Divan beyitleri, sayfa 10

Divan beyitleri, sayfa 10 / 15.

• Gül-i ra‘nâ figân-ı bülbül-i şeydâyı gûş etmez

  Hezârân nâle vü feryâd eder Yahyâ müfîd olmaz

  Şeyhülislâm Yahyâ · Divan

• Herkese nutk-ı revân-bahş verilmez Yahyâ

  Himmet-i Hızr gerek kim buluna Âb-ı Hayât

  Şeyhülislâm Yahyâ · Divan

• Rûh-ı pür-bîmde sa‘y et der-i yâre er er

  Kat‘-ı menzil ederek bahr bahir hem ber ber

  Nâbî · Divan

• Şol gedâ kim penbe-i dâgın dem-â-dem tâzeler

  Gül koparmaz şâhdan geşt-i gül-istân istemez

  Hayâlî · Divan

• Nef ‘î gibi mâil değiliz şîve-i nazma

  Meftûn-ı edâ-yı gazel-i sâde-i aşkız

  Nef'î · Divan

• Tayyeder âlemi bir göz yumup açıncaya dek

  Bu kadar çâbük ü çâlâk olur mu acaba

  Nef'î · Divan

• Bâkî çemende haylî perîşân imiş varak

  Benzer ki bir şikâyeti var rûzgârdan

  Bâkî · Divan

• Şâyed görüp terahhum ede hâk-sârını

  Ömrüm geçince bekleyeyim reh-güzârını

  Bâkî · Divan

• Elinde Hazret-i Dâvud’un âhendir ki mûm oldu

  Ziyâ-bahş olsa âfâka ne ola şemşîr-i bürrânı

  Bâkî · Divan

• Ma‘zûr ola medhinde olan acz ile kusûrum

  Tab‘ım nice demdir ki leked-hôrde-i gamdır

  Nef'î · Divan

• Sihr ederdim medhine geldikçe ammâ neyleyim

  Eylemiş Hak vasfını kayd-ı tasavvurdan berî

  Nef'î · Divan

• Râhsın râhat-fezâ-yı hâtır-ı mest-ânesin

  Rûhsun nakd-i revân-ı âşık-ı dîvânesin

  Nef'î · Divan

• Leşker-i eşk-i firâvân ile ceng eylemeye

  Gönderir mevclerin lücce-i ummân saf saf

  Bâkî · Divan

• Konup çeng edicek bülbül nihâl-i gül-bün-i sebzi

  Gümüş telden dizer ebr-i bahârî ona evtârı

  Nef'î · Divan

• Eğer nücûm-ı felek sa‘d-i ekber olsa tamâm

  Verilse hem dahi her rûza revnak-ı a‘yâd

  Nef'î · Divan

• Bâlâ-yı serde âteş-i âhum duhânını

  Şâh-ı mahabbet üstine bir sâyebân tutun

  Bâkî · Divan

• Haylî kevâkib içre yanıp meş‘al-i kamer

  Sahn-ı semâda rûşen idi râh-ı keh-keşân

  Bâkî · Divan

• Kaldı nukûd-ı eşk-i ruh-ı zerd geçmeden

  Gitti revâcı dirhem ü dînârı bozdular

  Şeyhülislâm Yahyâ · Divan

• Miyân-ı lücce-i gamda geçirdik eyyâmı

  Necât ümîdine düşsek kenâr yaklaşsa

  Şeyhülislâm Yahyâ · Divan

• Bâdî-i zevk u safâsın gerçi nâmın bâdedir

  Cür‘anı nûş eyleyenler gussadan âzâdedir

  Nef'î · Divan

• Feyz-i Hak berk urur âyîne-i endîşemden

  Çeşm-i cân rûşen olur maşrık-ı idrâkimden

  Nef'î · Divan

• Âkıle lâyık mı ferdâyı ferâmûş eylemek

  Fikr-i şenbih tıflın eylerken tebah âzînesin

  Sünbülzâde Vehbî · Divan

• Meyden safâ-yı bâtın-ı humdur garaz hemân

  Erbâb-ı zâhir anlayamazlar murâdımuz

  Bâkî · Divan

• Ey devvâr-ı zemâne ki âb-ı adâletin

  Mülk-i cihâna revnak-ı bâğ-ı cinân verir

  Nef'î · Divan

• Her kişi nakd-i cânını âmâde eylesin

  Yârân-ı aşk sohbetimiz ârif-ânedir

  Şeyhülislâm Yahyâ · Divan

• Düştükçe hâke gûy-sıfat kelle-i adüvv

  Pây-ı semendi tut ki ona savlecân olur

  Nef'î · Divan

• Gamze değil bu şu‘bede-bâz-ı kirişmedir

  Sihri bitirdi şîve-i i‘câza başladı

  Nef'î · Divan

• Bahr-i hayrettedir sefîne-i rûh

  Lenger-i Lâ ilâhe illa‘l-lâh

  Şeyhî · Divan

• Silk-i belâgat üzre dürr ü güher dizersen

  Yahyâ nazîr olur mu nazm-ı cihân-sitâne

  Şeyhülislâm Yahyâ · Divan

• Cân râh-ı mahabbette bir bûy-ı safâ aldı

  Ol râyihadan buldum ben hâne-i hammârı

  Şeyhülislâm Yahyâ · Divan

• Îsâ gibi bir rûh-ı melek-sîret ü hôş zât

  Yûsuf gibi bir mâh-ı perî-peyker-i âlem

  Nef'î · Divan

• Bu rûz odur ki sabâhında sad-safâ muzmer

  Bu rûz odur ki mesâsında bin ferruh müdgam

  Koca Râgıb Paşa · Divan

• Sebeb-i kadri onun îd-i mübârek-fıtrat

  Şeref-i bahtı bunun dâver-i ferhunde-şiyem

  Nef'î · Divan

• Bir nefes dîdâr için bin cân fedâ etsem ne ola

  Nice demlerdir esîr-i iştiyâkıdır gönül

  Nef'î · Divan

• Ol şâhı âh u nâle yürütmez belâ budur

  Varır rakîb yanına ıdlâl eder yürür

  Şeyhülislâm Yahyâ · Divan

• Nâvek-i gamzelerin şöyle geçer tenden kim

  Nevk-i peykân-ı ciger-dûzu bulaşmaz kane

  Nef'î · Divan

• Ne bilsin meclis-i rindânı zâhid

  O bezme her kişi olmaz murahhas

  Şeyhülislâm Yahyâ · Divan

• Dehre mağrûr olma ey gâfil ki bunda âdeme

  Tâlii yüz döndürür gâhî sitâre nâz eder

  Nef'î · Divan

• Biz tâlib-i teveccüh ü ikbâl-i rûzgâr

  Gülberk-i bâğ-ı ömr ise berbâd olup gider

  Bâkî · Divan

• Gözlerim cânâ remedden bağlarım sanma beni

  Sakınır iki gözünden âşık-ı şeydâ seni

  Şeyhülislâm Yahyâ · Divan

• Şol gedâ kim kıldı istiğnâ serîrin tekyegâh

  Genc-i Bâd-âverd ile taht-ı Süleymân istemez

  Hayâlî · Divan

• Eğer kim Zühre-i zehrâyı da lâyık görürlerse

  Olurdu hâmile olmak için menkûha Îsâ’ya

  Nef'î · Divan

• Sen hemân künc-i niyâzı bekle ey güncişk-i dil

  Şâh-bâzın çünkü evc-i nâzda pervâz eder

  Şeyhülislâm Yahyâ · Divan

• Hüner lutf-ı kelâm-ı Hakk’ı bilmektir mahallinde

  Hakîkatte budur ehl-i dilin mi‘yâr-i iz‘ânı

  Nef'î · Divan

• Kim tatlı sohbetinde gözetmesze hakk-ı nân

  Acıya vü ezile nitekim suda nemek

  Şeyhî · Divan

• Ol dem ki kasd-i ceng eder sahrâları gül-reng eder

  Dünyâyı hasma teng eder olursa Sâm ü Güstehem

  Nef'î · Divan

• Eyleye her müşkilin âsân Hudâ-yı Müsteân

  Olmaya eksik cenâbından gürûh-ı müstaîn

  Nef'î · Divan

• Âkıle lâyık mı ferdâyı ferâmûş eylemek

  Fikr-i şenbih tıflın eylerken tebâh âzînesin

  Sünbülzâde Vehbî · Divan

• Ayrıldı dil sadef gibi sen dürr-i pâkden

  Şemşîr-i hecrin eyledi bî-çâreyi dü-nîm

  Bâkî · Divan

• Dâra dek pûyân u Hak-gûyân olur sonra varır

  Bir gece bir kimse kûy-ı aşka mihmân olmasın

  Avnî · Divan

• Ne acâib döndü merâm üzre yine olmuş iken

  Böyle bir devr-i muvâfık feleğe emr-i baîd

  Nef'î · Divan

• Lafz-ı rûşen içre ma‘nâ-yı latîfi gösterip

  Câm-ı billûru safâ-bahşa kodum sâfî şarâb

  Nef'î · Divan

• Zât-ı pür-cûdunu medh etmeyen ehl-i tab‘ın

  Sözü ger sihr-i helâl etse olur vizr ü vebâl

  Nef'î · Divan

• Her kaçan gönlüme fikr-i ârız-ı dil-ber düşer

  Gûyiyâ mir’âta aks-i pertev-i hâver düşer

  Bâkî · Divan

• Sımâh-ı cânıma hâtiften erdi bu târîh

  Ola bu cisri karîn-i kabûl-i Rabb-i Vedûd

  Şeyhülislâm Yahyâ · Divan

• Aşkın oduna ey gül yanarsa cân-ı şeydâ

  Her bir avuç külünden bir bülbül ola peydâ

  Şeyhülislâm Yahyâ · Divan

• Yâ Rab dilimi sehv ü hatâdan sakla

  Endîşemi tezvîr ü riyâdan sakla

  Nef'î · Divan

• İçse bir cür‘asını berhemen-i sad-sâle

  Bir olur seng-i mezâr ile yanında esnâm

  Nef'î · Divan

• Hemân dünyâda bî-nâm ü nişân ol

  Budur dünyâda Yahyâ sana mahlas

  Şeyhülislâm Yahyâ · Divan

• Rahşı ki tek ü pûde bulunmaz ona hem-tâ

  Bir rahş-ı mübârek pey ferhunde inândır

  Nef'î · Divan

• Âr eder çiğnetmekten bâri muhallâ eyleriz

  Na‘l-i esbin eyleye tâ kim misâl-i rûy-mâl

  Şeyhülislâm Yahyâ · Divan

• Zeyn etmeğiçin rişte gibi dürr ü güherle

  Pür-pîç ederim her müjemi tâb-ı nazarla

  Nef'î · Divan

• Manzar-ı himmetinin küngüre-i rif ‘atine

  Eremez sarsar-ı tûfân-ı fenâ birle gubâr

  Bâkî · Divan

• Sabrını gâret edip aldılar eşk-i çeşmin

  Sende Yahyâ ne tecemmül ne tahammül kodular

  Şeyhülislâm Yahyâ · Divan

• Şâirleriz alâka-i dildir kelâmımız

  Yek rişte üzredir güher-i intizarımız

  Şeyh Galib · Divan

• Bu kadar nazma da mu‘ciz denilir böyle iken

  Sınıf-ı ehl-i dil ü tab‘a kerem çarh-ı leîm

  Nef'î · Divan

• Feth-i Hayber olalı eylemiştir kimse

  Zûr bâzûyile bir böyle hisârı teshîr

  Nef'î · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Dilleri bâr-ı sanevber gibi sad-pâre olur

  Tîğ-ı berrânını yâd eyledikçe a‘dâ

  Nef'î · Divan

• Şerâr-ı nâr-ı âhımla sipihrin tâs-ı pûlâdı

  Döner her şeb belâ bezminde câm-ı zer-nişânımdır

  Bâkî · Divan

• Şehr-i cemâl o gamze vü ebrû vü hâl ile

  Hakka ne cây-ı dil-keş olur dil-rübâsı çok

  Şeyhülislâm Yahyâ · Divan

• Bâkî’yâ hân-geh-i âlem-i hayrette hemân

  Her gelen kimse bu esrâr ile hayrân ancak

  Bâkî · Divan

• Harfidir mecmua-i esrâr-ı dîvân-ı Kemâl

  Noktasıdır mühre-i dâg-ı derûn-ı Enverî

  Nef'î · Divan

• Ümmîd-i hâb âşıka olmaz hayâl imiş

  Bî-çâre yâri düşte de görmek muhâl imiş

  Şeyhülislâm Yahyâ · Divan

• Yahyâ dolaşır cism-i nizârıyla cihânı

  Bir köhne hasîre dil-i dîvâne sarılmış

  Şeyhülislâm Yahyâ · Divan

• Etse bir iklîme ger bezl-i saâdet-gû gibi

  Her gedâ-yı bî-nevâsı şevket-i sultân bulur

  Nef'î · Divan

• Ettikçe tâli‘imle recâ-yı muvâfakat

  Her va‘de-i dürûguna bin yıl zemân verir

  Nef'î · Divan

• Evrâk-ı bâğa neyledi bâd-ı hazânı gör

  Bâkî gamında şöyle perîşân olup gezer

  Bâkî · Divan

• Cevher-i iksîr-i medhin tarh edince reşkten

  Eylerim her lâhza endîşemle ceng-i zergerî

  Nef'î · Divan

• Bir iki mültezimi eyledi havâle bana

  Ki iştirâkle etmişler iltizâm-ı sitem

  Nef'î · Divan

• Cihân-ârâ cihân içindedir arayı bilmezler

  Şu mâhîler ki deryâ içredir deryâyı bilmezler

  Hayâlî · Divan

• Sadr-ı mey-hânede nâ-dân otura var mı cevâb

  Sorsak ey pîr-i mugân vechini güstâh-âne

  Şeyhülislâm Yahyâ · Divan

• Gül gül etti ârız-ı hûbânı Yahyâ tâb-ı mey

  Oldu şem‘-i meclis-ârâ her taraf pertev-resân

  Şeyhülislâm Yahyâ · Divan

• Ben o Cemşîd-i tarab-hâne-i feyzim ki müdâm

  Hüsrevânî hum ile nûş ederim sahbâyı

  Nef'î · Divan

• Pîş-i der-gâhında ber-pâ saff-nişînân-ı felek

  Zîr-i eyvânında pervâz etmede kerrûbiyân

  Nef'î · Divan

• Olurdu gonce-i gül gibi tâ kıyâmete dek

  Güşâde-çehre vü handân-leb ü şüküfte-derûn

  Nef'î · Divan

• Her seher tâ ki döne Cem gibi câm-ı hûrşîd

  Her gece tâ kim ola bezm-i çerâgân-ı felek

  Nef'î · Divan

• Hakka bu kim berât-ı hümâyûn-ı hüsnüne

  Ebrû-yı dil-firîbi ne garrâ nişân çeker

  Bâkî · Divan

• Benim ol Haydar-ı Kerrâr-ı ma‘nâ kim hücûmumdan

  Dilîrân-ı hayâle teng olur endîşe meydânı

  Nef'î · Divan

• Her kılı zencîr-i gam her târı bir mâr-ı elem

  Böyledir ol zülf-i pür-ham dikkat ettim mû-be-mû

  Şeyhülislâm Yahyâ · Divan

• Hüsn kim gâliye vü gâzeden imdâd ister

  İstemez dil onu bir hüsn-i Hudâ-dâd ister

  Şeyh Galib · Divan

• Adlin katında cevr ü sitem dâd-ı Keykûbâd

  Hışmın yanında lûtf u kerem kahr-ı Kahramân

  Bâkî · Divan

• Kalem olsun eli ol kâtib-i bed-tahrîrin

  Ki fesâd-ı rakamı sûrumuzu şûr eyler

  Fuzûlî · Divan

• Tûtî-i mu‘cize-gûyem ne desem lâf değil

  Çarh ile söyleşemem âyînesi saf değil

  Nef'î · Divan

• Berk urur revzenlerinden âb-gîne câmlar

  Gösterir dünyâda cennet olduğun günden ayân

  Nef'î · Divan

• Erişti âleme ya müjde-i hayât-ı ebed

  Ya oldu dehre berât müsellemi teslîm

  Nef'î · Divan

• Memleket meşşâta-i adliyle zînet-yâb olur

  Saltanat pîrâye-i hulkuyle hüsn ü ân bulur

  Nef'î · Divan

• Her dûna şâh-ı gül gibi meyl etme ey dostum

  Düşmez giyâha hem-ser ola serv-i ser-bülend

  Bâkî · Divan

• Ağyâre nigâh etmediğin nâz sanırdım

  Çok lûtf imiş ol âşıka ben az sanırdım

  Nef'î · Divan

• Bulmaz ol ruhsâr ile ol kadd-i zîbâ hâletin

  Bağlasan bir deste gül serv-i hırâmân üstüne

  Bâkî · Divan

• Yine sihr etti Necâtî nice söz nice gazel

  Leb-i dil-ber sıfatında bir içim sudur bu

  Necâtî · Divan

• Âvâzeyi bu âleme Dâvûd gibi sal

  Bâkî kalan bu kubbede bir hôş sadâ imiş

  Bâkî · Divan

• Fikri pür-mazmûn mudur âyîne-i tab‘ımda ya

  Aksi nakş-ı kâr-gâh-ı âlem-i bâlâ mıdır

  Nef'î · Divan

• Hâk-i harem-i menşe’-i ikbâl-i ekâbir

  Ceyb-i kerem-i kîse-i erbâb-ı recâdır

  Nef'î · Divan

• Ben dahi gam mı çekerim nazar-ı a‘dâdan

  Bâzû-yı vaslda ta’vîzim olaydı hâmim

  Nâbî · Divan

• Ger âsiyân-ı rûz-ı cezâdan bir ehl-i şer

  Seyretse ol kıyâmeti kim ol zemân olur

  Nef'î · Divan

• Tîr-i gamzen atma kim bağrım deler kanım döker

  Ikd-ı zülfün açma kim âşüfte-hâl eyler beni

  Fuzûlî · Divan

• Hem rûz-ı mübârek dem-i îd-i tarab-engîz

  Hem devr-i cihân-dâver-i Cem-şevket ü şândır

  Nef'î · Divan

• Kimi şemşîr-bâz oldu kimi can-bâz bu halkın

  Temâşâ eylesen ol günde görsen hâl-i insânı

  Bâkî · Divan

• Olsak ne ola Nef ‘î gibi rüsâ-yı dü-âlem

  Hem âşık u hem şâir ü hem bâde-perestiz

  Nef'î · Divan

• Tavâf-ı Kâ‘be-i kûyun be-kavl-i Bâkî-i merhûm

  Derûn-ı dilde niyyet-i âb-ı zemzemden musaffâdır

  Nef'î · Divan

• Âlemi teshîr için hâtem ne lâzım tab‘ıma

  Ben Süleymân-ı hayâlim neyleyim engüşteri

  Nef'î · Divan

• Hat-âver olsa da ebrûsudur perestiş-gâh

  Yıkılsa câmi‘ hüsnü yerindedir mihrâb

  Sünbülzâde Vehbî · Divan

• Çeke mazmûnunu fehmetmede bir nükte-şinâs

  Ne kadar dikkat ederse o kadar renc-i elîm

  Nef'î · Divan

• Koyalım sâgarı zâhid sana hem-reng olalım

  Bize keyfiyyet-i sahbâ gibi bir hâlet bul

  Bâkî · Divan

• Hani sâkiyâ ol cihân-ı safâ

  Bulunmaz mı bir câm-ı gîtî-nümâ

  Şeyhülislâm Yahyâ · Divan

• Hudâvendâ sen ol çâbûk-süvâr-ı mülk ü devletsin

  Ki rahş-ı himmetin evvel kademde aldı meydânı

  Bâkî · Divan

• Sarfa sarf eylemeyip medreselerde ömrün

  Geçinir ba‘zı yobaz sûhte de molla-i sühan

  Sünbülzâde Vehbî · Divan

• Biz de ey Nef ‘î n’ol tertîb-i dîvân eylesek

  Az ise eş‘ârımız pâkîze-güftârız hele

  Nef'î · Divan

• Verirdi mâ-melekin bezl için kerîme leîm

  Ederdi hizmet-i rindânî şevkle zühhâd

  Nef'î · Divan