Divan beyitleri, sayfa 9

Divan beyitleri, sayfa 9 / 15.

• Derûnu ol kadar rûşen ki cirm-i âfitâb anlar

  Gören rûzenlerinde her müdevver câm-ı billûru

  Nef'î · Divan

• Bî-nihâyet lûtfuna lâyık edâ mümkin değil

  Gerçi ma‘nâ hâtıra bî-hadd ü bî-pâyân gelir

  Bâkî · Divan

• Can nisâr etmektir evvel şart bezm-i aşkına

  Mahrem olmaz bilmeyen âdâb-ı sohbet neydügün

  Bâkî · Divan

• Bürhân-ı süllemi olup eflâke çıkmağa

  Fikrim ukûl-ı felsefeye nerdüban verir

  Sünbülzâde Vehbî · Divan

• Ol tezerv-i hôş-hırâmı pâk tutmuş avlamış

  Var mıdır Yahyâ gibi uşşâk içinde pâk-bâz

  Şeyhülislâm Yahyâ · Divan

• Bürhân-ı süllemi olup eflâke çıkmağa

  Fikrim ukûl-ı felsefeye nerdüban verir

  Sünbülzâde Vehbî · Divan

• Ömrün efzûn ola bir Hû çekelim

  Edelim sonra duâyı tasmîm

  Nef'î · Divan

• Ruh-bahş oldu Mesîhâ-sıfat enfâs-ı bahâr

  Açtılar dîdelerin hâb-ı ademden ezhâr

  Bâkî · Divan

• Âgâzı güzel eyledin ey bülbül-i şeydâ

  Hôş gelmedi ammâ dil-i pür-şevke karârın

  Şeyhülislâm Yahyâ · Divan

• Övme şarâbı zemmedip afyon u berşin neş’esin

  Onların dahi husûsâ keyfini kem bulmadım

  Nef'î · Divan

• Perîşân-ı hazân olmaz gül-i ra‘nâları solmaz

  Ne bağın nahlidir ayâ nihâl-i tâze-perverdin

  Şeyhülislâm Yahyâ · Divan

• Alem-efrâz-ı nigeh-bânî-i âlem ki düşer

  Şukka-i râyeti sath-ı feleğe ferş-i zılâl

  Nef'î · Divan

• Şi‘r ü inşâdan murâdı âşık-ı bî-çârenin

  Arz-ı ihlâs eylemektir yâre ve’d-duâ

  Bâkî · Divan

• Zebânım bir mücevher-i tîğ-ı bürrândır ki hem-vâre

  Hırâş eyler hayâli sînelerde zahm-ı nâsûru

  Nef'î · Divan

• Buna âlem eder şimdi şehâdet ittifâk üzre

  Ki sensin ehl-i tab‘ u dâniş ü idrâke ser-defter

  Nef'î · Divan

• Siriştinde onun kim nûr var kalbinde kîn olmaz

  Musaffâ tıynetânın tarf-ı ebrûsunda çîn olmaz

  Nâbî · Divan

• Feleklerde meleklerde semâ‘ etmez mi kalmıştır

  Aceb âvâze saldı nây-ı Mevlânâ bu nüh tâka

  Şeyhülislâm Yahyâ · Divan

• Seni seyr etmek için reh-güzer-i gül-şende

  İki cânibde durur serv-i hırâmân saf saf

  Bâkî · Divan

• Olsa şâne yaraşır yâline bâl-i Cibrîl

  Olsa pâ-bend-i mahal pâyine zülf-i Hüsrevâ

  Nef'î · Divan

• Tab‘ım ol bahr-i sühandır ki kef-i mevci tutar

  Penbeler içre nihân sübha-i lü’lü-i azîm

  Nef'î · Divan

• Yok münkir olur tab‘ıma erbâb-ı sühande

  Var ise bir iki müteşâir süfehâdan

  Nef'î · Divan

• Kerem erbâbına vermezdi atâya növbet

  Zevkini bilse bahîlân dahi bezl-i diremin

  Sünbülzâde Vehbî · Divan

• Biz mest-i mey-i mey-kede-i âlem-i cânız

  Ser-halka-i cem‘iyyet-i peymâne-keşânız

  Bâğdatlı Rûhî · Divan

• Lâle dâg-ı siyehin saklayamaz bir hafta

  Âşık elbette eder sûz-ı derûnun izhâr

  Şeyhülislâm Yahyâ · Divan

• Şikest-i gamzen iken sâkiyâ senin pûlâd

  Tahammül eyleye mi beyza-i habâb sana

  Nef'î · Divan

• Ceyş-i sultân-ı gama yer yok güzer-gâh olmadık

  Arsa-i âlemde bir künc-i ferâğat kalmadı

  Fıtnat Hanım · Divan

• Gerçi cânândan dil-i şeydâ için kâm isterim

  Sorsa cânân bilmezem kâm-ı dil-i şeydâ nedir

  Fuzûlî · Divan

• Bir güherdür kim nazîrin görmemişdür rûzigâr

  Rûzigâre âlem-i gayb ermagânıdur sözüm

  Nef'î · Divan

• Yoktur sebât çünki cihân-ı harâbda

  Birdir hezâr-sâl ile yek-dem hisâbda

  Bâkî · Divan

• Ne kâr-ı müşkili düşse umûr-ı dîn ü devlette

  Düşe makbûlü şahinşâh-ı âlem sa‘y-i meşkûru

  Nef'î · Divan

• Ne âlemdir ne hazzdır bir müferrah cây-ı hurremdir

  Muvâfık bir iki yârân ile ayş u safâ etmek

  Şeyhülislâm Yahyâ · Divan

• Okusun vasf-ı ruh-ı yâr ile Bâkî şi‘rin

  Bülbül-i gül-şeni mecliste gazel-hân edelim

  Bâkî · Divan

• Vâdî-i medhinde cevelân ettiği için yaraşır

  Atlas-ı çarh olsa rahş-ı tab‘ıma bergüstvân

  Nef'î · Divan

• Harc kim bî-dahl ola mevcûd olan nâ-bûd olur

  Olsa mâlın fi’l-mesel mahsûl-i bahr ü kân eger

  Bâkî · Divan

• Böyle bir kasr-ı zer-ender-zer pür-san‘at kim

  Reşk eder hâme-i nakkâşına sûret-ger-i Çîn

  Nef'î · Divan

• Pâre-i elmâstır seng-i fesânı neyler ol

  Çarha çekme bir dahi şemşîr-i vâlâ gevheri

  Nef'î · Divan

• Kim söyleşir ol çeşm-i füsûn-sâz ile zîrâ

  Her bir müje bir nâdire-perdâz-ı mahabbet

  Nef'î · Divan

• Her nev-resîde şâh-ı gül aldı eline câm-ı mül

  Lûtfet açıl sen dahi gül ey serv-kadd ü gonce-fem

  Nef'î · Divan

• Taklîd ile olmaz bu kadar lezzet-i güftâr

  Bu lehce-i pâkîze bana dâd-ı Hudâ’dır

  Nef'î · Divan

• Lâle-hadler kıldılar gül-geşt-i sahrâ semt semt

  Bâğ u râgı gezdiler edip temâşâ semt semt

  Bâkî · Divan

• Taayyünden halâs eyler bu bâğın hem-demi Yahyâ

  Habâb-ı sâgar-ı sahbâ gibi mahv-ı rüsûm eyler

  Şeyhülislâm Yahyâ · Divan

• Zülfün esîri Bâkî-i bî-çâre dostum

  Bir mübtelâ-yı bend-i kemend-i belâ imiş

  Bâkî · Divan

• Alevlerdir duhân içre görünür tîğlar gûyâ

  Ne dem gerd-i siyâh-ı rezm-gâhı kılsa zulmânî

  Bâkî · Divan

• Kim gördü böyle hindû-yı mest-i kemîn-küşâ

  Kim bir hadengi âfet-i cân-ı cihân olur

  Nef'î · Divan

• Sâkiyâ kalmaz imiş çünki bu sohbet bâkî

  Mey-i gülgûn içelim bâde-i cennet bâkî

  Bâkî · Divan

• Yahyâ varak-ı bîdi göre nice sarardı

  Geç ayş u safâdan ki hilâl-i Ramazândır

  Taşlıcalı Yahyâ · Divan

• Gelse reftâra döner bir sanem-i ra‘nâya

  Başlasa cilveye tâvûs-ı cinândır gûyâ

  Nef'î · Divan

• Fikr-i meâl ü zikr-i maâd ellemez gibi

  Ol sûret-i salâha giren mebde-i fesâd

  Bâkî · Divan

• Şi‘r-i bâzîçe-i tıfl-âne eden eşhâsın

  Kimisi söz ebesidir kimi baba-yı sühan

  Sünbülzâde Vehbî · Divan

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Sanırlar halka halka dûd-ı âhım evc-i a‘lâda

  Bir ejderdir ki sakf-ı günbed-i gerdâna yazmışlar

  Nef'î · Divan

• Kifâyet eylemez mi bu kasîde şâiriyyette

  Eğer lâzım gelirse hüccet-i devâmın ibrâzı

  Nef'î · Divan

• Bir dem murâdım üstüne devr eylemez felek

  Âb istesem serâb-ı ademden nişân verir

  Nef'î · Divan

• Sühanım âb-ı zülâl-i çemenistân-ı cihân

  Tab‘ım âteş-gede-i sîne-i sûzân-ı felek

  Nef'î · Divan

• Mey-hâne-i nâz olmuş o çeşm-i siyeh-i mest

  Her kûşe-i pür-fitnesi bir hâb-geh-i mest

  Nef'î · Divan

• Erbâb-ı dil ü dâniş ona hayl ü haşemdir

  Nef'î · Divan

• Gam değil kâm-revâ olmaz isem âlemde

  Rûzgârın teg olaydım şerr ü şûrundan emîn

  Nef'î · Divan

• Yâre varsın peyk-i nâlem âh u zârım söylesin

  Zahm-ı hûn-pâş-ı derûnum inkisârım söylesin

  Nâbî · Divan

• Şöyle bî-hûş harâb eyledi efsâne-i gam

  Aklımız başımıza gelmeye efsûnlar ile

  Bâkî · Divan

• Teşrîf etti nazmını ol şeh kabûl ile

  Yahyâ-yı müstmende inâyet ne boy görün

  Şeyhülislâm Yahyâ · Divan

• Bâis-i kîne nedir ehl-i kemâle bilmem

  Müddeâsından olaydım feleğin âh habîr

  Nef'î · Divan

• Giryeden cû(y)-i sirişkim sû-be-sû oldu revân

  Yine Kulzüm gibi cûş etdi bu deryâ semt semt

  Bâkî · Divan

• Hengâm-ı şeb ki küngüre-i kasr-ı âsmân

  Zeyn olmuş idi şu‘lelenip şem‘-i ahterân

  Bâkî · Divan

• Pây-mâl olmada âhir şütür-i gerdûne

  Padişah ile gedâsı hele yeksân ancak

  Bâkî · Divan

• Dâver-i pür-şevket ü pür-ihtişâm

  Muhterem ü muhteşem-i rûzigâr

  Nef'î · Divan

• Ey hâce sanma sen bizi şehvet esîriyiz

  Dîdâr-ı Hakkî aşk u muhabbet esîriyiz

  Hayretî · Divan

• Dehr içre gerçi sen de ser-âmedsin ey Güneş

  Olmayasın ol âfet-i devr-i zemân gibi

  Bâkî · Divan

• Rengîn eder evsâf-ı ruhun hâme-i Bâkî

  Ol sûreti vermez sanma nakşına Bihzâd

  Bâkî · Divan

• Tahkîk-i safâ gerçi budur, lîk bu tahkîk

  Bir vefk-i hevâ vü heves nev-hevesândır

  Nef'î · Divan

• Nice tebcîl olunmaz pây-i iclâlin ki âlemde

  Celâdetle leked-kûb-ı kafâ-yı Lât ü Uzzâ’dır

  Sünbülzâde Vehbî · Divan

• Bir tutarsa pâdişâh ile gedâyı mey ne ola

  Hem sifâl-i mey-kede hem tâc-ı Edhem’dir kadeh

  Nef'î · Divan

• Dâg-ı gam-ı ruhunla bârân-ı eşk-i çeşmim

  Bitirdi tâze güller hâk-i tenimde yer yer

  Hayretî · Divan

• Arsa-i medh ü senânın haddi yok pâyânı yok

  Bin endîşe aceb mi olsa bî-tâb u tüvân

  Nef'î · Divan

• Söylen tabîbe yok yere arz-ı devâ eder

  Bîmâr-ı derd-i aşk kabûl eylemez ilâc

  Şeyhülislâm Yahyâ · Divan

• Hâk-i pâyinle olur çeşm-i cihân-bîn rûşen

  Gerd-i râhınla bulur âyîne-i cân saykal

  Bâkî · Divan

• Yıkılsa câmi‘-i hüsnü yerindedir mihrâb

  Lebîb (Mehmet Lebîb)

  Sünbülzâde Vehbî · Divan

• Cây-gâh oldu o kâğıtlara battâliyye

  Her konakta bulunur bir iki torbâ-yı sühan

  Sünbülzâde Vehbî · Divan

• Turra-i müşgînine olmazsa rûzî dest-res

  Şâne-veş minşâr-ı mihnet çâk çâk eyler beni

  Bâkî · Divan

• Yüzün görmek gibi bir devlet olmaz bana âlemde

  Yanımda yoksa dünyânın berâberdir çoğ u azı

  Nef'î · Divan

• Hâtır-ı uşşâk için hattına vermezse amân

  Öldürür bu fitne-i âhir-zemânı bilmiş ol

  Nef'î · Divan

• Yine rez duhterin peydâ edip azm-i kenâr etsem

  Gamın hâtırda nâ-peydâ vü pinhân olduğun görsem

  Nef'î · Divan

• Âfet-i aynü’l-kemâl-i reşk kâr etmez bana

  Def ’-i zahm-ı çeşm Hallâk-ı maânîdir bana

  Nef'î · Divan

• Derûnu gevher-i tevhîde mahzen

  Zamîri perde-i takdîre mahrem

  Nef'î · Divan

• Ârzû eylerdi bir mahbûb-ı müstesnâyı dil

  Bir münâsib dil-ber-i mümtâz buldum kendime

  Şeyhülislâm Yahyâ · Divan

• Topukların göricek mest olup safâsından

  Pâbuç gibi açılıp kaldı ağzı haffâfın

  Koca Râgıb Paşa · Divan

• Görse bu herzeleri tebrie-i zimmet ile

  Yakasın silker idi ehl-i teberrâ-yı sühan

  Sünbülzâde Vehbî · Divan

• Renc çekme sıhhat ümmîdin Fuzûlî’den götür

  Kim kabûl-i sıhhat etmez böyle bîmâr ey hakîm

  Fuzûlî · Divan

• Mey-hâne-i nâz olmuş o çeşm-i siyeh-i mest

  Her kûşe-i pür-fitnesi bir hâbgeh-i mest

  Nef'î · Divan

• Vasf-ı hatt-ı yâr Yahyâ şöyle te’sîr eylemiş

  Hâme reftâr eyledikçe geldi bûy-ı müşg-i nâb

  Şeyhülislâm Yahyâ · Divan

• Bâkî-veş âhir eyledi aczin müşâhede

  Evrâkın etti defterinin târumâr gül

  Bâkî · Divan

• Ehil olan kadrin bilir ben cevherim medh eylemem

  Âlemin ser-mâye-i deryâ vü kânıdır sözüm

  Nef'î · Divan

• Bu gûne âşık-âne bir gazel taksîm eder gâhî

  Verir hem nağme-i sît-i sarîri zevk-ı şeh-nâzı

  Nef'î · Divan

• Sensin ol ser-mâye-i bâzâr-ı sûk-ı ehl-i aşk

  Düştü feyzinle kesâda cevher-i nâmûs u neng

  Nef'î · Divan

• Âh eylediğim serv-i hırâmânın içindir

  Kan ağladığım gonca-i handânın içindir

  Fuzûlî · Divan

• Benim ol nâdire gavvâs ki olsa ne kadar

  Bahr-i endîşe amîk ü dürr-i ma‘nî kem-yâb

  Nef'î · Divan

• Nice sûret feyz-i enfâsımla cân bulsa olur

  Her biri şehr-i dilin bir âlem-ârâ dil-beri

  Nef'î · Divan

• Unfuvân-ı sıhhate ey Bâkî mağrûr olma kim

  Lâ-cerem her hayy-i dânâ irtihâl üstündedir

  Bâkî · Divan

• Vücûdu herbirinin başka âlemdir hakîkatte

  Olur anunçün ehl-i dil cihânda infirâd üzre

  Nef'î · Divan

• Âb-ı adliyle cihân bâğ-ı behişte dönsün

  Bûy-ı hulkiyle sabâ micmere-gerdân olsun

  Nef'î · Divan

• Sana tûmâr-ı dil ü cânı sunarsam ne ola kim

  Pâdişâh olana elbette sunarlar kâğaz

  Şeyhülislâm Yahyâ · Divan

• Dil sâfdır kederden ammâ güler yüz ister

  Hûb olmayana neyler âyîne-i mücellâ

  Şeyhülislâm Yahyâ · Divan

• Âkıle lâyık mı ferdâyı ferâmûş eylemek

  Fikr-i şenbih tıflın eylerken tebâh âzînesin

  Sünbülzâde Vehbî · Divan

• Endîşem edîb-i hikem-efrûz-ı ezeldir

  Nutkum sebak-âmûz-ı debistân-ı kıdemdir

  Nef'î · Divan

• Eşiğin üftâdesi kem-ter gedâ mihr-i münîr

  Pençe-i hurşîd-i âlem-tâba hüsnün dest-gîr

  Fuzûlî · Divan

• Benim ol Hüsrev ü sâhib-kırân-ı mülk-endîşe

  Ki münşî-i kadr yazmış berâtımda bu menşûrı

  Nef'î · Divan

• Bir aceb deryâdır ordu-yı hümâyûnun senin

  Kim habâb-ı ber-karâr olmuş ona her çâderi

  Nef'î · Divan

• Benim ol nâdire gavvâs ki olsa ne kadar

  Bahr-i endîşe amîk-i dürr-i ma‘nâ kem-yâb

  Nef'î · Divan

• Ol râst bu kec düştüğü bî-hûde değildir

  Zahm-ı ciğer-i düşmen için tîr ü kemândır

  Nef'î · Divan

• Benim züğürtlük ile ellerim taş altında

  Müzahrefâtın o dürr ü güher satar Han’a

  Nef'î · Divan

• Sabâ gird-i gül-istâniyle varsa bâğ-ı Rıdvân’a

  Abîr-efşân olur pîrâhen-i hûr-ı cinân üzre

  Nef'î · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Tavk-ı fermânı ile gerden-i fitne mağlûl

  Satr-ı ahkâmı ile pây-ı sitem der-zencîr

  Nef'î · Divan

• Eyledikçe azm-i meydân-ı gazâ evvel kadem

  Pâyimâl olsun yolunda düşmen-i dînin seri

  Nef'î · Divan

• Söylemez nükhet-i gül-zâr-ı bahâr hilkatini

  Dâmenin bâd-ı sabâ eylese pür müşg ü abîr

  Nef'î · Divan

• Olsa kumlar sağışınca ömrüne hadd ü aded

  Gelmeye bu şîşe-i çarh içre bir sâat gibi

  Muhibbî · Divan

• Kulağın dik tutup pertâb edince fart-ı sür‘atten

  Döner ol nâvek-i perrâna kim çift ola peykânı

  Nef'î · Divan

• Derdimi bârî bu takrîb ile takrîr edeyin

  Tâ şifâ-hâne-i lutfundan ere dermânı

  Nef'î · Divan

• Bir lâciverdî kâsede her subh mihr altın ezer

  Vasf-ı cemâlin yazmağa cânâ gerektir hall-i zer

  Şeyhülislâm Yahyâ · Divan

• Zulmet-i bahr ile şebden seçemezler rûzu

  Böyle eyyâm-ı gamın böyle olur nev-rûzu

  Nef'î · Divan

• Âlem hayât-ı nev bulur cânlar bağışlar dem-be-dem

  Enfâs-ı Rûlullah’tır gûyâ nesîm-i subh-dem

  Bâkî · Divan