Divan beyitleri, sayfa 2

Divan beyitleri, sayfa 2 / 15.

• Ser-i ehl-i mecâz olan belâ-keş Kays’ın ahvâli

  Hakîkatte nazar olunsa Yahyâ hasb-i hâlindir

  Şeyhülislâm Yahyâ · Divan

• Biz âşık-ı âzâdeyiz ammâ esîr-i bâdeyiz

  Âlüfteyiz dil-dâdeyiz bizden dirîğ etme kerem

  Nef'î · Divan

• Arsa-i sîmîn-i subh üstinde dâim gûy-i zer

  Tâ ham-i çevgân-ı gerdûn içre ser-gerdân gelir

  Bâkî · Divan

• Menzil-i âsâyiş-i ukbâya istersen vusûl

  Hubb-ı dünyâdan ferâğat gibi olmaz doğru yol

  Bâkî · Divan

• Bâde gam verir bize biz âşık-ı dîvâneyiz

  Gelmeden bu bezme câm-ı aşk ile mest-âneyiz

  Nef'î · Divan

• Sâkiyâ kalmaz imiş çünkü bu sohbet bâkî

  Mey-i gül-gûn içelim bâde-i cennet bâkî

  Bâkî · Divan

• Aşk dâmenin elden koma kim neyl-i kemâl

  Heves-i bî-kesel ü himmet-i üstâd ister

  Şeyhülislâm Yahyâ · Divan

• O güzîde halef dûde-i âdem ki eder

  Cevher-i pâkine ecrâm u anâsır ikrâm

  Nef'î · Divan

• Mâh-ı felek ârây-ı saâdet ki zemâne

  Eyyâmını ârâyiş-i devr-i kamer eyler

  Nef'î · Divan

• Âşık-ı haste-dilin niteki fânûs-ı hayâl

  Nâr-ı ışkınla yanupdur ciğeri döne döne

  Bâkî · Divan

• Biz tâlib-i teveccüh-i ikbâl-i rûzigâr

  Gül-berg-i bâğ-ı ömr ise berbâd olup gider

  Bâkî · Divan

• Şemme-i esrâr-ı ışkımdan kime şerh eylesem

  Hayretî-i vâlih ü şeydâ gibi hayrân olur

  Hayretî · Divan

• Düşer tenhâda zâhid şüphesiz pây-ı hum-ı meyde

  Düşürmez gerçi kim seccâdesin zâhirde dûşundan

  Şeyhülislâm Yahyâ · Divan

• Yakın etti felek eyyâm-ı şekke rûz-ı nev-rûzu

  Bu takrîb ile birkaç gün temâşâ-gâh olur sahrâ

  Şeyhülislâm Yahyâ · Divan

• Rüstem-âne kemâna sunsa elin

  Zûr-ı bâzûda gösterir i‘câz

  Nef'î · Divan

• Nedir bu tâli‘ ile derdi Nef ‘î-i zârın

  Ne şûhu sevse mülâyim dedikçe âfet olur

  Nef'î · Divan

• Gülün pîrâhen-i Yûsuf gibi dâmânı çâk olmuş

  Nesîm-i perde-dâr kıldı meğer mekr-i Zelîhâ’yı

  Bâkî · Divan

• Seni bir câm-ı musaffâ ile hûrşîd edelim

  Gel benim kaşı hilâlim akıl âyînesin jeng edelim

  Nev'î · Divan

• Yakan âb üzre âteş sanmanuz keştî-i sahbâyı

  Şu‘â‘-i tîğ-ı kahrından tutuştu Şeh Süleymân’ın

  Bâkî · Divan

• Başlasam bu şevk ile fevrî hemen evsâfına

  Dürr-i medhin eylesem âvize-i gûş-ı bilâd

  Nef'î · Divan

• Sînede her dâg-ı sürh andan bir ahker-pâredir

  Sûz-ı firkatle dil olmuştu firûzân bir ocağ

  Nef'î · Divan

• Vücûd-ı şerîfiyle dünyâ müşerref

  Zamîr-i münîriyle âlem münevver

  Bâkî · Divan

• Kelâm-ı Hakk’ı işitse hücûm eder cühelâ

  Nişân-ı seng-i münâfık olursa tan mı Bilâl

  Bâkî · Divan

• Bâğ-ı senâ vü gül-şen-i medhinde mürg-i dil

  Bu nazm-ı ruh-bahşî okur su gibi revân

  Bâkî · Divan

• Ağyâr elemin çekme gönül nâfile gamdır

  Hasmın sitemin anlamamak hasma sitemdir

  Nef'î · Divan

• Tekye-i bâğda ezhâr yetişti cümle

  Mürşid-i bâd-ı bahâr eyledi var ise nefes

  Hayretî · Divan

• Ona küçük büyük bir câme-i zîbâyı hazırlar

  Aceb makbûl-i âlemdir aceb mergûbdur bayram

  Şeyhülislâm Yahyâ · Divan

• Hüsrev-i Cem-haşem-i devr-i zemân kim yaraşır

  Na‘l-i Şeb-dîzi olursa meh-i tâbân-ı felek

  Nef'î · Divan

• Şafak-gûn kan içinde dâgını seyr etse âşıklar

  Güneşde zerre görmezler felekte ayı bilmezler

  Hayâlî · Divan

• Tâ ola bu hayme-i pîrûze-reng-i zer-nigâr

  Arsa-i âlemde berpâ bî-sütûn u bî-tınâb

  Nef'î · Divan

• Kuş yetişmez der idim olmasa tayyâr eğer

  Eremez kendine zîrâ ki ne sarsar ne sabâ

  Nef'î · Divan

• Ol kadar dil-dûzdur gûyâ ki bir şûh-ı âfetin

  Nâvek-i müşgîn-i kemân-ı ebruvânıdır sözüm

  Nef'î · Divan

• Sakın pervâne bâl ü per açıp şem‘e yakın olma

  Yanar dûşundaki ol şâl-ı kibrîtî emîn olma

  Şeyhülislâm Yahyâ · Divan

• Ne bilir kadrimi erbâb-ı maânî vü beyân

  Sözümü ârif-i bi’l-lâh eder ancak tefsîr

  Nef'î · Divan

• Yine cân-ı nâ-tüvâna su sepildi oklarından

  Reşehât-ı lutfu Yahyâ komadı gubâr dilde

  Şeyhülislâm Yahyâ · Divan

• Âb-ı adliyle cihân bâğ-ı bihişte dönsün

  Bûy-ı hulkiyle sabâ micmere-gerdân olsun

  Nef'î · Divan

• Oklar sihâm-ı kavs-i kazâdan nişân verir

  Peykân-ı tîr ise ecel-i nâ-gehân olur

  Nef'î · Divan

• Sebz ü hurrem bir fezâ mı her kenâr-ı cûy-bâr

  Ya meyân-ı cûda aks-i günbed-i hazrâ mıdır

  Nef'î · Divan

• Bir dile Yahyâ dokunsa pertev-i feyz-i Hudâ

  Zerre-i nâ-çîz iken horşîd-i âlem-tâb olur

  Şeyhülislâm Yahyâ · Divan

• İnâyet-i ezelîdir bu gûne feth ü zafer

  Aceb midir ger olursa huceste encâmı

  Nef'î · Divan

• Şâh-ı şehân âlemi hâr u kakîr eder

  Lutfu gedâya saltanat-ı câvidân verir

  Nef'î · Divan

• Âlem-i ma‘nî ki hûrşîd-i cihân-ârâ gibi

  Devr eder girmiş semâ‘a anda rûh-ı Mevlevî

  Nef'î · Divan

• Her hayâlim bir arûs-ı nâz-perverdir benim

  Kim bu âlemden değil esbâb-ı zîb ü zîveri

  Nef'î · Divan

• Kayırmaz seyl-i gam taşşsın gerekse baştan aşsın

  Kümeyt-i bâde-i gül-gûn ile Yahyâ geçilmez mi

  Şeyhülislâm Yahyâ · Divan

• Cür’et-ı cân-bahşına leb-teşnedir Hızr u Mesîh

  Âb-ı Hayvân’sın yâhut la‘l-i leb-i cânânesin

  Nef'î · Divan

• Her kişi nakd-i cânını âmâde eylesin

  Yârân-ı aşk sohbetimiz ârif-ânedir

  Şeyhülislâm Yahyâ · Divan

• Ne ola gelse dil-i mecrûha derd-i dil-rübâdan haz

  Eder hasta ne denlü nâ-ümîd olsa devâdan haz

  Bâkî · Divan

• Bulsa ger tertîb-i ma‘deletin âteş ü âb

  Bir olur tâb-ı semenderle mizâc-ı harçeng

  Nef'î · Divan

• El safâ câmını aldıkça ele reşkile ben

  Hûn-ı dil nûş ederim bâde-i gül-gûne bedel

  Nef'î · Divan

• Cür‘ana vermezdi cân her âşık-ı efsürde-dil

  Olmasan tâb-efgen her hâtır bî-tâb u teng

  Nef'î · Divan

• Göz ucuyla âşıka geh lûtf eder gâhî itâb

  Bir suâle yer komaz ol gamze-i hâzır cevâb

  Nef'î · Divan

• Edhem-i iclâline bir râhat sîmîn keh-keşân

  Eşheb-i ikbâline bir la‘l-i zerrîn âfitâb

  Nef'î · Divan

• Gam çeken mâl ü metâ‘-ı dehr-i bî-bünyâd için

  Neydügün bilse meâl-i hâl-i dünyâ kâşkî

  Bâkî · Divan

• Âfet-i aynü’l-kemâl-i reşk kâr etmez bana

  Def ‘-i zahm-ı çeşm Hallâk-ı maânîdir bana

  Nef'î · Divan

• Çâk-çâk-i sîne versin mevce-i gamdan haber

  Zahm-ı hûn-pâş-ı derûnum inkisârım söylesin

  Bâğdatlı Rûhî · Divan

• Bâğa ol nahl-i revân gelse kim etmez i‘zâz

  Cümleden serv eder sâyesini pây-endâz

  Şeyhülislâm Yahyâ · Divan

• Rûh-bahş oldu Mesîhâ-sıfat enfâs-ı bahâr

  Açtılar dîdelerin hâb-ı ademden ezhâr

  Bâkî · Divan

• Âkıl oldur gelmeye dünyâ metâından gurûr

  Müddet-i devr-i felek bir demdir âdem bir nefes

  Bâkî · Divan

• Kıldı âfâkı münevver tal‘at-ı rahşân-ı îd

  Halka dibâlar giyirdi mâh-ı nûr-efşân-ı îd

  Bâkî · Divan

• O şehsüvâr-ı Nerîmân-şükûh-ı zîşân kim

  Cihâna şa‘şaa-bâr oldu berk-ı samsâmı

  Nef'î · Divan

• Aksidir onun felekte hirmen-i encüm değil

  Saçtı dest-i lutf-ı hâke ol kadar sîm ü zeri

  Nef'î · Divan

• Sanmanız şa‘şaasıdır görünen hurşîdin

  Kim olur onun ile her tarafa tâb-endâz

  Nef'î · Divan

• Ger olsa ihtisâb-ı adli mâni‘ seyr-i gül-zâra

  Sabâ zencîr-i emvâc ile bende eylerdi enhârı

  Nef'î · Divan

• Belâ girdâbına salsın adûnu nâ-bedîd edesin

  Fenâ deryâsına gark eyleyen Fir‘avn u Hâmân’ı

  Bâkî · Divan

• Itırsız olmak için bezm-i güle dahi nesîm

  Hâven-i lâlede sahk etmez idi anber-i hâm

  Nef'î · Divan

• Göz ucuyla âşıka geh lûtf eder gâhî itâb

  Bir suâle yer komaz ol gamze-i hâzır- cevâb

  Nef'î · Divan

• Ikd-ı gevher gibi manzûm ola tab‘a vârid

  Çekmeye nâzım olan zahmet-i kayd-ı tanzîm

  Nef'î · Divan

• Bu lutf-ı tab‘ ile sultânına kul olsam eğer

  Hudâ bilir ki olurdum vücûh ile memnûn

  Nef'î · Divan

• Kâ‘be-i İslâm’dır dersem aceb mi sâhibin

  Şeyhülislâm eylemiş lutf-ı Hudâ-yı Müsteân

  Nef'î · Divan

• Çerâgın hüsnünü inkâr edenler rûz-ı rûşende

  Semen-zâr içre görsünler fürûğ-ı şem‘-i gül-nârı

  Nef'î · Divan

• Yahyâ harem-i aşka girerse ne ola bî-bâk

  Meftûhtur erbâb-ı dile bâb-ı mahabbet

  Şeyhülislâm Yahyâ · Divan

• Şûh olsa güzel gâyet ile pür-nemek olsa

  Sevmem nemekîn olmayanı ger melek olsa

  Nef'î · Divan

• Cem komadı elinden içti müdâm câmı

  Aks-i lebin görelden câm-ı cihân-nümâda

  Bâkî · Divan

• Mâye-i feyz-i hayât-ı ebedî neşve-i mey

  Neş’e-i hikmet-i rûz-ı ezelî gerdiş-i câm

  Nef'î · Divan

• Feth-i Hayber olalı eylememiştir kimse

  Zor bâzû ile bir böyle hisârı teshîr

  Nef'î · Divan

• Başlasa cilveye mânend-i kümeyt-i hâme

  Merkez-i nokta olur ona fezâ-yı pehnâ

  Nef'î · Divan

• Tutalım kim elim erişmez imiş dâmenine

  Pençe-i âhıma girmez mi girîbân-ı mugân

  Nef'î · Divan

• Gül gibi hurrem olup neşve vü âvâze ile

  Bülbüle gonca kesel vermese hamyâze ile

  Şeyhülislâm Yahyâ · Divan

• Nice mey tâb-ı fürûğu rûhu Mâh-ı Nahşeb

  Nice mey pertev-i envâr-ı dil-i ârif-i câm

  Nef'î · Divan

• Cür‘a-i cân-bahşına leb-i teşne bin Hızr u Mesîh

  Âb-ı Hayvân’sın yâhûd la‘l-i leb-i cânânesin

  Nef'î · Divan

• Âlâyiş-i dünyâdan el çekmeğe niyyet var

  Yakında adem derler bir şehre azîmet var

  Bâkî · Divan

• Dili dürr-i maârifte gehî bezl-i avârifte

  Dem-â-dem eyler isbât-ı fazîlet bahr ü kân üzre

  Bâkî · Divan

• Ne âlemdir ne hazzdır bir müferrah cây-ı hurremdir

  Muvâfık bir iki yârân ile ayş u safâ etmek

  Şeyhülislâm Yahyâ · Divan

• Zemîn-i âsumân olmuş sanır seyreyleyen onu

  Olunca aks-i eşkâl-i felek ferşinde manzûru

  Nef'î · Divan

• Ol hudâvend-i hudâvendân-ı fazl u câh kim

  İlm ü irfân ile olmuş izz ü devlet tev’-emân

  Nef'î · Divan

• Dehr vakfetmiş beni nev-res cüvanlar aşkına

  Her yeten meh-veş esîr-i hatt u hâl eyler beni

  Zâtî · Divan

• Ne ola gittiyse karâr u akl u sabr u fikrimiz

  Gam değil nâ-çâr isek aşkınla nâ-çârız hele

  Nef'î · Divan

• Derd-i aşkın âşık-ı miskini âhir öldürür

  Mestlik pâyâne yetse erişir elbette hâb

  Bâkî · Divan

• Nâm u nişâne kalmadı fasl-ı bahârdan

  Düştü çemende berg-i diraht i‘tibârdan

  Bâkî · Divan

• O denlü hurrem ü behcet-fezâ ki bir dem eğer

  Açılsa feyz-i nesîmiyle bir dil-i mahzûn

  Nef'î · Divan

• Zahm-ı tîr-i müjen ile ger ölem iy kaşı yâ

  Üstühânım alalar kavs-ıla zih-gîr edeler

  Bâkî · Divan

• İmdâd-ı nigâh ile cihân-gîrî-i fitne

  Âşûb-ı hırâmiyla mübâhât-ı kıyâmet

  Nef'î · Divan

• Gül ü mül bezmine meyl etme sözüm tut Yahyâ

  Ne cefâ-dîde-i hâr ol, ne gam-âlûd-ı humâr

  Şeyhülislâm Yahyâ · Divan

• Ne gam endîşe-i zilletten ey Bâkî bu menzilde

  Hidâyet reh-ber-i lûtfun ona kim dest-gîr etti

  Bâkî · Divan

• Sildi gubâr-ı gussayı dilden nesîm-i subh

  Erdi yetişti himmet-i pîrân-ı rûzigâr

  Bâkî · Divan

• Yâr ola câm-ı Cem ola böyle dem-i hurrem ola

  Ârif odur bu dem ola ayş u tarabla muğtenem

  Nef'î · Divan

• Ömrün efzûn ede Allah Teâlâ dilerim

  İltifâtınla bu dil-mürdeyi ettin ihyâ

  Nef'î · Divan

• Tab‘ımla kimse bahs edemez kahramân gibi

  Endîşe-i âlemde cihân pehlevân olur

  Nef'î · Divan

• Şemşîr-i zebânımla cezâsını bulurlar

  Bahteklik ederlerle ahibbâ-yı zemâne

  Nef'î · Divan

• Yahyâ’yı ağlatırsa eğer yâr gam değil

  Müşkil budur ki düşmen-i nâ-dânı güldürür

  Şeyhülislâm Yahyâ · Divan

• Şâh-ı aşkım âlem-i ma‘nâ müsellemdir bana

  Ser-nigûn peymâne-i Cem tâc-ı Edhemdir bana

  Nef'î · Divan

• Hani sâkiyâ ol cihân-ı safâ

  Bulunmaz mı bir câm-ı gîtî-nümâ

  Şeyhülislâm Yahyâ · Divan

• Mâl için nâ-dân olur pâ-beste-i dâm-ı belâ

  Hırs-ı dâne mürg-i bî-idrâki ilter dâme dek

  Şeyhülislâm Yahyâ · Divan

• Belâ budur ki ne denlü ferîd-i asr olsan

  Yine inandıramazsın hasûd-ı hôd-gâmı

  Nef'î · Divan

• Hûn-âbe değil bâdesi zehr-i gam-ı hicrân

  Her nağme-i çeng ü neyi feryâd ü figândır

  Nef'î · Divan

• Nûrdan bâl açar uçmağa melektir sanasın

  Olsa zîn-pûş-ı ser-â-serle ne dem cilve-nümâ

  Nef'î · Divan

• Bâkiyâ şâh-ı cüvân-baht-ı cihân sağ olsun

  Gayra minnet komadı himmet-i bî-hem-tâsı

  Bâkî · Divan

• Baht-ı yâver padişâh-ı âsumân-mesned ki dîn

  İstinâd-ı devletiyle kuvvet-i erkân bulur

  Nef'î · Divan

• Eyleye şa‘şaa-i fikret-i mânend-i Kelîm

  Ceyb-i ma‘nâda nümûde Yed-i Beyzâ-yı sühan

  Sünbülzâde Vehbî · Divan

• Uşşâk-ı perîşân-dile hîç söylemez oldun

  Düşmen sana bir söz mü dedi söyleye cânâ

  Şeyhülislâm Yahyâ · Divan

• Ol kadar kan döktü şimşîrin ki aksiyle onun

  Kâse-i yâkûta döndü kümbed-i nilûferi

  Nef'î · Divan

• Rişte-i adliyle ger bend etmese şîrâzesin

  Târ u mâr olurdu eczâ-yı kitâb-ı rûzgâr

  Nef'î · Divan

• Bu fenâ gül-şeninin hâr u hasından göçerip

  Kurdular bâr-gehin ravza-i Rıdvân üzre

  Bâkî · Divan

• Iztırârî eder eş‘ârıma şimdi tahsîn

  Söze geldikçe kabûl eylemeyen Hassan’ı

  Nef'î · Divan

• Ya neylesin bî-çâreler âlüfteler âvâreler

  Sâgar suna meh-pâreler nûş etmemek olur sitem

  Nef'î · Divan

• Âteş-i şu‘le-i şemşîr-i cihân-tâbından

  Küfr ü ilhâd kütüb-hânesin etti sûzân

  Bâkî · Divan

• Veliyy-i ni‘met-i âlem desem haktır sözüm zîrâ

  Simât-ı cûdu dünyâya çekilmiş hân-ı yağmâdır

  Nef'î · Divan

• Benim ol nâdire gavvâs ki olsa ne kadar

  Bahr-i endîşe amîk ü dürr-i ma‘nî kemyâb

  Nef'î · Divan

• O kim yazılmış ezel tâk-ı bâr-gâhında

  Melâz-ı melce-i erbâb-ı fazl u ehl-i kemâl

  Bâkî · Divan

• Ne cevâhir dizeyim silk-i senâna göresin

  Ki ede şa‘şaa’ası çarh-ı dü-rengi yek-renk

  Nef'î · Divan