Nef'î beyitleri, sayfa 6
Nef'î beyitleri, sayfa 6 / 8.
Bir cümle yaz, Osmanlı Türkçesine çevirelim.
Ne acâib döndü merâm üzre yine olmuş iken
Böyle bir devr-i muvâfık feleğe emr-i baîd
Nef'î · Divan
Lafz-ı rûşen içre ma‘nâ-yı latîfi gösterip
Câm-ı billûru safâ-bahşa kodum sâfî şarâb
Nef'î · Divan
Zât-ı pür-cûdunu medh etmeyen ehl-i tab‘ın
Sözü ger sihr-i helâl etse olur vizr ü vebâl
Nef'î · Divan
Yâ Rab dilimi sehv ü hatâdan sakla
Endîşemi tezvîr ü riyâdan sakla
Nef'î · Divan
İçse bir cür‘asını berhemen-i sad-sâle
Bir olur seng-i mezâr ile yanında esnâm
Nef'î · Divan
Rahşı ki tek ü pûde bulunmaz ona hem-tâ
Bir rahş-ı mübârek pey ferhunde inândır
Nef'î · Divan
Zeyn etmeğiçin rişte gibi dürr ü güherle
Pür-pîç ederim her müjemi tâb-ı nazarla
Nef'î · Divan
Bu kadar nazma da mu‘ciz denilir böyle iken
Sınıf-ı ehl-i dil ü tab‘a kerem çarh-ı leîm
Nef'î · Divan
Feth-i Hayber olalı eylemiştir kimse
Zûr bâzûyile bir böyle hisârı teshîr
Nef'î · Divan
Dilleri bâr-ı sanevber gibi sad-pâre olur
Tîğ-ı berrânını yâd eyledikçe a‘dâ
Nef'î · Divan
Harfidir mecmua-i esrâr-ı dîvân-ı Kemâl
Noktasıdır mühre-i dâg-ı derûn-ı Enverî
Nef'î · Divan
Etse bir iklîme ger bezl-i saâdet-gû gibi
Her gedâ-yı bî-nevâsı şevket-i sultân bulur
Nef'î · Divan
Ettikçe tâli‘imle recâ-yı muvâfakat
Her va‘de-i dürûguna bin yıl zemân verir
Nef'î · Divan
Cevher-i iksîr-i medhin tarh edince reşkten
Eylerim her lâhza endîşemle ceng-i zergerî
Nef'î · Divan
Bir iki mültezimi eyledi havâle bana
Ki iştirâkle etmişler iltizâm-ı sitem
Nef'î · Divan
Ben o Cemşîd-i tarab-hâne-i feyzim ki müdâm
Hüsrevânî hum ile nûş ederim sahbâyı
Nef'î · Divan
Pîş-i der-gâhında ber-pâ saff-nişînân-ı felek
Zîr-i eyvânında pervâz etmede kerrûbiyân
Nef'î · Divan
Olurdu gonce-i gül gibi tâ kıyâmete dek
Güşâde-çehre vü handân-leb ü şüküfte-derûn
Nef'î · Divan
Her seher tâ ki döne Cem gibi câm-ı hûrşîd
Her gece tâ kim ola bezm-i çerâgân-ı felek
Nef'î · Divan
Benim ol Haydar-ı Kerrâr-ı ma‘nâ kim hücûmumdan
Dilîrân-ı hayâle teng olur endîşe meydânı
Nef'î · Divan
Tûtî-i mu‘cize-gûyem ne desem lâf değil
Çarh ile söyleşemem âyînesi saf değil
Nef'î · Divan
Berk urur revzenlerinden âb-gîne câmlar
Gösterir dünyâda cennet olduğun günden ayân
Nef'î · Divan
Erişti âleme ya müjde-i hayât-ı ebed
Ya oldu dehre berât müsellemi teslîm
Nef'î · Divan
Memleket meşşâta-i adliyle zînet-yâb olur
Saltanat pîrâye-i hulkuyle hüsn ü ân bulur
Nef'î · Divan
Ağyâre nigâh etmediğin nâz sanırdım
Çok lûtf imiş ol âşıka ben az sanırdım
Nef'î · Divan
Fikri pür-mazmûn mudur âyîne-i tab‘ımda ya
Aksi nakş-ı kâr-gâh-ı âlem-i bâlâ mıdır
Nef'î · Divan
Hâk-i harem-i menşe’-i ikbâl-i ekâbir
Ceyb-i kerem-i kîse-i erbâb-ı recâdır
Nef'î · Divan
Ger âsiyân-ı rûz-ı cezâdan bir ehl-i şer
Seyretse ol kıyâmeti kim ol zemân olur
Nef'î · Divan
Hem rûz-ı mübârek dem-i îd-i tarab-engîz
Hem devr-i cihân-dâver-i Cem-şevket ü şândır
Nef'î · Divan
Olsak ne ola Nef ‘î gibi rüsâ-yı dü-âlem
Hem âşık u hem şâir ü hem bâde-perestiz
Nef'î · Divan
Tavâf-ı Kâ‘be-i kûyun be-kavl-i Bâkî-i merhûm
Derûn-ı dilde niyyet-i âb-ı zemzemden musaffâdır
Nef'î · Divan
Âlemi teshîr için hâtem ne lâzım tab‘ıma
Ben Süleymân-ı hayâlim neyleyim engüşteri
Nef'î · Divan
Çeke mazmûnunu fehmetmede bir nükte-şinâs
Ne kadar dikkat ederse o kadar renc-i elîm
Nef'î · Divan
Biz de ey Nef ‘î n’ol tertîb-i dîvân eylesek
Az ise eş‘ârımız pâkîze-güftârız hele
Nef'î · Divan
Verirdi mâ-melekin bezl için kerîme leîm
Ederdi hizmet-i rindânî şevkle zühhâd
Nef'î · Divan
Dönse şemşîr-i hatîbe ne ola şemşîr-i zebân
Mülk-i nazmın hutbe-i emn ü emânıdır sözüm
Nef'î · Divan
Bir tâze reviştir bu ki ta‘bîr-i latîfi
Revnak-şiken-i hüsn-i beyân-ı kudemâdır
Nef'î · Divan
Belki fehmeyler idi sûd u ziyân-ı sühanı
Gelse arzeylese Nef'î bana kâlâ-yı sühan
Nef'î · Divan
Çektiğim derdi ne hem-hâne ne hem-râh bilir
Âşıkım hâl-i dil-i zârımı Allah bilir
Nef'î · Divan
Pîşânî-i hurşîde düşer sâyemiz ancak
İsbât-ı vücûd eylemiş erbâb-ı fenâyız
Nef'î · Divan
Bin türlü maraz etse isâbet zarâr etmez
Lutf ede meğer merg-i müfâce-i zemâne
Nef'î · Divan
Tâ hisâb-ı mâh u sâl âlemi tahkîk için
Bedr ede mihr-i cihân-tâb-ı felek mâh-ı nevi
Nef'î · Divan
Nesîm ola denlü nâzük tarheder âb üzre emvâcı
Ki levh-i sîme üstâd edemez öyle kalem-kârî
Nef'î · Divan
Reng-i rû öyle midir şâhid mazmûnumda
Ki ola çehre-nümâ olmada muhtâc-ı hizâb
Nef'î · Divan
Şeh-i Cem câh-ı devrânın güzîde sadr-ı dîvânı
Şehin-şâh-ı cihân-gîrin sipeh-sâlâr-ı mansûru
Nef'î · Divan
Arşa as şimdengerü tîğ-ı Süreyyâ cevheri
Bir gazâ ettin ki hoşnûd eyledin peygam-beri
Nef'î · Divan
Hudâvendâ edâ-yı tehniyetdir şimdi maksûdum
Yüzüm ferş eyledikten sonra der-gâh-ı muallâya
Nef'î · Divan
İçse bir cür‘asını bürehmen-i sad-sâle
Bir olur seng-i mezâr ile yanında esnâm
Nef'î · Divan
görme, keremli bulunmak.
Eyâ muhît-i cihân tekerrüm ü tekrîm
Nef'î · Divan
Yetmez mi bu devlet ki bana reşk ede dâim
Bir tâife kim da‘vâ-yı fazl u hüner eyler
Nef'î · Divan
Berk uran destinde tîğ-ı pür-güher midir yâhûd
Eyledi deryâya gavta âfitâb-ı hâverî
Nef'î · Divan
Ne ola olsa muztarib hâl-i dil-i uşşâktan
Sînesi âyîne-i âlem-nümâdır neylesin
Nef'î · Divan
Bir böyle dem-i hurrem ü ferhunde husûsâ
Kim mâ-hasal müddet-i ömr-i güzerândır
Nef'î · Divan
Gamze-i tîğ-keş ü çeşm-i sihir-sâzına bak
Kasd-i cân eyler iken şîvesine nâzına bak
Nef'î · Divan
Şâh-ı cihân Sultân Murâd şâhen-şeh-i âlî-nijâd
Bahr-i adâlet kân-ı dâd zıll-i Hudâ-yı zü’l-minen
Nef'î · Divan
Ya sahn-ı cihân bir çemen-istân-ı dil-ârâ
Tab‘ım ona bir bülbül-i şûrîde nagamdır
Nef'î · Divan
Meclis-i erbâb-ı dil bir lâhza sensiz olmasın
Hürmetin inkâr eden âlemde hürmet bulmasın
Nef'î · Divan
Bâ-husûs ettim arûs-ı medhini tezyîn için
Birbirinden gevher-i mazmûn-ı hâsı intihâb
Nef'î · Divan
Dönüp girdâb-ı bahr-i hûna her gül lâle-zâr içre
Dolaştırmakta keştî-i karâr-ı bülbül-i zârı
Nef'î · Divan
Ger Süleymân’ın saâdetle sen olsan Âsaf ’ı
Bir dem ârâm eylemezdi dîvde engüşterîn
Nef'î · Divan
Ger olsa münteşir fermân-ı adli kûh u sahrâya
Uyur âhû bere zânû-yı şîr-i jiyân üzre
Nef'î · Divan
Mansûr ede her yerde Hudâ râyet-i bahtın
Tâ-hüsrev-i seyyâre felekte sefer eyler
Nef'î · Divan
Ben ol vassâf-ı ahdim ki gelince medh-i evsâf
Benimle hem-zebân olmaz ne Firdevsî ne Hakanî
Nef'î · Divan
Felekler attı külâhın bu şevkle arşa
Melekler etti sipâsı zamîme-i evrâd
Nef'î · Divan
Diller nice bir çâh-ı zenahdânına düşsün
Sâyen gibi zülfün de ko dâmânına düşsün
Nef'î · Divan
Etti adlin o kadar râh-ı dalâli münsedd
Hâtıra yol bulunmaz vesvese-i şeytânî
Nef'î · Divan
Nice keşf eylesin dil-i zârını ol gamze-i şûha
Ki kat kat perdede pinhân-iken bir mest-i rüsvâdır
Nef'î · Divan
Vasf-ı zâtında husûsâ ede bezl-i makdûr
Bir benim gibi sühan-senc-i pesendîde-i kelâm
Nef'î · Divan
Taklîd ile olmaz bu kadar lezzet-i güftâr
Bu lehçe-i pâkize bana dâd-ı Hudâ’dır
Nef'î · Divan
Garaz arz-ı hulûs u bezl-i makdûr etmedir yoksa
Olur hakk üzre medhinde zebân-ı nâtıka ebkem
Nef'î · Divan
Ne sihr eyler yine gör vasf-ı zât-ı bî-nazîrinde
Hele tab‘ım biraz evsâfa olsun i‘tiyâd üzre
Nef'î · Divan
Etse Nef ‘î ne ola ger gönlüyle dâim bezm-i hâs
Hem kadeh hem bâde hem bir şûh sâkîdir gönül
Nef'î · Divan
Olsun erkânı müretteb ol saâdet-hânenin
Kopmasın bir taşı ger kopsa yerinden Ferkadân
Nef'î · Divan
Bulsa erbâb-ı dili hâk ile yek-sân eyler
Göstere tâ ki edânîdir ulüvv-i şânı
Nef'î · Divan
Beytimin her biri bir büt-gededir kim yaraşır
Olsa seng-i dil-i hûbândan ona ferş-i ruhâm
Nef'î · Divan
Var mı bir böyle kasîde demeğe cür’et eder
Şarktan garbe varınca sühan ehline salâ
Nef'î · Divan
Ol saf-şiken-i şîr-i salâbet ki hücûmu
Dehşet-fügen-i kalb-i dilîrân-ı vegâdır
Nef'î · Divan
Minnet eylerse felek bir iki günlük ömrü
Ölürüm derd-i mahabbetle o bârı çekemem
Nef'î · Divan
Yazsa vasf-ı nükhet-i hulkunu bir sâhib-sühan
Bezm-i nazma hâmesi olur buhûr-ı anberîn
Nef'î · Divan
İnayet-i ezelîdir bu gûne feth ü zafer
Aceb midir ger olursa huceste encâmı
Nef'î · Divan
Ne tende cân ile sensiz ümîd-i sıhhat olur
Ne cân bedende gam-ı firkatinle râhat olur
Nef'î · Divan
Nâmını nazm-ı bülendimle çıkardım feleğe
Ede tâ hâzin-i esrâr kazâ-nakş-ı hitâm
Nef'î · Divan
Düşe bir semt-i garîbe reh-i fikr-i nazmı
Ne tarîk-ı reviş-i tâze ne vâdî-i kadîm
Nef'î · Divan
Kevkeb-efşân âftâb olmazsa ger ol maşrıkın
Ikd-i Pervîn-i güsiste-rîsmânıdır sözüm
Nef'î · Divan
Zerre-i nûr-ı şemsesi pîrâye-i hûrşîd ü mâh
Rîzesinin mermeri ser-mâye-i deryâ vü kân
Nef'î · Divan
Beni cüllâb-ı câm-ı lutfun etti şöyle şîrîn-kâm
Ki şi‘rimde bulur her kim okursa lezzet-i şekker
Nef'î · Divan
Kadrin nice ma‘lûm olur kim sana nisbet
Ednâ görünür mansıb-ı a‘lâ-yı zemâne
Nef'î · Divan
Hemîşe kudsiyân-ı âsumândır hem-dem bezmi
Harîm-i hâsı gûyâ beyt-i ma‘mûr-ı muallâdır
Nef'î · Divan
Ammâ yine bir söz ne kadar nâzik olursa
Dahli ona erbâb-ı hased ol kadar eyler
Nef'î · Divan
Hasb-i hâlimdir husûsa lâf-ı da‘vâ ber-taraf
Gerçi sâhib-i lâf olur erbâb-ı tab‘ın ekseri
Nef'î · Divan
Ya cihân-ı nazm-ı âlem-gîrdir olmuş ona
Vasf-ı bûy-ı hulkunu yâd ettiğim yer mülk-i Çîn
Nef'î · Divan
Mestân-ı harâbâta salâdır ne dururlar
Zühhâda tagallüb edecek dem bu zemândır
Nef'î · Divan
Âfitâb-ı subh-ı ma‘nâ bezm-i endîşemde cânı
Bâde feyz-i lâ-yezâl-i câvidânımdır benim
Nef'î · Divan
Nice zemân idi aksine döndürüp feleği
Cefâyı âdet edinmişti rûzgâr-ı leîm
Nef'î · Divan
Cür‘ana vermezdi cân her âşık-ı efsürde-dil
Olmasan tâb-efgen-i her hâtır-ı bî-tâb ü teng
Nef'î · Divan
Mübârek eyleye Allah Taâla ömr ü devletle
Kudûm-ı hazret-i şehzâde-i zîşânı dünyâya
Nef'î · Divan
Dil bu hevâ ile kafes-i teng-i sînede
Mânend-i mürg-i bâl-şikeste tapan olur
Nef'î · Divan
Ne cevâhir dizeyim silk-i senâna göresin
Ki ede şa‘şaası çarh-ı dü-rengi yek-renk
Nef'î · Divan
Gerd-i siyehte şu‘le-i şemşîr-i tâb-dâr
Gûyâ sehâb-ı tîrede berk-ı cehân olur
Nef'î · Divan
Girdi miftâh-ı der-i genc-i maânî elime
Âleme bezl-i güher eylesem itlâf değil
Nef'î · Divan
Söz müdür ol ki çep ü râst düşe bir mazmûnu
Nice ma‘nâ-yı dürüstün boza bir lafz-ı sakîm
Nef'î · Divan
Dîn ü devlet böyle revnak mı bulurdu olmasa
Reşh-i kilk ü berk-ı tîğ âb u tâb-ı rûzgâr
Nef'î · Divan
Berk-ı tîğın ten-i a‘dâda eder cevşeni âb
Döner üstünde habâba ser-i bî-sâmânı
Nef'î · Divan
Ne vücûd-ı bî-nazîrin gibi bir memdûh olur
Ne benim gibi senâ-kâra felek akrân bulur
Nef'î · Divan
Mültecâ-yı vüzerâ sadr-ı kibâr-ı ulemâ
Kâm-kâr-ı fuzalâ fahr-i mevâlî-i izâm
Nef'î · Divan
Sabra tâkat mı kor âh etmemeğe dillerde
O girişme o hırâm ol nigeh-i sabr-güdâz
Nef'î · Divan
Bu adâletle bu ikbâl-i bülend ile sana
İ‘tikadım bu ki hîç olmaya bir feth-i asîr
Nef'î · Divan
Ne ola olsa muztarib hâl-i dil-i uşşâkdan
Sînesi âyîne-i âlem-nümâdır neylesin
Nef'î · Divan
Eb ü cedd-ile tefâhür eden ebced-hânın
Ehil olan redd ü kabûlüne verir mi ahkâm
Nef'î · Divan
Sebz ü hurrem bir fezâ mı her kenâr-ı cûy-bâr
Ya miyân-ı cûda aks-i günbed-i hazrâ mıdır
Nef'î · Divan
Sipihr-i ma‘deletin mâh u âfitâb eseri
Riyâz-ı mekremetin serv-i sidre agsânı
Nef'î · Divan
Her ne emre iştigâl etsen saâdetle ola
Avn-i Rabbânî zahîr ü lutf-ı Yezdânî muîn
Nef'î · Divan
Sipihr-i izz ü câha âfitâb zerre-perverdir
Serîr-i adl ü dâda dâver-i dîn-dâr u dânâdır
Nef'î · Divan
Medh ü senâ-yı hazret-i Sultân Murâd ile
Şâyeste-i merâsim-i i‘zâzdır sözüm
Nef'î · Divan
Feyz-bahş olsa cemâdâta ger isti‘dâdı
Tartılır cevher-i mâhiyeti insân ile seng
Nef'î · Divan
Gulgul-ı kûs-ı zafer tuttu cihânı o kadar
Cünd ü ervâh u melek birbirin etti tebşîr
Nef'î · Divan
Yine endîşe bilir kadr-i dür-i güftârım
Rûzgâr ise denî dehr ise sarrâf değil
Nef'î · Divan
Yâ cihân-ı nazm-ı âlem-gîrdir olmuş ona
Vasf-ı bûy-ı hulkunu yâd ettiğim yer mülk-i Çîn
Nef'î · Divan
İhyâ eden endîşeyi feyz-i nefesimdir
Endîşe benim tıfl-ı dil-i nev-hevesimdir
Nef'î · Divan
Gark olur kevn ü mekân Âb-ı Hayât-ı feyze
Aldığımca elime kilk-i sühan-pâlâyı
Nef'î · Divan
Bir cümle yaz, Osmanlı Türkçesine çevirelim.