Divan beyitleri, sayfa 4

Divan beyitleri, sayfa 4 / 15.

• Berg-i ezhârı hevâ şöyle çıkardı feleğe

  Pür kevâkib görünür günbed-i çerh-i devvâr

  Bâkî · Divan

• Doyulmaz hân-ı ihsâna kanâat gelmez insâna

  Kerem gördükçe ey Bâkî gedâlardan recâ artar

  Bâkî · Divan

• Bi-hakkın Gird-gâr mün‘im ü bahşende kim lutfu

  Mürebbîi Müselmân u Yehûd u Gebr ü Tersâdır

  Nef'î · Divan

• Seyyâre değil her biri bir cevher-i ulvî

  Kim ona bahâ mâ-hasal-ı kevn ü mekândır

  Nef'î · Divan

• Minnet Hudâ’ya devlet-i dünyâ fenâ bulur

  Bâkî kalır sahîfe-i âlemde adımız

  Bâkî · Divan

• Erişti vakt-i safâ sâkiyâ getir bezme

  Sakın sakın ki olur hâtır-ı kadeh meksûr

  Şeyhülislâm Yahyâ · Divan

• Cemşîd-i kâm-rân ki süvâr olsa rahşına

  Dârâ tutar rikâbını Hüsrev inân verir

  Nef'î · Divan

• Nazmım ol sikl-i güherdir kim olur hem-vâre

  Halka tahmîn-i bahâsı sebeb-i güft ü şinîd

  Nef'î · Divan

• Olmayan hall-i İlâhî’ye karîn eylemez

  Dil-i pür-ukde ile keşf-i mezâyâ-yı sühan

  Sünbülzâde Vehbî · Divan

• Âlemi kevkebe-i şevket ü şânı tutsun

  Pâdişâhân-ı cihân bende-i fermân olsun

  Nef'î · Divan

• Lerzende görse havfin ile teb tutar sanır

  Bağlar şihâb-ı gerden-i gerdûna rîsmân

  Bâkî · Divan

• Geh esîr-i gurbet eyler, geh enîs-i gam beni

  Şaşmışım bilmem ne yapsam baht-ı nâ-fercâme ben

  Nâbî · Divan

• Bulsa câm-ı la‘li cân-bahş-i lebinden cür‘a hâk

  Hâk içinde mürde-i sad-sâle cisme cân gelir

  Bâkî · Divan

• Teessür gördüm ey Yahyâ gece şem‘-i şeb-ârâda

  Yanar var ise pervâne ki âh-ı cân-güdâz etmiş

  Şeyhülislâm Yahyâ · Divan

• Dahı latîf olurdu zülâl-i şi‘r-i terim

  Eğer ki çeşme-i hâtırda olmayaydı keder

  Şeyhülislâm Yahyâ · Divan

• Hazret-i Sultân Murâd-ı kâmrân kim hak vere

  Eyleye devletle zevk-ı bî-hisâb-ı Edrine

  Nef'î · Divan

• Biz mest-i mey-i mey-kede-i âlem-i cânız

  Ser-halka-i cem‘iyyet-i peymâne-keşânız

  Bâğdatlı Rûhî · Divan

• Çûb-ı zerrîn ile eyler her seher izhâr-ı şevk

  Olmağa der-bân-ı der-gâhı şeh-i hâveristân

  Nef'î · Divan

• Açıldı bahtı yine rüzgâr-ı nâ-kâmın

  Göründü âyîne-i tâli‘inde nakş-ı murâd

  Nef'î · Divan

• Kûyün etrâfına uşşâk dizilmiş gûyâ

  Harem-i Kâ‘be’de her cânibe erkân saf saf

  Bâkî · Divan

• Pür-hayâl-i ruh-ı ma‘şûka iken dîde-i Kays

  Neye kim kılsa nazar sûret-i Leylî görünür

  Bâkî · Divan

• Dolsun yine peymâneler olsun tehî hum-hâneler

  Raks eylesin mest-âneler mutribler ettikçe nagam

  Nef'î · Divan

• Dilâ câm-ı şarâb-ı aşk-ı yârı öyle nûş et kim

  Felekler güm güm ötsün başına hum-hâneler dönsün

  Bâkî · Divan

• Gül gibi olmak dilersen şâd u hurrem ey gönül

  Lâle-veş elden düşürme câmı bir dem ey gönül

  Bâkî · Divan

• Müessirdir muhabbet ol kadar kim reşk eder bâde

  Lebin öptürse ger bir dil-ber-i mümtâz mest-âne

  Nef'î · Divan

• Ammâ giricek ma‘reke-i ma‘nîye evvel

  Şemşîri kor endîşe-i zırh u siper eyler

  Nef'î · Divan

• Lâle sâkî goncalar ser-mest ü nergis pür-humâr

  Câm-ı mey nûş etmek ancak muhâl nev-rûzda

  Nef'î · Divan

• Gözün yummaz ruhunu zerd eder râh-ı meşakkatte

  Şu kim nergis gibi âlemde bir sâhib-nazar gözler

  Şeyhülislâm Yahyâ · Divan

• Avn-i millet, fahr-i ümmet, münteşâr-ı saltanat

  Âlem-i himmet, cihân-ı mekremet, cân-ı cihân

  Nef'î · Divan

• Her ne fitne kim zuhûra hayyiz-i imkân bulur

  Vech-i imkân zuhûrun ol hatt-ı fettân bulur

  Nef'î · Divan

• Gül gibi sunup her birine câm-ı leb-â-leb

  Bezm ehlini bülbül gibi feryâda getirirsin

  Şeyhülislâm Yahyâ · Divan

• Rûşen oldu açılıp dîde-i Ya‘kûb-ı emel

  Demidir menzil-i işret ola beytü’l-ahzân

  Bâkî · Divan

• Bir nigehle bildirir dünyâya lutf u kahrını

  Çeşmi sâhir gûyiyâ sihr-i mübîndir gamzesi

  Nef'î · Divan

• Mahrem-i esrâr-ı ma‘nâ hem-zebân-ı hâl yok

  Işk sırrın kılmasan Bâkî hüveydâ kâşkî

  Bâkî · Divan

• Pîş-i der-gâhında berpâ saf-nişînân-ı felek

  Zîr-i eyvânında pervâz etmede kerrûbiyân

  Nef'î · Divan

• Sözün lü’lü’-i lâlâdan zemâne tuttu zî-kıymet

  Neden şâh-ı cihân bî-kıymet eyler böyle lâlâyı

  Bâkî · Divan

• Hum içre cûş eder mey-i pür-şûr mest olur

  Bezm ehlini yıkar bu ne pür-zûr mest olur

  Şeyhülislâm Yahyâ · Divan

• Dahı latîf olurdu zülâl-i şi‘r-i terim

  Eğer ki çeşme-i hâtırda olmayaydı keder

  Şeyhülislâm Yahyâ · Divan

• O denlü hurrem ü Behçet-fezâ ki bir dem eğer

  Açılsa feyz-i nesîmiyle bir dil-i mahzûn

  Nef'î · Divan

• Zûr-ı endîşe vü âsâr-ı hayâlimdir eden

  Ne eydügün nükte-şinâsân-ı zemâne i‘lâm

  Nef'î · Divan

• Bendene böyle sitem etmeden el çekmezse

  Ben vebâlin çekeyim var ise hüsrân-ı felek

  Nef'î · Divan

• Doldurdu gerçi cûd u sahâ gösterip felek

  Ceyb-i cibâl ü dâmen-i sahrâyı sîm ile

  Bâkî · Divan

• Bülbül şetâreti gül-i handân güldürür

  Taklîd-i zâğ kebk-i hırâmânı güldürür

  Nâbî · Divan

• Melek rikâb-ı semendinde peyk-i perrende

  Felek serâ-çe-i kadrinde ferş-rûb-ı Harem

  Nef'î · Divan

• Bu arsada çalışır nice râyiz-i nâ-ehl

  Elinden esb-i murâdı boşandırıncaya dek

  Nâbî · Divan

• Hudâvendâ sen ol çâbük-süvâr-ı mülk ü devletsin

  Ki rahş-ı himmetin evvel kademde aldı meydânı

  Bâkî · Divan

• Gönül ma‘mûresin cevr ile vîrân etti ol zâlim

  Gelip insâfa bir gün yine âbâd ettiğin görsek

  Nef'î · Divan

• Gelir mihmân-ı gam câna şeb-i mihnet hücûm eyler

  Gönül zünbûr-veş inler ne bâl eyler ne mûm eyler

  Şeyhülislâm Yahyâ · Divan

• Hâris-i memleket ü devlet ü ikbâlin ola

  Mâlikü’l-mülk Hudâvend-i cihân azze ve cell

  Bâkî · Divan

• Nahl-i emel ne denlü dırâz olsa hûb idi

  Dest-i hayât u kadd-i beka kûteh olmasa

  Şeyhülislâm Yahyâ · Divan

• Neylesin râyiz-i endîşe nice zabt etsin

  Rahş-ı tab‘ım gibi bir tevsen-i çâbük-pâyı

  Nef'î · Divan

• Eğer kim olmasaydı kalbi fâsid

  Cihânda olmaz idi kadri kâsid

  Sünbülzâde Vehbî · Divan

• Lâle-haddler kıldılar gül-geşt-i sahrâ semt semt

  Bâğ ü râgı gezdiler edip temâşâ semt semt

  Bâkî · Divan

• İlm-i vahdette sebak-daşı imâm-ı evliyâ

  Hikmet-i ma‘nîde şâkirdi hakîm-i Gaznevî

  Nef'î · Divan

• Siyeh perçemli bir mahbûb-ı müstesnâ bulur âşık

  Arar elbette bir rişte-i sevdâ bulur âşık

  Sünbülzâde Vehbî · Divan

• Salınıp her tarafa nâzıla ettikçe hırâm

  Bir nigâh ile eder cân-ı cihânı yağmâ

  Nef'î · Divan

• Ol ki etvâr-ı felekten ne görürse münker

  Döndürür aksine ol an komaz onu mühmel

  Nef'î · Divan

• Ol Fehîm-i meh-i zamîrem kim nukât-ı hatt-ı nazmım

  Şeb-çerâg ettim şu'â'-ı mihr-i tab'ı rûşenimden

  Fehîm-i Kadîm · Divan

• Olur zinde Mesîhâ gibi hem mürde eder ihyâ

  Dem-i nutku eğer dokunsa tasvîr-i cemâd üzre

  Nef'î · Divan

• Hâlini Yahyâ’nın edersen suâl

  Şâh-ı felek-kadre duâ subh u şâm

  Şeyhülislâm Yahyâ · Divan

• Erdi yine ürd-i behişt, oldu hevâ anber-sirişt

  Âlem behişt-ender-behişt, her kûşe bir bâğ-ı İrem

  Nef'î · Divan

• Her nükte-i hafî ki kelâmımda derc olur

  Mazmûnu dest-i âleme bir dâstân verir

  Nef'î · Divan

• Verse tab‘-ı âteşe ger berk-ı tîğı terbiyet

  Ma‘den-i elmâs ederdi tûde-i hâkisteri

  Nef'î · Divan

• Cem komadı elinde içti müdâm câmı

  Aks-i lebin görelden Câm-ı cihân-nümâda

  Bâkî · Divan

• Kesti bî-hûde figân eylemeden gül-şende

  Gûşmâl-i gül ile bülbüle pend etti sabâ

  Nef'î · Divan

• Leşker-i eşk-i firâvân ile ceng eylemege

  Gönderir mevclerin lücce-i ummân saf saf

  Bâkî · Divan

• Mesnevî ammâ ki her beyti cihân-ı ma‘rifet

  Zerresiyle âftâbının berâber pertevi

  Nef'î · Divan

• Haşre dek Âb-ı Hayât-ı sühan Bâkîdir

  Andırıp zinde kılan nâm-ı Süleymân Han’ı

  Nef'î · Divan

• Düşmezse ne ola gül gibi sâgar elimizden

  Ne tâib-i bî-hûde vü ne tevbe-şikestiz

  Nef'î · Divan

• Hengâm-ı şeb ki küngüre-i kasr-ı âsümân

  Zeyn olmuş idi şu‘lelenip şem‘-i ahterân

  Bâkî · Divan

• Nâfizü’l-hükm-i şerîat ki urur dest-i kazâ

  Sûret-i hüccet-i ahkâmına mühr-i te’kîd

  Nef'î · Divan

• Ârâm-geh-i mürg idi derler ser-i Mecnûn

  Meydân-ı mahabbette ne başlar yuvalandı

  Bâkî · Divan

• Sensin ol fâzıl-ı bî-misl ü muâdil ki felek

  Görmemiştir dahi devr edeli senden efdal

  Nef'î · Divan

• Şâh-ı gül üzre gonce döndü dil-i hezâra

  Her tâze verd-i ra‘nâ mahbûb-ı dil-sitâna

  Şeyhülislâm Yahyâ · Divan

• Âfitâb olsa eğer kevkeb-i câh ile hasûd

  Kîn-i şemşîr-i cihân-gîr zebânım çekemez

  Nef'î · Divan

• Âgâzı güzel eyledin ey bülbül-i şeydâ

  Hôş gelmedi ammâ dil-i pür-şevke karârın

  Şeyhülislâm Yahyâ · Divan

• Gözüm gibi değildir kanlı yaşlar dökmeden hâlî

  Olaldan dil-berâ zahm-ı dil-i şeydâ hevâ-dârın

  Şeyhülislâm Yahyâ · Divan

• Âkıl oldur gelmeye dünyâ metâ‘ından gurûr

  Müddet-i devr-i felek bir demdir âdem bir nefes

  Bâkî · Divan

• Dem bu demdir behey idrâksiz endîşeyi ko

  Kevseri havz ile sâgar-ı sahbâya değiş

  Nef'î · Divan

• Tâb-ı gamdan şu‘le-i sûzân olur ağzımda dil

  Olmasa medhinle ger sûsen gibi ratbü’l-lisân

  Nef'î · Divan

• Dönerdi aksine sûfârı nısf-ı menzilden

  Olurdu püşt-i kemâne halîde peykânı

  Nef'î · Divan

• Adli bir gâyette kim devrinde kebk ü şâh-bâz

  Birbirini âşiyânında gelir mihmân bulur

  Nef'î · Divan

• Renc çekme sıhhat ümmîdin Fuzûlî’den götür

  Kim kabûl-i sıhhat etmez böyle bîmâr ey hekîm

  Fuzûlî · Divan

• Baş eğdi âb-ı tîğına küffâr-ı Engerûs

  Şemşîri gevherini pesend eyledi Freng

  Bâkî · Divan

• Der-gehe devlet-penâhî mültecâ-yı hâs u âm

  Hâk-i pâk-i âsitânı bûse-cây-ı ins ü cânn

  Nef'î · Divan

• Bânû-yı halvet-serây-ı fikrine şeb perde-dâr

  Nev-arûs hacle-i re’yine subh âyîne-dân

  Nef'î · Divan

• Menzile nûr-ı basar gibi berâber erişir

  Olsa her birine hem pûye eğer tîr-i kazâ

  Nef'î · Divan

• Baş eğmez oldu kûşe-i mihrâb-ı tâate

  Ebrûlarına secde kılan dil-rübâların

  Bâkî · Divan

• Ukde-i reşk ü haset yok dil-i bî-bâkimde

  Olmasa nazm-ı selisimde aceb mi ta‘kîd

  Nef'î · Divan

• Benim ol Haydar-i Kerrâr-ı ma‘nâ kim hicvimden

  Dilîrân-ı hayâle teng olur endîşe meydânı

  Nef'î · Divan

• Sen bir şeh-i zî-şânsın şâhen-şeh-i devrânsın

  Ya‘nî ki sen hakansın devrinde ben Hakanî’yem

  Nef'î · Divan

• Hakkımda ne derlerse o gûne süfehânın

  Âsâr-ı tabîatlerine kim nazar eyler

  Nef'î · Divan

• Tutarsa gül gibi gûş-ı kabûlu nâle-i aşka

  Eşiğinde varıp bülbül gibi feryâdtan kaçma

  Şeyhülislâm Yahyâ · Divan

• Adli kim memleket-ârâ-yı cihândır etse

  Emn ü âsâyiş için âleme fermân amîm

  Nef'î · Divan

• Cân ile şâkird olup üstâd-ı ışka gül gibi

  Gel Bahâristân okuyalım sebak-daş ol bana

  Hayretî · Divan

• Nukûd-ı eşkimi yolunda dökmeden kaçmam

  Boğ ölsün ol kişi kim sana vermeye varın

  Şeyhülislâm Yahyâ · Divan

• Medhinin gâyeti yok tayy-ı lisân ede meğer

  Demek ki binde birin nâtıka-i insânî

  Nef'î · Divan

• Ol reviş ol yürüyüş ol nigeh-i düzdîde

  Dil-ber-i şûh gibi şîveleri hoş-rübâ

  Nef'î · Divan

• Mâdâm ola ol zülf-i siyeh-kâr müşevveş

  Eksik mi olur şâne ile dilde keşâkeş

  Şeyhülislâm Yahyâ · Divan

• Müessir oldu sitem-dîdegân-ı ehl-i dilin

  Dem-â-dem eylediği âh u nâle vü feryat

  Nef'î · Divan

• Safâ-yı câvidânîdir neşât-ı lûtfu ahbâba

  Belâ-yı nâ-gehânîdir hayâl-i tîğı a‘dâya

  Nef'î · Divan

• Mecnûn gibi yâbâna giden bü’l-heves-i aşk

  Hall etmediği müşkili üstâda getirsin

  Şeyhülislâm Yahyâ · Divan

• Câme-i sıhhat Hudâ’dan halka bir hil‘at gibi

  Bir libâs-ı fâhir olmaz cisme ol kisvet gibi

  Bâkî · Divan

• Kusûr ettimse ger ma‘zûr ola vasf-ı cemîlinde

  Reh-i mecrâ-yı feyz olmuştu gâyet insidâd üzre

  Nef'î · Divan

• Ebr-i kilki sadef-i keffini pür-gevher eder

  Vasf-ı bahr-i keremin her kim ederse terkîm

  Nef'î · Divan

• Tâb-ı gamdan şu‘le-i sûzân olur ağzımda dil

  Olmasa medhinle ger sûsen gibi razbü’l-lisân

  Nef'î · Divan

• Gelmeye âleme bir sencileyin zât-ı latîf

  Olsa ger hâmil-i ervâh-ı mücerred-i erhâm

  Nef'î · Divan

• Tîğına ne ola yemîn eylerse rûh-ı Murtazâ

  Bir gazâ ettin ki hoşnûd eyledin Peygamberi

  Nef'î · Divan

• Bî-nihayet lûtfuna lâyık edâ mümkin degül

  Gerçi ma‘nâ hâtıra bî-hadd ü bî-pâyân gelir

  Bâkî · Divan

• Ne baktı kadd-i dü-tâma ne gönlümü ele aldı

  Ne tıfl olur ki hakîr ola şeyh ü şâb gözünde

  Şeyhülislâm Yahyâ · Divan

• Medhinin gâyeti yok tayy-ı lisân ede meğer

  Demeğe binde birin nâtıka-insânı

  Nef'î · Divan

• Ey pây-bend-i dâm-geh-i kayd-ı nâm ü neng

  Tâ-key hevâ-yı meşgale-i dehr-i bî-direng

  Bâkî · Divan

• Dil dâvî-i teferrüd-i nazm eylese ne ola

  Nâbî gibi henüz bir üstâd görmedi

  Nâbî · Divan

• Giryân o Leylî-veş ne ola sahrâya salsa Bâkî’yi

  Mecnûn’un âb-ı çeşmine hâk-i beyâbân teşnedir

  Bâkî · Divan

• Uyurken seyr eden ol dil-rübâyı câme-hâb içre

  Sanır tasvîr-i Yûsuf ’tur yazılmıştır kitâb içre

  Nef'î · Divan

• Düşse zülfünden arak ruhsâr-ı cânân üstine

  Gûyiyâ şeb-nem düşer gül-berg-i handân üstine

  Bâkî · Divan

• Sen bu rüsvâlığı ey Nef'î komazsın elden

  Yârdan yine sana hışm u itâb olmayıcak

  Nef'î · Divan

• Cürre şâhîn-i Hümâ sayd-ı hayâlim ki benim

  Feyz-i tevfîk-ı İlâhî’dir ona şeh-per ü bâl

  Nef'î · Divan

• Gül-şenin geçti-se vakti gelmesin Yahyâ keder

  Pür-safâ olsun hemân mey-hânenin dervâzesi

  Şeyhülislâm Yahyâ · Divan

• Südde-i bâbiyle pâyende esâs-ı kâinât

  Tarh-ı matbû‘ ile nâzende zemîn ü âsümân

  Nef'î · Divan