Divan beyitleri, sayfa 13

Divan beyitleri, sayfa 13 / 15.

• Yüz yire kodu lutf ile gül-berg-i ter gibi

  Sandûka saldı hâzin-i devrân güher gibi

  Bâkî · Divan

• Ta‘bîr edemem çektiğim âlâmı felekten

  Zîrâ ki onun zikri de bir gûne elemdir

  Nef'î · Divan

• Zemân-ı işret fevt etmek olmaz fırsat eldeyken

  Hemîşe meclis âmâde hemîşe elde câm olmaz

  Şeyhülislâm Yahyâ · Divan

• Edeli seyl-i hücûmun hâne-i zühdi harâb

  Tövbenin bünyâdını hâtırda muhkem bulmadım

  Nef'î · Divan

• Bâkiyâ şâhid-i maksûd olur çehre-nümâ

  Sâf ü pâk âyîne-i dilde gubâr olmayıcak

  Bâkî · Divan

• Ey Hayâlî şâh-ı gerdûn der-gehinde zerre-vâr

  Âfitâb-ı âlem-ârâ gibi şöhret bekleriz

  Hayâlî · Divan

• Dem-i İsî gibi enfâs-ı hayât-efzâsı

  Ede bir nutk-ı revân-bahşile ihyâ-yı sühan

  Sünbülzâde Vehbî · Divan

• Ser-i kûyunda ger gavgâ-yı uşşâk olmasın dersen

  Rakîb-i kâfiri öldür ne ceng ü ne cidâl olsun

  Bâkî · Divan

• Câm la‘lindir senin âyîne rûy-ı enverin

  Adı var câm-ı Cem ü âyîne-i İskender’in

  Bâkî · Divan

• Semûm-ı herc-i yârin ehl-i aşka ettiğin etmez

  Hevâ olsa cehennem âteşi nâr-ı cahîm esse

  Şeyhülislâm Yahyâ · Divan

• Bâkî şafakda mihr-i münvver sanır gören

  Aks-i izâr-ı sâkîyi câm-ı şarâbda

  Bâkî · Divan

• Gün doğdu şâh-ı âlem uyanmaz mı hâbtan

  Kılmaz mı cilve hayme-i gerdûn-cenâbtan

  Bâkî · Divan

• Tûtiyâdan toprağın vakt ola tercîh edeler

  Rindler sâgar düzüp zühhâd tesbîh edeler

  Şeyhülislâm Yahyâ · Divan

• Ne mazmûnlar ne vâdîler bulur seyr eylesek Nef ‘î

  Yine bir tarz-ı hâs u tâze îcâd ettiğin görsek

  Nef'î · Divan

• Keyf-i cân-bahşın ki cism ü câna râhat bundadır

  Hikmetin inkâr eder vâiz hamâkat bundadır

  Nef'î · Divan

• Olurdu vâdî-i Eymen gül-istân-ı Halîlullah

  Alevlendirse ger âh-ı derûnum âteş-i Tûr’u

  Nef'î · Divan

• Bir gül-istândır hayâlim dil şüküfte bülbülü

  Ol gül-istânın latîf âb-ı revânıdır sözüm

  Nef'î · Divan

• Bir yerde ki ârâma bu mikdâr ola mühlet

  Erbâbı nice kesb-i kemâl ü hüner eyler

  Nef'î · Divan

• Mübârek ola saâdetle şâh-ı devrâna

  Bu iştihâr-ı bülend ü bu rütbe-i sâmî

  Nef'î · Divan

• Ben gerçi bir bî-hâsılım şâkird-i ders-i müşkilem

  Hem mekteb-i ehl-i dilim halk olmadan levh ü kalem

  Fuzûlî · Divan

• Cür‘ana vermezdi cân her âşık-ı efsürde-dil

  Olmasan tâb-efgen-i her hâtır-ı bî-tâb u teng

  Nef'î · Divan

• Mihr salmazsan bana rahm eylemezsen bunca kim

  Sâye teg sevdâ-yı zülfün pây-mâl eyler beni

  Fuzûlî · Divan

• Hıtâdan çîn-i târ-ı müşg-bârın sakınır gûyâ

  Hemîşe ser-be-zânûdur gönül ol zülf-i pür-hamda

  Şeyhülislâm Yahyâ · Divan

• Hayret ey büt sûretin gördükte lâl eyler beni

  Sûret-i hâlim gören sûret hayâl eyler beni

  Fuzûlî · Divan

• Subh-ı rûşen mi şu‘â‘-i mihr-i âlem-tâb ile

  Ya sarây-ı devletinde perde-i dîbâ mıdır

  Nef'î · Divan

• Gamzen suâle başlasa uşşaka her müjen

  Gûyâ lisân-ı hâlle bir tercemân olur

  Nef'î · Divan

• Eşcâr-ı bâğ hırka-i tecrîde girdiler

  Bâd-ı hazân çemende el aldı çenârdan

  Bâkî · Divan

• Mülk-i ma‘nâda biraz kûşiş edip kullansan

  Eylesen bendene serdâr-ı dilîrân-ı sühan

  Nef'î · Divan

• Vermez feleğin devr-i çeb-endâzına hükmü

  Kor hikmeti, teslîmi kazâ vü kader eyler

  Nef'î · Divan

• Levh-i Mahfûz-ı sühandır dil-i pâk-i Nef ‘î

  Tab‘-ı yârân gibi dükkânçe-i sahhâf değil

  Nef'î · Divan

• Cân acısını haste-i derd-i firâk olup

  Dil-dâde-i nigâr-ı sitem-gâr olan bilir

  Bâkî · Divan

• Âh dursun hele şemşîr-i zebân çeksem eğer

  Ne çeker ben bilirim hep dil-i tersân-ı felek

  Nef'î · Divan

• Mey âteş-i seyyâledir mînâ kadehle lâledir

  Ya gonce-i pür-jâledir açmış nesîm-i subh-dem

  Nef'î · Divan

• Tîğına ne ola yemîn eylerse rûh-ı Murtazâ

  Bir gazâ ettin ki hoşnûd eyledin peygam-beri

  Nef'î · Divan

• Tîğine ne ola yemîn eylerse rûh-ı Murtazâ

  Bir gazâ ettin ki hoşnûd eyledin peygam-beri

  Nef'î · Divan

• Serîr-i devletine âsümân serâ-perde

  Serây-ı haşmetine lâ-mekân fezâ-yı harîm

  Nef'î · Divan

• Bu mahalde aceb evsâfına çespân görünür

  Ne ola bu beytini Bâkî’nin edersem tazmîn

  Nef'î · Divan

• Akla mağrûr olma Eflâtûn-ı vakt olsan dahi

  Bir edîb-i kâmili gördükte tıfl-ı mekteb ol

  Nef'î · Divan

• Olursa tîğ-ı firâkıyla şerha şerha tenim

  Nigâra derd-i derûnum olup-durur meşrûh

  Şeyhülislâm Yahyâ · Divan

• Tab‘ım arûs-ı ma‘nîye meşşâtalık eder

  Endîşem âyîne kalemim sürme-dân verir

  Nef'î · Divan

• Düşmân-ı erbâb-ı dil bir nice har-tab‘ u leîm

  Kim sitemde her biri nâib-menâb-ı rûzigâr

  Nef'î · Divan

• Eb ü ceddiyle tefâhür eden ebced-hânın

  Ehil olan redd ü kabûlüne verir mi ahkâm

  Nef'î · Divan

• Tenhâ gidelim seyre demiş, emr o şâhın

  Yahyâ burada hâtır-ı yârâna bakılmaz

  Şeyhülislâm Yahyâ · Divan

• Şeref vermez dürr ü gevher kemâl olmaz zer ü zîver

  Hüner kesbet hüner, bahr-i fazîlet, kân-ı irfân ol

  Bâkî · Divan

• Her kârda âkıl gözetir semt-i sühûlet

  Engüşt-i hıred ukde-i düşvâra yapışmaz

  Nef'î · Divan

• Yok aczi yine tab‘ımın endîşeden aslâ

  Gerçi sitem-i çarhla bî-tâb u tüvândır

  Nef'î · Divan

• Esti nesîm-i nev-bahâr açıldı güller subh-dem

  Açsın bizim de gönlümüz sâkî meded sun câm-ı Cem

  Nef'î · Divan

• Üftâdeler şikeste vü mecrûh ü pây-mâl

  Hûbân semend-i nâza binip tek ü tâzda

  Bâkî · Divan

• Kelâm-ı Hakk’ı işitse hücûm eder cühelâ

  Nişân-ı seng-i münâfık olursa ta(n) mı Bilâl

  Bâkî · Divan

• El safâ câmını aldıkça ele reşkile ben

  Hûn-ı dil nûş ederim bâde-i gül-gûna bedel

  Nef'î · Divan

• Varsa ger nükhet-i hulkıyle sabâ gül-zâre

  Lâlede sünbül ü gül gibi olurdu bûyâ

  Nef'î · Divan

• Bikr-i fikrim o kadar şûh-ı dil-ârâdır kim

  Reşkeder gamzesine Zühre-i fettân-ı felek

  Nef'î · Divan

• Gerçi cânândan dil-i şeydâ için kâm isterem

  Sorsa cânân bilmezem kâm-ı dil-i şeydâ nedir

  Fuzûlî · Divan

• Kim tatlı sohbetinde gözetmesze hakk-ı nân

  Acıya vü ezile nitekim suda nemek

  Şeyhî · Divan

• Gül-şen-i ma‘nîye feyz-i nefesim bâd-ı bahâr

  Çemenistân-ı hayâle kalemim ebr-i matîr

  Nef'î · Divan

• Ya‘nî kim endîşe-sencân-ı cihânın dâimâ

  Hem sarîr-i kilki hem vird-i zebânıdır sözüm

  Nef'î · Divan

• Esmedi bâd hem doğmadı hûrşîd-i kerem

  Kaldı pejmürde vü efsürde gül-istân-ı emel

  Nef'î · Divan

• Hemân oldur niyâzım senden ey Keyhüsrev-i sânî

  Ki gûş-ı hûşa mengûş eyle dürr-i pend-i pîrânı

  Bâğdatlı Rûhî · Divan

• Görüp bûselik mürvârîd pür-tâbı hicâbından

  Acebdir hâke salmazsa felek ıkd-ı Süreyyâ’yı

  Nef'î · Divan

• Hudâvendâ bana şimdi peyâmı geldi gerdûnun

  Demiş kim ey çerâg-ı dûdmân-ı nükte-pîrâyî

  Koca Râgıb Paşa · Divan

• Bilirim aczini endîşemin ammâ ne ideyim

  Yenemem tab‘-ı heves-nâk u dil-i şeydâyı

  Nef'î · Divan

• Kim bu nizâmı vermedi âlem sarâyına

  İllâ ki yümn-i devlet şâh-ı cihân-sitân

  Bâkî · Divan

• Ger derdimiz bilinse hisâb u kitâb ile

  Nef'î · Divan

• Gelir mihmân-ı gam câna şeb-i mihnet hücûm eyler

  Gönül zenbûr-veş inler ne bâl eyler ne mûm eyler

  Şeyhülislâm Yahyâ · Divan

• Câm-ı şarâbı içmez elinde tutar durur

  Işkın meyinden oldu meğer bî-mecâl gül

  Bâkî · Divan

• Esmedi bâd-ı himem doğmadı hûrşîd-i kerem

  Kaldı pejmürde vü efsürde gül-istân-ı emel

  Nef'î · Divan

• Ârzû-yı vasl ile şeb-zinde-dâr olduklarım

  Girye-i hasretle çeşm-i intizârım söylesin

  Nâbî · Divan

• Tavâf-ı Kâ'be-i kûyun be-kavl-i Bâkî-i merhûm

  Derûn-ı dilde niyyet-i âb-ı zemzemden musaffâdır

  Bâkî · Divan

• Güft ü gûy-ı dili bilmez görünür gamzeleri

  Şîvede her nigehi sâhir-i ma‘nî-perdâz

  Nef'î · Divan

• Âvâzeyi bu âleme Dâvûd gibi sal

  Bâkî kalan bu kubbede bir hôş-sadâ imiş

  Bâkî · Divan

• Döşedi yine çemen nat‘-ı zümürrüd-fâmın

  Sîm-i hâm olmuş iken ferş-i harîm-i gül-zâr

  Bâkî · Divan

• Levh-i Mahfûz-ı sühendir dil-i pâk-i Nef ‘î

  Tab‘-ı yârân gibi dükkânçe-i sahhâf değil

  Nef'î · Divan

• Vasf-ı kaddinle hırâm etse alem gibi kalem

  Leşker-i satrı çeker defter ü dîvân saf saf

  Bâkî · Divan

• Eb ü cedd ile tefâhür eden ebced-hânın

  Ehil olan redd ü kabûlüne verir mi ahkâm

  Nef'î · Divan

• Lerzende görse havfin ile teb tutar sanur

  Bağlar şihâb-ı gerden-i gerdûna rîsmân

  Bâkî · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Güneşin zerre kadar kadrine noksân gelmez

  Eylese nûr-ı cihân-tâbını huffâş inkâr

  Bâkî · Divan

• Gösterdi yine sâkî-i meclis Yed-i beyzâ

  Zerrîn kadehi etti elinde gül-i hamrâ

  Şeyhülislâm Yahyâ · Divan

• Vere zimâm-ı umûru kef-i kifâyetine

  Bir ehl-i mekremetin kim ede bu fırkayı şâd

  Nef'î · Divan

• Sadâ-yı zeng-i şâhînden gelir kebk-i derî raksa

  Zemân-ı adl ü insâfı acep devr-i tarab-zâdır

  Nef'î · Divan

• Bir gözü bîmârın ey Yahyâ teb-i hicrânıdır

  Pister-i gamda dil-i pür-ıztırâbı inleten

  Şeyhülislâm Yahyâ · Divan

• Âşıka nâlesi eğlence yeter ey Nef ‘î

  Nağme-i dil-keş için minnet-i bülbül ne belâ

  Nef'î · Divan

• Ruhsâr-ı arak-rîzi yeter yakmağa yârin

  Ne eyler reşehât ile gül-istân elimizde

  Nef'î · Divan

• Mübtelâ oldu gönül câm-ı şarâb-ı nâba

  Âh kim zevrak-ı dil düşdü yine girdâba

  Bâkî · Divan

• Câme-i zîbâ ile tâvûs-ı zerrîn-bâldir

  Dil-rübâ kim eyler ol reftâr ile cevlân-ı îd

  Bâkî · Divan

• Subh-dem ey fâhte bî-hûde efgân eyleme

  Çün girersin her gece bir serv-i bâlâ koynuna

  Bâkî · Divan

• Zîb erkân, zîver dîvân, vezîr-i şehen-şân

  Sâhib-i lutf-ı firâvân, mâlik-i re’y-i rezîn

  Nef'î · Divan

• Sensin o saff-şiken kim yazılsa menâkıbın

  Her muhtasar rivâyeti bir dâsitân olur

  Nef'î · Divan

• Âr eder almağa cengâline nesr-i feleği

  Sayd için eylese şeh-bâz-i hayâlim pervâz

  Nef'î · Divan

• Sâye-i cehlinde nâ-dân dâimâ âsûde-hâl

  Cây-ı râhat bulamaz dânâ çeker renc ü ta‘ab

  Şeyhülislâm Yahyâ · Divan

• Yazsa vasf-ı nükhet-i hulkun verirdi âleme

  Gerd-i hâk-pây-ı hâme bûy-ı müşg-i ezferi

  Nef'î · Divan

• Terk edeli mey ü mahbûb hevâsın Bâkî

  Cânda sabr u dil-i âvârede ârâm olsa

  Bâkî · Divan

• Bed-nihâd, ehl-i dili âzâra lâzım mı sebeb

  Bülbül-i şeydâya zahm urmakda var mı hâre haz

  Şeyhülislâm Yahyâ · Divan

• Âlem-i ma‘nâyı eyler pür-tezelzül çünbişi

  Râiz-i tab‘ım edince rahş-ı fikri zîr-i zîn

  Nef'î · Divan

• Vefâ tohmu ekillmez mi bu âlem kişt-zârında

  Safâlar kesb olunmaz mı ferahlar hâsıl olmaz mı

  Şeyhülislâm Yahyâ · Divan

• Devrân ne bilir kadr-i dürr-i nazmımı zîrâ

  Ol devr edeli münkir erbâb-ı beyândır

  Nef'î · Divan

• Bir tîğ-ı zer-nişânla girmişti arsaya

  Şemşîr-bâz-ı ma‘reke-i sahn-ı âsumân

  Bâkî · Divan

• Gevher-i güftârının kân-ı müşterî-i müflisi

  Kûçe-i esrârının hûrşîd-i düzd-i şeb-revi

  Nef'î · Divan

• Mestân-ı harâbâta salâdır ne dururlar

  Zühhâda takallüb edecek dem bu zemândır

  Nef'î · Divan

• Merhabâ ey yâdigâr-ı meclis-i devrân-ı Cem

  Âb-rûy-ı devlet-i Cemşîd ü âyîn-i Peşeng

  Nef'î · Divan

• Dil-i şikeste ile zülf-i yâr bir yere gelse

  Bir iki şifte-i rûzgâr bir yere gelse

  Nâbî · Divan

• Hemân oldur niyâzım senden ey Keyhüsrev-i sânî

  Ki gûş-ı hûşa mengûş eyle dürr-i pend-i pîrânı

  Bâkî · Divan

• Narhı altmışlığa indi hele târihlerin

  Pek ucuzlandı bu bâzârda kâlâ-yı sühan

  Sünbülzâde Vehbî · Divan

• Mükedder kılmasın gerd-i küdûret çeşme-i cânı

  Bilirsin âb-ı rûy-ı mülket-i Osmânîyiz cânâ

  Bâkî · Divan

• Bu mahalde acep evsâfına çespân görünür

  Ne ola bu beytini Bâkî’nin edersem tazmîn

  Nef'î · Divan

• Yek-sân ise yanında seven sevmeyen seni

  Hûbâna bu muâmeleden çok zemân olur

  Nef'î · Divan

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Ya erem kaddine Yahyâ yâhûd olam pây-mâl

  Ya terakkî ya tenezzül ikiden hâlî değil

  Şeyhülislâm Yahyâ · Divan

• Dâne-i hâline bak cennet ruhsârında

  Nice sabr eylesin Allah’ı seversen adam

  Bâkî · Divan

• Menzil-i ayş ü tarab hurrem ü âbâd olsun

  Yakalım zerk u riyâ deyrini vîrân edelim

  Bâkî · Divan

• Eflâk değil kat kat olup eden ihâta

  Zehr iledolu mâr-ı ham-ender-ham imiş bu

  Nef'î · Divan

• Hırka vü tâc ile zâhid kerem et sıkleti ko

  Âdeme cübbe vü destâr kerâmet mi verir

  Şeyhülislâm Yahyâ · Divan

• Rûy-ı pâk-i enverin gördükçe rûh-ı Enverî

  Medh-i Sencer’den utanmaz mı bakıp dîvânına

  Avnî · Divan

• Nergisin düşmez idi câm-ı zeri destinden

  Bulsa ger feyz-i nem-i cûdu ile neşv ü nemâ

  Nef'î · Divan

• Lâle-haddler kıldılar gül-geşt-i sahrâ semt semt

  Bâğ ü râğı gezdiler edip temâşâ semt semt

  Bâkî · Divan

• Bû Hanîfe-şiyem ol şeyh-i efâzıl ki olur

  Bû Alî medrese-i hikmet ü fazlında mu‘îd

  Nef'î · Divan

• Bana teklîf-i zühd etmezdi idrâk olsa zâhidde

  Yazıklar kim onu âkıl beni dîvâne yazmışlar

  Nef'î · Divan

• Kûy-ı belâda her biriniz bir mekân tutun

  Bâki

  Bâkî · Divan

• Hatâ ile rakîbe atma lutf et hâtırım gözle

  Hadeng-i cân-sitânın eylemez çünkim hatâ cânâ

  Şeyhülislâm Yahyâ · Divan

• Her nâ-mahalle ruhsat-ı nezzâre ya neden

  Bir gün demez misin ki mahallinde kan olur

  Nef'î · Divan