkî · Divan

• Yok seninçün ihtiyac âyîne-i İskender’e

  Gevher-i zâtında rûşen her misâlin sûreti

  Nevres-i Kadîm · Lale

• Hâris-i memleket ü devlet ü ikbâlin ola

  Mâlikü’l-mülk Hudâvend-i cihân azze ve cell

  Bâkî · Divan

• Karîr-i rûşenî-i tal‘atinle çeşm-i şühûd

  Bülend mertebe-i kudretinle pây-ı vücûd

  Nevres-i Kadîm · Lale

• Âlemi kıldı tefahhus ol şeh-i âlî-tebâr

  Nedîm

  Nedîm · Lale

• Encüm değil felekte kazâ-yı bikr-i fikrime

  Her şeb hediyye bir tutuk-ı zer-nişân verir

  Nedîm · Lale

• Olur zinde Mesîhâ gibi hem mürde eder ihyâ

  Dem-i nutku eğer dokunsa tasvîr-i cemâd üzre

  Nef'î · Divan

• Hâlini Yahyâ’nın edersen suâl

  Şâh-ı felek-kadre duâ subh u şâm

  Şeyhülislâm Yahyâ · Divan

• Verse tab‘-ı âteşe ger berk-ı tîğı terbiyet

  Ma‘den-i elmâs ederdi tûde-i hâkisteri

  Nef'î · Divan

• Haşre dek Âb-ı Hayât-ı sühan Bâkîdir

  Andırıp zinde kılan nâm-ı Süleymân Han’ı

  Nef'î · Divan

• Sensin ol fâzıl-ı bî-misl ü muâdil ki felek

  Görmemiştir dahi devr edeli senden efdal

  Nef'î · Divan

• Tâb-ı gamdan şu‘le-i sûzân olur ağzımda dil

  Olmasa medhinle ger sûsen gibi ratbü’l-lisân

  Nef'î · Divan

• Adli bir gâyette kim devrinde kebk ü şâh-bâz

  Birbirini âşiyânında gelir mihmân bulur

  Nef'î · Divan

• Baş eğdi âb-ı tîğına küffâr-ı Engerûs

  Şemşîri gevherini pesend eyledi Freng

  Bâkî · Divan

• Der-gehe devlet-penâhî mültecâ-yı hâs u âm

  Hâk-i pâk-i âsitânı bûse-cây-ı ins ü cânn

  Nef'î · Divan

• Kapudan-ı mükerrem sadr-ı efhâm kim semâhatte

  Kef-i cûdundan alır feyz-i cûşu lücce-i deryâ

  Nedîm · Lale

• Benim ol Haydar-i Kerrâr-ı ma‘nâ kim hicvimden

  Dilîrân-ı hayâle teng olur endîşe meydânı

  Nef'î · Divan

• Sen bir şeh-i zî-şânsın şâhen-şeh-i devrânsın

  Ya‘nî ki sen hakansın devrinde ben Hakanî’yem

  Nef'î · Divan

• Adli kim memleket-ârâ-yı cihândır etse

  Emn ü âsâyiş için âleme fermân amîm

  Nef'î · Divan

• Medhinin gâyeti yok tayy-ı lisân ede meğer

  Demek ki binde birin nâtıka-i insânî

  Nef'î · Divan

• Ebr-i kilki sadef-i keffini pür-gevher eder

  Vasf-ı bahr-i keremin her kim ederse terkîm

  Nef'î · Divan

• Ribât-ı köhne dünyâyı kıldı lutf-ile tecdîd

  Olup re’y-i rezîni kâr-sâz-ı millet-i beyzâ

  Nedîm · Lale

• Tâb-ı gamdan şu‘le-i sûzân olur ağzımda dil

  Olmasa medhinle ger sûsen gibi razbü’l-lisân

  Nef'î · Divan

• Gelmeye âleme bir sencileyin zât-ı latîf

  Olsa ger hâmil-i ervâh-ı mücerred-i erhâm

  Nef'î · Divan

• Tîğına ne ola yemîn eylerse rûh-ı Murtazâ

  Bir gazâ ettin ki hoşnûd eyledin Peygamberi

  Nef'î · Divan

• Cihânı lûtf u mürüvvetle kâm-rân ettin

  Cihânda kâm alasın ber-sebîl-i istimrâr

  Nedîm · Lale

• Medhinin gâyeti yok tayy-ı lisân ede meğer

  Demeğe binde birin nâtıka-insânı

  Nef'î · Divan

• Dil dâvî-i teferrüd-i nazm eylese ne ola

  Nâbî gibi henüz bir üstâd görmedi

  Nâbî · Divan

• Kaçan geldim der-i ikbâle ol dem dest-i ihsânın

  Kef-i nâ-kâmıma sundu rüûs-ı sîm-sîmâyı

  Nedîm · Lale

• Şâh-ı âlem dâver-i âlî-güher

  Zî-bahş-i mesned-i tâc u kemer

  Nedîm · Lale

• Cürre şâhîn-i Hümâ sayd-ı hayâlim ki benim

  Feyz-i tevfîk-ı İlâhî’dir ona şeh-per ü bâl

  Nef'î · Divan

• Südde-i bâbiyle pâyende esâs-ı kâinât

  Tarh-ı matbû‘ ile nâzende zemîn ü âsümân

  Nef'î · Divan

• Ol şeh ki kef-i himmeti hengâm-ı keremde

  Dünyâyı ganî, kânı tehî, bahrı berr eyler

  Nef'î · Divan

• Hâtem-sıfata tab‘ u dil ü dest-i kerîmin

  Deryâ-yı himem kân-ı kerem ebr-i atâdır

  Nedîm · Lale

• Âr eder almağa çengâline nesr-i feleği

  Sayd için eylese şeh-bâz-ı hayâlim pervâz

  Nef'î · Divan

• Subh-ı rûşen mi şu‘â‘-ı mihr-i âlem-tâbile

  Ya sarây-ı devletinde perde-i dîbâ mıdır

  Nef'î · Divan

• Reîs-i bahr-i nazm oldun bugün âlemde ey Bâkî

  Gazel demek senin tab‘-ı dür-efşânında kalmıştır

  Bâkî · Divan

• Devât-ı gâliye-dân ü buhûr olur kalemi

  Benefşe-zâr-ı behişte döner sevâd-ı rakam

  Nef'î · Divan

• Olup âmâde-i islâh-ı kâr-ı derhem-i âlem

  Umûr-ı dîn ü devlet müstaidd-i intizâm oldu

  Nedîm · Lale

• Çok mudur bu şeref ol rahş-ı mübârek kademe

  Ki saâdetle süvâr ola ona zıll-ı Hudâ

  Nef'î · Divan

• Şehriyârâ eyle mir’ât-ı mükâfâta nazar

  Tâ görünsün hizmet-i pencâh sâlik sûreti

  Nevres-i Kadîm · Lale

• Âstân üzre yüzün bir iki def ‘a ferş edip

  Sonra ruhsat-yâb olur Cem girmeğe dîvânına

  Nedîm · Lale

• Sâye-i lûtf-ı Hudâ Hazret-i Sultan Ahmed

  Ki Ferîdûn u Skender olamaz der-bânı

  Nef'î · Divan

• Erişe müjde-i feth ü zafer etrâf u eknâfa

  Tuta dünyâyı hep gül-bâng-ı kûs u nusret âvâzı

  Nef'î · Divan

• Bir dânesini gevher-i silk-i kelâmımın

  Mahsûl-i bahr ü kâna veren râygân verir

  Nef'î · Divan

• Görünce lezzet ü keyf-i kelâmımı yaraşır

  Denilse tab‘ıma hem mey-fürûş u hem kannâd

  Nef'î · Divan

• Bezmine geldim ise medh ü senâdan hâlî

  Naks-ı idrâkime haml etme benim sultânım

  Nef'î · Divan

• Âleme çekti simât-ı ni‘met-i bî-minnetin

  Şâhlar şehzâdeler der-gâhına mihmân gelir

  Bâkî · Divan

• Ol dem ki kasd-ı cenk eder sahrâları gül-reng eder

  Dünyâyı hasma teng eder olursa Sâm u Güstehem

  Nef'î · Divan

• O zerrîn şemse-i tâbân ki reşk-i mihr-i rahşândır

  Ziyâ-pâş olsa ger kevn ü mekâna zerrece nûru

  Nef'î · Divan

• Zer-i mahlûl-i rahşende gibi olurdu nûrânî

  Düşeydi pertev-i re’yi eğer reşh-midâd üzre

  Nef'î · Divan

• Gelip bir gûne rû-mâl eylemiş kim seyr eden âdem

  Süm-i esbinde mîh-ı zer kıyâs eyler Süreyyâ’yı

  Nedîm · Lale

• Hâk-i haremi menşe’-i ikbâl-i ekâbir

  Ceyb-i keremi kîse-i erbâb-ı recâdır

  Nef'î · Divan

• İmâm-ı saff-ı efâdıl emîr-i hayl-i kirâm

  Emîn-i dîn ü düvel hâce-i huceste-hısâl

  Bâkî · Divan

• Ziya-bahş olsun âfâka cemâl-i âlem-efrûzu

  Fürûzân eyledikçe tal‘at-i nevrûzu dünyâyı

  Bâkî · Divan

• Yine bu nazm-ı bülend ile Nedîm ümmîdin

  Zîver-i silk-i emeldir dürr-i manzûm

  Nedîm · Lale

• Bâkî velîk biz felek-i dûn-nevâzdan

  Müstağniyiz mürüvvet-i şâh-ı kerîm ile

  Bâkî · Divan

• Câm-ı hûrşîd-i cihân-tâba ziyâ feyz eyler

  Hâtem-i devletinin şa‘şaa-i elmâsı

  Bâkî · Divan

• Safâ-yı meşreb-i pâkin eğer yâd etse bir şâir

  Midâd-ı hâmesine reşk ederdi reşha-i Kevser

  Nef'î · Divan

• Eyleye şa‘şaa-i fikret-i mânend-i Kelîm

  Ceyb-i ma‘nâda nümûde Yed-i Beyzâ-yı sühan

  Sünbülzâde Vehbî · Divan

• Tarh-ı matbûuna reşk etmemeğe çâre mi var

  Beyt-i ma‘mûr-ı felek Kâ‘be-i ulyâ-yı zemîn

  Nef'î · Divan

• Fahr-i şuarâ kıble-i erbâb-ı maârif

  Kutb-ı vüzerâ, Âsaf-ı dânâ-yı zemâne

  Nef'î · Divan

• Vezîr-i nükte-dân, düstûr-ı ehl-i ilm ü sâhib-i dil

  Ki gâlibdir zekâda fikri akl-ı müstefâd üzre

  Nef'î · Divan

• Ey dürr-i pâk ağzına nisbet senin sadef

  Deryâ sevâhilinde yatar pâre-i hazef

  Bâkî · Divan

• Bu şehr-i Stanbul ki bî-misl ü behâdır

  Bir sengine yek-pâre Acem mülkü fedâdır

  Nedîm · Lale

• Çeşm-i Zerka’-i Yemâme’yle mi bakmış bilmem

  Nazar-ı şâhide ahsentü zehî dikkat-i tâm

  Nedîm · Lale

• Çerâg ettin beni dâim senin de ey kerîmü’ş-şân

  Çerâgın rûşen etsin dîde-i mihr-i mücellâyı

  Nedîm · Lale

• Revnak-ı saltanat-ı memleket heft-iklîm

  Hâmî-i dîn, ilm-efrâz cihân-ârâyî

  Nef'î · Divan

• Âlem-i ma‘nâyı eyler pür-tezelzül çünbişü

  Râiz-i tab‘ım edince rahş-ı fikri zîr-i zîn

  Nef'î · Divan

• Çerâg ettin beni dâim senin de ey kerîmü’ş-şân

  Çerâgın rûşen etsin dîde-i mihr-i mücellâyı

  Nedîm · Lale

• Ehl olan kadrin bilir ben cevherim medh eylemem

  Âlemin ser-mâye-i deryâ vü kânıdır sözüm

  Nef'î · Divan

• Bu meclis-i pür-meymenetin verdiği feyzi

  Bahş eyleyemez âleme sa‘deyn kırânı

  Nedîm · Lale

• Münkad emr ü nehyine ashâb-ı i‘tibâr

  Ednâ işâretine zevi’l-ihtirâm râm

  Bâkî · Divan

• Yakan âb üzre âteş sanmanız keştî-i sahbâyı

  Şu‘â‘-i tîg-i kahrından tutuştu Şeh Süleymân’ın

  Bâkî · Divan

• Edâya çâre mi var şükrünü o ihsânın

  Olursa tab‘ım eğer bin kasîdeye medyûn

  Nef'î · Divan

• Ol cism-i pâki cânı gibi eyledi nihân

  Âsûde kıldı hâl-i sipâh ü raiyyeti

  Bâkî · Divan

• Hâris-i memleket dîn ü medâr-ı İslâm

  Mazhar-ı mekremet ü mevhibet-i Sübhânî

  Nef'î · Divan

• Duâ-yı izz ü câhın zimmetimde farz bilmiştim

  Ederdim rûz u şeb medhinle meclislerde gûyâyı

  Enderunlu Vâsıf · Divan

• Böyle tahrîr etti levh-i mihre vasf-ı pâkini

  Kâtib çarhın ser-i kilk-i maânî-perveri

  Nedîm · Lale

• Şukka-i râyât-ı bahtınla rikâbın olmasa

  Keştî-i nüh-âsmânın bâd-bân u lengeri

  Nef'î · Divan

• Bârekallah zehî devlet-i feth ü nusret

  Levhaş-Allah zehî âtıfet Hayy-ı Kadîr

  Nef'î · Divan

• Çehresinden rengi pervâz eylemiş sanma şafak

  Heybet-i iclâli düşmüş mihr-i rahşân üstüne

  Nedîm · Lale

• Seyyâre değil her biri bir cevher-i ulvî

  Kim ona bahâ mâ-hasal-ı kevnü mekândır

  Nef'î · Divan

• Rumeli sadrına oldukta Ganîzâde yine

  Oldu rindân-ı cihân tehniyete âmâde

  Nef'î · Divan

• Cenneti görmüş bir âdem var ise gelsin desin

  Tarhı onun dahi böyle dil-keş ü ra‘nâ mıdır

  Nef'î · Divan

• Vezâret eyleye devletle dîvân-ı hümâyûnda

  Ola fermânına şâhân-ı âlem inkıyâd üzer

  Nef'î · Divan

• Böyle zîbâ-sûret ü pâkîze-sîret görmedim

  Bir melektir gûyiyâ etmiş tevellüd hûrdan

  Nef'î · Divan

• Bulaydı ger bununla zîb ü ziynet gerden Zühre

  Felekte zannederdi seyr eden ıkd-ı Süreyyâ’dır

  Nef'î · Divan

• Devletin Allah kılsın ber-devâm

  Nedîm

  Nedîm · Lale

• Reng-i lafz ü nükhet-i ma‘nâ-yı nazm-ı pâkime

  Ne ola eylerse hased reng-i ül ü bûy-ı gül-âb

  Nef'î · Divan

• Ede munzamm yine evvelki gibi kişver-i Rûm’a

  Çekip sağa sola şemşîr-i berrân-ı ser-endâzı

  Nef'î · Divan

• Şâh-ı cihân-ârâ mıdır mâh-ı zemin-pira mıdır

  Behrâm-ı bî-pervâ mıdır ya âfitâb-ı pür-kerem

  Nef'î · Divan

• Tâb-ı hûrşîd sitem-i sûzân ederdi âlemi

  Ger sehâb-ı adl ü dâdın olmasaydı sâyebân

  Nef'î · Divan

• Pâkîze kelâmım ki der-bahr-i hayâlim

  Âvîze-i gûş dil-i yârân-ı safâdır

  Nef'î · Divan

• Erişe müjde-i feth ü zafer etrâf u eknâfa

  Tuta dünyâyı hep gül-bâng-ı kûs-ı nusret âvâzı

  Nef'î · Divan

• Ne vücûd-ı bî-nazîrin gibi bir memdûh olur

  Ne benim gibi senâ-kâre felek akrân bulur

  Nef'î · Divan

• Kem-ter gedâyı az atâsı kılırdı bay

  Bir lutfu çok mürüvveti çok pâdişâh idi

  Bâkî · Divan

• Dil-güşâdır meclisin gâyette hem rindânedir

  Her ne derlerse senin hakkında hep efsânedir

  Nef'î · Divan

• Bir kân-ı niamdır ki onun gevheri ikbâl

  Bir Bâğ-ı İrem’dir ki gülü izz ü alâdır

  Nedîm · Lale

• Sürüp yüz hâk-i pâye yek-be-yek erkân-ı izz ü câh

  Kuruldu haşmet ü şevketle dîvân-ı Süleymânî

  Nedîm · Lale

• Ey pâdişeh-i serîr-i dâniş

  Ve ey hüsrev-i bâr-gâh-ı ma‘nâ

  Nef'î · Divan

• Ne mümkündür edâ-yı vasf-ı pâkin eylemek tekmîl

  Gerekse şâirin her beyti bir beytü’l-kasîd olsun

  Nedîm · Lale

• Kılıp mahfûzu Bârî gevher-i zât-ı kerem-kârın

  Murassa‘ efser-i ikbâlin olsun mâye-i rasafı

  Nedîm · Lale

• Ne vücûd-ı bî-nazîrin gibi bir memdûh olur

  Ne benim gibi senâ-kâra felek efzân bulur

  Nef'î · Divan

• Biri der-bânı olurdu biri mîr-âhûru

  Gelseler âleme devrinde Peşeng ü Dârâ

  Nef'î · Divan

• Nüfûzu emr-i cihân içre şöyle şâmildir

  Ki bezl ü men‘ine vâ-bestedir vücûd u adem

  Nedîm · Lale

• Pâdişâh-ı âdil ü âlî-neseb kim yaraşır

  Etse ger serheng ü der-bân Keykubâd u Kayser’i

  Nef'î · Divan

• Dem-i tahrîr-i eltâfında âlem

  Tufeyl-i hâme-i müşgîn-rakamdır

  Bâkî · Divan

• Zamîr-i cevher-i küll gibi sâf iz‘ânı

  Zülâl-i çeşme-i dil gibi pâk güftârı

  Nef'î · Divan

• Re’yi bir mertebet rûşen ki yazarken vasfın

  Şem‘a gâlib görünür şu‘le-i nevk-i aklâm

  Nef'î · Divan

• Şâhenşeh-i ferhunde-baht ârâyiş-i dîhim ü taht

  Bahtı kavî ikbâli İskender-i Yûsuf-şiyem

  Nef'î · Divan

• Nice kasîde ki her beyti bir kitâb-ı metîn

  Nice kitâb ki her fasl u bâb-ı şerh-i mütûn

  Nef'î · Divan

• Sensin ol cûd-i müşahhas ki zuhûrunla senin

  Buldu tomar-ı neseb-nâme-i himmet encâm

  Nedîm · Lale

• Sürdükçe hasma yek-tene bakmaz silâh u cevşene

  Yer kalmaz aslâ düşmâna illâ beyâbân-ı adem

  Nef'î · Divan

• Âsaf-ı gerdûn-haşem kim câme-i ikbâline

  Dest-i eyyâm eylemiş medh ü senâdan pûd u târ

  Nedîm · Lale

• Hak Teâlâ devlet ü ikbâlin efzûn eylesin

  Tâbi‘-i fermânın olsun devr-i çarhın çenberi

  Nedîm · Lale

• Nîzesidir o kalem cedvel-i takvîm-i zafer

  Ki adûnun ona sürh olmuş ucunda kanı

  Nef'î · Divan

• Baş eğdi âb-ı tîğına küffâr-ı Engürüs

  Şemşîrî gevherini pesend eyledi Frenk

  Bâkî · Divan