Divan beyitleri, sayfa 7

Divan beyitleri, sayfa 7 / 15.

• Hâline ayn-ı inâyetle nigâh eyler isen

  Göz açıp ede nazar nite ki abher sünbül

  Bâkî · Divan

• Hıfzı ger istese eyler katarât-ı arakı

  Dür gibi zîver-i zerrîn-güle şem‘-i münîr

  Nef'î · Divan

• Olursa tîğ-ı firâkıyla şerha şerha tenim

  Nigâra derd-i derûnum olup durur meşrûh

  Şeyhülislâm Yahyâ · Divan

• Nûş-ı dârû-yı lebindir haste-i aşka devâ

  Şerbet-i vaslından olur âşık-ı bîmâra hazz

  Şeyhülislâm Yahyâ · Divan

• Nîzesidir o kalem cedvel-i takvîm-i zafer

  Ki adûnun ona sürh olmuş ucunda kanı

  Nef'î · Divan

• Baş eğdi âb-ı tîğına küffâr-ı Engürüs

  Şemşîrî gevherini pesend eyledi Frenk

  Bâkî · Divan

• Cevr-i eyyâmdan incinmeyelim Yahyâ biz

  Ayş u nûş ile geçen günleri de yâd edelim

  Şeyhülislâm Yahyâ · Divan

• Zîb ü fer vermek için rû-yi arûs-ı çemene

  Yâsemen şâne, sabâ mâşıta, âb âyinedir

  Bâkî · Divan

• Nicedir hâl-i dil-i âşüfte

  Şâneden çekmez ola renc-i elîm

  Nef'î · Divan

• Bâkî-sıfat verdin elem ettin gözüm yaşını yemm

  Kıldın garîk-i bahr-i gam deryâlara saldın beni

  Bâkî · Divan

• Rîzesinin haremi gevher-i tâc-ı hûrşîd

  Gird-i râh kademi tuhfe-i a‘yân-ı felek

  Nef'î · Divan

• Düşmeseydi zıll-ı temkîni muhît-i çarh-ı vâlâya

  Ederdi zevrak-ı zerrîn mihre Zühre’yi lenger

  Nef'î · Divan

• Rişte-i adliyle ger bend etmese şîrâzesin

  Târ u mâr olurdu eczâ-yı kitâb-ı rûzgâr

  Nef'î · Divan

• Çeşmi gâhî mest olur ruhsat verir nezzâreye

  Durmaz ammâ gamze ol ahd ü karâra nâz eder

  Nef'î · Divan

• Cân u dilden bana vâcibtir duân etmek senin

  Hak’tan ümmîdim budur ede duâmı müstecâb

  Nef'î · Divan

• Erdi yine ürd-i behişt oldu hevâ anber-sirişt

  Âlem behişt ender behişt her gûşe bir bâğ-ı İrem

  Nef'î · Divan

• Olmasa Nef ‘î ne ola dil-beste zülf-i dil-bere

  Tab‘-ı şûhu dâma düşmez bir hümâdır ne eylesin

  Nef'î · Divan

• Rindân-ı Hudâ-perver-i ma‘nâ bu mahalde

  Ne çarha ne kavl-i hükemâya nazar eyler

  Nef'î · Divan

• Âlemi sen yeniden feth ettin

  Komadın mürtekib şugl-ı zemîm

  Nef'î · Divan

• Evrâk-ı bahârı görelim sahn-ı çemende

  Gül mevsimidir defter ü dîvâna bakılmaz

  Şeyhülislâm Yahyâ · Divan

• Başlasan mecliste devre sâgar-ı mînâ ile

  Lâle-i sir-âb-ı bâğı bezm-i işret-hânesin

  Nef'î · Divan

• Cihânda rind olur uğratmayıp âlâm-ı dünyâyı

  Muvâfık yâr ile bir kûşede def ‘-i gumûm eyler

  Şeyhülislâm Yahyâ · Divan

• Pây-bûs-ı yâre hâk olmakla mümkindir vusûl

  Pây-mâl olsun diyen Yahyâ’ya devlet-hâhıdır

  Şeyhülislâm Yahyâ · Divan

• Nâle-i bîmâra döndü bülbülün âvâzesi

  Pür-kesel âlem aceb mi goncanın hamyâzesi

  Şeyhülislâm Yahyâ · Divan

• Kimse tahkîk edemez şâir midir sâhir midir

  Bir bilir yok Nef ‘î-i mu‘ciz-beyânı bilmiş ol

  Nef'î · Divan

• Bâlâ-nişîn-i mesned-i şâhân-ı tâc-dâr

  Vâlâ-nişân-ı ma‘reke-i arsa-i keyân

  Bâkî · Divan

• Olmasa ger gam-ı dehr ile perîşân-hâtır

  Medhini böyle mi eylerdi zebânım ta‘bîr

  Nef'î · Divan

• Bu kadar cevre tahammül mü olur âdemde

  Nice bir bu sitem bî-hadd ü pâyân-ı felek

  Nef'î · Divan

• Turra-i tâk u rakı hem-ser-i zâtü’l-burûc

  Sâye-i sakf-ı bülendi hâb-gâh-ı ahterân

  Nef'î · Divan

• Nice kasîde bir kitâb, mecmûa-i pür-intihâb

  Her nüktesi faslü’l-hitâb her beyti bir genc-i hikem

  Nef'î · Divan

• Yahyâ dil-i fakîri yakan eylesin hazer

  Âhım yeli eserse eğer pür-şerâr eser

  Şeyhülislâm Yahyâ · Divan

• Halk içinde mu'teber bir nesne yok devlet gibi

  Olmaya devlet cihânda bir nefes sıhhat gibi

  Muhibbî · Divan

• Mâh-ı nev sanma görüp gurre-i şehr-i savmı

  Câmi‘-i magfirete bir alem-vâlâ-şân

  Nef'î · Divan

• Adlin katında cevr ü sitem dâd-ı Keykûbâd

  Hışmın yanında lûtf u kerem kahr-ı Kahramân

  Hayâlî · Divan

• Küfr-i zülfün salalı rahneler îmânımıza

  Kâfir ağlar bizim ahvâl-i perîşânımıza

  Fuzûlî · Divan

• Bildirdi bir nigehle dile gamze kasdını

  Ne keşfe ne mükâşefe-i râza başladı

  Nef'î · Divan

• Safâ-yı câvidânîdir neşât-ı lutfu ahbâba

  Belâ-yı nâ-gehânîdir hayâl-i tîğı a‘dâya

  Nef'î · Divan

• Şevket ü şânı o gâyette ki seyr etmek için

  Reh-güzârında kalır dîde-i hayrân-ı felek

  Nef'î · Divan

• Zemâne ateş urdu hirmen-i cân-i bed-endîşe

  Düşelden şu‘le-i şemşîri Azerbaycan üzre

  Bâkî · Divan

• Benim ol Nef ‘î-i rûşen-dil ü sâfî gevher

  Feyz alır câm-ı safâ meşreb-i bî-bâkimden

  Nef'î · Divan

• Ne mümkün böyle bir âlî binâ bir dahi ger olsa

  Kaza mi‘mârı, sidre nerdübânı çarh müzd-veri

  Nef'î · Divan

• Minnet Hudâ’ya iki cihânda kılıp saîd

  Nâm-ı şerîfin eyledi hem gâzî hem şehîd

  Bâkî · Divan

• Şerbet-i kahrın sunar her kâseden devrân bana

  Âh kim el vermedi demler-dürür dermân bana

  Nâbî · Divan

• Yahyâ şarâb-ı şevk ile peymâne-i dil pür olur

  Sâkî gelince meclise destinde dolu câm-ı mül

  Şeyhülislâm Yahyâ · Divan

• Sarfa sarfeylemeyip medreselerde ömrün

  Geçinir bâzı yobaz softa da mollâ-yı sühan

  Sünbülzâde Vehbî · Divan

• Nâr-ı âhım tuttu dehri yine mahv olmaz felek

  Ber-karâr olmak acebtir âteş üstünde habâb

  Nef'î · Divan

• Zîrâ ne demektir bu ki rindân ile vâiz

  Bir yerde durup câm-ı hilâle nigerândır

  Nef'î · Divan

• Vefâ tohmu ekilmez mi bu âlem kişt-zârında

  Safâlar kesb olunmaz mı ferahlar hâsıl olmaz mı

  Şeyhülislâm Yahyâ · Divan

• Zîb ü fer vermek için rûy-i arûs-ı çemene

  Yâsemen şâne sabâ mâşıta âb âyîne-dâr

  Bâkî · Divan

• Nüktede âlem harîf olmaz bana gûyâ benim

  Her ne söylersem cevâb-ı “len terânî”dir sözüm

  Nef'î · Divan

• Ey dil bu demde sensin olan bana hem-nefes

  Gel nây gibi inleyelim bâri zâr zâr

  Bâkî · Divan

• Aşk mühlik, yâr gâfil, mübtelâlar neylesin

  Birbirine derdini inkâr güç, ikrâr güç

  Nef'î · Divan

• Bir vaz‘-ı hasen etti koyup sîneye bir dâg

  Bir iki elif çekti yine eyledi ihsân

  Şeyhülislâm Yahyâ · Divan

• Midâd-ı şevk ile pür eylesem ne ola gece gündüz

  Sahîfe-i dili üstâd-ı aşk verdi kabâle

  Şeyhülislâm Yahyâ · Divan

• Veliyyü’l-ni‘met-i âlem desem haktır sözüm zîrâ

  Simât-ı cûdu dünyâya çekilmiş hân-ı yağmâdır

  Nef'î · Divan

• Vâiz ola mı sert sözünden müteessir

  Bir dilde ki sûzân ola kânûn-ı mahabbet

  Şeyhülislâm Yahyâ · Divan

• Ol dem ki kasd-ı ceng eder sahrâları gül-reng eder

  Dünyâyı hasma teng eder olursa Sâm u Güstehem

  Nef'î · Divan

• Taklîd ile olmaz bu kadar lezzet-i güftâr

  Bu lehçe-i pâkîze bana dâd-ı Hudâ’dır

  Nef'î · Divan

• Cânı kullâb-ı ser-i zülfün çeker senden yana

  Gûşe-i çeşmin ne var olsa eğer benden yana

  Şeyhülislâm Yahyâ · Divan

• Vezîrân-ı cihânın şân u şevketle ser-efrâzı

  Müşîrân-ı zemânın hüsn-i tedbîr ile meşhûru

  Nef'î · Divan

• Devletinde ne ola Örfî gibi meşhûr olsan

  Var mı bir bencileyin şâir-i pâkîze-edâ

  Nef'î · Divan

• Tâli‘ oldu neyyir-i ikbâl-i devlet subh-dem

  Şu‘le saldı âleme necm-i hidâyet subh-dem

  Bâkî · Divan

• Gird-bâd-ı gazabı etse zemîne gavta

  Sarsar-ı himmeti yâd etse felek-peymâyı

  Nef'î · Divan

• Dâd-ger-i pâdişeh-i âdil ü âlî-şân kim

  Her ne emr etse kazâ hükmünü eyler imzâ

  Nef'î · Divan

• Getir ey sâkî-i ferhunde-lika bu meyden

  Cânı var ise desin sûfî-i dil-mürde harâm

  Nef'î · Divan

• Uyurken öpmek olurdu seni ey gonce-leb ammâ

  Elim varmaz bir gül koparmağa bu gül-şenden

  Şeyhülislâm Yahyâ · Divan

• Müddeî münkir olursa çekerim işhâde

  Hakk-şinâs ehl-i nazar anladığım yârânı

  Nef'î · Divan

• Ben üzümün suyunu severim, sûfî dânesin

  Zîrâ kimi kızını sever, kimi anasın

  Necâtî · Divan

• Vakf-ı ser-pençe-i ikbâl-i cihân-gîrindir

  Gûy-ı Hurşîd-i zer-endûd ile çevgân-ı felek

  Nef'î · Divan

• Baht uyansa hâba varsa dîde-i bîdârımız

  Düşde bâri gayrden tenhâ düşürsek yârımız

  Nef'î · Divan

• Eylesem her ne zemân fikre azîmet erişir

  Gûşuma zemzeme-i zeng-i berîd-i ilhâm

  Nef'î · Divan

• Süvâr oldukça tasvîrinde âcizdir musavverler

  Ne denlü dikkat eylerse eğer Behzâd eğer Mânî

  Nef'î · Divan

• Zemîn-i âsumân olmuş sanur seyreyleyen onu

  Olunca aks-i eşkâl-i felek ferşinde manzûru

  Nef'î · Divan

• Âkıbet yokluk imiş kâr-ı cihân ey Bâki

  N’idelim şâh-ı civân-bahtı cihân var olsun

  Bâkî · Divan

• Her nazm-ı dil-firîb ki benden sudûr eden

  Lafzı cemâl-i şâhid-i ma‘nâya ân verir

  Nef'î · Divan

• Âlemi gül gibi açtı nefesin

  Eyledin çehr-i eyyâmı besîm

  Nef'î · Divan

• Felek isterse dahi mertebe-i vâlâyı

  Eylesin der-geh-i Paşa’ya cebîn-fersâyı

  Nef'î · Divan

• Berk uran destinde tîğ-ı pür-güher midir yâhûd

  Eyledi deryâya gûta âfitâb-ı hâverî

  Nef'î · Divan

• Habbezâ cây-i neşât-efzâ ki Rıdvân görse ger

  Hayretinden derdi bu cennet midir dünyâ mıdır

  Nef'î · Divan

• Çok mu bu kadar feyz bize ehl-i diliz hem

  Perverde-i rindân-ı Mesîhâ-dem-i aşkız

  Nef'î · Divan

• Cemâlin aksinin nakşı gözümde şöyle resm oldu

  Biten hep lâle vü güldür gözümün yaşı renginden

  Şeyhî · Divan

• Ehil olan kadrin bilir ben cevherim metheylemem

  Âlemin ser-mâye-i deryâ vü kânıdır sözüm

  Nef'î · Divan

• Ey zülf-i ham-ender-ham-ı kullâb-ı muhabbet

  Hep sana çekildi dil-i erbâb-ı muhabbet

  Şeyhülislâm Yahyâ · Divan

• Her nigâh-ı nükte-âmîzinde rind-i aşk olan

  Hem itâb-ı renciş ü hem müjde-i ihsân bulur

  Nef'î · Divan

• Kayd-ı tahrîrim ile pây-ı sühan der-zencîr

  Dâg-ı fermânım ile cebhe-i endîşe vesîm

  Nef'î · Divan

• Bülbül şetâreti gül-i handân güldürür

  Taklîd-i zâğ kebk-i hırâmânı güldürür

  Şeyhülislâm Yahyâ · Divan

• Aşk sevdâlarına uğramasa kalmaz idi

  Mûy-ı jülîde ile bir ten-i lâgar sünbül

  Bâkî · Divan

• Kubbesinde levha-i sîmîn ile gülmîh-i zer

  Müşterîdir kim felekte mâh ile etmiş kırân

  Nef'î · Divan

• Serverâ cânımı var devletin eyyâmında

  Sünbülün turrasına el uzada şâh-ı çenâr

  Bâkî · Divan

• Dîde-i encüme kuhl olmak için eflâke

  Gird-bâd ile çıkar hâk-i deri döne döne

  Bâkî · Divan

• Çerh-i gaddârda vefâ neyler

  Kâse-i ser-nigûnda mâ’ neyler

  Bâkî · Divan

• Arsa-i medh ü senânın haddi yok, pâyânı yok

  Peyk-i endîşem aceb mi olsa bî-tâb ü tüvân

  Nef'î · Divan

• Dönsün felekte sâgar-ı ikbâli gün gibi

  Tâ ona dek ki âhir-i bezm-i cihân olur

  Nef'î · Divan

• Dürc-i dilden çıkıp nice girân-mâye güher

  Vereyim silk-i dürr-i bahr-i maânîye nizâm

  Nef'î · Divan

• Devrinde ehl-i mâteme fart-ı neşâttan

  Zevk-ı sürûd-ı nağme-i nâyı figân verir

  Nef'î · Divan

• İltifâtın bana dünyâ dolusu ni‘met iken

  Olamam zillet edip zelle bir hân-ı felek

  Nef'î · Divan

• Bu bâzâr içre düşmez dâne-i eşkim gibi gevher

  Gel ey cân riştesi şimdengerü der-i adnden geç

  Bâkî · Divan

• Nice dil ihtiyâr ile sever ol şûh-ı tannâzı

  Kosa öz hâline ger gamze-i fettân u gammâzı

  Nef'î · Divan

• Tab‘-ı sâhir-pîşene Bâkî gönüller meyl eder

  Sükker-i şi‘r-i dil-âvîzin meğer efsûnludur

  Bâkî · Divan

• Ağyâr dinler oldu pes-perdeden bizi

  Âlemde ehl-i aşka görünmez belâ budur

  Bâkî · Divan

• Baş eğdi âb-ı tîgine küffâr-ı Engerûs

  Şemşîr-i gevherini pesend eyledi Freng

  Bâkî · Divan

• Rüstem-i ehl-i dilim aşk kemânım çekemez

  Pâdişâh-ı sühanım fitne nişânım çekemez

  Nef'î · Divan

• Hâk-i pây-i âsitânı bûse-cây-ı ins ü cânn

  Nef'î

  Nef'î · Divan

• Görmedim Nef ‘î gibi bir rind-i âlî-meşrebi

  Hem gedâ hem pâdişâh-ı kâm-kâra nâz eder

  Nef'î · Divan

• Ey sadr-ı sühan-pîşe bunu sen de bilirsin

  Kim sözde bulunmaz bana hem-tâ-yı zemâne

  Nef'î · Divan

• Sunar bir câm-ı memlû bin tehî peymâneden sonra

  Döner vefk-i merâm (murâd) üzre felek ammâ neden sonra

  Sâbit · Divan

• Varsam gam-ı hattınla çemen-zâra görünür

  Her tâze benefşe bana mânend-i kej-düm

  Şeyhülislâm Yahyâ · Divan

• Sirkat-i şi‘r edene kat‘-ı zebân lâzımdır

  Böyledir şer‘-i belâgatte fetâvâ-yı sühan

  Sünbülzâde Vehbî · Divan

• Etti adlin o kadar râh-ı dalâli münsedd

  Hâtıra yol bulamaz vesvese-i şeytânî

  Nef'î · Divan

• Hemen var ol da tek dünyâda sen ey ömrümün varı

  Dilersen âşık aldat ahd ü peymân boz dil-âzâr ol

  Nâbî · Divan

• Gece pervânelerle bezmi germâ-germ idi şem‘in

  Seher bakdım ne şem‘-i meclis-ârâ var ne pervâne

  Şeyhülislâm Yahyâ · Divan

• Hasret-i la‘l-i leb-i yâr ile tahsîl etmiş

  Teni lâgar, kadi çenber, ruhu asfer hâtem

  Bâkî · Divan

• Çetr-i ikbâlin ola kevn ü mekâna sâye-bân

  Sâyesinde kâinât âsûde tâ rûz-ı hisâb

  Nef'î · Divan

• Bilmedik zevk-ı visâlin çekmeyince firkatin

  Hem yine şöyle haste görünür ki cân verir

  Fıtnat Hanım · Divan

• Merhabâ ey câm-ı mînâ-yı mey-i yâkût-reng

  Devri gelsin senden öğrensin sipihr-i bî-direng

  Nef'î · Divan

• Sûzen-i dil-dûz-ı gamzen geçti câna gerçi kim

  Geçmedi cân riştesi ol sûzen-i dil-dûzdan

  Şeyhülislâm Yahyâ · Divan

• Sadr-ı mey-hânede nâ-dân otura var mı cevâb

  Sorsak ey pîr-i mugân vechini küstâh-âne

  Şeyhülislâm Yahyâ · Divan

• Hem itâb-ı zehr-nâk eyler cihâna gamzesi

  Gösterir hem la‘line zevk-ı tekellüm n’eydügin

  Nef'î · Divan

• Teşhîs-i reh hayr u şer olur mu o dilde

  Kim leşker-i gam birbirini pey-siper eyler

  Nef'î · Divan

• Kemâne döndü kaddim târa benzer za‘ftan cismim

  Aceb mi nâle kılsam bezm-i aşkında rebâb âsâ

  Nef'î · Divan