Nef'î beyitleri, sayfa 4
Nef'î beyitleri, sayfa 4 / 8.
Bir cümle yaz, Osmanlı Türkçesine çevirelim.
Uyandı gerçi Yahyâ rûzigârın hâb-ı gafletten
Velî ârâyiş-i dünyânın oldu deng ü hayrânı
Nef'î · Divan
Bir câm sun Allah için bir kâse de ol mâh için
Tâ medh-i şâhenşâh için alam ele levh ü kalem
Nef'î · Divan
Ne vücûd-ı bî-nazîrin gibi bir memdûh olur
Ne benim gibi senâ-kâra felek efzân bulur
Nef'î · Divan
Biri der-bânı olurdu biri mîr-âhûru
Gelseler âleme devrinde Peşeng ü Dârâ
Nef'î · Divan
Düşe bir semt-i garîbe reh-i fikr-i nazmı
Ne tarîk-ı rûşen-i tâze ne vâdî-i kadîm
Nef'î · Divan
Pâdişâh-ı âdil ü âlî-neseb kim yaraşır
Etse ger serheng ü der-bân Keykubâd u Kayser’i
Nef'î · Divan
Zamîr-i cevher-i küll gibi sâf iz‘ânı
Zülâl-i çeşme-i dil gibi pâk güftârı
Nef'î · Divan
Re’yi bir mertebet rûşen ki yazarken vasfın
Şem‘a gâlib görünür şu‘le-i nevk-i aklâm
Nef'î · Divan
Şâhenşeh-i ferhunde-baht ârâyiş-i dîhim ü taht
Bahtı kavî ikbâli İskender-i Yûsuf-şiyem
Nef'î · Divan
Her hayâlim bir arûs-ı naz-perverdir benim
Kim bu âlemden değil esbâb-ı zîb ü zîveri
Nef'î · Divan
Nice kasîde ki her beyti bir kitâb-ı metîn
Nice kitâb ki her fasl u bâb-ı şerh-i mütûn
Nef'î · Divan
O nâ-bekâr-ı siyeh-bahtı var kıyâs eyle
Ki hem hasûd ola zât-ı habîsi hem âmî
Nef'î · Divan
Harfidir mecmûa-i esrâr-ı dîvân-ı Kemâl
Noktasıdır mühre-i dâg-ı derûn-ı Enverî
Nef'î · Divan
Sürdükçe hasma yek-tene bakmaz silâh u cevşene
Yer kalmaz aslâ düşmâna illâ beyâbân-ı adem
Nef'î · Divan
Sen eğer dâdımı dâd etmez isen seyreyle
Ne keşâkeşte kalır kûşe-i dâmân-ı felek
Nef'î · Divan
Lutfeyle sâkî nâzı ko, mey sun ki kalmaz böyle bu
Dolsun sürâhî vü sebû, boş durmasın peymâne hem
Nef'î · Divan
Rind-i hüşyârim harâbât-ı mahabbettir dilim
Âşık-ı hercâîyim vahdet nişânıdır sözüm
Nef'î · Divan
Berk-ı hâtıf gibi bir demde ederdi onu tayy
Olsa ger arsa-i pehnâ-yı felek meydânı
Nef'î · Divan
Nûr-ı mevvâc mâni‘ mi sözümde berk uran
Ya libâsı nazmımın bir âteşîn hârâ mıdır
Nef'î · Divan
Tâ ki ma‘nâ-yı latîf lûtf-ı renk-âmîz ile
Rûzgârın bir dil-ârâ dâstânıdır sözüm
Nef'î · Divan
Eylesem her ne zemân fikre azîmet erişir
Gûşuma zemzeme-i zeng berîd-i ilhâm
Nef'î · Divan
Hasûd münkir olur kısmet-i İlâhî’ye
Sanır hemîşe sitem adl ü dâd kassâmı
Nef'î · Divan
Lebleri üzre gubâr-ı hatt-ı nev-hîzi değil
Nâfe-i âhû-yı çeşminden dökülmüş müşg-i nâb
Nef'î · Divan
Ne feyz alır sifâl-i bâdeden pîr-i mugân
Çekerdi reşkten kandîl ile Şeyhü’l-harem sahbâ
Nef'î · Divan
Âşinâ çıktım ise çeşmine kâfir değilim
Sitem-i gamze-i nezzâre-şümârı çekemem
Nef'î · Divan
Kuş yetişmez der idim olmasa tayyâr eğer
Eremez gerdine zîrâ ki ne sarsar ne sabâ
Nef'î · Divan
Benim ol nâdire gavvâs ki olsa ne kadar
Bahr-i endîşe amîk-i dürr-i ma‘nâ güm-yâb
Nef'î · Divan
Hıfzı ger istese eyler katarât-ı arakı
Dür gibi zîver-i zerrîn-güle şem‘-i münîr
Nef'î · Divan
Nîzesidir o kalem cedvel-i takvîm-i zafer
Ki adûnun ona sürh olmuş ucunda kanı
Nef'î · Divan
Nicedir hâl-i dil-i âşüfte
Şâneden çekmez ola renc-i elîm
Nef'î · Divan
Rîzesinin haremi gevher-i tâc-ı hûrşîd
Gird-i râh kademi tuhfe-i a‘yân-ı felek
Nef'î · Divan
Düşmeseydi zıll-ı temkîni muhît-i çarh-ı vâlâya
Ederdi zevrak-ı zerrîn mihre Zühre’yi lenger
Nef'î · Divan
Rişte-i adliyle ger bend etmese şîrâzesin
Târ u mâr olurdu eczâ-yı kitâb-ı rûzgâr
Nef'î · Divan
Çeşmi gâhî mest olur ruhsat verir nezzâreye
Durmaz ammâ gamze ol ahd ü karâra nâz eder
Nef'î · Divan
Cân u dilden bana vâcibtir duân etmek senin
Hak’tan ümmîdim budur ede duâmı müstecâb
Nef'î · Divan
Erdi yine ürd-i behişt oldu hevâ anber-sirişt
Âlem behişt ender behişt her gûşe bir bâğ-ı İrem
Nef'î · Divan
Olmasa Nef ‘î ne ola dil-beste zülf-i dil-bere
Tab‘-ı şûhu dâma düşmez bir hümâdır ne eylesin
Nef'î · Divan
Rindân-ı Hudâ-perver-i ma‘nâ bu mahalde
Ne çarha ne kavl-i hükemâya nazar eyler
Nef'î · Divan
Âlemi sen yeniden feth ettin
Komadın mürtekib şugl-ı zemîm
Nef'î · Divan
Başlasan mecliste devre sâgar-ı mînâ ile
Lâle-i sir-âb-ı bâğı bezm-i işret-hânesin
Nef'î · Divan
Kimse tahkîk edemez şâir midir sâhir midir
Bir bilir yok Nef ‘î-i mu‘ciz-beyânı bilmiş ol
Nef'î · Divan
Olmasa ger gam-ı dehr ile perîşân-hâtır
Medhini böyle mi eylerdi zebânım ta‘bîr
Nef'î · Divan
Bu kadar cevre tahammül mü olur âdemde
Nice bir bu sitem bî-hadd ü pâyân-ı felek
Nef'î · Divan
Turra-i tâk u rakı hem-ser-i zâtü’l-burûc
Sâye-i sakf-ı bülendi hâb-gâh-ı ahterân
Nef'î · Divan
Nice kasîde bir kitâb, mecmûa-i pür-intihâb
Her nüktesi faslü’l-hitâb her beyti bir genc-i hikem
Nef'î · Divan
Mâh-ı nev sanma görüp gurre-i şehr-i savmı
Câmi‘-i magfirete bir alem-vâlâ-şân
Nef'î · Divan
Bildirdi bir nigehle dile gamze kasdını
Ne keşfe ne mükâşefe-i râza başladı
Nef'î · Divan
Safâ-yı câvidânîdir neşât-ı lutfu ahbâba
Belâ-yı nâ-gehânîdir hayâl-i tîğı a‘dâya
Nef'î · Divan
Şevket ü şânı o gâyette ki seyr etmek için
Reh-güzârında kalır dîde-i hayrân-ı felek
Nef'î · Divan
Benim ol Nef ‘î-i rûşen-dil ü sâfî gevher
Feyz alır câm-ı safâ meşreb-i bî-bâkimden
Nef'î · Divan
Ne mümkün böyle bir âlî binâ bir dahi ger olsa
Kaza mi‘mârı, sidre nerdübânı çarh müzd-veri
Nef'î · Divan
Nâr-ı âhım tuttu dehri yine mahv olmaz felek
Ber-karâr olmak acebtir âteş üstünde habâb
Nef'î · Divan
Zîrâ ne demektir bu ki rindân ile vâiz
Bir yerde durup câm-ı hilâle nigerândır
Nef'î · Divan
Nüktede âlem harîf olmaz bana gûyâ benim
Her ne söylersem cevâb-ı “len terânî”dir sözüm
Nef'î · Divan
Aşk mühlik, yâr gâfil, mübtelâlar neylesin
Birbirine derdini inkâr güç, ikrâr güç
Nef'î · Divan
Veliyyü’l-ni‘met-i âlem desem haktır sözüm zîrâ
Simât-ı cûdu dünyâya çekilmiş hân-ı yağmâdır
Nef'î · Divan
Ol dem ki kasd-ı ceng eder sahrâları gül-reng eder
Dünyâyı hasma teng eder olursa Sâm u Güstehem
Nef'î · Divan
Taklîd ile olmaz bu kadar lezzet-i güftâr
Bu lehçe-i pâkîze bana dâd-ı Hudâ’dır
Nef'î · Divan
Vezîrân-ı cihânın şân u şevketle ser-efrâzı
Müşîrân-ı zemânın hüsn-i tedbîr ile meşhûru
Nef'î · Divan
Devletinde ne ola Örfî gibi meşhûr olsan
Var mı bir bencileyin şâir-i pâkîze-edâ
Nef'î · Divan
Gird-bâd-ı gazabı etse zemîne gavta
Sarsar-ı himmeti yâd etse felek-peymâyı
Nef'î · Divan
Dâd-ger-i pâdişeh-i âdil ü âlî-şân kim
Her ne emr etse kazâ hükmünü eyler imzâ
Nef'î · Divan
Getir ey sâkî-i ferhunde-lika bu meyden
Cânı var ise desin sûfî-i dil-mürde harâm
Nef'î · Divan
Müddeî münkir olursa çekerim işhâde
Hakk-şinâs ehl-i nazar anladığım yârânı
Nef'î · Divan
Vakf-ı ser-pençe-i ikbâl-i cihân-gîrindir
Gûy-ı Hurşîd-i zer-endûd ile çevgân-ı felek
Nef'î · Divan
Baht uyansa hâba varsa dîde-i bîdârımız
Düşde bâri gayrden tenhâ düşürsek yârımız
Nef'î · Divan
Eylesem her ne zemân fikre azîmet erişir
Gûşuma zemzeme-i zeng-i berîd-i ilhâm
Nef'î · Divan
Süvâr oldukça tasvîrinde âcizdir musavverler
Ne denlü dikkat eylerse eğer Behzâd eğer Mânî
Nef'î · Divan
Zemîn-i âsumân olmuş sanur seyreyleyen onu
Olunca aks-i eşkâl-i felek ferşinde manzûru
Nef'î · Divan
Her nazm-ı dil-firîb ki benden sudûr eden
Lafzı cemâl-i şâhid-i ma‘nâya ân verir
Nef'î · Divan
Âlemi gül gibi açtı nefesin
Eyledin çehr-i eyyâmı besîm
Nef'î · Divan
Felek isterse dahi mertebe-i vâlâyı
Eylesin der-geh-i Paşa’ya cebîn-fersâyı
Nef'î · Divan
Berk uran destinde tîğ-ı pür-güher midir yâhûd
Eyledi deryâya gûta âfitâb-ı hâverî
Nef'î · Divan
Habbezâ cây-i neşât-efzâ ki Rıdvân görse ger
Hayretinden derdi bu cennet midir dünyâ mıdır
Nef'î · Divan
Çok mu bu kadar feyz bize ehl-i diliz hem
Perverde-i rindân-ı Mesîhâ-dem-i aşkız
Nef'î · Divan
Ehil olan kadrin bilir ben cevherim metheylemem
Âlemin ser-mâye-i deryâ vü kânıdır sözüm
Nef'î · Divan
Her nigâh-ı nükte-âmîzinde rind-i aşk olan
Hem itâb-ı renciş ü hem müjde-i ihsân bulur
Nef'î · Divan
Kayd-ı tahrîrim ile pây-ı sühan der-zencîr
Dâg-ı fermânım ile cebhe-i endîşe vesîm
Nef'î · Divan
Kubbesinde levha-i sîmîn ile gülmîh-i zer
Müşterîdir kim felekte mâh ile etmiş kırân
Nef'î · Divan
Arsa-i medh ü senânın haddi yok, pâyânı yok
Peyk-i endîşem aceb mi olsa bî-tâb ü tüvân
Nef'î · Divan
Dönsün felekte sâgar-ı ikbâli gün gibi
Tâ ona dek ki âhir-i bezm-i cihân olur
Nef'î · Divan
Dürc-i dilden çıkıp nice girân-mâye güher
Vereyim silk-i dürr-i bahr-i maânîye nizâm
Nef'î · Divan
Devrinde ehl-i mâteme fart-ı neşâttan
Zevk-ı sürûd-ı nağme-i nâyı figân verir
Nef'î · Divan
İltifâtın bana dünyâ dolusu ni‘met iken
Olamam zillet edip zelle bir hân-ı felek
Nef'î · Divan
Nice dil ihtiyâr ile sever ol şûh-ı tannâzı
Kosa öz hâline ger gamze-i fettân u gammâzı
Nef'î · Divan
Rüstem-i ehl-i dilim aşk kemânım çekemez
Pâdişâh-ı sühanım fitne nişânım çekemez
Nef'î · Divan
Hâk-i pây-i âsitânı bûse-cây-ı ins ü cânn
Nef'î
Nef'î · Divan
Görmedim Nef ‘î gibi bir rind-i âlî-meşrebi
Hem gedâ hem pâdişâh-ı kâm-kâra nâz eder
Nef'î · Divan
Ey sadr-ı sühan-pîşe bunu sen de bilirsin
Kim sözde bulunmaz bana hem-tâ-yı zemâne
Nef'î · Divan
Etti adlin o kadar râh-ı dalâli münsedd
Hâtıra yol bulamaz vesvese-i şeytânî
Nef'î · Divan
Çetr-i ikbâlin ola kevn ü mekâna sâye-bân
Sâyesinde kâinât âsûde tâ rûz-ı hisâb
Nef'î · Divan
Merhabâ ey câm-ı mînâ-yı mey-i yâkût-reng
Devri gelsin senden öğrensin sipihr-i bî-direng
Nef'î · Divan
Hem itâb-ı zehr-nâk eyler cihâna gamzesi
Gösterir hem la‘line zevk-ı tekellüm n’eydügin
Nef'î · Divan
Teşhîs-i reh hayr u şer olur mu o dilde
Kim leşker-i gam birbirini pey-siper eyler
Nef'î · Divan
Kemâne döndü kaddim târa benzer za‘ftan cismim
Aceb mi nâle kılsam bezm-i aşkında rebâb âsâ
Nef'î · Divan
Cân-ı âlem fahr-i âlem Ahmed-i Mürsel ki tâ
Haşrolunca na‘t-gûy u na‘t-hânıdır sözüm
Nef'î · Divan
Nâz ederse gamzesi uşşâk-ı zâra nâz eder
Zülfü bir âşüftedir kim rûzgâra nâz eder
Nef'î · Divan
Şâh-ı cihân-ârâ mıdır mâh-ı zeminpira mıdır
Behrâm-ı bî-pervâ mıdır ya âf-tâb-ı pür-kerem
Nef'î · Divan
Vasf-ı şemşîrini kim yazsa mürekkep yerine
Dökülür kâğıda nevk-i kaleminden hûn-âb
Nef'î · Divan
Her hamlede hücûm-ı dilîrân-ı nîze-dâr
Hayl-i adûya ol kadar âfet-resân olur
Nef'î · Divan
Dîvân-ı celâlinde kazâ münşî-i ahkâm
Eyvân-ı şükûhunda felek perde-serâdır
Nef'î · Divan
Bahâ tahmîn eder bir kimse yok erbâb-ı ma‘nâda
Otuz yıldır felek ıkd-ı dürr-i nazmım mezâd üzre
Nef'î · Divan
Vezîr-i nükte-dân, düstûr-ı ehl-i ilm ü sâhib-i dil
Ki gâlibtir zekâda fikri akl-ı müstefâd üzre
Nef'î · Divan
Görünce şimdi böyle iltifâtın
Ki kıldı bendeki mahsûd-ı âlem
Nef'î · Divan
Yâhûd hümâ şikâr edici şâh-bâzdır
Dâim hevâ-yı sayd ile bî-âşiyân olur
Nef'î · Divan
Kızarsa gül gül olsa tâb-ı meydân rûy-ı hûbânın
Ruh-ı cânânı hem gül hem gül-istân olduğun görsem
Nef'î · Divan
Vassâf-ı muhteşem-sühanım kim kasâyidim
Şâhân-ı Cem-şükûh-ı cihân-bâna şan verir
Nef'î · Divan
Hâsılı şimdi benim nâdire-senc-i âlem
Eder ikrâr buna kâmil olan iz‘ânı
Nef'î · Divan
Dem bu demdir behey idrâksiz endîşeyi ko
Kevseri havzu ile sâgar-ı sahbâya değiş
Nef'î · Divan
Gevher-i nizâm-ı âlem-i efrûzum
Şehlerin zîver-i külâhıdır
Nef'î · Divan
Düşmeden sâyesi hâk üzre eder âlemi tayy
Sehv ile râkibi gösterse inâne irhâ’
Nef'î · Divan
Böyle cevher var elimde neyleyim dünyâyı ben
Başına çalsın felek âyîne-i İskender’i
Nef'î · Divan
Yine ıstabl-i şehinşâh-ı cihân-ârâda
Ki ne atlar bulunur biri birinden zîbâ
Nef'î · Divan
Görse ger bârika-i re’yini rü’yâda olur
Şu‘le-i şem‘-i seher şeh-per-i şeb-reng-i gurâb
Nef'î · Divan
Kudûmu pâdişah-ı âleme ser-mâye-i behcet
Vücûdu efser-i ikbâle bir dürr-i girân-mâye
Nef'î · Divan
Hamdülillâh yine insâfa gelip çarh-ı anîd
Eyledi bahtım ile ahd-i vifâkı tecdîd
Nef'î · Divan
Cihân ârâyiş-i ezhâr-ı gül-zâr ile nâzende
Zemîn feyz-i letâfetle sipihre imtinân üzre
Nef'î · Divan
Bunun hakîkati zâhir değil mi dünyâda
Koşun tecâhülî erbâb-ı hikmet ü tencîm
Nef'î · Divan
Tehemten-i vüzerâ Kahramân-ı Cem-kevkeb
Şükûh-ı tâb-ı şikenc-i külâh-ı Behmen ü Cem
Nef'î · Divan
Tab‘ım ol bahr-i güher-pâş-ı sühandır kim onun
Rîze-seng-i sâhilinden ter düşer dürr-i hôş-âb
Nef'î · Divan
Bir cümle yaz, Osmanlı Türkçesine çevirelim.