Divan beyitleri, sayfa 12

Divan beyitleri, sayfa 12 / 15.

• Söz müdür ol ki çep ü râst düşe bir mazmûnu

  Nice ma‘nâ-yı dürüstün boza bir lafz-ı sakîm

  Nef'î · Divan

• Şi‘r-i Bâkî seb‘a-i iklîme oldukça revân

  Okunursa yeridir bu nazm-ı garrâ semt semt

  Bâkî · Divan

• Temâşâ bunda kim fasl-ı bahâr eyyâm-ı îd oldu

  Dahi künc-i riyâzâtta tutarlar ehl-i dil rûze

  Bâkî · Divan

• Hep görenler dedi bu tarz-ı nev‘i ey Yahyâ

  Ma‘rifet nahli veriptir yine bâr-ı tâze

  Şeyhülislâm Yahyâ · Divan

• İnkâr etme sûfî şarâbın menâfi‘in

  Üstâd-ı hikmet öyle buyurmuş kitâbda

  Bâkî · Divan

• Dîn ü devlet böyle revnak mı bulurdu olmasa

  Reşh-i kilk ü berk-ı tîğ âb u tâb-ı rûzgâr

  Nef'î · Divan

• Berk-ı tîğın ten-i a‘dâda eder cevşeni âb

  Döner üstünde habâba ser-i bî-sâmânı

  Nef'î · Divan

• Ne vücûd-ı bî-nazîrin gibi bir memdûh olur

  Ne benim gibi senâ-kâra felek akrân bulur

  Nef'î · Divan

• Mültecâ-yı vüzerâ sadr-ı kibâr-ı ulemâ

  Kâm-kâr-ı fuzalâ fahr-i mevâlî-i izâm

  Nef'î · Divan

• Sabra tâkat mı kor âh etmemeğe dillerde

  O girişme o hırâm ol nigeh-i sabr-güdâz

  Nef'î · Divan

• Gerçi merhemdir nigâh-ı lutfu yârin yarana

  Sanma ammâ zahm-ı tîğ-i gamze-i câdû biter

  Şeyhülislâm Yahyâ · Divan

• Bülbül şetâreti gül-i handânı güldürür

  Taklîd-i zâğ kebk-i hırâmânı güldürür

  Şeyhülislâm Yahyâ · Divan

• Bu adâletle bu ikbâl-i bülend ile sana

  İ‘tikadım bu ki hîç olmaya bir feth-i asîr

  Nef'î · Divan

• Leşker-i ebr çemen mülküne akın saldı

  Durma yağmâda yine nite ki bâğî Tatar

  Bâkî · Divan

• Yahyâ dil-i fakîri yakan eylesin hazer

  Âhı yili eserse eğer pür-şerâr eser

  Şeyhülislâm Yahyâ · Divan

• Ne ola olsa muztarib hâl-i dil-i uşşâkdan

  Sînesi âyîne-i âlem-nümâdır neylesin

  Nef'î · Divan

• Eb ü cedd-ile tefâhür eden ebced-hânın

  Ehil olan redd ü kabûlüne verir mi ahkâm

  Nef'î · Divan

• Sebz ü hurrem bir fezâ mı her kenâr-ı cûy-bâr

  Ya miyân-ı cûda aks-i günbed-i hazrâ mıdır

  Nef'î · Divan

• Sipihr-i ma‘deletin mâh u âfitâb eseri

  Riyâz-ı mekremetin serv-i sidre agsânı

  Nef'î · Divan

• Her ne emre iştigâl etsen saâdetle ola

  Avn-i Rabbânî zahîr ü lutf-ı Yezdânî muîn

  Nef'î · Divan

• Rişte-i mûy-ı dil-bere dolaşan

  Beste-i bend-i zülf ü kâkül olur

  Bâkî · Divan

• Sipihr-i izz ü câha âfitâb zerre-perverdir

  Serîr-i adl ü dâda dâver-i dîn-dâr u dânâdır

  Nef'î · Divan

• Medh ü senâ-yı hazret-i Sultân Murâd ile

  Şâyeste-i merâsim-i i‘zâzdır sözüm

  Nef'î · Divan

• Çehre gül sîne semen çeşm-i mükahhal nergis

  Hat çemen gonca dehen ca‘d-i muanber sünbül

  Bâkî · Divan

• Sunar der-gâhına kim varsa bir câm-ı hayât-efzâ

  Aceb devletlüdür pîr-i mugân mebzûldür hayrı

  Şeyhülislâm Yahyâ · Divan

• Feyz-bahş olsa cemâdâta ger isti‘dâdı

  Tartılır cevher-i mâhiyeti insân ile seng

  Nef'î · Divan

• Gulgul-ı kûs-ı zafer tuttu cihânı o kadar

  Cünd ü ervâh u melek birbirin etti tebşîr

  Nef'î · Divan

• Bahş eyledim Îran’ı ben hâl-i ruh-ı cânâneye

  Şîrâz u Keşmîr ü Hoten olsun fedâ bir dâneye

  Sünbülzâde Vehbî · Divan

• Şekl-i izâr-ı yâr gibi nakş-ı dil-firîb

  Levh-i zamîre yazmadı sûret-ger-i hayâl

  Bâkî · Divan

• Yine endîşe bilir kadr-i dür-i güftârım

  Rûzgâr ise denî dehr ise sarrâf değil

  Nef'î · Divan

• Yâ cihân-ı nazm-ı âlem-gîrdir olmuş ona

  Vasf-ı bûy-ı hulkunu yâd ettiğim yer mülk-i Çîn

  Nef'î · Divan

• İhyâ eden endîşeyi feyz-i nefesimdir

  Endîşe benim tıfl-ı dil-i nev-hevesimdir

  Nef'î · Divan

• Gark olur kevn ü mekân Âb-ı Hayât-ı feyze

  Aldığımca elime kilk-i sühan-pâlâyı

  Nef'î · Divan

• Musavvirler yazıp Ferhâd’ı kûh-ı Bîsütûn üzre

  Verip destine tîşe haylî üstâd-âne yazmışlar

  Nef'î · Divan

• Hamdülillâh yine insâfa gelip çarh-ı anîd

  Eyledi bahtım ile ahd-i vifâkı tecdîd

  Nef'î · Divan

• Gamzen suâle başlasa uşşâka her müjen

  Gûyâ lisân-ı hâl ile bir tercümân olur

  Nef'î · Divan

• Gül şikâf-ı gonceden etti nihânî bir nigâh

  Şevket ü câhın görüp kendin nümâyân eyledi

  Şeyhülislâm Yahyâ · Divan

• Vakf-ı ser-pençe-i ikbâl-i cihân-gîrîndir

  Gûy-ı Hurşîd-i zer-endûd ile çevgân-ı felek

  Nef'î · Divan

• Behiştin kıt‘ası derdim velî reşk-i behişti olmuş

  Kudûm-ı pâdişâh ile bu nüzhet-gâh-ı bî-hemtâ

  Şeyhülislâm Yahyâ · Divan

• İhyâ eden endîşe-i feyz-i nefesimdir

  Endîşe benim tıfl-ı dil-i nev-hevesimdir

  Nef'î · Divan

• Sûfî gelicek açma sakın aşk hadîsin

  Dânâ-dil isen sırrını nâ-dâna duyurma

  Bâkî · Divan

• Nûh ömrün versin Allah’ım hatâdan saklasın

  Yıksa bünyâd-ı sarây-ı âlemi tûfan eger

  Bâkî · Divan

• Korkum oldur göz değe hâk-i der-i cânânuma

  Yoksa kuhl-âsâ çekerdim çeşm-i hûn-efşânuma

  Bâkî · Divan

• Dürr-i nazmım çarha mengûş olsa bilmez rûzigâr

  Şi‘r-i Nef ‘î midir ol ya kevkeb-i şuarâ mıdır

  Nef'î · Divan

• Merkez-i dâire-i câh u celâl ü azamet

  Kutb-ı gerdûn-ı cihân-bânî vü fermân-rânî

  Nef'î · Divan

• Hôş-bû o kadar silsile-i şâhid-i hulku

  Kim her şiken-i pür-hamı bir micmer-i âlem

  Nef'î · Divan

• Biz mest-i serâsîme-i câm-ı mey-i aşkız

  Nef'î

  Nef'î · Divan

• Gamın magribte ben maşrıkta olsam bu ne hikmettir

  İrer göz yumup açınca meğer tayy-ı mekân eyler

  Bâğdatlı Rûhî · Divan

• Gerçi kâmillere âlemde nihâyet yoktur

  Minnet Allah’a seni cümleden etmiş ekmel

  Bâkî · Divan

• Zabt-ı âh eylemedir âşıka evvel çâre

  Ben ise âhsız ârâm edemem âh meded

  Nef'î · Divan

• Ola dâyim semend-i baht u devlet zîr-i rânında

  Vere sıhhatle hem lutf-ı Hudâ ömr-i bilâ-gâye

  Nef'î · Divan

• Umûr-ı saltanattan ol harı tard ettiği yetmez

  Olur kat kat isâbet fikr olunca ıttırâd üzre

  Nef'î · Divan

• Leîme renciş-i hâtır verir kerem etmek

  Mukayyed olmasın erbâb-ı dille zahmet olur

  Şeyhülislâm Yahyâ · Divan

• İşitmekle mücerred lutf-ı tab‘ın

  Edâ-yı medhin olmuştu musammem

  Nef'î · Divan

• O denlü sürh ü rahşân mûy-ı endâmı ki lâyıktır

  Kabâ-yı cismini ger benzetirsem al-i dîbâya

  Nef'î · Divan

• Mahmil-i tâbûtta olur metâ‘ı bir kefen

  Şol ki birkaç gün fenâ dünyâda şöhret bağladı

  Hayâlî · Divan

• Ey beni mahrûm eden bezm-i visâlinden müdâm

  Gayrı hân-ı iltifâtı üzre mihmân eyleyen

  Fuzûlî · Divan

• Andelîb-i hôş-sadâ bir gül-şenî dervîştir

  Mushaf-ı gülden okur subh u mesâ evrâdını

  Şeyhülislâm Yahyâ · Divan

• Âsumân-ı devletin Hûrşîd-i kudsî pertevi

  Bezm-gâh-ı şevketin Cemşîd ü Hûrşîd efseri

  Nef'î · Divan

• Ber-bâd kıldı taht-ı Süleymân’ı rûzigâr

  Sultân Selîm Han Skender serîri gör

  Bâkî · Divan

• Bana ne ben rind-i cihân-dîdeyim

  Etmez eser bana gam-ı rûzigâr

  Nef'î · Divan

• Cihâna zîb ü fer verdi yine meşşata-i kudret

  Arûs-ı nev gibi ârâyiş etti köhne dünyâyı

  Bâkî · Divan

• Vasf-ı kaddünle hırâm etse alem gibi kalem

  Leşker-i satrı çeker defter ü dîvân saf saf

  Bâkî · Divan

• Pây-bûs-ı yâre hâk olmakla mümkindir vusûl

  Pây-mâl olsun diyen Yahyâ’ya devlet-hâhıdır

  Şeyhülislâm Yahyâ · Divan

• Cân nisâr etmektir evvel şart bezm-i aşkına

  Mahrem olmaz bilmeyen âdâb-ı sohbet neydügün

  Bâkî · Divan

• Cebîninde onun envâr-ı devlet zâhir ü bâhir

  Nihâdında bunun âsâr-ı isti‘dâd muzmerdir

  Nef'î · Divan

• Ol kimsedir âzâde elemden ki vücûdun

  Gûy-ı ham-ı çevgân gibi berpây u ser eyler

  Nef'î · Divan

• Erdi yine ürd-i behişt oldu hevâ anber-sirişt

  Âlem behişt-ender-behişt her gûşe bir bâğ-ı İrem

  Nef'î · Divan

• Saltanat dedikleri ancak cihân kavgasıdır

  Olmaya baht u saâdet dünyeda vahdet gibi

  Muhibbî · Divan

• İlâhî Hazret-i Sultân Murâd’a ömr-i sermed ver

  Musahhar ola ona tâ ebed dünyâ vü mâ-fihâ

  Şeyhülislâm Yahyâ · Divan

• Tîr-i gamzen atma kim bağrım deler kanım döker

  Ukd-ı zülfün açma kim âşüfte-hâl eyler beni

  Fuzûlî · Divan

• Sarsıldığınca zelzele-i hamleden zemîn

  Âşûb-ı reste-hîz ü kıyâmet ıyân olur

  Nef'î · Divan

• Bahâr-ı âlem-i gam yok diyenler var ise Yahyâ

  Vücûd-ı dâg-dârın rûy-ı zerdin onlara göster

  Şeyhülislâm Yahyâ · Divan

• Başında od yanarken âşıkın Yahyâ yine yanmaz

  Ser-i Mecnûn'daki kuşlar meğer mürgân-ı âteştir

  Taşlıcalı Yahyâ · Divan

• Pîş-i der-gâhında berpâ saff-nişînân-ı felek

  Zîr-i eyvânında pervâz etmede kerrûbiyân

  Nef'î · Divan

• Şöyle olmuş câm-ı aşk-ı yârdan mest ü harâb

  Kendüsün dîvârdan dîvâra urmuş âfitâb

  Bâkî · Divan

• Erişti pertev-i feyz-i bahâr âyîne-i çarha

  Acep mi şimdi olsa jeng-i ebr-i tîreden âri

  Nef'î · Divan

• Böyle mi eylerdim edâ medhini

  Olmasa muhkem samem-i rûzgâr

  Nef'î · Divan

• Hıtâdan çîn-i târ-ı müşg-bârın sakınır gûyâ

  Hemîşe ser-be-zânûdur gönül ol zülf-i pür-hamda

  Şeyhülislâm Yahyâ · Divan

• Zemâne ateş urdu hirmen-i cân-i bed-endîşe

  Düşelden şu‘le-i şemşîri Azerbâycân üzre

  Bâkî · Divan

• Biri durdukça bulur kevkebe-i rûz-efzûn

  Biri gittikçe olur mu‘tenem nâz u na‘îm

  Nef'î · Divan

• Pîrâye-i milk ü milel ser-mâye-i dîn ü düvel

  Ki olmuş nasîbi tâ ezel tâc-ı Ferîdûn, taht-ı Cem

  Nef'î · Divan

• Mesned-i iclâlin rif ‘at bir ednâ pâyesi

  Der-geh-i ikbâlinin devlet kadîmi çâkeri

  Nef'î · Divan

• Mecmûalarda şi‘rim arar ehl-i tab‘ olan

  Hâce gibi ki şehrde ıkd-ı leâl arar

  Şeyhülislâm Yahyâ · Divan

• Mümtâz-ı âlem olmamağa çâre var mıdır

  Zîrâ senâ-yı şâh-ı ser-efrâzdır sözüm

  Nef'î · Divan

• Cilve ettikçe döner bir sanem-i ra‘nâya

  Ki hırâmında nümâyân ola sad gunc u delâl

  Nef'î · Divan

• Düşse zülfünden arak ruhsâr-ı cânân üstüne

  Gûyiyâ şeb-nem düşer gül-berg-i handân üstüne

  Bâkî · Divan

• Âşık-ı dîdâr-ı pâkindir meğer kim cûylar

  Cüst ü cû eyler seni ey serv-i bâlâ semt semt

  Bâkî · Divan

• Ben övünmem rahş-ı tab‘ı her kimin çâlâk ise

  İşte meydân-ı hüner olsun benimle hem-rikâb

  Nef'î · Divan

• Âşık ol ammâ alâikden berî et gönlünü

  Ne ham-ı gîsuya meftûn, ne esîr-i gabgab ol

  Nef'î · Divan

• Sahrâ-yı selâmet eğer olmazsa müyesser

  Kûh-sâr-ı gam u derd gibi dağlarım var

  Şeyhülislâm Yahyâ · Divan

• Hâr u zâr olmazdı bülbül hâre yâr olmazdı gül

  Aksine devr etmeseydi gümbed-i devrân eğer

  Bâkî · Divan

• Her yolu bir dâg-ı âteş-nâk olur mâhîlerin

  Ger semûm-ı kahrî olsa rûy-ı deryâya revân

  Nef'î · Divan

• Yine Fir‘avn-ı şitâ ceyşine Mûsa-mânend

  Eyledi elde asâsını bir ejder sünbül

  Bâkî · Divan

• Müddeî münkir olursa çekerim işhâda

  Hak-şinâs ehl-i nazar anladığım yârânı

  Nef'î · Divan

• Habbezâ ma‘bed-i pür-feyz-i mukaddes ki bulur

  Anda bir secde kılan mağfiret-i Rahmânî

  Nef'î · Divan

• Kâviş-i tîşe-i endîşe edip şimdi ayân

  Oldu her gevheri ârâyiş-i silk-i eyyâm

  Nef'î · Divan

• Olur ne kimse bu türlü saâdete fâiz

  Görür ne kimse metâ‘-ı keselde böyle kesat

  Nef'î · Divan

• İnsân oldur ki âyîne-veş kalbi sâf ola

  Sînende neyler âdem isen kîne-i peleng

  Bâkî · Divan

• Aceb şâh-âne tasvîr eylemişler nakş-ı zîbânı

  Yanınca ben gedâyı haylî dervîş-âne yazmışlar

  Şeyhülislâm Yahyâ · Divan

• Bende-i fermân olup gîsû-yı kâfir-kîşine

  Hizmete bel bağlayıptır ey sanem zünnârlar

  Bâkî · Divan

• Muzaffer ola serdârın eyâ şâhen-şeh-i gâzî

  Ne Tebrîz’i koya şâh-ı kızılbaşa ne Şîrâz’ı

  Nef'î · Divan

• Bülbülün ser-mâye-i şevkın tüketti âkibet

  Rûzgâr-ı pür-cefânın cevr-i bî-endâzesi

  Şeyhülislâm Yahyâ · Divan

• Sakın pervâne bâl ü per açıp şem‘e yakîn olma

  Yanar dûşundaki ol şâl-ı kibrîtî emîn olma

  Şeyhülislâm Yahyâ · Divan

• Şânı şehân âlemi hâr u hakîr eder

  Lûtfu gedâya saltanat-ı câvidân verir

  Nef'î · Divan

• Devrân ne bilir kadr-i dürr-i nazmımı zîrâ

  Ol devr edeli münkir-i erbâb-ı beyândır

  Nef'î · Divan

• Âferîn Nef ‘î yine tab‘-ı gazel-perdâzına

  Penç-beytin nüsha-i sihr-i beyândır her biri

  Nef'î · Divan

• Cihânı câm-ı nazmım şi‘r-i Bâkî gibi devr eyler

  Bu bezmin şimdi biz de Câmî-i devrânıyız cânâ

  Bâkî · Divan

• Âb u gül müşg ü gül-âb ola çemen sahnında

  Bûy-ı halkıla güzâr etse nesîm-i eshâr

  Bâkî · Divan

• Ey reh-revân-ı ışk reh-i râstân tutun

  Mürşid gerekse dâmen-i pîr-i mugân tutun

  Bâkî · Divan

• Saçıldı cür‘a-i câm-ı mahabbet bâğ-ı Rıdvân’a

  Suyun kevser nebâtın ney-şeker hâkin abîr etdi

  Bâkî · Divan

• Der-geh-i devlet-penâhı mültecâ-yı hâss u âm

  Hâk-i pâk-i âsitânı bûse-cây-ı ins ü cânn

  Nef'î · Divan

• Kafa-dâr oldular şîr ü pelenk âhûya sahrâda

  Ederler şol kadar şimdi riâyet hakk-ı cîrânı

  Bâkî · Divan

• Her biri bahr-i remel bahr-i hezeçten savurup

  Rîh-i enfâsın eder furtuna-fersâ-yı sühan

  Sünbülzâde Vehbî · Divan

• Her gören ayb etti âb-ı dîde-i giryânımı

  Eyledim tahkîk görmüş kimse yok cânânımı

  Fuzûlî · Divan

• Lütfun olursa ger sühan pest-pâyesi

  Nazm-ı bülend-i muhteşeme kesr-i şân verir

  Nef'î · Divan

• Biz tâlib-i teveccüh ü ikbâl-i rûzgâr

  Gül-berg-i bâğ-ı ömr ise berbâd olup gider

  Bâkî · Divan

• Uydurup leşker-i uşşâkını ol şâh-ı cihân

  Nâz-ıla salını salını alem gibi gelir

  Bâkî · Divan

• Gören Tehemten-i çâbük-süvâr zanneyler

  Sürünce düşmene ol sebük-kâmı

  Nef'î · Divan

• Elinden aldı zimâm-ı tasarrufu şimdi

  Yed-i müeyyed-i baht-ı hudâygân-ı kerîm

  Nef'î · Divan