Divan beyitleri, sayfa 14

Divan beyitleri, sayfa 14 / 15.

• Âferîn şast-ı hümâyûnuna kim oklarının

  Mumdan olsa yine taşı deler peykânı

  Nef'î · Divan

• Akar mîzâb-ı çeşmimden sirişk-i dîde âb-âsâ

  Ne ola kendim döğersem taşlar ile âsyâb âsâ

  Nef'î · Divan

• Mâh-ı nev sanma görüp gurre-i şehr-i savmı

  Câmi‘-i mağfirete bir alem- vâlâ-şân

  Nef'î · Divan

• Bu cihân kimine kasr-ı tarab ü ayş ü safâ

  Kiminin mihnet ile başına zindân ancak

  Bâkî · Divan

• Dönmez olunca râh-ı hatar-nâk-ı aşktan

  Yahyâ gibi şu kimseye ki bî-vehm ü bâk olur

  Şeyhülislâm Yahyâ · Divan

• Lâleyi haylî perîşân-hâl gördüm bâğda

  Eylemiş sevdâ-yı zülfün onu muhtellü’d-dimâğ

  Şeyhülislâm Yahyâ · Divan

• Dîdelerdir zâhir ü bâtın cemâlin seyrine

  Dilde zahm-ı nevk-i tîrin tende dâg-ı hûn-feşân

  Nef'î · Divan

• Sahâyif olsa felekler nihâl-i Sidre kalem

  Yazılmaya keremi defteri ale’l-icmâl

  Bâkî · Divan

• Işkının deryâsına nisbet vücûd-ı kâinât

  Mevc-i bahr-i bî-gerân üzre bir avuç hâr u has

  Bâkî · Divan

• İnsân oldur ki âyîne-veş kalbi sâf ola

  Sînende neyler âdem isen kîne-i peleng

  Bâkî · Divan

• Bir böyle dem-i hurrem ü ferhunde husûsâ

  Kim mâ-hasal-ı müddet-i ömr-i güzerândır

  Nef'î · Divan

• Düşer bir böyle matbû‘u hôş-âyende gazel işte

  Mübârek ola subh u şâmının encâm u âgâzı

  Nef'î · Divan

• Hat-âverler güzeşte hüsn ü ânın yâd eder gâhî

  Misâl-i merdüm-i müflis zemân-ı devletin söyler

  Sünbülzâde Vehbî · Divan

• Eşheb-i rûz ile tâ edhem-i şeb pey-der-pey

  Haşre dek birbiri ardınca ola cilve-nümâ

  Nef'î · Divan

• İşte Hallâk-ı maânî şimdi geldi âleme

  Gûş edin âsârını kim tercümânıdır sözüm

  Nef'î · Divan

• Bu bu hâletle tenezzül mü ederdim şi‘re

  Neyleyim kurtulamam tab‘-ı heves-nâkimden

  Nef'î · Divan

• Sînede her dâg-ı surh andan bir ahker-pâredir

  Sûz-ı firkatle dil olmuştu firûzân bir ocağ

  Nef'î · Divan

• Erişilmez sanırdı bâğ-bân serve bi-hamdü’llâh

  Letâfet gülsitânında yetişti nahl-i mevzûnum

  Şeyhülislâm Yahyâ · Divan

• Yegâne şeh-süvâr-ı kahramân kevkeb ki lâyıktır

  Felek ona sileh-dâr etse Behrâm-ı sileh-şoru

  Nef'î · Divan

• Bir kerre gülle urmaz iken onu rûzigâr

  Mümkin mi zahm-ı hâr ola mu‘tâd-ı andelîb

  Şeyhülislâm Yahyâ · Divan

• Her gül mey-i al ile pür-peymânedir Yahyâ bu gün

  Gül devri kendin etmesin mey-hâre gönlüm neylesin

  Şeyhülislâm Yahyâ · Divan

• Ne dedimse sözümü tuttu sipihr-i hôd-re’y

  Ne murâd ettim ise verdi Hudâ-yı müteâl

  Nef'î · Divan

• Bu cihân kimine hasr-ı tarab-ı ayş ü safâ

  Kiminin başına mihnet ile zindân ancak

  Bâkî · Divan

• Hakan-ı Osmânî neseb kim münderic zâtında hep

  İslâm-ı fârûk-ı Arab ikbâl-i pervîz-i Acem

  Nef'î · Divan

• Âşık-ı yek-reng ü rindân-güşâde-meşrebiz

  Bezm-i hâs-ı vahdete hem bâde hem peymâneyiz

  Nef'î · Divan

• Bahr-i aşk içre şinâver geçinenler ne bilir

  Düşmese câh-ı zenahdânına girdâb nedir

  Bâkî · Divan

• Penâh-ı saltanattır kahramân-ı dîn ü devlettir

  Medâr-ı memlekettir kâm-kâr-ı kişver-ârâdır

  Nef'î · Divan

• Şehriyâr-ı âsümân-mesned ki olmuş tâ ezel

  Secde-gâh-ı tâc-dârân-ı cihân hâk-i deri

  Nef'î · Divan

• Husûsâ o sühan-perdâz-ı üstâdım ki eş‘ârım

  Yazar müşkil-pesendân-ı cihân evrâk-ı cân üzre

  Nef'î · Divan

• Âşık ol ammâ alâikden berî et gönlünü

  Ne ham-ı gîsûya meftûn, ne esîr-i gabgab ol

  Nef'î · Divan

• Belâ budur ki alıştı belâlarınla gönül

  Gamın da gelse dile bâis-i meserret olur

  Nef'î · Divan

• Bilmezem yâkût-ı ahmer mi lebin ya kût-ı rûh

  Bir sor ey sarrâf-ı devrân kim ne cevher devridir

  Hayâlî · Divan

• Zebân-ı hâmede evsâfın evrâd-ı şebân-rûzî

  Derûn-ı dilde mihrin şu‘le-i dâg-ı süveydâdır

  Nef'î · Divan

• Devâtı gâliye-dân u buhûr olur kalemi

  Benefşe-zâr behişte döner sevâd-ı rakam

  Nef'î · Divan

• Ger tâb-ı Temmûz gazabı etse sirâyet

  Her katre-i bârânı hevâ bir şerer eyler

  Nef'î · Divan

• Giryân o Leylî-veş ne ola sahrâya salsa Bâki’yi

  Mecnûn’un âb-ı çeşmine hâk-i beyâbân teşnedir

  Bâkî · Divan

• Eyledin lutf ile bir böyle kasîde teklîf

  Ki nazîre diyemez bir yere gelse şuarâ

  Nef'î · Divan

• Vehm-i galat iştibâh-ı ma‘nâ

  Tâ kim ola kişver-i sühanda

  Şeyhülislâm Yahyâ · Divan

• Yoktur sebât çünki cihân-ı harâbda

  Birdir hezâr sâl ile yek dem hisâbda

  Bâkî · Divan

• Emel vazâif-i cûduyla kâmrân u ganî

  Kerem letâif-i hulkuyla hande-rûy u besîm

  Nef'î · Divan

• Dil zevrakını lücce-i gamdan hevâ-yı ışk

  Elbette bir kenâra atar rûzgârdır

  Bâkî · Divan

• Bir vech ile sarmazdı yine zülfüne cânâ

  Mikrâz-ı sitemle dil-i bî-çâre kesilmez

  Şeyhülislâm Yahyâ · Divan

• Deşt-i gamda her yana tenler getirdi seyl-i hûn

  Durmayıp tâtâr-i gamzen tîr-i bârân etmede

  Bâkî · Divan

• Biri der-bânı olurdu biri mîr-âhûrı

  Gelseler âleme devrinde Peşeng ü Dârâ

  Nef'î · Divan

• Çeşm-i bezm-i fitne kurmuş işve almış câm ele

  Bâde-i nâz ile etmiş gamzesin mest-i harâb

  Nef'î · Divan

• Bugünden ahdim olsun kimseyi hicetmeyeyim illâ

  Vereydin ger icâzet hicv ederdim baht-ı nâ-sâzı

  Nef'î · Divan

• Şükür kim terk-i ahbâb ettiğim günden beri Esrâr

  Harâb oldu ser-â-ser kişver-i ma‘mûre-i teşvîş

  Sünbülzâde Vehbî · Divan

• Şimdi seccâde-i ma‘nîde benim mürşid-i küll

  Hırka-pûşân-ı beyân benden alır feyz-i kelâm

  Nef'î · Divan

• An ol günü ki âhir olup nev-bahâr-ı ömr

  Berg-i hazâna dönse gerek rûy-yi lâle-reng

  Bâkî · Divan

• Gönder efendi sîneme tîr-i belâların

  Olsun siper belâlarına mübtelâların

  Bâkî · Divan

• Hışm ile çeker gamzesi peymâne-i nâzı

  Âşûb-ı cihân olsa ne ola her nigeh-i mest

  Nef'î · Divan

• Dâimâ hurrem ü ferhunde ola devrinde

  Subh u mestân-ı cihân şâm-ı garîbân-ı felek

  Nef'î · Divan

• Ârızı üzre ser-i zülfü düşer mikrâzdan

  Gûyiyâ dil-ber kitâb-ı hüsnünü i‘râblar

  Şeyhülislâm Yahyâ · Divan

• Rûzgâr-ı pür-cefânın cevr-i bî-endâzesi

  Avnî (Fatih Sultan Mehmet)

  Şeyhülislâm Yahyâ · Divan

• Hiçbir belâ mı var ki gönül onu bilmeye

  Seyyâh-ı bî-karârın olur âşinâsı çok

  Şeyhülislâm Yahyâ · Divan

• Bir avuç gevher saçardı âleme gûyâ kefin

  Saldığınca düşmene gâhî murassa şeş-peri

  Nef'î · Divan

• Berk uran destinde tîğ-i pür-hüner midir yâhûd

  Eyledi deryâya gavta âfitâb-ı hâveri

  Nef'î · Divan

• Nef ‘î yeter da‘vâyı ko dünyâ ile gavgâyı ko

  Eflâke istiğnâyı ko hâke yüzün sür lâ-cerem

  Nef'î · Divan

• Ta‘bîr edemem tıynet-i pâkindeki lutfu

  Gör hâsiyet-i feyzi ne mikdâr eser eyler

  Nef'î · Divan

• Sihr ederdim medhine geldikçe ammâ neyleyim

  Eylemiş Hak vasfını kayd u tasavvurdan berî

  Nef'î · Divan

• Eğer dünyâ vü dîn emrinde nâfi‘ bir amel dersen

  Duâ-yı devlet-i sultân muizz-i dîn ü dünyâdır

  Bâkî · Divan

• İncinmez idim çıktığına hâne-i tenden

  Cân olsa eğer nâvek-i cânân ile hem-râh

  Şeyhülislâm Yahyâ · Divan

• Gül-istânında şeb encümle sünbül-zâr-ı pür-şeb-nem

  Şeb-istânında hûrşid-i seher bir şem‘-i kâfûrî

  Nef'î · Divan

• Ol kadar âsûde âlem sâye-i adlinde kim

  Hâb-gâh eyler gazâle pehlû-yı şîr-i neri

  Nef'î · Divan

• İllâ yine şâhenşeh-i devrân ki cenâbı

  Devletle ola melce’ ü me’vâ-yı zemâne

  Nef'î · Divan

• Gâhî ki deste deste yatar yerde gûyiyâ

  Çârûb-ı âstân-ı memâlik-sitân olur

  Nef'î · Divan

• Erişti yine Yahyâ feyz-i ebr-i lutf-ı Yezdânî

  Tarâvet var çemenlerde letâfet var hevâlarda

  Şeyhülislâm Yahyâ · Divan

• Kafadâr oldular şîr ü peleng âhûya sahrâda

  Ederler şol kadar şimdi riâyet hakk-ı cîrâna

  Bâkî · Divan

• Hâris-i memleket ü dîn ü medâr-ı İslâm

  Mazhar-ı mekremet ü mevhibet-i Sübhânî

  Nef'î · Divan

• Selh ü ilmâm ü tevârüd diye sonra çalışır

  Aybını setre nice düzd-i tüvânâ-yı sühân

  Sünbülzâde Vehbî · Divan

• Âferîn lûtfuna ey bâd-ı nesîm

  Bu kadar ancak olur feyz-i amîm

  Nef'î · Divan

• Dinlesin gelsin sarîr-i hâmemi Nef ‘î benim

  Anlayın neyde mezâyâ-yı terennüm ne eydügin

  Nef'î · Divan

• Hâkan-ı Osmânî neseb, kim münderic zâtında hep

  İslâm-ı fârûk-ı Arab, ikbâl-i Pervîz-i Acem

  Nef'î · Divan

• Dîde-i encüme kuhl olmağ için eflâke

  Gird-bâd ile çıkar hâk-i deri döne döne

  Bâkî · Divan

• Görmez cihânı gözlerimiz yârı görmese

  Mir’ât-ı hüsnü var ise âlem-nümâ imiş

  Bâkî · Divan

• Kâkül-i yâr iledir kârı dil-i şeydânın

  Rîsmânın kurar üstâd-ı resen-bâz bülend

  Şeyhülislâm Yahyâ · Divan

• Şâh-ı dîn-perver ki teşrîf-i kudûmiyle zemîn

  Arşa nâz eylerse istiğnâsı istiğnâ mıdır

  Nef'î · Divan

• Devâtı gâliye-dân u buhûr olur kalemi

  Benefşe-zâr behişte döner sevâd-ı rakam

  Nef'î · Divan

• O cihân-bân-ı muazzam ki felek devr edeli

  Görmedi adl ile pîrâste bir böyle vezîr

  Nef'î · Divan

• Rakîb-i nâ-kabûl esmiş savurmuş yâri incitmiş

  Ağırdır âdemin başın hevâ birden vahîm olsa

  Şeyhülislâm Yahyâ · Divan

• Zebûn olmaz acûz-ı dehre Bâkî

  Bu meydâna beğim merd-âne geldi

  Bâkî · Divan

• Rindân-ı âlemiz ki bize yâr olan gönül

  Olur adû-yı sohbet-i bî-gânemiz bizim

  Nef'î · Divan

• Getir câm-ı sürûr-ı encâmı ey sâkî yeter çektik

  Cefâ-yı devr-i gerdûnu belâ-yı çarh-ı gerdânı

  Bâkî · Divan

• Cihân bir tâze revnak buldu bir rûh-ı musavverde

  Aceb mi tâzelense destân-ı Mâh-ı Ken‘ân

  Nef'î · Divan

• Deryâ-misâl askerin içre alemlerin

  Feth ü zafer sefînesine açdı bâd-bân

  Bâkî · Divan

• Bülbülün ser-mâye-i şevkın tüketti âkibet

  Rûzgâr-ı pür-cefânın cevr-i bî-endâzesi

  Şeyhülislâm Yahyâ · Divan

• Ne nâmedir bu ki keyf-i rahîk-ı mazmûnu

  Verir mülâhazaya bir neşât-ı rûhânî

  Nef'î · Divan

• Nezâketle dokun zülfüne ey bâd-ı sabâ yârin

  Sakın dilden olur zîrâ dil-i erbâb-ı gam nâzik

  Nef'î · Divan

• Hîç revâ mıdır gam-ı dünyâya düşmek ey gönül

  Bir kenârına erilmez bahr-i pür-girdâb iken

  Şeyhülislâm Yahyâ · Divan

• Minnet Allah’a ki bî-minnet-i baht u ikbâl

  Oldum âsâr-ı saâdetle yine ferruh-fâl

  Nev'î · Divan

• Gûyâ ki olur dîdelerim ma‘den-i yâkût

  Her gâh ki yâd-ı leb-i cânân ederim ben

  Nef'î · Divan

• Âh kim hâb u hayâl oldu bu devletler hep

  Durmadı aksine devr eyledi çarh-ı gerdân

  Bâkî · Divan

• Döşendi berf ser-â-pâ sahn-ı sahrâya

  Ağardı rûy-ı zemîn sanki tahte-i remmâl

  Bâkî · Divan

• Ol saf-der-i yegâne ki tâb-ı mehâbeti

  Cevşen-güdâz-ı Tehmeten ü Kahraman olur

  Nef'î · Divan

• O denlü tâb-nâk etmiş o zerrîn şem‘a etrâfın

  Görünmez sâyesinde âfitâb subhun âsârı

  Nef'î · Divan

• Cân acısını haste-i derd-i firâk olup

  Dil-dâde-i nigâr-ı sitem-kâr olan bilir

  Bâkî · Divan

• Halk-ı âlem ser-te-ser bîmâr-ı derd-i ihtiyâc

  Zehir bir dârü’ş-şifâ lûtfun tabîb-i mihr-bân

  Nef'î · Divan

• Feyz-i isti‘dâd-ı zâtın gör kim etmiş tâ ezel

  Cezbesi hûrşîd ü mâh u âsumânı Mevlevî

  Nef'î · Divan

• Şitâb edince döner ejdehâ-yı perrâna

  Girer şemâil-i hûbâna cilve hengâmı

  Nef'î · Divan

• Pâre-i elmastır seng-i fesânı neyler ol

  Çarha çekme bir dahi şemşîr-i vâlâ-gevheri

  Nef'î · Divan

• Nûş-ı dârû-yı lebindir haste-i aşka devâ

  Şerbet-i vaslından olur âşık-ı bîmâra hazz

  Şeyhülislâm Yahyâ · Divan

• Selh ü ilmâm ü tevârüd diye sonra çalışır

  Aybını setre nice düzd-i tüvânâ-yı sühan

  Sünbülzâde Vehbî · Divan

• Bûy-i nesîm ü reng-i gül ü revnak-ı bahâr

  Âsâr-ı fazl u rahmet-i Perverdigâr’dır

  Bâkî · Divan

• Başlasın bend ile raksa dil-i dîvâne dahi

  Nice bir bâd-ı sabâ silsile-cünbân olsun

  Nef'î · Divan

• Gonce gülsün gül açılsın cûy feryâd eylesin

  Sen dur ey bülbül biraz gül-şende yârim söylesin

  Nâbî · Divan

• Seng-i der-i mey-hâneye kor başını düşte

  Zânû-yı melek olsa eğer hâb-geh-i mest

  Nef'î · Divan

• Berk-ı mahz iken direnk etse bilinmez peykeri

  Rahş-ı çâbûk-pâ mıdır ya kûh ya bir câ mıdır

  Nef'î · Divan

• Bir lebi gonca yüzi gül-zâr dersen işte sen

  Hâr-ı gamda andelîb-i zâr dersen işte ben

  Bâkî · Divan

• Tutuştu gam oduna şâd gördüğün gönlüm

  Mukayyed oldu ol âzâd gördüğün gönlüm

  Fuzûlî · Divan

• Erişti vakt-i safâ sâkiyâ getir bezme

  Sakın sakın ki olur hâtın-ı kadeh meksûr

  Şeyhülislâm Yahyâ · Divan

• Saâdetle otağın kurmadan ser-hadd-i İrân’a

  Düşe Turan zemîne sâye-i tûğ-ı ser-efrâzı

  Nef'î · Divan

• Biz güft ü gûdayız nigeh-i çeşm-i yâr ile

  Aşk olsun ol muâmelenin âşinâsına

  Nef'î · Divan

• Lebleri üzre gubâr-ı hatt-ı nev-hîz değil

  Nâfe-i âhû-yı çeşminden dökülmüş müşg-i nâb

  Nef'î · Divan

• Tâ ki ma‘nâ-yı latîf lutf-ı renk-âmîz ile

  Rûzgârın bir dil-ârâ dâstânıdır sözüm

  Nef'î · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Tâ sabâh-ı haşre dek bin mübtelâyı mest eder

  Bezm-i aşkın neşve-i rıtl-i girânîdir sözüm

  Nef'î · Divan

• Hikmet-i fikr ü hayâlin feylesof-ı ekberi

  Nef'î

  Nef'î · Divan

• Ey gam yedi vassâf-ı lebin oldu çü Yahyâ

  Şimden gerü tûtî gibi sükker yiye cânâ

  Şeyhülislâm Yahyâ · Divan

• Söylen tabîbe yok yere arz-ı devâ eder

  Bîmâr-ı derd-i aşk kabûl eylemez ilâc

  Şeyhülislâm Yahyâ · Divan

• Çün olmuştur ameller dînimizde niyyete râci‘

  Bu pâkîze amel de şüphesiz hayr u ibâdettir

  Nâbî · Divan