Divan beyitleri, sayfa 11

Divan beyitleri, sayfa 11 / 15.

• Dönse şemşîr-i hatîbe ne ola şemşîr-i zebân

  Mülk-i nazmın hutbe-i emn ü emânıdır sözüm

  Nef'î · Divan

• Bezm-i felekde urmuş idi Zühre sâza çeng

  Lâtû safâda hurrem ü handân u şâd-mân

  Bâkî · Divan

• Aşk-ı derdin şiddetinden fârig olma ey gönül

  Tâ visâl-i Nevrûzundan açıla yevmü’l-bahâr

  Hayâlî · Divan

• Bir tâze reviştir bu ki ta‘bîr-i latîfi

  Revnak-şiken-i hüsn-i beyân-ı kudemâdır

  Nef'î · Divan

• Ârâm aldı sâyenin altında vahş u tayr

  Râm oldu buyruğuna kamu milk ile milel

  Ahmedî · Divan

• Biz mest-i mey-i mey-gede-i âlem-i cânız

  Ser-halka-i cem‘iyyet-i peymâne-keşânız

  Bâğdatlı Rûhî · Divan

• Belki fehmeyler idi sûd u ziyân-ı sühanı

  Gelse arzeylese Nef'î bana kâlâ-yı sühan

  Nef'î · Divan

• Çektiğim derdi ne hem-hâne ne hem-râh bilir

  Âşıkım hâl-i dil-i zârımı Allah bilir

  Nef'î · Divan

• Pîşânî-i hurşîde düşer sâyemiz ancak

  İsbât-ı vücûd eylemiş erbâb-ı fenâyız

  Nef'î · Divan

• Bin türlü maraz etse isâbet zarâr etmez

  Lutf ede meğer merg-i müfâce-i zemâne

  Nef'î · Divan

• Bülbül şetâreti gül-i handânı güldürür

  Taklîd-i zâğ kebg-i hırâmânı güldürür

  Şeyhülislâm Yahyâ · Divan

• Zülâlinden ibârettir nesîminden kinâyettir

  Safâ-yı çeşme-i Kevser hevâ-yi Cennetü’l-Me’vâ

  Bâkî · Divan

• Tâ hisâb-ı mâh u sâl âlemi tahkîk için

  Bedr ede mihr-i cihân-tâb-ı felek mâh-ı nevi

  Nef'î · Divan

• Kâr-ı dîn ısmarlanır dünyâyı bilmez gâfile

  Söze âgâz etse ammâ dîn ü dünyâdır gider

  Şeyhülislâm Yahyâ · Divan

• Geldi şitâda tahtına sultân-ı kâm-yâb

  Gûyâ takaddüm eyledi tahvîl-i âftâb

  Şeyhülislâm Yahyâ · Divan

• Nesîm ola denlü nâzük tarheder âb üzre emvâcı

  Ki levh-i sîme üstâd edemez öyle kalem-kârî

  Nef'î · Divan

• Ta‘n-ı hussâd ile dem-beste vü lâl oldum âh

  Ebkem olsun beni hâmûş eden a‘dâ-yı sühan

  Sünbülzâde Vehbî · Divan

• Hâne-i kalbim eylesin termîm

  Kâbe yapmak dilerse İbrâhîm

  Bâkî · Divan

• Reng-i rû öyle midir şâhid mazmûnumda

  Ki ola çehre-nümâ olmada muhtâc-ı hizâb

  Nef'î · Divan

• Sarı saman altında su yürütmede mâhir

  Hakka ki hazân faslı da kallâş-ı cihândır

  Şeyhülislâm Yahyâ · Divan

• Zemâne ateş urdu hirmen-i cân-i bed-endîşe

  Düşelden şu‘le-i şemşîri Âzerbaycân üzre

  Bâkî · Divan

• Şeh-i Cem câh-ı devrânın güzîde sadr-ı dîvânı

  Şehin-şâh-ı cihân-gîrin sipeh-sâlâr-ı mansûru

  Nef'î · Divan

• Dehr vakfetmiş beni nev-res civânlar aşkına

  Her yeten meh-veş esîr-i hatt u hâl eyler beni

  Fuzûlî · Divan

• Arşa as şimdengerü tîğ-ı Süreyyâ cevheri

  Bir gazâ ettin ki hoşnûd eyledin peygam-beri

  Nef'î · Divan

• Şem‘-i bezm-i yâr olup sûzân ü giryân oldum âh

  Reşk eder âlem çerâg-ı hâss-ı cânân oldum âh

  Enderunlu Vâsıf · Divan

• Mevc urur bâd-ı seherden sebze-i ter mi aceb

  Ya besât-ı bezm-i ayş olmuş yeşil hârâ mıdır

  Bâkî · Divan

• Hudâvendâ edâ-yı tehniyetdir şimdi maksûdum

  Yüzüm ferş eyledikten sonra der-gâh-ı muallâya

  Nef'î · Divan

• İçse bir cür‘asını bürehmen-i sad-sâle

  Bir olur seng-i mezâr ile yanında esnâm

  Nef'î · Divan

• görme, keremli bulunmak.

  Eyâ muhît-i cihân tekerrüm ü tekrîm

  Nef'î · Divan

• Sen gülüp açılmada gül-şende verd-i ter gibi

  Ben gözüm yaşına gark olmakta nîlûfer gibi

  Şeyhülislâm Yahyâ · Divan

• Yetmez mi bu devlet ki bana reşk ede dâim

  Bir tâife kim da‘vâ-yı fazl u hüner eyler

  Nef'î · Divan

• Berk uran destinde tîğ-ı pür-güher midir yâhûd

  Eyledi deryâya gavta âfitâb-ı hâverî

  Nef'î · Divan

• Mürg-i revânı göklere erdi hümâ gibi

  Kaldı hazîz-i hâkte bir iki üstühân

  Bâkî · Divan

• Ne ola olsa muztarib hâl-i dil-i uşşâktan

  Sînesi âyîne-i âlem-nümâdır neylesin

  Nef'î · Divan

• Saltanat dedikleri ancak cihân gavgâsıdır

  Olmaya baht u saâdet dünyede vahdet gibi

  Muhibbî · Divan

• Sahn-ı gül-zâra düşersen yeridir jâle-sıfat

  Nev-bahâr oldu gül açıldı güzellendi çemen

  Bâkî · Divan

• Bir böyle dem-i hurrem ü ferhunde husûsâ

  Kim mâ-hasal müddet-i ömr-i güzerândır

  Nef'î · Divan

• Gamze-i tîğ-keş ü çeşm-i sihir-sâzına bak

  Kasd-i cân eyler iken şîvesine nâzına bak

  Nef'î · Divan

• Bu cihân kimine kasr-ı tarab ü ayş ü safâ

  Kiminın mihnet ile başına zindân ancak

  Bâkî · Divan

• Şâh-ı cihân Sultân Murâd şâhen-şeh-i âlî-nijâd

  Bahr-i adâlet kân-ı dâd zıll-i Hudâ-yı zü’l-minen

  Nef'î · Divan

• Ya sahn-ı cihân bir çemen-istân-ı dil-ârâ

  Tab‘ım ona bir bülbül-i şûrîde nagamdır

  Nef'î · Divan

• Tûtî gibi hôş nükteler öğretti dehânın

  Bâkî gibi üstâd-ı sühan-pervere cânâ

  Bâkî · Divan

• Çeşm ü ebrû hâl-i hindû zülf-i câdû bulsa ger

  Öykünürdi âftâb ol âfet-i devrânıma

  Bâkî · Divan

• Meclis-i erbâb-ı dil bir lâhza sensiz olmasın

  Hürmetin inkâr eden âlemde hürmet bulmasın

  Nef'î · Divan

• Bâ-husûs ettim arûs-ı medhini tezyîn için

  Birbirinden gevher-i mazmûn-ı hâsı intihâb

  Nef'î · Divan

• Gelmez iki yakası bir yere ehl-i rakamın

  Sebeb-i çâk-i girîbânı bu olmuş kalemin

  Sünbülzâde Vehbî · Divan

• Dönüp girdâb-ı bahr-i hûna her gül lâle-zâr içre

  Dolaştırmakta keştî-i karâr-ı bülbül-i zârı

  Nef'î · Divan

• Ger Süleymân’ın saâdetle sen olsan Âsaf ’ı

  Bir dem ârâm eylemezdi dîvde engüşterîn

  Nef'î · Divan

• Mushaf demek hatâdır ol safha-i cemâle

  Bu bir kitâb sözdür fehm eden ehl-i hâle

  Fuzûlî · Divan

• Hâk-i Cenâb-ı Hazreti der-gâh-ı devleti

  Fazl u belâgat ehline ümmîd-gâh idi

  Bâkî · Divan

• Kan ağlamağa başladı zahm-ı dil-i Yahyâ

  Açılmadı çâk cânına kâr eylemeyince

  Şeyhülislâm Yahyâ · Divan

• Ger olsa münteşir fermân-ı adli kûh u sahrâya

  Uyur âhû bere zânû-yı şîr-i jiyân üzre

  Nef'î · Divan

• Mansûr ede her yerde Hudâ râyet-i bahtın

  Tâ-hüsrev-i seyyâre felekte sefer eyler

  Nef'î · Divan

• Öyle ser-mestim ki idrâk etmezem dünyâ nedir

  Ben kimem sâkî olan kimdir mey ü sahbâ nedir

  Fuzûlî · Divan

• Ben ol vassâf-ı ahdim ki gelince medh-i evsâf

  Benimle hem-zebân olmaz ne Firdevsî ne Hakanî

  Nef'î · Divan

• Hakka ki zîb ü ziynet-i ikbâl ü câh idi

  Şâh-ı Skender-efser ü Dârâ-sipâh idi

  Bâkî · Divan

• Bahr-i nazm içre bugün dürr-i girân-mâye iken

  Hâk-i zillette kalıptır nitekim gevher-i kân

  Bâkî · Divan

• Hikmet-i dünyâ vü mâ-fîhâ bilen ârif değil

  Ârif oldur bilmeye dünyâ vü mâ-fîhâ nedir

  Fuzûlî · Divan

• Kerem erbâbına vermezdi âtâya növbet

  Zevkini bilse bahîlân dahi bezl-i diremin

  Sünbülzâde Vehbî · Divan

• Cihânda rind olur uğratmayıp âlâm-ı dünyâyı

  Muvâfık yâr ile bir kûşede def ‘-i gumûm eyler

  Şeyhülislâm Yahyâ · Divan

• Ol dil-rübâ ki bezme gele nîm mest ola

  Mânend-i cür‘a gayrilerin kadri pest ola

  Şeyhülislâm Yahyâ · Divan

• Yan âteşe pervâne-sıfat eyleme efgân

  Ey âşık-ı miskîn budur âdâb-ı muhabbet

  Şeyhülislâm Yahyâ · Divan

• Dilde hırâş-ı hâr-ı gam, dîdede eşk-i dem-be-dem

  Arz olunur cenâbına, gizlemeyiz âşikâremiz

  Bâkî · Divan

• Felekler attı külâhın bu şevkle arşa

  Melekler etti sipâsı zamîme-i evrâd

  Nef'î · Divan

• Diller nice bir çâh-ı zenahdânına düşsün

  Sâyen gibi zülfün de ko dâmânına düşsün

  Nef'î · Divan

• Girân etsin ko diller târ târ-ı zülfün olsun tek

  Ruhun bâğında nice müşg-bîd-i ser-nigûn peydâ

  Şeyhî · Divan

• Etti adlin o kadar râh-ı dalâli münsedd

  Hâtıra yol bulunmaz vesvese-i şeytânî

  Nef'î · Divan

• Nice keşf eylesin dil-i zârını ol gamze-i şûha

  Ki kat kat perdede pinhân-iken bir mest-i rüsvâdır

  Nef'î · Divan

• Ebrû vü müjen tîğ-ı cefâ tîr-i kazâdır

  Ol kâkül-i pür-çîn ise emvâc-ı belâdır

  Şeyhülislâm Yahyâ · Divan

• Hûblar zânû-be-zânû câm-ı zerrîn der-miyân

  Bir gül-i sad-bergdir gûyâ o bezm-i dil-sitân

  Şeyhülislâm Yahyâ · Divan

• Câm-ı mey katreleri sübha-i mercân olsun

  Geliniz zerk u riyâdan edelim istiğfâr

  Bâkî · Divan

• Vasf-ı zâtında husûsâ ede bezl-i makdûr

  Bir benim gibi sühan-senc-i pesendîde-i kelâm

  Nef'î · Divan

• Taklîd ile olmaz bu kadar lezzet-i güftâr

  Bu lehçe-i pâkize bana dâd-ı Hudâ’dır

  Nef'î · Divan

• Çehre gül sîne semen çeşm-i mükehhal nergis

  Hat çemen gonca dehen ca‘d-i muanber sünbül

  Bâkî · Divan

• Garaz arz-ı hulûs u bezl-i makdûr etmedir yoksa

  Olur hakk üzre medhinde zebân-ı nâtıka ebkem

  Nef'î · Divan

• Men‘ eyler imiş mes’ele-i aşkı müderris

  Ey hâce onun var ise yaklaştı kazâsı

  Bâkî · Divan

• Ne sihr eyler yine gör vasf-ı zât-ı bî-nazîrinde

  Hele tab‘ım biraz evsâfa olsun i‘tiyâd üzre

  Nef'î · Divan

• Bu acılar ki çeşm-i nücûm olsun eşk-bâr

  Âfâkı tutsun âteş-i dilden çıkan duhân

  Bâkî · Divan

• Etse Nef ‘î ne ola ger gönlüyle dâim bezm-i hâs

  Hem kadeh hem bâde hem bir şûh sâkîdir gönül

  Nef'î · Divan

• Olsun erkânı müretteb ol saâdet-hânenin

  Kopmasın bir taşı ger kopsa yerinden Ferkadân

  Nef'î · Divan

• Bulsa erbâb-ı dili hâk ile yek-sân eyler

  Göstere tâ ki edânîdir ulüvv-i şânı

  Nef'î · Divan

• Beytimin her biri bir büt-gededir kim yaraşır

  Olsa seng-i dil-i hûbândan ona ferş-i ruhâm

  Nef'î · Divan

• Var mı bir böyle kasîde demeğe cür’et eder

  Şarktan garbe varınca sühan ehline salâ

  Nef'î · Divan

• Harâbât ehline dûzah azâbın anma ey zâhid

  Ki bunlar ibn-i vakt oldu gam-ı ferdâyı bilmezler

  Hayâlî · Divan

• Hevâ-yı kâküli bir yana bir yana zülfü

  Başımda derd ü belânın nihâyeti yoktur

  Bâkî · Divan

• Ger huzûr etmek dilersen ey Muhibbî fârig ol

  Olmaya vahdet cihânda kûşe-i uzlet gibi

  Muhibbî · Divan

• Ol saf-şiken-i şîr-i salâbet ki hücûmu

  Dehşet-fügen-i kalb-i dilîrân-ı vegâdır

  Nef'î · Divan

• Minnet eylerse felek bir iki günlük ömrü

  Ölürüm derd-i mahabbetle o bârı çekemem

  Nef'î · Divan

• Eylemez kimse bugün kimse elinden nâle

  Bezm-i işrette meğer mutrib elinden evtâr

  Bâkî · Divan

• Yazsa vasf-ı nükhet-i hulkunu bir sâhib-sühan

  Bezm-i nazma hâmesi olur buhûr-ı anberîn

  Nef'î · Divan

• İnayet-i ezelîdir bu gûne feth ü zafer

  Aceb midir ger olursa huceste encâmı

  Nef'î · Divan

• Ne tende cân ile sensiz ümîd-i sıhhat olur

  Ne cân bedende gam-ı firkatinle râhat olur

  Nef'î · Divan

• Nâmını nazm-ı bülendimle çıkardım feleğe

  Ede tâ hâzin-i esrâr kazâ-nakş-ı hitâm

  Nef'î · Divan

• Düşe bir semt-i garîbe reh-i fikr-i nazmı

  Ne tarîk-ı reviş-i tâze ne vâdî-i kadîm

  Nef'î · Divan

• Zülf-i siyâh-ı yârda var sad hezâr çîn

  El çek dolaşmadan ona Yahyâ hatâsı çok

  Şeyhülislâm Yahyâ · Divan

• Kevkeb-efşân âftâb olmazsa ger ol maşrıkın

  Ikd-i Pervîn-i güsiste-rîsmânıdır sözüm

  Nef'î · Divan

• Sanma cefâlarla ben fârig olam aşktan

  Her biri bir şîve-i şevk-i füzûndur bana

  Şeyhülislâm Yahyâ · Divan

• Pâ-bürehne harekât etse aceb mi Yahyâ

  Dâimâ çün harem-i aşka pûyân idi Kays

  Taşlıcalı Yahyâ · Divan

• Zerre-i nûr-ı şemsesi pîrâye-i hûrşîd ü mâh

  Rîzesinin mermeri ser-mâye-i deryâ vü kân

  Nef'î · Divan

• Beni cüllâb-ı câm-ı lutfun etti şöyle şîrîn-kâm

  Ki şi‘rimde bulur her kim okursa lezzet-i şekker

  Nef'î · Divan

• Ko Kays kıssasını Kûh-ken hikâyetini

  Hadîs-i aşk u muhabbet değildir efsâne

  Şeyhülislâm Yahyâ · Divan

• Pervâne niçin şem‘-i şeb-ârâya dokundu

  Yok tâkati çün şu‘le-i şemşîr-zebâne

  Şeyhülislâm Yahyâ · Divan

• Kadrin nice ma‘lûm olur kim sana nisbet

  Ednâ görünür mansıb-ı a‘lâ-yı zemâne

  Nef'î · Divan

• Bir kimse hâne-i dili âbâd görmedi

  Kim gördü ise hâtırımı şâd görmedi

  Nâbî · Divan

• Hemîşe kudsiyân-ı âsumândır hem-dem bezmi

  Harîm-i hâsı gûyâ beyt-i ma‘mûr-ı muallâdır

  Nef'î · Divan

• Ammâ yine bir söz ne kadar nâzik olursa

  Dahli ona erbâb-ı hased ol kadar eyler

  Nef'î · Divan

• Hasb-i hâlimdir husûsa lâf-ı da‘vâ ber-taraf

  Gerçi sâhib-i lâf olur erbâb-ı tab‘ın ekseri

  Nef'î · Divan

• Ya cihân-ı nazm-ı âlem-gîrdir olmuş ona

  Vasf-ı bûy-ı hulkunu yâd ettiğim yer mülk-i Çîn

  Nef'î · Divan

• Mestân-ı harâbâta salâdır ne dururlar

  Zühhâda tagallüb edecek dem bu zemândır

  Nef'î · Divan

• Es-salâ dest-i irâdetle açıldı bâb-ı aşk

  Eylesin cân sohbetin cânânıla erbâb-ı aşk

  Şeyhülislâm Yahyâ · Divan

• Âfitâb-ı subh-ı ma‘nâ bezm-i endîşemde cânı

  Bâde feyz-i lâ-yezâl-i câvidânımdır benim

  Nef'î · Divan

• Nice zemân idi aksine döndürüp feleği

  Cefâyı âdet edinmişti rûzgâr-ı leîm

  Nef'î · Divan

• Cür‘ana vermezdi cân her âşık-ı efsürde-dil

  Olmasan tâb-efgen-i her hâtır-ı bî-tâb ü teng

  Nef'î · Divan

• Mübârek eyleye Allah Taâla ömr ü devletle

  Kudûm-ı hazret-i şehzâde-i zîşânı dünyâya

  Nef'î · Divan

• Dil bu hevâ ile kafes-i teng-i sînede

  Mânend-i mürg-i bâl-şikeste tapan olur

  Nef'î · Divan

• Ne cevâhir dizeyim silk-i senâna göresin

  Ki ede şa‘şaası çarh-ı dü-rengi yek-renk

  Nef'î · Divan

• Olamaz reh-güzeri hâkine hem-pâ anber

  Edemez turrasına kendüyi hem-ser sünbül

  Bâkî · Divan

• Gerd-i siyehte şu‘le-i şemşîr-i tâb-dâr

  Gûyâ sehâb-ı tîrede berk-ı cehân olur

  Nef'î · Divan

• Bahr-i fenâda garka-i müstehlek olmuşuz

  Biz Nûh ile bün-i yem-i vahdette hem-demiz

  Şeyhülislâm Yahyâ · Divan

• Girdi miftâh-ı der-i genc-i maânî elime

  Âleme bezl-i güher eylesem itlâf değil

  Nef'î · Divan