Divan beyitleri, sayfa 8

Divan beyitleri, sayfa 8 / 15.

• Aşk bârını götürmezken zemîn ü âsumân

  Avn-i Hak bir nâ-tüvâna onu âsân eyledi

  Şeyhülislâm Yahyâ · Divan

• Cân-ı âlem fahr-i âlem Ahmed-i Mürsel ki tâ

  Haşrolunca na‘t-gûy u na‘t-hânıdır sözüm

  Nef'î · Divan

• Secde-gâh etmişti ışk ehli kaşın mihrâbını

  Kılmadan hayl-i melâik secde-i Âdem henüz

  Fuzûlî · Divan

• Nâz ederse gamzesi uşşâk-ı zâra nâz eder

  Zülfü bir âşüftedir kim rûzgâra nâz eder

  Nef'î · Divan

• Şâh-ı cihân-ârâ mıdır mâh-ı zeminpira mıdır

  Behrâm-ı bî-pervâ mıdır ya âf-tâb-ı pür-kerem

  Nef'î · Divan

• Vasf-ı şemşîrini kim yazsa mürekkep yerine

  Dökülür kâğıda nevk-i kaleminden hûn-âb

  Nef'î · Divan

• Her hamlede hücûm-ı dilîrân-ı nîze-dâr

  Hayl-i adûya ol kadar âfet-resân olur

  Nef'î · Divan

• Ma‘kûs-ı elemdir emel-i dehr ser-â-ser

  Olma heves-i mâl ile âlûde melâle

  Sünbülzâde Vehbî · Divan

• Bezm-i safâ vü ayşa salâdır bilenlere

  Sît u sadâ-yı bülbül ü berk ü nevâ-yı gül

  Bâkî · Divan

• Âsîb-i rûzgârı gül-istân-ı dehrde

  Sen serv-i gül-izâra hevâdâr olan bilir

  Bâkî · Divan

• Dîvân-ı celâlinde kazâ münşî-i ahkâm

  Eyvân-ı şükûhunda felek perde-serâdır

  Nef'î · Divan

• Bâde nûş et za‘f-ı rûze zâil olsun derisen

  Kim cihânda ona benzer şerbet olmazmış müfîd

  Nâbî · Divan

• Bahâ tahmîn eder bir kimse yok erbâb-ı ma‘nâda

  Otuz yıldır felek ıkd-ı dürr-i nazmım mezâd üzre

  Nef'î · Divan

• Vezîr-i nükte-dân, düstûr-ı ehl-i ilm ü sâhib-i dil

  Ki gâlibtir zekâda fikri akl-ı müstefâd üzre

  Nef'î · Divan

• Görünce şimdi böyle iltifâtın

  Ki kıldı bendeki mahsûd-ı âlem

  Nef'î · Divan

• Teâküs etmese şevk-i tecellî inlemez diller

  Hurûşu hep cibâlin aks-i te’sîr-i sadâdandır

  Hayâlî · Divan

• Olamazsın harem-i vaslına mahrem dervîş

  Sende mâdem ki taksîr ü teennî görünür

  Bâkî · Divan

• Olmadı bâzgûn kadeh-i ser-nigûnumuz

  Hûn-âb-ı hasret oldu mey-i la‘l-gûnumuz

  Nâbî · Divan

• Yâhûd hümâ şikâr edici şâh-bâzdır

  Dâim hevâ-yı sayd ile bî-âşiyân olur

  Nef'î · Divan

• Cemâlin mushafında sürh-i la‘lin vakf-ı âyettir

  Bu râzı vâkıf-ı esrâr-ı Kur’ân olmayan bilmez

  Şeyhülislâm Yahyâ · Divan

• Kızarsa gül gül olsa tâb-ı meydân rûy-ı hûbânın

  Ruh-ı cânânı hem gül hem gül-istân olduğun görsem

  Nef'î · Divan

• Vassâf-ı muhteşem-sühanım kim kasâyidim

  Şâhân-ı Cem-şükûh-ı cihân-bâna şan verir

  Nef'î · Divan

• Benim ol âşık-ı şûrîde kim durmaz revân eyler

  Dilinden Âb-ı Hayvân’ı gözünden dürr-i galtânı

  Bâkî · Divan

• Kâkül-i yâr iledir kârı dil-i şeydânın

  Rîsmânın kurar üstâd-ı resen-bâz bülend

  Şeyhülislâm Yahyâ · Divan

• Bâdedir zevkını idrâk edene Âb-ı Hayât

  Mu‘teriftir buna Hızr ile Sikender de tamâm

  Nâbî · Divan

• Hâsılı şimdi benim nâdire-senc-i âlem

  Eder ikrâr buna kâmil olan iz‘ânı

  Nef'î · Divan

• Dem bu demdir behey idrâksiz endîşeyi ko

  Kevseri havzu ile sâgar-ı sahbâya değiş

  Nef'î · Divan

• Gevher-i nizâm-ı âlem-i efrûzum

  Şehlerin zîver-i külâhıdır

  Nef'î · Divan

• Cem‘ edip bir nice hâşâk ile birkaç mürgü

  Hâsılı muntazır-ı makdem-i mihmân idi Kays

  Şeyhülislâm Yahyâ · Divan

• Düşmeden sâyesi hâk üzre eder âlemi tayy

  Sehv ile râkibi gösterse inâne irhâ’

  Nef'î · Divan

• Harem-i vasla reh-i Râst mahabbet yoludur

  Râh-ı Uşşâk’tan âheng-i Hicâz eyleyelim

  Bâkî · Divan

• Böyle cevher var elimde neyleyim dünyâyı ben

  Başına çalsın felek âyîne-i İskender’i

  Nef'î · Divan

• Simâ‘a girse ne ola câm-ı meyden zâhid-i hûş-yâr

  Ki raks-ı zerreye hûrşîd-i âlem-tâb olur bâis

  Bâkî · Divan

• Nazm-ı eşhâsa kıyâs eyleme Bâkî şi‘rin

  Ola mı her girye-i huşke berâber sünbül

  Bâkî · Divan

• Ber-karâr olmadığım ayb etme kim deryâ gibi

  Geh hamûş u gâh pür-cûş olmayan bilmez beni

  Şeyhülislâm Yahyâ · Divan

• Yine ıstabl-i şehinşâh-ı cihân-ârâda

  Ki ne atlar bulunur biri birinden zîbâ

  Nef'î · Divan

• Görse bu herzeleri tebriye-i zimmet ile

  Yakasın silker idi ehl-i teberrâ-yı sühan

  Sünbülzâde Vehbî · Divan

• Görse ger bârika-i re’yini rü’yâda olur

  Şu‘le-i şem‘-i seher şeh-per-i şeb-reng-i gurâb

  Nef'î · Divan

• Kudûmu pâdişah-ı âleme ser-mâye-i behcet

  Vücûdu efser-i ikbâle bir dürr-i girân-mâye

  Nef'î · Divan

• Eylemez kimse bu gün kimse elinden nâle

  Bezm-i işrette meğer mutrib elinden evtâr

  Bâkî · Divan

• Nice nâ-ehil vü gedâ-tıynet ü sâil-meşreb

  Cerri ser-mâye eder eylese imlâ-yı sühan

  Sünbülzâde Vehbî · Divan

• Cûylar kim dolanır dâmen-i sahrâlarda

  Jâleler kim görünür lâle-i Nu‘mân üzre

  Bâkî · Divan

• Ko bu îş ü işreti çünkim fenâdır âkıbet

  Yâr-i bâkî ister isen olmaya tâat gibi

  Muhibbî · Divan

• Kûyuna gayrıları çekme rakîb-i har-tab‘

  Seyl-i eşkimle döner kadd-i dü-tâ dolâba

  Bâkî · Divan

• Hamdülillâh yine insâfa gelip çarh-ı anîd

  Eyledi bahtım ile ahd-i vifâkı tecdîd

  Nef'î · Divan

• O neşve kim bana dürdî-i derd-i aşk verir

  Şarâb-ı sâfî mey-i hôş-güvârdan gelmez

  Şeyhülislâm Yahyâ · Divan

• Cihân ârâyiş-i ezhâr-ı gül-zâr ile nâzende

  Zemîn feyz-i letâfetle sipihre imtinân üzre

  Nef'î · Divan

• Bunun hakîkati zâhir değil mi dünyâda

  Koşun tecâhülî erbâb-ı hikmet ü tencîm

  Nef'î · Divan

• Cân u cihânı gözlerimiz görmese ne ola

  Rûşen-i cemâli âleme hûrşîd ü mâh idi

  Bâkî · Divan

• Gözlerim merdümünün aksi yeter rûyunda

  Çok gerekmez ruh-ı mahbûbda besdir iki hâl

  Şeyhülislâm Yahyâ · Divan

• Dehr vakf etmiş beni nev-res cevânlar ışkına

  Her yeten meh-veş esîr-i hatt u hâl eyler beni

  Fuzûlî · Divan

• Tehemten-i vüzerâ Kahramân-ı Cem-kevkeb

  Şükûh-ı tâb-ı şikenc-i külâh-ı Behmen ü Cem

  Nef'î · Divan

• Tab‘ım ol bahr-i güher-pâş-ı sühandır kim onun

  Rîze-seng-i sâhilinden ter düşer dürr-i hôş-âb

  Nef'î · Divan

• Zinhâr eline âyîne vermen o kâfirin

  Endîşem âyîne kalemim sürmedân verir

  Nef'î · Divan

• Vasf-ı cemâl-i yâr ile Bâkî gazellerin

  Biri birine sundu güzeller tuhaf gibi

  Bâkî · Divan

• Berg-i gül sefîd olup bâğbân-ı çerh

  Mânend-i berf yollarına eyledi nisâr

  Bâkî · Divan

• Kızarsa gül gül olsa tâb-ı meyden rûy-ı hûn-âbın

  Ruh-ı cânânı hem gül hem gül-istân olduğun görsem

  Nef'î · Divan

• Hâkan-ı Osmânî neseb kim münderic zâtında hep

  İslâm-ı fârûk-ı Arab ikbâl-i Pervîz-i Acem

  Nef'î · Divan

• Hükm-i feyzin eder ol mertebe cârî ki döner

  Şîşe-i bâde-i gül-renge habâb-ı Tesnîm

  Nef'î · Divan

• Dem-i İsî gibi enfâs-ı hayât-efzâsı

  Ede bir nutk-ı revân-bahşile ihyâ-yı sühan

  Sünbülzâde Vehbî · Divan

• Her ne söylersem kazâ mazmûnunu isbât eder

  Onu bilmez kim hitâb-ı imtihânîdir sözüm

  Nef'î · Divan

• Nedir o kasr-ı muallâ kenâr-ı deryâda

  Ki aks-i kubbesi olmuş nazîre-i gerdûn

  Nef'î · Divan

• Sâkî meded sun mey bize, câm-ı Cem ü key sun bize

  Rıtl-ı pey-â-pey sun bize gitsin gönüllerden elem

  Nef'î · Divan

• Ben gedâ sen şâha yâr olmak yoğ ammâ neyleyem

  Ârzû ser-geşte-i fikr-i muhâl eyler beni

  Fuzûlî · Divan

• Her nazm-ı dil-firîb ki benden sudûr eder

  Lafzî cemâl şâhid-i ma‘nâya ân verir

  Nef'î · Divan

• Hayâlî fakr şâlını çekenler cism-i uryâna

  Onunla fahr ederler atlas ü dîbâyı bilmezler

  Hayâlî · Divan

• Ben gerçi bir bî-hâsılım şâkird-i ders-i müşkilem

  Hem mekteb-i ehl-i dilim halk olmadan levh ü kalem

  Nef'î · Divan

• Berg-i gül sefîd olup bâğ-bân-ı çerh

  Mânend-i berf yollarına eyledi nisâr

  Bâkî · Divan

• Dinlesin gelsin sarîr-i hâmemi Nef'î benim

  Anlayın neyde mezâyâ-yı terennüm ne'eydügin

  Nef'î · Divan

• Cüst ü cûy ettik nazîrin âlem-i endîşede

  Iztırârî vâdî-i inkâra düştü gönlümüz

  Nef'î · Divan

• Humâr-ı câm elinden öyle bir âh eylemiş kim Cem

  Tanîn-i kâselerden hâliyâ gelmekte feryâdı

  Hayâlî · Divan

• Gül defterini bâd karıştırdığı bu kim

  Vasf-ı ruhunda bir gazel-i bî-misâl arar

  Şeyhülislâm Yahyâ · Divan

• Zu‘mu o kadar her birinin sözde ki gûyâ

  Endîşesi tağyîr-i kazâ vü kader eyler

  Nef'î · Divan

• Der-gehinde bir dilim nânı bana çok gördüler

  Uydular üleştiler birkaç kilâb-ı rûzgâr

  Nef'î · Divan

• Bâkî çemende haylî perîşân imiş varak

  Benzer ki bir şikâyeti var rûzigârdan

  Bâkî · Divan

• Âcizim hak üzre evsâfında hâlâ kim benim

  Âlem-i endîşenin allâme-i dânişveri

  Nef'î · Divan

• Zanbakın goncasıdır bâğa gümüş bâzû-bend

  Za‘ferân ile yazılmış ona hatt-ı tûmâr

  Bâkî · Divan

• Nûr-ı mevvâc maânî mi sözümde berk uran

  Ya libâsı nazmımın bir âteşîn-hârâ mıdır

  Nef'î · Divan

• Erbâb-ı aşka sabr u tesellî tarîkı yok

  Varan harîm-i kûyuna nâ-şâd olup gider

  Bâkî · Divan

• Zemânında bulunmaz fitne-pinhân olmağa bir yer

  Meğer hûbân-ı fettânın şikenc-i zülf-i tarrârı

  Nef'î · Divan

• Âsmân-pâye hümâ-sâye Alî Paşa kim

  Eremez tâk-ı celâline kemend-i efkâr

  Bâkî · Divan

• Tehemten-i vüzerâ, kahramân-ı Cem kevkeb

  Şükûh-ı tâb şikenc külâh-ı Behmen ü Cem

  Nef'î · Divan

• Te’âlallâh zihî kasr-ı bülend-eyvân-ı halkavî

  Yed-i beyzâ-yı kudrettir meğer kim dest-i mi‘mârı

  Nef'î · Divan

• Her ne dem lûtf eyleyip bezmi müşerref eylesen

  Ehl-i bezm ayağına yüz sürmeğe âmâdedir

  Nef'î · Divan

• Felek dedikleri ol nâ-bekâr-ı kec-revden

  Nedir bu ehl-i dilin çektiği azâb u elem

  Nef'î · Divan

• Telh-i şarâb-ı gussa-i devrânı def ‘ eder

  Şîrin lebin dehânıma alsam niteki kand

  Bâkî · Divan

• Şükrâne-i visâline cân verdiğim bu kim

  Çok derd çekmişem ki bu dermâna yetmişem

  Fuzûlî · Divan

• Vassâf-ı muhteşem-sühanım kim kasâ’idim

  Şâhân-ı Cem-şükûh-ı cihân-bâna şan verir

  Nef'î · Divan

• Baht-ı hâb-âlûdu bîdâr etti gûyâ hâbdan

  Nâle-i dolâb-ı çarh âsiyâb-ı rûzigâr

  Nef'î · Divan

• Bed-nihâd, ehl-i dili âzâra lâzım mı sebeb

  Bülbül-i şeydâya zahm urmakda var mı hâre haz

  Şeyhülislâm Yahyâ · Divan

• Müje haylin dizer ol gamze-i fettân saf saf

  Gûyâ cenge girer nîze-güzârân saf saf

  Bâkî · Divan

• Mâhiyyeti ger olsa cemâdâta mürebbî

  Tasvîr-i hacer kesb-i kemâl-i beşer eyler

  Nef'î · Divan

• Devr-i gül erdi tâze cevândır cihân yine

  Sa‘y eyle ayş u işrete ahd-i şebâbda

  Bâkî · Divan

• Nice bin vâridât âmâde-i tahrîr olur dilde

  Olunca sâye-güster kilk-i çâlâkim benân üzre

  Nef'î · Divan

• Rûyunda la‘li üzre hatt-ı müşg-bâr-ı yâr

  Şîrînlik yazar şeref-i âftâbda

  Bâkî · Divan

• Güşâde-baht ü kavî tâli‘ ü bülend ikbâl

  Huceste zât u sütûde-sıfat u pâk-nihâd

  Nef'î · Divan

• Devlet-i dâr-ı cihân devr-i zemân ey Bâkî

  Pây-dâr olmadığın kıssa-i Dârâ’dan bil

  Bâkî · Divan

• Zemistân faslını ol gonce mânend-i bahâr etti

  Gül-i nev-restesi mergûb olur fasl-ı zemistânın

  Şeyhülislâm Yahyâ · Divan

• Ger olsa münteşir fermân-ı adli kûh u sahrâya

  Uyur âhû-bere zânû-yı şîr-i jiyân üzre

  Nef'î · Divan

• Âgâh olagör dehrde ahvâl-i hilâle

  Âlemde, dilâ, olma heves-kâr kemâle

  Sünbülzâde Vehbî · Divan

• Üçüncü def ‘adır bu Hak belâsın vere mel‘ûnun

  Ki yok yere beni azletti olmuşken senâ-hânı

  Nef'î · Divan

• Gün başına bir hil‘at-i dîbâ verir ammâ

  Dâmânını âlûde-i hûn-ı ciğer eyler

  Nef'î · Divan

• Olsa ger tab‘-ı nebâtâta mürebbî gazabın

  Gürbe-i bîd ola bâzû-şiken-i şîr-i ücem

  Nef'î · Divan

• Ben başlayım ol dil-ber-i tannâza niyâza

  Âşıklarına başlayıcak nâza güzeller

  Şeyhülislâm Yahyâ · Divan

• Ya şu‘le-i hüsn olmuş ya şem‘-i şeb-i hicrân

  Elbette urur kendin pervâne midir bilmem

  Nef'î · Divan

• Bahâr erişse olur her şükûfe bir miftâh

  Kilîd-i işreti gül-şende kılmağa meftûh

  Şeyhülislâm Yahyâ · Divan

• İndi zemîne gulgule-i âsmâniyân

  Bâki

  Bâkî · Divan

• Bir kimseden ermezse ne ola gûşuma tahsîn

  Efsûn kelâmımla cihân beste-dehândır

  Nef'î · Divan

• Erdi yine ürd-i behişt oldu hevâ anber-sirişt

  Âlem behişt-ender-behişt her kûşe bir bâğ-ı İrem

  Nef'î · Divan

• Dâimâ hurrem ü ferhunde ola devrinde

  Subh-ı mestân-ı cihân şâm-ı garîbân-ı felek

  Nef'î · Divan

• Âsmân-ı devletin hûrşîd-i kudsî pertevi

  Bezm-gâh-ı şevketin Cemşîd ü Hûrşîd efseri

  Nef'î · Divan

• Hevâ-yı aşk ile deryâ-yı eşkim cûşa geldikçe

  Kıbâb-ı nüh-felek anda görünür bir habâb âsâ

  Nef'î · Divan

• Duâyile sözü hatm edelim zîra hakîkatte

  Sözün gevher olursa yeğdir ıtnâbından îcâzı

  Nef'î · Divan

• Fikr-i zerd-i ârız ile gönlüm ârâm eylemez

  Âşık-ı dîvâneyim tutmaz beni bend ile bağ

  Nef'î · Divan

• Muhassal böyle bir gün görmeden ölürsem ey Nef ‘î

  Felek ben ölmeden hâk ile yeksân olduğun görsem

  Nef'î · Divan

• Gamzen ne dem ki tîğ çekip hûn-feşân olur

  Uşşâk-ı dil-figâra ecel mihr-bân olur

  Nef'î · Divan

• Hasbihâlimdir husûsâ lâf-ı da‘vâ ber-taraf

  Gerçi sâhib-lâf olur erbâb-ı tab‘ın ekseri

  Nef'î · Divan

• Devlet-i şâh-ı cevân-bahte duâ kıl ki seni

  Kimse çekmez ileri himmet-i şâh-âne çeker

  Bâkî · Divan

• Sanma tenhâ künc-i halvette dil-i bî-çâreyi

  Senden ayrı sîneden bir an gamın münfekk midir

  Şeyhülislâm Yahyâ · Divan

• Nazmımızla ne ola kılsak gamı şevka tebdîl

  Zehri ey Nef ‘î biz efsûn ile tiryâk ederiz

  Nef'î · Divan