Divan beyitleri, sayfa 6

Divan beyitleri, sayfa 6 / 15.

• Ol cism-i pâki cânı gibi eyledi nihân

  Âsûde kıldı hâl-i sipâh ü raiyyeti

  Bâkî · Divan

• Hâris-i memleket dîn ü medâr-ı İslâm

  Mazhar-ı mekremet ü mevhibet-i Sübhânî

  Nef'î · Divan

• Ey gönül ağlama gül sünbül-i hôş-buyundan

  Ebrden nem kapar ol zülf-i semen-sâ ter olur

  Şeyhülislâm Yahyâ · Divan

• Duâ-yı izz ü câhın zimmetimde farz bilmiştim

  Ederdim rûz u şeb medhinle meclislerde gûyâyı

  Enderunlu Vâsıf · Divan

• Molla ne aceb bilmezse ammâ bu acebtir

  Hîç olmaya bir nâkıd-ı kâlâ-yı zemâne

  Nef'î · Divan

• Ne sende mihr ü vefâ var ne bende sabr u karâr

  O yok bu yok ne aceb bizden ictinâb ettin

  Bâkî · Divan

• Şukka-i râyât-ı bahtınla rikâbın olmasa

  Keştî-i nüh-âsmânın bâd-bân u lengeri

  Nef'î · Divan

• Bârekallah zehî devlet-i feth ü nusret

  Levhaş-Allah zehî âtıfet Hayy-ı Kadîr

  Nef'î · Divan

• Açılmadıysa gönül künc-i hücrede Yahyâ

  Kenâr-ı gül-şene çık şi‘r-i dil-güşâ diyerek

  Şeyhülislâm Yahyâ · Divan

• Veririm dosta bir harf ile tevkî-i kabûl

  Ederim düşmânı bir nokta ile şöhre-i âm

  Nef'î · Divan

• Sen böyle nâz ü şîve satınca gedâlara

  Narh-ı metâ‘-ı derd ü belâ râygân olur

  Nef'î · Divan

• Mâh-ı nev sanma felekte görücek peygârını

  Titredi Behrâm elinden düştü zerrîn hançeri

  Nef'î · Divan

• Gerçi şevk ehli geçer şem‘-i şeb-efrûz ammâ

  Şevk pervânededir ki oda yanar bâl ü peri

  Bâkî · Divan

• Bâki’yâ hângeh-i âlem-i hayretde hemân

  Her gelen kimse bu eser ile hayrân ancak

  Bâkî · Divan

• Nâ-dân elinden alma eğer erse destine

  Şeh-bâz-ı âşiyâne-i devlet yeden-be-yed

  Bâkî · Divan

• Anmasın sûfî dahi kesrette vahdet âlemin

  Yâri tenhâ avlayan uşşâk-ı şeydâ bundadır

  Nef'î · Divan

• Âb u gil müşg ü gül-âb ola çemen sahnında

  Buy-ı hulkuyle güzâr etse nesîm-i eshâr

  Bâkî · Divan

• Seyyâre değil her biri bir cevher-i ulvî

  Kim ona bahâ mâ-hasal-ı kevnü mekândır

  Nef'î · Divan

• Rumeli sadrına oldukta Ganîzâde yine

  Oldu rindân-ı cihân tehniyete âmâde

  Nef'î · Divan

• Yılda bir olur bu dem-i ferhunde aceb mi

  Olmazsa her eyyâmda ger âlem-i nev-rûz

  Nef'î · Divan

• Bî-araz bir cevher-i sâfîdir ammâ muttasıl

  Ehl-i tab‘ın zîver-i tîğ u sinânıdır sözüm

  Nef'î · Divan

• Biraz in’ânını çek böyle germ-tâz olma

  Semend-i cevre meded kılma bendeni pâ-mâl

  Bâkî · Divan

• Cevher-i ferdim heyûlâ-yı tasavvurdan beri

  Şeş-cihât-ı ma‘rifet kevn ü mekânımdır benim

  Nef'î · Divan

• Bâde-i aşka vücûdun câmesin rehin etti

  Âferînler ol melâmet bezminin kallâşına

  Bâkî · Divan

• Tab‘-ı âyîne-i meşşata-i rûy-ı âlem

  Fikr-i üstâd-ı kühen-sâl-i debistân-ı felek

  Nef'î · Divan

• Derûnumda o denlü cây-gîr olmuştur ihlâsın

  Ki yanımda kul olmak sana şâh olmaktan evlâdır

  Nef'î · Divan

• Ne i‘tibâr bu evzâ‘a merd olan Yahyâ

  Ne zillete nazar eyler ne i‘tibâra bakar

  Şeyhülislâm Yahyâ · Divan

• Cenneti görmüş bir âdem var ise gelsin desin

  Tarhı onun dahi böyle dil-keş ü ra‘nâ mıdır

  Nef'î · Divan

• Gece pervânelerle bezmi germâ-germ idi şem‘in

  Seher bakdım ne şem‘-i meclis-ârâ var ne pervâne

  Şeyhülislâm Yahyâ · Divan

• Sanman ki felek devr ile şâmı seher eyler

  Her vâkıanın âkıbetinden haber eyler

  Nef'î · Divan

• Vezâret eyleye devletle dîvân-ı hümâyûnda

  Ola fermânına şâhân-ı âlem inkıyâd üzer

  Nef'î · Divan

• Olsa ne kadar hüsn ü melâhatle ser-efrâz

  Öğünmeye sen dil-ber-i mümtâza güzeller

  Şeyhülislâm Yahyâ · Divan

• Şikeste bir sifâl olsun, nemiz var, sâgar-ı Cem’de

  Garaz bir neşve tahsil eylemekdir bezm-i âlemde

  Şeyhülislâm Yahyâ · Divan

• Böyle zîbâ-sûret ü pâkîze-sîret görmedim

  Bir melektir gûyiyâ etmiş tevellüd hûrdan

  Nef'î · Divan

• Ger huzûr etmek dilersen ey Muhibbî fârig ol

  Olmaya vahdet-i cihânda kûşe-i uzlet gibi

  Muhibbî · Divan

• Bulaydı ger bununla zîb ü ziynet gerden Zühre

  Felekte zannederdi seyr eden ıkd-ı Süreyyâ’dır

  Nef'î · Divan

• Müddeî münkir olursa çekerim işhâda

  Hak-şinâs, ehl-i nazar anladığım yârânı

  Nef'î · Divan

• Her hayâlin saykal-i âyîne-i hüsn-i edâ

  Her kelâmın gevher-i gencîne-i faslü’l-hitâb

  Nef'î · Divan

• Sunaldan sâkî-i mihnet bana peymâne-i aşkın

  Benim ol rûz u şeb medhûş olan mest-âne-i aşkın

  Şeyhülislâm Yahyâ · Divan

• İçse bir cür‘asını berehmen-i sad-sâle

  Bir olur seng-i mezâr ile yanında esnâm

  Nef'î · Divan

• Söz müdür ol ki çep ü râst düşse bir mazmûn

  Nice ma‘nâ-yı dürüstün boza bir lafz-ı sakîm

  Nef'î · Divan

• Râzî değilse ger buna nâmûs-ı dil-berî

  Uşşâka derse böyle ihânet yaman olur

  Nef'î · Divan

• Reng-i lafz ü nükhet-i ma‘nâ-yı nazm-ı pâkime

  Ne ola eylerse hased reng-i ül ü bûy-ı gül-âb

  Nef'î · Divan

• Ede munzamm yine evvelki gibi kişver-i Rûm’a

  Çekip sağa sola şemşîr-i berrân-ı ser-endâzı

  Nef'î · Divan

• Ukde-i ser-rişte-i râz-ı nihânîdir sözüm

  Silk-i tesbîh-i dürr-i Seb‘al-Mesânî’dir sözüm

  Nef'î · Divan

• Ehl-i dildir diyemem sînesi sâf olmayana

  Ehl-i dil birbirini bilmemek insâf değil

  Nef'î · Divan

• Kim gül-şen-i ruhunda vere nağmeye karâr

  Tâ ol zemân ki bâğ-ı cihân pür-hazân olur

  Nef'î · Divan

• Cânına dokunmayınca bilmez âdem ne olduğun

  Tîr-i dil-dûz-ı mahabbet şöyle nâ-peydâ gelir

  Şeyhülislâm Yahyâ · Divan

• Hîç revâ mıdır gam-ı dünyâya düşmek ey gönül

  Bir kenârına erilmez bahr-i pür-girdâb iken

  Şeyhülislâm Yahyâ · Divan

• Söz müdür o kim nüshasını nükte-şinâsân

  Haşv-i şikem-i rahne-i dîvâr ü der eyler

  Nef'î · Divan

• Mey âteş-i seyyâledir mînâ kadehle lâledir

  Ya gonca-i pür-jâledir açmış nesîm-i subh-dem

  Nef'î · Divan

• Dil pür-heves nesîm-i bahâr ise hôş-nefes

  Çık bağa kim güzelliği vardır hevâların

  Şeyhülislâm Yahyâ · Divan

• Şâh-ı cihân-ârâ mıdır mâh-ı zemin-pira mıdır

  Behrâm-ı bî-pervâ mıdır ya âfitâb-ı pür-kerem

  Nef'î · Divan

• Dîdelerdir zâhir ü bâtını cemâlin seyrine

  Dilde zahm-i nevk-i tîrin tende dâg-ı hûn-feşân

  Nef'î · Divan

• Deşne-i gamzesi yetmez mi ki bir demde urur

  Dil-i mecrûhuma bin hançer-i Rüstem şâne

  Nef'î · Divan

• Tâb-ı hûrşîd sitem-i sûzân ederdi âlemi

  Ger sehâb-ı adl ü dâdın olmasaydı sâyebân

  Nef'î · Divan

• Pâkîze kelâmım ki der-bahr-i hayâlim

  Âvîze-i gûş dil-i yârân-ı safâdır

  Nef'î · Divan

• Düşmez dil ü tab‘ ehli bu endîşeye

  Teşvîş-i dil ü tab‘ı bu elbet beter eyler

  Nef'î · Divan

• Erişe müjde-i feth ü zafer etrâf u eknâfa

  Tuta dünyâyı hep gül-bâng-ı kûs-ı nusret âvâzı

  Nef'î · Divan

• Mescidde riyâ-pîşeler etsin ko riyâyı

  Mey-hâneye gel kim ne riyâ var ne mürâyî

  Şeyhülislâm Yahyâ · Divan

• Hem gülüz hem bülbülüz germiyyet-i aşk ile biz

  Dâg-ı derde şu‘le vü şem‘-i gama pervâneyiz

  Nef'î · Divan

• Ne vücûd-ı bî-nazîrin gibi bir memdûh olur

  Ne benim gibi senâ-kâre felek akrân bulur

  Nef'î · Divan

• Âşıkım âşıka şûrîdelik a‘lâ yaraşır

  Pek denâet görünür sıklet-i ârı çekemem

  Nef'î · Divan

• Cür‘a-rîz olsa eger gül-şene câm-ı keremin

  Tuta nergis-sıfat elde kadeh-i zer sünbül

  Bâkî · Divan

• Kem-ter gedâyı az atâsı kılırdı bay

  Bir lutfu çok mürüvveti çok pâdişâh idi

  Bâkî · Divan

• Dil-güşâdır meclisin gâyette hem rindânedir

  Her ne derlerse senin hakkında hep efsânedir

  Nef'î · Divan

• Meyden safâ-yı bâtın-ı humdur garaz hemân

  Erbâb-ı zâhir anlayamazlar murâdımız

  Bâkî · Divan

• Gönül âşüfte yâr âlüfte, çeşm-baht ise hiffete

  Aceb âşık, aceb dil-ber, aceb olmaz temennâdır

  Nef'î · Divan

• Def ‘ edemedik ceyş-i gamı sa‘y ede gördük

  Tedbîr ne mümkün boza takdîr-i Hudâ’yı

  Şeyhülislâm Yahyâ · Divan

• Bir lâle-ruhun hasret-i la‘liyle dem-â-dem

  Sahrâ vü deri reşk-i Bedahşân ederim ben

  Şeyhülislâm Yahyâ · Divan

• Gül devri eyyâmıdır zevk u safâ hengâmıdır

  Âşıkların bayrâmıdır bu mevsim-i ferhunde-dem

  Nef'î · Divan

• Çâk-çâk-i sîne versin mevce-i gamdan haber

  Zahm-ı hûn-pâş-ı derûnum inkisârım söylesin

  Nâbî · Divan

• Esbâb-ı safâ vâde-i dil-ber gibi vâfir

  Gam dahi dil-i âşık-ı şeydâ gibi kemdir

  Nef'î · Divan

• Hûn-ı eşkinden oluptur bülbülün her âb sürh

  Bâğda olsa aceb mi sünbül-i sîr-âb sürh

  Şeyhülislâm Yahyâ · Divan

• Cân acısını haste-i derd-i firâk olup

  Dildâde-i nigâr-ı sitem-kâr olan bilir

  Bâkî · Divan

• Sultâna kayd-ı saltanat-ı dehr pây-bend

  Dervîş kendi başına sultân olup gezer

  Bâkî · Divan

• Boşanıp seyl-i sirişkim reg-i feryâdımdan

  Tab‘-ı nâ-şâd felek haylî bulandı bu sabâh

  Avnî · Divan

• Ey pâdişeh-i serîr-i dâniş

  Ve ey hüsrev-i bâr-gâh-ı ma‘nâ

  Nef'î · Divan

• Kızara ahker-i sûzân nitekim dâne-i nâr

  Bâki

  Bâkî · Divan

• Meşreb-i şûhunda bir sır var ki te’sîr eylese

  Zâi‘ olmaz haşre dek keyf-i şerâb-ı Edrine

  Nef'î · Divan

• Erişti hâkten bûy-ı buhûr-ı Meryem eflâke

  Muattar eyledi göklerde dâmân-ı Mesîhâ’yı

  Bâkî · Divan

• Uyandı gerçi Yahyâ rûzigârın hâb-ı gafletten

  Velî ârâyiş-i dünyânın oldu deng ü hayrânı

  Nef'î · Divan

• Bir câm sun Allah için bir kâse de ol mâh için

  Tâ medh-i şâhenşâh için alam ele levh ü kalem

  Nef'î · Divan

• Ne vücûd-ı bî-nazîrin gibi bir memdûh olur

  Ne benim gibi senâ-kâra felek efzân bulur

  Nef'î · Divan

• Biri der-bânı olurdu biri mîr-âhûru

  Gelseler âleme devrinde Peşeng ü Dârâ

  Nef'î · Divan

• Şol gedâ kim kıldı istiğnâ serîrin tekye-gâh

  Genc-i Bâd-âverd ile taht-ı Süleymân istemez

  Hayâlî · Divan

• Düşe bir semt-i garîbe reh-i fikr-i nazmı

  Ne tarîk-ı rûşen-i tâze ne vâdî-i kadîm

  Nef'î · Divan

• Pâdişâh-ı âdil ü âlî-neseb kim yaraşır

  Etse ger serheng ü der-bân Keykubâd u Kayser’i

  Nef'î · Divan

• Dem-i tahrîr-i eltâfında âlem

  Tufeyl-i hâme-i müşgîn-rakamdır

  Bâkî · Divan

• Zamîr-i cevher-i küll gibi sâf iz‘ânı

  Zülâl-i çeşme-i dil gibi pâk güftârı

  Nef'î · Divan

• Re’yi bir mertebet rûşen ki yazarken vasfın

  Şem‘a gâlib görünür şu‘le-i nevk-i aklâm

  Nef'î · Divan

• Şâhenşeh-i ferhunde-baht ârâyiş-i dîhim ü taht

  Bahtı kavî ikbâli İskender-i Yûsuf-şiyem

  Nef'î · Divan

• Her hayâlim bir arûs-ı naz-perverdir benim

  Kim bu âlemden değil esbâb-ı zîb ü zîveri

  Nef'î · Divan

• Nice kasîde ki her beyti bir kitâb-ı metîn

  Nice kitâb ki her fasl u bâb-ı şerh-i mütûn

  Nef'î · Divan

• Nâm ü nişâne kalmadı fasl-ı bahârdan

  Düştü çemende berg-i diraht i‘tibârdan

  Bâkî · Divan

• Vaktine mâlik olan dervîşdir sultân-ı vakt

  İzz ü câh-ı saltanat değmez cihân gavgâsına

  Bâkî · Divan

• Yüzüne sâyesi düşmüş bu anberîn saçının

  Nite ki ukde-i re’sin sevâdı aya düşer

  Ahmedî · Divan

• O nâ-bekâr-ı siyeh-bahtı var kıyâs eyle

  Ki hem hasûd ola zât-ı habîsi hem âmî

  Nef'î · Divan

• Harfidir mecmûa-i esrâr-ı dîvân-ı Kemâl

  Noktasıdır mühre-i dâg-ı derûn-ı Enverî

  Nef'î · Divan

• Sürdükçe hasma yek-tene bakmaz silâh u cevşene

  Yer kalmaz aslâ düşmâna illâ beyâbân-ı adem

  Nef'î · Divan

• Kûyuna gayrıları çekme rakîb-i har-tab‘

  Seyl-i eşkimle döner kadd-i dütâ dolâba

  Bâkî · Divan

• Sen eğer dâdımı dâd etmez isen seyreyle

  Ne keşâkeşte kalır kûşe-i dâmân-ı felek

  Nef'î · Divan

• Lutfeyle sâkî nâzı ko, mey sun ki kalmaz böyle bu

  Dolsun sürâhî vü sebû, boş durmasın peymâne hem

  Nef'î · Divan

• Rind-i hüşyârim harâbât-ı mahabbettir dilim

  Âşık-ı hercâîyim vahdet nişânıdır sözüm

  Nef'î · Divan

• Bir seng-dil firâkına ölen Necâtî’nin

  Billâhî mermer ile yapasız mezârını

  Necâtî · Divan

• Berk-ı hâtıf gibi bir demde ederdi onu tayy

  Olsa ger arsa-i pehnâ-yı felek meydânı

  Nef'î · Divan

• Nûr-ı mevvâc mâni‘ mi sözümde berk uran

  Ya libâsı nazmımın bir âteşîn hârâ mıdır

  Nef'î · Divan

• Sakın pervâne bâl ü per açıp şem‘e yakın olma

  Yanar dûşundaki ol şâl-ı kibrîtî emîn olma

  Şeyhülislâm Yahyâ · Divan

• Tâ ki ma‘nâ-yı latîf lûtf-ı renk-âmîz ile

  Rûzgârın bir dil-ârâ dâstânıdır sözüm

  Nef'î · Divan

• Bu çarh-ı çenberîde tutup devir usûlünü

  Deffâf-ı mihr kılmış idi çehresin nihân

  Bâkî · Divan

• Cihân-ârâ cihân içindedür arayı bilmezler

  O mâhîler ki deryâ içredir deryâyı bilmezler

  Hayâlî · Divan

• Devr-i gül erdi tâze cevândur cihân yine

  Sa‘y eyle ayş ü işrete ahd-i şebâbda

  Bâkî · Divan

• Eylesem her ne zemân fikre azîmet erişir

  Gûşuma zemzeme-i zeng berîd-i ilhâm

  Nef'î · Divan

• Hasûd münkir olur kısmet-i İlâhî’ye

  Sanır hemîşe sitem adl ü dâd kassâmı

  Nef'î · Divan

• Lebleri üzre gubâr-ı hatt-ı nev-hîzi değil

  Nâfe-i âhû-yı çeşminden dökülmüş müşg-i nâb

  Nef'î · Divan

• Ne feyz alır sifâl-i bâdeden pîr-i mugân

  Çekerdi reşkten kandîl ile Şeyhü’l-harem sahbâ

  Nef'î · Divan

• Âşinâ çıktım ise çeşmine kâfir değilim

  Sitem-i gamze-i nezzâre-şümârı çekemem

  Nef'î · Divan

• Kuş yetişmez der idim olmasa tayyâr eğer

  Eremez gerdine zîrâ ki ne sarsar ne sabâ

  Nef'î · Divan

• Gönül açılmaz erişmez derûna râhat-ı rûh

  Seherde lâle gibi içmeyince câm-ı sabûh

  Şeyhülislâm Yahyâ · Divan

• Benim ol nâdire gavvâs ki olsa ne kadar

  Bahr-i endîşe amîk-i dürr-i ma‘nâ güm-yâb

  Nef'î · Divan