Divan beyitleri, sayfa 5

Divan beyitleri, sayfa 5 / 15.

• Çeşm-i mesti tîğ çekmiş gamzeden bir Kahraman

  Ebrû-yı müşgîni bir şemşîrden hâli kırâb

  Nef'î · Divan

• Yan âteşe pervâne-sıfat eyleme efgân

  Ey âşık-ı miskîn budur âdâb-ı muhabbet

  Şeyhülislâm Yahyâ · Divan

• Ol şeh ki kef-i himmeti hengâm-ı keremde

  Dünyâyı ganî, kânı tehî, bahrı berr eyler

  Nef'î · Divan

• Çalışır hicve dahi harf-i hecâ bilmez iken

  Sanki merd-âne olur dâhil-i heycâ-yı sühan

  Sünbülzâde Vehbî · Divan

• Söz tamâm oldu ko lâf u sühanı ey Nef ‘î

  Ehl-i dil tab‘ını şi‘rinden eder istidlâl

  Nef'î · Divan

• Gamze-i nergis-i mahmûrların seyreyle

  Cilve-i serv-i sehî-kadd-i ser-efrâzına bak

  Nef'î · Divan

• Hâline ayn-ı inâyetle nigâh eyler isen

  Göz açıp ede nazar nite ki ahber sünbül

  Bâkî · Divan

• Dehr-i bî-bünyâd için renc-i talebden fârig ol

  Bâri birkaç gün huzûr-ı kalb ile dünyâya bak

  Bâkî · Divan

• Âr eder almağa çengâline nesr-i feleği

  Sayd için eylese şeh-bâz-ı hayâlim pervâz

  Nef'î · Divan

• Nâr-ı gam bağrım Behiştî şöyle biryân etti kim

  Haşre dek hâk-i mezârımdan gele bûy-ı kebâb

  Bâkî · Divan

• Ârif ol, ehl-i dil ol, rind-i kalender-meşreb ol

  Ne Müselmân-ı kavî, ne mülhid-i bî-mezheb ol

  Nef'î · Divan

• Subh-ı rûşen mi şu‘â‘-ı mihr-i âlem-tâbile

  Ya sarây-ı devletinde perde-i dîbâ mıdır

  Nef'î · Divan

• Reîs-i bahr-i nazm oldun bugün âlemde ey Bâkî

  Gazel demek senin tab‘-ı dür-efşânında kalmıştır

  Bâkî · Divan

• Çerâg-ı re’yidir ol şem‘-i bezm-efrûz-ı kudsî kim

  Ona etmiş kader fânûs-ı mînâ çarh-ı vâlâyı

  Nef'î · Divan

• Devât-ı gâliye-dân ü buhûr olur kalemi

  Benefşe-zâr-ı behişte döner sevâd-ı rakam

  Nef'î · Divan

• Cüst ü cû ettik nazîrin âlem-i endîşede

  Iztırârî vâdî-i inkâra düştü gönlümüz

  Nef'î · Divan

• Baştan göze yaşıdır ey zâhid ehl-i ışkın

  Döndüren âsiyâb-ı dolâb-ı çarhı fır fır

  Hayretî · Divan

• Pür gerektir sâgar-ı işkeste câm-ı zer-nişân

  Meşreb-i ehl-i fenâda ey gönül Cemlik budur

  Şeyhülislâm Yahyâ · Divan

• Sımâh-ı cânıma hâtiften erdi bu târîh

  Ola bu cisri karîn-i kabûl-i Rabb-i Vedûd

  Şeyhülislâm Yahyâ · Divan

• Çok mudur bu şeref ol rahş-ı mübârek kademe

  Ki saâdetle süvâr ola ona zıll-ı Hudâ

  Nef'î · Divan

• Cihâna zîb ü fer verdi yine meşşâta-i kudret

  Arûs-ı nev gibi ârâyiş etti köhne dünyâyı

  Bâkî · Divan

• Âşıklara çün derd ü belâ zev u safâdır

  Ya zevk u safâ derdine düşmek ne belâdır

  Bâkî · Divan

• Mürşid-i pâkin hemân pâyına düş var ey gönül

  Cümle düşvâr işleri âsân eder ona ne güc

  Şeyhülislâm Yahyâ · Divan

• Göstermedi yüzin bize ol gonca bir zemân

  Sonra açıldı vechini bildik ki âl imiş

  Şeyhülislâm Yahyâ · Divan

• Bu nâz ü bu nigâh-ı tegâfül ki sende var

  Hızr olsa âşıkın sebeb-i terk-i cân olur

  Nef'î · Divan

• Ben bu hâletle tenezzül mü ederdim şi‘re

  Neyleyim kurtulamam tab‘-ı heves-nâkimden

  Nef'î · Divan

• Cihân-ârâ cihân içindedir, arayı-bilmezler

  O mâhîler ki deryâ içredir, deryâyı bilmezler

  Hayâlî · Divan

• Rûy-ı zîbâsında dil-dârın ki müşgîn mû biter

  Benzer ol gül-zâra etrâfında anber bû biter

  Şeyhülislâm Yahyâ · Divan

• Pür hevâdır ney gibi ışkınla tâb-ı pür-heves

  Derd-i dilden bâ-haber âlemde yok bir hem-nefes

  Bâkî · Divan

• Âh-ı âşık der idim tîrine ger nâvek-i âh

  Delse eflâki geçip küngüre-i keyvânı

  Nef'î · Divan

• Sâye-i lûtf-ı Hudâ Hazret-i Sultan Ahmed

  Ki Ferîdûn u Skender olamaz der-bânı

  Nef'î · Divan

• Cilve ettikçe döner bir sanem-i ra‘nâya

  Ki hırâmında nümâyân ola sat gunc u delâl

  Nef'î · Divan

• Olsa aceb mi gaflet-i nev-devletân füzûn

  Sengîn olur dimâğda vakt-i şebâb hâb

  Sünbülzâde Vehbî · Divan

• Şehr-i dârü’l-mülk-i adlin seyr eden âriflere

  Hıtta-i ma‘mûre-i âlem dih-i vîrân gelir

  Bâkî · Divan

• Yine Fir‘avn-ı şitâ ceyşine Mûsâ-mânend

  Eyledi elde asâsını bir ejder sünbül

  Bâkî · Divan

• Erişe müjde-i feth ü zafer etrâf u eknâfa

  Tuta dünyâyı hep gül-bâng-ı kûs u nusret âvâzı

  Nef'î · Divan

• Fedâ edeyim sana cân u teni

  Kerem kıl koma nîm-bismil beni

  Şeyhülislâm Yahyâ · Divan

• Mevsim-i gülde ne olur medrese vü mescidden

  Leb-i cûy ü leb-i cânân ü leb-i câm olsa

  Bâkî · Divan

• Câme-hâb ol âfeti aldukça tenhâ koynına

  Sanırım ebrin girer mâh-ı şeb-ârâ koynuna

  Bâkî · Divan

• Olsa bu cilve bu nâz eşkar-ı Behrâm’da ger

  Zühre gökten inip olurdu dil-ârâm ona

  Nef'î · Divan

• Belki Yûsuf da seni görse olurdu âşık

  Ol kadar hüsn ile mümtâz ü dil-ârâsın sen

  Nef'î · Divan

• Bir dânesini gevher-i silk-i kelâmımın

  Mahsûl-i bahr ü kâna veren râygân verir

  Nef'î · Divan

• Ruh-ı zerd akçe etmez nukre-i eşk ile iş bitmez

  Civânın kalbini almak dilersen sîm ü zer göster

  Şeyhülislâm Yahyâ · Divan

• Şol gedâ kim kıldı istiğnâ serîrin tekye-gâh

  Genc-i Bâd-âverd ile taht-ı Süleymân istemez

  Hayâlî · Divan

• Almış ele Rüstem gibi şemşîrini gamze

  Olmuş ona müjgânları saf saf sipeh-i mest

  Nef'î · Divan

• Görünce lezzet ü keyf-i kelâmımı yaraşır

  Denilse tab‘ıma hem mey-fürûş u hem kannâd

  Nef'î · Divan

• Ney gibi bir âşık-ı dem-sâz buldum kendime

  Sırr-ı aşkı söylerim hem-râz buldum kendime

  Şeyhülislâm Yahyâ · Divan

• Işkın gamıyla sırrını eşk-i revânımın

  Cûyâ-yı yâr u âşık-ı dîdâr olan bilir

  Bâkî · Divan

• Fuzûlî rind-i şeydâdır hemîşe halka rüsvâdır

  Sorun kim bu ne sevdâdır bu sevdâdan usanmaz mı

  Fuzûlî · Divan

• Bezmine geldim ise medh ü senâdan hâlî

  Naks-ı idrâkime haml etme benim sultânım

  Nef'î · Divan

• Âleme çekti simât-ı ni‘met-i bî-minnetin

  Şâhlar şehzâdeler der-gâhına mihmân gelir

  Bâkî · Divan

• Hakka benim o nâdire-perver ki her sözüm

  Bir tuhfe gibi elden ele ermagân olur

  Nef'î · Divan

• Rez duhterini sâkî-i devrâna buldurun

  Böyle şeb-i dırâzda gussayile yatmanız

  Şeyhülislâm Yahyâ · Divan

• Doyulmaz hân-ı ihsâna kanâat gelmez insâna

  Kerem gördükçe ey Bâki gedâlardan recâ artar

  Bâkî · Divan

• Çalışır hicve dahi harf-i hecâ bilmez iken

  Sanki merdâne olur dâhil-i heycâ-yı sühan

  Sünbülzâde Vehbî · Divan

• Ol dem ki kasd-ı cenk eder sahrâları gül-reng eder

  Dünyâyı hasma teng eder olursa Sâm u Güstehem

  Nef'î · Divan

• İhvân-ı zemândan seni Yahyâ bir anar yok

  Nâz eyleyecek âdeme ahbâb mı kaldı

  Şeyhülislâm Yahyâ · Divan

• Hızr’a minnet çekme var sonra dil-i Nef ‘î gibi

  Lûle-i Âb-ı Hayât-ı feyz ile leb-ber-leb ol

  Nef'î · Divan

• Sirkat-i şi‘r edene kat‘-ı zebân lâzımdır

  Böyledir şer‘-i belâgatte fetvâ-yı sühan

  Sünbülzâde Vehbî · Divan

• Reh-i taleb tutalım kûy-ı dil-rübâ diyerek

  Safâ vü mihnete Yâ-hû vü merhabâ diyerek

  Şeyhülislâm Yahyâ · Divan

• O zerrîn şemse-i tâbân ki reşk-i mihr-i rahşândır

  Ziyâ-pâş olsa ger kevn ü mekâna zerrece nûru

  Nef'î · Divan

• Ney gibi bir âşık-ı dem-sâz buldum kendime

  Sırr-ı aşkı söylerim hem-râz buldum kendime

  Şeyhülislâm Yahyâ · Divan

• Za‘f-ı tal‘ mânî-i tevfîk olur her nice kim

  İltifâtın ârzû-mend-i visâl eyler beni

  Fuzûlî · Divan

• Zer-i mahlûl-i rahşende gibi olurdu nûrânî

  Düşeydi pertev-i re’yi eğer reşh-midâd üzre

  Nef'î · Divan

• Zevk var ehl-i dil ü tab‘a sitem eylemeden

  Çâre ne devr edeli böyledir idmân-ı felek

  Nef'î · Divan

• Ma‘kûs-ı elemdir emel-i dehr ser-â-ser

  Olma heves-i mâl ile âlûde melâle

  Sünbülzâde Vehbî · Divan

• Hâk-i haremi menşe’-i ikbâl-i ekâbir

  Ceyb-i keremi kîse-i erbâb-ı recâdır

  Nef'î · Divan

• Bülbüller öter revnak-ı gül-zâr yerinde

  Ammâ ki bulunmaz bu dil-i zâr yerinde

  Şeyhülislâm Yahyâ · Divan

• Selh u ilmâm u tevârüd diye sonra çalışır

  Aybını setre nice düzd-i tüvânâ-yı sühan

  Sünbülzâde Vehbî · Divan

• Şem‘ lâzım değil ey sâkî yeter mecliste

  Şu‘le-i câm-ı şeb-efrûz çerâg-ı rûşen

  Bâkî · Divan

• İmâm-ı saff-ı efâdıl emîr-i hayl-i kirâm

  Emîn-i dîn ü düvel hâce-i huceste-hısâl

  Bâkî · Divan

• Hem kadeh hem bâde hem bir şûh sâkîdir gönül

  Ehl-i aşkın hâsılı sâhib-mezâkıdır gönül

  Nef'î · Divan

• Ziya-bahş olsun âfâka cemâl-i âlem-efrûzu

  Fürûzân eyledikçe tal‘at-i nevrûzu dünyâyı

  Bâkî · Divan

• Sûz-ı dilden bî-haberdir sanmayın cânâneyi

  Şem‘i yakmaz mı ol âteş kim yakar pervâneyi

  Şeyhülislâm Yahyâ · Divan

• Sâhib-kırân-ı arsa-i iklîm-i saltanat

  Ol dem ki kıldı mülk-i bekaya azîmeti

  Bâkî · Divan

• Âşıka ta‘n etmek olmaz mübtelâdır neylesin

  Âdeme mihr ü muhabbet bir belâdır neylesin

  Nef'î · Divan

• Lâyık mı zemânında kala böyle tehî-dest

  Bencileyin şâir-i vahy-âver-i âlem

  Nef'î · Divan

• Mekân-ı gussa mahall-i sitemdir ey Yahyâ

  Bu tengnâ-yı gamı sanma ola dâr-ı ferah

  Şeyhülislâm Yahyâ · Divan

• Yine endîşe bilir kadr-i dürr-i güftârım

  Rûzigâr ise denî dehr ise sarrâf değil

  Nef'î · Divan

• Cihânda rind olur uğratmayıp âlâm-ı dünyâyı

  Muvâfık yâr ile bir kûşede def ‘-i gumûm eyler

  Şeyhülislâm Yahyâ · Divan

• Mâh-ı nev sanma felekte göricek pınar gibi

  Titredi Behrâm elinden düştü zerrîn hançeri

  Nef'î · Divan

• Sözünde dâverâ insâf odur kim başka âlem var

  Sühan mir’âtini ancak olur âlem-nümâ etmek

  Şeyhülislâm Yahyâ · Divan

• Meşreb-i şûhunda bir sır var ki te’sîr eylese

  Zâyi‘ olmaz haşre dek keyf-i şerâb-ı Edrine

  Nef'î · Divan

• Rakîb-i dîvi âdem mi sanır ki ol perî bilsem

  Onun gibi leîme bunca ihsân eyleyip neyler

  Şeyhülislâm Yahyâ · Divan

• Her biri bahr-i remel bahr-i hezeçten savurup

  Rîh-i enfâsın eder furtuna-fersâ-yı sühan

  Sünbülzâde Vehbî · Divan

• Bâkî velîk biz felek-i dûn-nevâzdan

  Müstağniyiz mürüvvet-i şâh-ı kerîm ile

  Bâkî · Divan

• Câm-ı hûrşîd-i cihân-tâba ziyâ feyz eyler

  Hâtem-i devletinin şa‘şaa-i elmâsı

  Bâkî · Divan

• Ne âdemler helâk eyler görün ol çeşm-i cellâdı

  Anılsa yine ammâ nâ-tüvân bir hastadır adı

  Nef'î · Divan

• Safâ-yı meşreb-i pâkin eğer yâd etse bir şâir

  Midâd-ı hâmesine reşk ederdi reşha-i Kevser

  Nef'î · Divan

• Aşk dâmeninin elden koma kim neyl-i kemâl

  Heves-i bî-kesel ü himmet-i üstâd ister

  Şeyhülislâm Yahyâ · Divan

• Zülf-i siyehinden kesilir mi dil-i şeydâ

  Bir râbıtadır cân ile cânân arasında

  Şeyhülislâm Yahyâ · Divan

• Eyleye şa‘şaa-i fikret-i mânend-i Kelîm

  Ceyb-i ma‘nâda nümûde Yed-i Beyzâ-yı sühan

  Sünbülzâde Vehbî · Divan

• Cûylar mı devr eden taraf-ı çemen-zârın yâhûd

  Mâî pervâz ile kat‘ olmuş yeşil hârâ mıdır

  Nef'î · Divan

• Tarh-ı matbûuna reşk etmemeğe çâre mi var

  Beyt-i ma‘mûr-ı felek Kâ‘be-i ulyâ-yı zemîn

  Nef'î · Divan

• Fahr-i şuarâ kıble-i erbâb-ı maârif

  Kutb-ı vüzerâ, Âsaf-ı dânâ-yı zemâne

  Nef'î · Divan

• Dâimâ böyle müferrih mi bu cây-ı dil-güşâ

  Her zemân âb u hevâsı böyle rûh-efzâ mıdır

  Nef'î · Divan

• Vezîr-i nükte-dân, düstûr-ı ehl-i ilm ü sâhib-i dil

  Ki gâlibdir zekâda fikri akl-ı müstefâd üzre

  Nef'î · Divan

• Ey dürr-i pâk ağzına nisbet senin sadef

  Deryâ sevâhilinde yatar pâre-i hazef

  Bâkî · Divan

• Tâb-ı aşk ile gazel mi söylemiş Vehbî yine

  Nazma sûziş verdi böyle tab'-ı âteş-pâresi

  Sünbülzâde Vehbî · Divan

• Olamaz reh-güzeri hâkine hem-pâ anber

  Edemez turrasına kendüyü hem-ser sünbül

  Bâkî · Divan

• Derûnun pür-maârif, hem-nişînin merd-i ârif kıl

  Açılma ey yüzü gül şahs-ı nâ-dâna kitâb-âsâ

  Bâkî · Divan

• Revnak-ı saltanat-ı memleket heft-iklîm

  Hâmî-i dîn, ilm-efrâz cihân-ârâyî

  Nef'î · Divan

• Kemâl erbâbı kesr-i kadr ile bî-i‘tibâr olmaz

  Zer-i hâlis şikeste olsa da nâkıs-ıyâr olmaz

  Sünbülzâde Vehbî · Divan

• Ol reviş ol yürüyüş ol nigeh-i düzdîde

  Dil-ber-i şûh gibi şîveleri hôş-rübâ

  Nef'î · Divan

• Her ne emre iştigâl etsen saâdetle ola

  Avn-i Rabbânî zahîr ü lûtf-ı Yezdânî muîn

  Nef'î · Divan

• Yetmez mi bu keyfiyyet-i mahsûsa ona kim

  Zevk-ı gamı erbâb-ı dile rûh-fezâdır

  Nef'î · Divan

• Gâhî ki halka halka durur pîç ü tâb ile

  Tuğra-i hükm-i pâdişeh-i hüsn ü ân olur

  Nef'î · Divan

• Ey Hayâlî şâh-ı gerdûn der-gehinde zerre-vâr

  Âfitâb-ı âlem-ârâ gibi şöhret bekleriz

  Hayâlî · Divan

• Âlem-i ma‘nâyı eyler pür-tezelzül çünbişü

  Râiz-i tab‘ım edince rahş-ı fikri zîr-i zîn

  Nef'î · Divan

• Ehl olan kadrin bilir ben cevherim medh eylemem

  Âlemin ser-mâye-i deryâ vü kânıdır sözüm

  Nef'î · Divan

• Yaz u kış açılır ezhâr-ı tefâvüt etmez

  Ne dem-i ürd-i behişt ü ne meh-i ferverdîn

  Nef'î · Divan

• Münkad emr ü nehyine ashâb-ı i‘tibâr

  Ednâ işâretine zevi’l-ihtirâm râm

  Bâkî · Divan

• Safha-i çehremde şerh-i mihnetim merkûmdur

  Zâhirimden bâtınım keyfiyyeti ma‘lûmdur

  Fuzûlî · Divan

• Değil hatt-ı mu‘anber sâye-i zülf-i siyâhıdır

  Değil ebrû-yı pür-çîn gamzenin perr-i külâhıdır

  Nef'î · Divan

• Yakan âb üzre âteş sanmanız keştî-i sahbâyı

  Şu‘â‘-i tîg-i kahrından tutuştu Şeh Süleymân’ın

  Bâkî · Divan

• Ey sabâ zülf-i dil-âvîzini tahrîk ettin

  Bu kadar fitne vü âşûba sen oldun bâdî

  Bâkî · Divan

• Şarâb-ı nâz gelmiş göz yine âşûbu artırmış

  Gönül ol çeşm-i mestin şimdi mahmûr olduğun ister

  Şeyhülislâm Yahyâ · Divan

• Muntazır her gece çarh-ı pür-kevâkible kamer

  Yakmağa sahnında bir şem‘-i murassa‘ şem‘-dân

  Nef'î · Divan

• Pâre-i elmâstır seng-i fesânî neyler ol

  Çarha çekme bir dahi şemşîr-i vâlâ gevheri

  Nef'î · Divan

• Edâya çâre mi var şükrünü o ihsânın

  Olursa tab‘ım eğer bin kasîdeye medyûn

  Nef'î · Divan