Divan beyitleri, sayfa 3

Divan beyitleri, sayfa 3 / 15.

• Dîv-i buhlu hıtta-i cûdunda olmuş rahm için

  Keff-i destin âsmân u kilk-i zerrînin şihâb

  Nef'î · Divan

• Bâkî acûz-i dehre er olmaz zebûn olan

  Merdân-ı râh-ı ışk demezler ona recül

  Bâkî · Divan

• Yine Fir‘avn-ı şitâ ceyşine Mûsâ-mânend

  Eyledi elde asâsın bir ejder sünbül

  Bâkî · Divan

• Gül devri eyyâmıdır zevk u safâ hengâmıdır

  Âşıkların bayramıdır bu mevsim-i ferhunde-dem

  Nef'î · Divan

• Teşbîh edemem mâha kesâfet var içinde

  Kâmî (Edirneli...)

  Avnî · Divan

• Nâ-dân elinden alma eğer erse destine

  Şeh-bâz-ı âşiyâne-i devlet yeden-bi-yed

  Bâkî · Divan

• Şikeste bir sifâl olsun, nemiz var, sâgar-ı Cem’de

  Garaz bir neşve tahsil eylemekdir bezm-i âlemde

  Şeyhülislâm Yahyâ · Divan

• Tab‘-ı âyîne-i meşşata-i rûy-i âlem

  Fikr-i üstâd-ı kühen-sâl-i debistân-ı felek

  Nef'î · Divan

• İnsân odur ki âyîne-veş kalbi sâf ola

  Sînende neyler âdem isen kîne-i peleng

  Bâkî · Divan

• Vezîr-i şâh-ı cihân kim ne emr ederse olur

  Kazâ rızâyile fermân-ı hükmüne teslîm

  Nef'î · Divan

• Basît-i hâke bir garrâ bisât-ı nev salıp âzâr

  Girihler bağladı bâd-ı sabâ âb-ı revân üzre

  Bâkî · Divan

• Sînemde ne var ise gamın sildi süpürdü

  Pâk etti harîm-i dili cârûb-ı mahabbet

  Nef'î · Divan

• Benim o rind-i cihân kim yanımda yeksândır

  Nemed külâhı gedâ ile tâc-ı Efridûn

  Nef'î · Divan

• Böyle pîrâste vü bûkalemûn-hüsn olmaz

  Kendi gûyâ ki melek gamzeleri şu‘bede-bâz

  Nef'î · Divan

• Berg-i ezhârı hevâ şöyle çıkardı feleğe

  Pür kevâkib görünür günbed-i çarh-ı devvâr

  Bâkî · Divan

• Olmadı bâzgûn kadeh-i ser-nigûnumuz

  Hun-âb-ı hasret oldu mey-i la‘l-gûnumuz

  Nâbî · Divan

• Esti nesîm-i cân-fezâ canlandı erbâb-ı çemen

  Güller giyip gülgûn kabâ güldü açıldı nesteren

  Nef'î · Divan

• Tahkîk-i safâ gerçi budur lîk bu tahkîk

  Ber-vefk-i hevâ vü heves nev-hevesândır

  Nef'î · Divan

• Hak muntazamü’l-hâl ede devletle vücûdun

  Ol pâyede kim merci‘-i eşrâf-ı ümemdir

  Nef'î · Divan

• Bir hisse alagör nefehât-ı cemâlden

  Hakkın nesîm-i rahmeti leyl ü nehâr eser

  Şeyhülislâm Yahyâ · Divan

• Bileli kendimi ben gönlümü âşık buldum

  Bâr-ı gayrî ten-i bî-tâb ü tüvânım çekemez

  Nef'î · Divan

• Şâh-ı gül neşv ü nümâ bulsa nem lûtfundan

  Ola her gonce-i ter bülbül-i şîrîn-güftâr

  Bâkî · Divan

• Çektikçe çeşmi hışm ile şimşîr-i gamzesin

  Uşşâka dehşet-i gazab-ı Kahramân verir

  Nef'î · Divan

• Yahyâ harem-i aşka girerse ne ola bî-bâk

  Meftûhtur erbâb-ı dile bâb-ı mahabbet

  Şeyhülislâm Yahyâ · Divan

• Na‘t-i şahenşâh-ı evreng-i nübüvvet kim onun

  Feyz-i medhiyle dilin cân-ı cihânıdır sözüm

  Nef'î · Divan

• Bikr-i fikrim o kadar şûh-ı dil-ârâdır kim

  Reşk eder gamzesine Zühre-i fettân-ı felek

  Nef'î · Divan

• Bilirim aczini endîşemin ammâ nideyim

  Yenemem tab‘-ı heves-nâk u dil-i şeydâyı

  Nef'î · Divan

• Pür-nûr idi ziyâ-yı câm ile gece meclis

  Komamış idi hâcet şem‘e mey-i şebâne

  Şeyhülislâm Yahyâ · Divan

• Düşse çâh-ı zekana turre-i hûbân yeridir

  Eyledi fitneyi devrinde felek zindânı

  Nef'î · Divan

• Hikmet-i fikr ü hayâlin feylesof-i ekberi

  Nef'î

  Nef'î · Divan

• Her nigâh-ı nükte-âmîzinde rind-i aşk olan

  Hem itâb-ı renciş ü hem müjde-i ihsân bulur

  Nef'î · Divan

• Allah için ey âh dolaş zülfüne yârin

  Ol silsile-i aşkı dırâz etmeğe bâis

  Nef'î · Divan

• Sen pister-i nâz içre yatıp gül gibi her-dem

  Cem derdile bâlîn edine hârı sebeb ne

  Cem Sultan · Divan

• Dilleri bâr-ı sanevber gibi sad-pâre olur

  Tîğ-ı berrânı yâd eyledikçe a‘dâ

  Nef'î · Divan

• Sefer mübârek ola ey vezîr-i ferruh-dem

  Seninledir bile gam çekme evliyâ-yı ümem

  Nef'î · Divan

• Âb ü gil müşg ü gül-âb ola çemen sahnında

  Bûy-ı hulkiyle güzâr etse nesîm-i eshâr

  Bâkî · Divan

• Cilve-i şâhid-i nazmım o kadar nâziktir

  Ki komaz hâtır-ı endîşede sabr u ârâm

  Nef'î · Divan

• Kimisi bülbül-i nâlân-ı gül-i ârız-ı yâr

  Kimi pervâne-i şem‘-i ruh-i cânân ancak

  Bâkî · Divan

• Nice üstâd-ı sühan-güstere oldum gâlib

  Ki bulunmaz arasan her birinin akrânı

  Nef'î · Divan

• Cenâb-ı Hâfız-ı dîn Hazret-i Paşa’yı Ahmed-nâm

  Ki nâmın nakşeder erbâb-ı dil levh-i fuâd üzre

  Nef'î · Divan

• Sabâdan eyle hazer çıkma hâneden ey şem‘

  O düzd her gece bir nice şeb-külâh kapar

  Şeyhülislâm Yahyâ · Divan

• Andıkça bûy-ı hulkunu derdinle lâle-veş

  Olsun derûn-ı nâfe-i müşg-i Tâtâr târ

  Bâkî · Divan

• Eden her kârını mîzân-ı insâf ile sencîde

  Bu bâzâr-ı belâda sûd görmezse ziyân çekmez

  Sünbülzâde Vehbî · Divan

• Nef ‘îyim kimse benim gibi şetâret edemez

  Hîç bir kimsede dahi derd-i nihânım çekemez

  Nef'î · Divan

• Esrârını keşf eyleme tahsîl-i mizâc et

  Nûş eyle mey-i nâbı hakîmâne duyurma

  Bâkî · Divan

• Söz değil âb-ı revândır yazılan eş‘ârım

  Hâr-ı hasedtir onun üstünde hurûf u i‘râb

  Nef'î · Divan

• Şikenc-i turra-i müşgînine esîr oldu

  Belâya uğradı dil zülfüne belâ diyerek

  Şeyhülislâm Yahyâ · Divan

• Zîb ü fer vermek için rûy-ı arûs-ı çemene

  Yâsemen şâne, sabâ mâşıta, âb âyîne-dâr

  Bâkî · Divan

• Berk uran destinde tîğ-ı pür-güher midir yâhûd

  Eyledi deryâya gavta âf-tâb-ı hâverî

  Nef'î · Divan

• Kim helâk olmak mukarrer zannederdim kendimi

  Bulsa birkaç gün dahi eyyâm-ı hicrân imtidâd

  Nef'î · Divan

• Verziş-i âh ederek âh-ı mücessem oldum

  Çarha te’sîr ederim gönlüme te’sîr edemem

  Nef'î · Divan

• Bir şeb-i târîktir gûyâ sevâd-ı kâinât

  Tâb-ı nûr-ı kevkeb-i ikbâli bahtın mâhitâb

  Nef'î · Divan

• Sengten dil kem mi ya seng-i siyâhı la‘l eder

  Âf-tâb-ı feyz-bahşâ-yı bülend-ahter mi yok

  Şeyhülislâm Yahyâ · Divan

• Denilmez hüsn-i ta‘bîr-i beyânı

  Lisânü’l-gaybdur Allahü a‘lem

  Nef'î · Divan

• Hallâk-ı cihân kulluğa şâyestedir ancak

  Kendin gibi bir şahsa tabasbus ne belâdır

  Sünbülzâde Vehbî · Divan

• Şarâb-ı pendi gûş etmez ümîd-i akl u hûş etmez

  Esîr-i zülf-i müşgîninin olan dîvâne-i aşkın

  Şeyhülislâm Yahyâ · Divan

• Bâkî nice bir fâhte-veş bâğ-ı belâda

  Nâlân olam ol serv-i hırâmânın elinden

  Bâkî · Divan

• Verd-i ra‘nâ bezmi germâ-germ edip gül-zârda

  Tutsa elde âteşîn bâdeyle câm-ı zer-nigâr

  Şeyhülislâm Yahyâ · Divan

• Lûtfeyle sâkî nâzı ko, mey sun ki kalmaz böyle bu

  Dolsun surâhî vü sebû, boş durmasın peymâne hem

  Nef'î · Divan

• Burc-ı devlettir eli eylese peydâ ne aceb

  Hey’et-i mâh-ı nev ü sûret ahter-i hâtem

  Bâkî · Divan

• Rûzgâr-ı ihsân mı bilmiş benim ya bilmemiş

  Âleme feyz-i hayât-ı câvidânîdir sözüm

  Nef'î · Divan

• Vasfı tahsîn iledir gerdişinin cümle hemân

  Var mı yoksa tek ü tâz eyler iken onu gören

  Nef'î · Divan

• Nâvek-i fikrim eder tîr-i kazâ gibi güzer

  Olsa pûlâd-ı Dımışkî’den eğer heft ecrâm

  Nef'î · Divan

• Bahâr erdi yine bâğa döşendi nat‘-i jengârî

  Yine sultân gül etti müşerref taht-ı gül-zârı

  Nef'î · Divan

• Dûdlar çıktı yanıp reşk-i ruhun nârına bâğ

  Câ-be-câ sanma çemende görünenler sünbül

  Bâkî · Divan

• Günâhı tevbe etmez şüst ü şû eşk-i nedâmetsiz

  Belî germiyyet-i âb iledir tesiri sabunun

  Nâbî · Divan

• Ol Hudâvend-i sühan-ver kim sözün fehmeylemez

  Bulsa ruhsat meclis-i hâsına akl-ı müstefâd

  Nef'î · Divan

• Kafa-dâr oldular şîr ü peleng âhûya sahrâda

  Ederler şol kadar şimdi riâyet hakk-ı cîrânı

  Bâkî · Divan

• Bî-nihayet lûtfuna lâyık edâ mümkin değil

  Gerçi ma‘nâ hâtıra bî-hadd ü bî-pâyân gelir

  Bâkî · Divan

• Penâh-ı ehl-i hüner dâver-i huceste-nihâd

  Mürebbî-i füzelâ âsaf-ı sütûde-şîm

  Nef'î · Divan

• Tutsa dünyâyı ne ola şöhret-i lûtf u keremin

  Etmede mekremetin âleme îsâr-ı merâm

  Nef'î · Divan

• Belâlardan emîn olsun cihânda

  İlâhî izzetin hakkıyçün âmîn

  Bâkî · Divan

• Bezmde dil-ber yakar sîne-i ağyâre dâg

  Bilmez onun her biri dâg-ı derûndur bana

  Şeyhülislâm Yahyâ · Divan

• Nükhet-i nâfe-güşâ-yı çemen hulkunu ger

  Etseler gâliye-sayân-ı bahâr istişmâm

  Nef'î · Divan

• Bahâr erdi yine düştü letâfet gül-istân üzre

  Yine oldu zemînin lutfu gâlib âsmân üzre

  Nef'î · Divan

• Olsak ne ola Nef ‘î gibi rüsvâ-yı dü-âlem

  Hem âşık u hem şâir ü hem bâde-perestiz

  Nef'î · Divan

• Her gedâ-tab‘ anlamaz âyîn-i Cem’dir bezm-i mey

  Bunda bir şâh-âne tavr u özge âlem var

  Bâkî · Divan

• Binâ-yı ışka tûfân-ı havâdis kâr-ger olmaz

  Esâsın gûyiyâ bennâ-yı kudret kârgîr etti

  Bâkî · Divan

• Kim çıkar başa ser-i zülf-i girih-gîrinle

  Yine ol silsile cevrin dil-i dîvâne çeker

  Bâkî · Divan

• Hamîde kadlerine rişte-i eşki takıp bunlar

  Atarlar tîr-i maksûdu nedendir yayı bilmezler

  Hayâlî · Divan

• Reftâr-ı germi hande-i nerm ile kıl ki tâ

  Ömrüm geçe ferahla geçer çün şitâb ile

  Nef'î · Divan

• Getir câm-ı sürûr-encâmı diller şâd-kâm olsun

  Tamâm etti bizi gam sâkiyâ gam da tamâm olsun

  Şeyhülislâm Yahyâ · Divan

• Ser-fürû etmez idi pâyına yüz sürmek için

  Olsa isyâna aşkta kudret ü imkân felek

  Nef'î · Divan

• Cihânı câm-ı nazmım şi‘r-i Bâkî gibi devr eyler

  Bu bezmin şimdi biz de Câmî-i devrânıyız cânâ

  Fuzûlî · Divan

• Cezbe-i hüsne nice tâkat getirsin ehl-i aşk

  Bir nigâh-ı germe döymez bin cihân sabr u şekîb

  Nef'î · Divan

• İlm-i vahdette sebak-daşı imâm-ı evliyâ

  Hikmet-i ma‘nîde şâkird-i hakîmi Gaznevî

  Nef'î · Divan

• Ol şeh-süvâr-ı mülk-i saâdet ki rahşine

  Cevlân deminde arsa-i âlem gelirdi teng

  Bâkî · Divan

• Her hamlede hücûm-ı dilîrân-ı nîze-dâr

  Hayl adûya ol kadar âfet-resân olur

  Nef'î · Divan

• Dil gamzen ile turrana pek uydu ulaştı

  Hak saklaya kim olmaya magzûb-ı mahabbet

  Nef'î · Divan

• Arsa-i medh ü senânın haddi yok pâyânı yok

  Peyk-i endîşe aceb mi olsa bî-tâb u tüvân

  Nef'î · Divan

• Felek fîrûzeden bir taht-ı âlî kurdu şâh-âne

  Ona bir âh dîbâ perde çekti subh-ı nûrânî

  Nef'î · Divan

• Leb-i şîrîni vasfında aceb rengîn gazel düştü

  Okun bu şi‘ri tûtî-i şeker-güftâra eğlensin

  Bâkî · Divan

• Bir dile Yahyâ dokunsa pertev-i feyz-i Hudâ

  Zerre-i nâ-çîz iken hûrşîd-i âlem-tâb olur

  Şeyhülislâm Yahyâ · Divan

• Bâkî ölsün yoluna pâdişehim sen sağ ol

  Baht pâyende Hudâ yâr u saâdet bâkî

  Bâkî · Divan

• Çemen etfâlinin uykuların uçurdu yine

  Subh-dem gulgule-i fâhte gül-bâng-ı hezâr

  Bâkî · Divan

• İnsân odur ki âyîne-veş kalbi sâf ola

  Sînende neyler âdem isen kîne-i pelenk

  Bâkî · Divan

• Tîrine Yahyâ nişân eylerse olma münharif

  Göz ucuyla yârdan yetmez mi bir kerre nigâh

  Şeyhülislâm Yahyâ · Divan

• Dil bir içim su istedi çeşme-i la‘l-i yârdan

  Âb-ı zülâl-i hançerin gösterip işte mâ’ dedi

  Bâkî · Divan

• Destimde câm görse benim ser-nigûn eder

  Nâ-dâna sâgar istese rıtl-ı girân verir

  Nef'î · Divan

• Vezîr-i nükte-dân düstûr-ı ehl-i ilm ü sâhib-dil

  Ki gâlibtir zekâda fikri akl-ı müstefâd üzre

  Nef'î · Divan

• Bu güm-rehin oldu dest-gîri

  Öğretti Sühan’a tarz-ı pîri

  Şeyh Galib · Divan

• Har diyemem belki sitemdir hara

  Fazla-i haşv-i şikem-i rûzgâr

  Nef'î · Divan

• Nisâr-ı Şâh’a lâyık mümkin olsa bir güher bulmak

  Kazardım tîşe-i endîşe birle kân-ı imkânı

  Bâkî · Divan

• Vezn-i eş‘ârı terâzûlere vaz‘ etmişler

  Tartılır şimdi dükkânlarda mukaffâ-yı sühan

  Sünbülzâde Vehbî · Divan

• Sevâdında fürûğ-ı nûr-ı vahdet

  Hurûfunda havâss-ı İsm-i A‘zam

  Nef'î · Divan

• Cân la‘lin eyler ârzû yâr içmek ister kanımı

  Yâ Rab ne vâdidir bu kim cân teşne cânân teşnedir

  Bâkî · Divan

• Silk-i nazma ol kadar çektim dürr-i sîr-âbı kim

  Tâb-ı endîşeyle ettim bahr-i ma‘nâyı serâb

  Nef'î · Divan

• Dokunupdur bâde-i gülgûna çeşm-i rûzgâr

  Sâgar üzre sanmanuz peydâ olur yer yer habâb

  Bâkî · Divan

• Dahl eden de sözüme bârî bir üstâd olsa

  Söyledikçe benî ma‘kûlle kılsa ilzâm

  Nef'î · Divan

• Cehende-âteş-i bâla-devân derdim eğer âteş

  Zemînden ok gibi pertâb edeydi evc-i a‘lâya

  Nef'î · Divan

• Mevc urur sanman çemen sayyâd-ı bâd-ı nev-bahâr

  Subh-dem ayş u safâ mürgini avlar dâm ile

  Şeyhülislâm Yahyâ · Divan

• Bâkî-i haste-hâtırı inletme dostum

  Makbûl olur duâsı sakın mübtelâların

  Bâkî · Divan

• Olsa ger tab‘-ı nebâtâta mürebbî gazabın

  Gürbe-i bîd ola bâzû-şiken-i şîr-i ücem

  Nef'î · Divan

• Zahm-ı sînemden okun pârelerin hep alma

  Dursun Allah’ı seversen hele bir pâre meded

  Bâkî · Divan

• Berk-ı mahz iken direnk etse bilinmez peykeri

  Rahş-ı çâbük-pâ mıdır ya kûh ya bir câ mıdır

  Nef'î · Divan

• Yok bâde için minnetimiz pîr-i mugâna

  Sâkî-i mey-i vahdet ile dest-be-destiz

  Nef'î · Divan

• Tenezzül eylemem inşâya eylesem yoksa

  Müsebbihân-ı felek vird ederdi inşâmı

  Nef'î · Divan

• Bâkî şafakda mihr-i münevver sanır gören

  Aks-i izâr-ı sâkîyi câm-ı şarâbda

  Bâkî · Divan

• Bu da‘vâmı benim inkâr eder yoktur ahâlide

  Hasûd-ı nâ-be-kârı neyleyim söz anlamaz hardır

  Nef'î · Divan

• Merd-i meydân-ı hüner merdüm-i pâkîze-güher

  Müddeâ-bahş-ı zafer-ı saff-şiken arsa-i cenk

  Nef'î · Divan